Rəna Bayramova: Ana dilimizi sevən, qoruyan və inkişaf etdirən Dahi Rəhbər
Tarix: 26-04-2023 | Saat: 11:17
Bölmə:Özəl | çapa göndər
Dünyada ən nadir Şəxsiyyətlərdən biri olan Heydər Əliyev doğma xalqı üçün göstərdiyi misilsiz xidmətlərə görə layiq olduğu Ümummilli Lider zirvəsinə yüksəlmişdir. Bu il 100 illik yubileyini böyük təntənə ilə qeyd edəcəyimiz Ulu Öndər Heydər Əliyevin hakimiyyətə gəlməsi ilə Azərbaycan xalqının tərəqqi və inkişaf dövrü başladı. Məhz, Ümummilli Liderimiz Heydər Əliyevin ötən əsrin 70-ci illərinin əvvəllərindən başlayaraq xalqımızın milli-mənəvi dəyərlərinin qorunması, tariximizin düzgün istiqamətdə öyrənilməsi, ana dilimizin qorunub saxlanılması və rolunun artırılması, xalqın azadlıq istəyini təcəssüm etdirən ədəbi-bədii nümunələrin hücumlardan qorunması yönümündə apardığı məqsədyönlü siyasət cəmiyyətdə milli ruhun oyanışına böyük təkan verdi.
Ümummilli Liderimiz Heydər Əliyev hər bir sahəyə olduğu kimi xalqımızın varlığını təsdiq edən Ana dilimizin inkişafına da xüsusi diqqət yetirdi. Azərbaycan dilini sevən, ona hörmətlə yanaşan Ümummilli Lider Heydər Əliyev dilə münasibəti ilə hər kəsə nümunə oldu. 1969-1982-ci illərdə Sovet Azərbaycanına rəhbərlik edən Ulu Öndər bir çox ziyalıların cəsarət etmədiyi halda, müxtəlif tədbirlərdə Azərbaycan dilində çıxış etməklə dilimizə verdiyi dəyəri göstərdi. O, həmçinin, rusdilli məktəblərdə Azərbaycan dilində dərsliklərin daha çox istifadəsinə dair göstərişlər də vermişdi. Bunlarla kifayətlənməyən Ulu Öndər 1978-ci ildə tarixi bir uğura imza atdı. Belə ki, həmin ildə qəbul olunan Azərbaycan SSR-in növbəti Konstitusiyasında ilk dəfə olaraq, rus dili ilə yanaşı, Azərbaycan dili rəsmi dil statusu əldə etdi. Həmin dövrdə Azərbaycan yerli dilin rəsmi dil statusuna malik olduğu azsaylı Sovet respublikalarından biri idi.
Qısa müddət ərzində Ulu Öndərimiz həqiqətən böyük tarixi olan işlər həyata keçirdi. Azərbaycan dili dövlət dili olaraq Azərbaycan SSR-in müvafiq qanunlarında öz əksini tapdı.Moskvanın etirazlarına baxmayaraq, respublikada rus dili ilə yanaşı, Azərbaycan dilinin də rəsmiliyi təmin edildi. Azərbaycan dilli məktəblərin, təhsilin inkişafına xüsusi qayğı göstərildi və gəncliyin ana dilində təhsilinə üstünlük verildi.Ana dilində mətbuatın, elmin tərəqqisi üçün dövlət rəhbərliyi əlindən gələni etdi və yazıçılarımız öz əsərlərini, demək olar ki, yalnız ana dilində yazdı və aparıcı mətbuat orqanları Azərbaycan dilində nəşr edildi.Həm rəsmi, həm də qeyri-rəsmi yığıncaqlarda, məclislərdə Azərbaycan dilində danışmaqdan çəkinməyən Ulu Öndərimiz praktik olaraq ana dilinin ictimai-siyasi mövqeyinin yüksəldilməsinə bilavasitə təsir göstərərək, başqalarına da nümunə oldu. 1995-ci ildə qəbul edilən Konstitusiyada Azərbaycan dili milli dövlətçiliyimizin rəmzlərindən biri olaraq təsbit edildi. Konstitusiyanın qəbulu ərəfəsində dövlət dilinin adı ilə bağlı keçirilən geniş ictimai müzakirələr Azərbaycan dilinin nüfuzunun artırılmasına təsir etdi, dövlət dilinin müstəqil dövlət üçün nə demək olduğunu əyani şəkildə göstərdi.
2001-ci ildə Ümummilli Liderimizin imzaladığı “Dövlət dilinin tətbiqi işinin təkmilləşdirilməsi haqqında” fərman isə yalnız cari bir sənəd deyil, xüsusi tarixi əhəmiyyət daşıyan böyük siyasi hadisə idi. 30 sentyabr 2002-ci ildə isə Ulu Öndər Heydər Əliyev tərəfindən “Azərbaycan Respublikasında dövlət dili haqqında” Qanun təsdiq olundu. Ötən illər ərzində isə bu qanun xeyli dərəcədə təkmilləşdirildi.
Ulu Öndər Heydər Əliyevin qərarı ilə 1 avqust tarixi hər il Azərbaycan Əlifbası və Azərbaycan Dili Günü kimi qeyd olunur. Bu, Azərbaycan dili tarixində əlamətdar və önəmli bir hadisədir. Sevindirici haldır ki,”Bizi millət kimi qoruyub saxlayan məhz dilimiz, ədəbiyyatımız, tariximiz, ənənələrimizdir.” Möhtərəm Prezidentimiz cənab İlham Əliyev Ümummilli Lider Heydər Əliyevin həyata keçirdiyi dil siyasətini bu gün uğurla davam etdirir və doğma dilimizə, milli adət-ənənələrimizə, qədim mədəniyyətimizə böyük həssaslıqla yanaşır.
Rəna Bayramova
YAP Qazax rayon təşkilatı ərazi partiya təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 26-04-2023 | Saat: 11:17
Bölmə:Özəl | çapa göndər
Dünyada ən nadir Şəxsiyyətlərdən biri olan Heydər Əliyev doğma xalqı üçün göstərdiyi misilsiz xidmətlərə görə layiq olduğu Ümummilli Lider zirvəsinə yüksəlmişdir. Bu il 100 illik yubileyini böyük təntənə ilə qeyd edəcəyimiz Ulu Öndər Heydər Əliyevin hakimiyyətə gəlməsi ilə Azərbaycan xalqının tərəqqi və inkişaf dövrü başladı. Məhz, Ümummilli Liderimiz Heydər Əliyevin ötən əsrin 70-ci illərinin əvvəllərindən başlayaraq xalqımızın milli-mənəvi dəyərlərinin qorunması, tariximizin düzgün istiqamətdə öyrənilməsi, ana dilimizin qorunub saxlanılması və rolunun artırılması, xalqın azadlıq istəyini təcəssüm etdirən ədəbi-bədii nümunələrin hücumlardan qorunması yönümündə apardığı məqsədyönlü siyasət cəmiyyətdə milli ruhun oyanışına böyük təkan verdi.
Ümummilli Liderimiz Heydər Əliyev hər bir sahəyə olduğu kimi xalqımızın varlığını təsdiq edən Ana dilimizin inkişafına da xüsusi diqqət yetirdi. Azərbaycan dilini sevən, ona hörmətlə yanaşan Ümummilli Lider Heydər Əliyev dilə münasibəti ilə hər kəsə nümunə oldu. 1969-1982-ci illərdə Sovet Azərbaycanına rəhbərlik edən Ulu Öndər bir çox ziyalıların cəsarət etmədiyi halda, müxtəlif tədbirlərdə Azərbaycan dilində çıxış etməklə dilimizə verdiyi dəyəri göstərdi. O, həmçinin, rusdilli məktəblərdə Azərbaycan dilində dərsliklərin daha çox istifadəsinə dair göstərişlər də vermişdi. Bunlarla kifayətlənməyən Ulu Öndər 1978-ci ildə tarixi bir uğura imza atdı. Belə ki, həmin ildə qəbul olunan Azərbaycan SSR-in növbəti Konstitusiyasında ilk dəfə olaraq, rus dili ilə yanaşı, Azərbaycan dili rəsmi dil statusu əldə etdi. Həmin dövrdə Azərbaycan yerli dilin rəsmi dil statusuna malik olduğu azsaylı Sovet respublikalarından biri idi.
Qısa müddət ərzində Ulu Öndərimiz həqiqətən böyük tarixi olan işlər həyata keçirdi. Azərbaycan dili dövlət dili olaraq Azərbaycan SSR-in müvafiq qanunlarında öz əksini tapdı.Moskvanın etirazlarına baxmayaraq, respublikada rus dili ilə yanaşı, Azərbaycan dilinin də rəsmiliyi təmin edildi. Azərbaycan dilli məktəblərin, təhsilin inkişafına xüsusi qayğı göstərildi və gəncliyin ana dilində təhsilinə üstünlük verildi.Ana dilində mətbuatın, elmin tərəqqisi üçün dövlət rəhbərliyi əlindən gələni etdi və yazıçılarımız öz əsərlərini, demək olar ki, yalnız ana dilində yazdı və aparıcı mətbuat orqanları Azərbaycan dilində nəşr edildi.Həm rəsmi, həm də qeyri-rəsmi yığıncaqlarda, məclislərdə Azərbaycan dilində danışmaqdan çəkinməyən Ulu Öndərimiz praktik olaraq ana dilinin ictimai-siyasi mövqeyinin yüksəldilməsinə bilavasitə təsir göstərərək, başqalarına da nümunə oldu. 1995-ci ildə qəbul edilən Konstitusiyada Azərbaycan dili milli dövlətçiliyimizin rəmzlərindən biri olaraq təsbit edildi. Konstitusiyanın qəbulu ərəfəsində dövlət dilinin adı ilə bağlı keçirilən geniş ictimai müzakirələr Azərbaycan dilinin nüfuzunun artırılmasına təsir etdi, dövlət dilinin müstəqil dövlət üçün nə demək olduğunu əyani şəkildə göstərdi.
2001-ci ildə Ümummilli Liderimizin imzaladığı “Dövlət dilinin tətbiqi işinin təkmilləşdirilməsi haqqında” fərman isə yalnız cari bir sənəd deyil, xüsusi tarixi əhəmiyyət daşıyan böyük siyasi hadisə idi. 30 sentyabr 2002-ci ildə isə Ulu Öndər Heydər Əliyev tərəfindən “Azərbaycan Respublikasında dövlət dili haqqında” Qanun təsdiq olundu. Ötən illər ərzində isə bu qanun xeyli dərəcədə təkmilləşdirildi.
Ulu Öndər Heydər Əliyevin qərarı ilə 1 avqust tarixi hər il Azərbaycan Əlifbası və Azərbaycan Dili Günü kimi qeyd olunur. Bu, Azərbaycan dili tarixində əlamətdar və önəmli bir hadisədir. Sevindirici haldır ki,”Bizi millət kimi qoruyub saxlayan məhz dilimiz, ədəbiyyatımız, tariximiz, ənənələrimizdir.” Möhtərəm Prezidentimiz cənab İlham Əliyev Ümummilli Lider Heydər Əliyevin həyata keçirdiyi dil siyasətini bu gün uğurla davam etdirir və doğma dilimizə, milli adət-ənənələrimizə, qədim mədəniyyətimizə böyük həssaslıqla yanaşır.
Rəna Bayramova
YAP Qazax rayon təşkilatı ərazi partiya təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
01-11-2024
