Mobil versiya
Rus general: “ABŞ Suriyada kimyəvi təxribat hazırlayır”
Tarix: 11-06-2018 | Saat: 15:43
Bölmə:Dünya | çapa göndər

Rus general: “ABŞ Suriyada kimyəvi təxribat hazırlayır”


ABŞ-ın iştirakı ilə Suriyadakı silahlı müxalifətin – sünni ərəblər və kürdlərdən ibarət Azad Suriya Ordusunun komandanlığı Deyr əz-Zorda zəhərləyici maddələrdən istifadə etməklə ciddi təxribata hazırlaşır.

AzVision.az xəbər verir ki, bu barədə Rusiya Müdafiə Nazirliyinin rəsmi nümayəndəsi, general-mayor İqor Konaşenkov bəyan edib.
Onun sözlərinə görə, guya kimyəvi silah tətbiqinə dair süni şəkildə hazırlanacaq video-rolik ABŞ-ın başçılıq etdiyi koalisiya qüvvələrinin Suriya dövlət obyektlərinə hava zərbələri endirməsi və silahlı müxalifətin hücumu üçün bəhanə kimi istifadə olunacaq. Konaşenko bu məlumatın Suriyadakı 3 müstəqil və etibarlı kanallar vasitəsilə təsdiqləndiyini bildirib.

Rusiya Müdafiə Nazirliyinin rəsmisi vurğulayıb ki, dinc əhaliyə qarşı Əsəd rejiminin kimyəvi hücumunu imitasiya etmək üçün Azad Suriya Ordusu Həkl əl-Cəfra yaşayış məntəqəsinə xlor balonları da gətirib.

Xatırladaq ki, yeganə sübut kimi “Bəyaz Dəbilqəlilər”in Bəşər Əsədin kimyəvi silahdan istifadə etdiyi iddiasilə yaydıqları videolara əsaslanaraq, ABŞ-ın başçılıq etdiyi koalisiya qüvvələri 2017-ci ilin aprelin 7-si və 2018-ci ilin 14 aprelində Suriyada Bəşər Əsəd qüvvələrinə hava zərbələrilə hücum ediblər. Lakin sonradan bir çox beynəlxalq ekspert mərkəzləri həmin videoların qurma olduqlarını aşkara çıxarıb.


aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024