Aqiyə Naxçıvanlı: “Azərbaycan 30 il ərzində beynəlxalq riyakarlığın ən bariz təzahürləri ilə üz-üzə qalmışdı”
Tarix: 18-09-2024 | Saat: 15:50
Bölmə:Manşet / Siyasət / Özəl / Seçilənlər-3 | çapa göndər
“Çar Rusiyasının Cənubi Qafqazda yürütdüyü siyasətə uyğun olaraq XIX əsrin əvvəllərində tarixi Azərbaycan torpaqlarına, o cümlədən Qarabağ və Zəngəzura İrandan və bəzi digər Yaxın Şərq ölkələrindən köçürülən ermənilər bu ərazilərdə məskunlaşdıqları gündən yerli xalqlara və ilk növbədə azərbaycanlılara qarşı düşmənçilik və etnik dözümsüzlük nümayiş etdiriblər. Keçən əsrin əvvəllərində Rusiyanı bürümüş inqilabi hərəkatlar səbəbilə yaranmış şəraitdən sui-istifadə edən erməni qəsbkarları, ifrat millətçilik üzərində qurulmuş daşnaksutyun siyasətinə uyğun olaraq Azərbaycana qarşı əsl qətliamlar törətmiş, 1905-1907-ci və 1918-ci illərdə yüz minlərlə soydaşımızı vəhşicəsinə qətlə yetirmişlər. 1918-1920-ci illər isə xalqımızın yaddaşına erməni silahlı quldur dəstələrinin xüsusi qəddarlığı ilə həkk olunmuşdur. Azərbaycanlıların öz tarixi-etnik torpaqlarından qovulması sovet dövründə də kütləvi şəkildə həyata keçirilmişdir. 1948-1953-cü illərdə Ermənistandakı öz tarixi dədə-baba torpaqlarından 150 minə yaxın azərbaycanlı deportasiya olunaraq Azərbaycanın Kür-Araz düzənliyində yerləşdirilmişdir. 1988-ci ildə daha 300 minə yaxın azərbaycanlı öz doğma yurdundan qovulmuş, bununla da Ermənistan monoetnik dövlətə çevrilmişdir. 1988-ci ildə başlayan Qarabağ hadisələri, erməni ideoloqlarının “dənizdən dənizə Ermənistan” adlı sərsəm ideyasını reallaşdırmaq cəhdi kəndlərin, şəhərlərin dağılması, on minlərə günahsız insanın ölümü, yüz minlərlə azərbaycanlının öz tarixi torpaqlarından didərgin düşməsi ilə nəticələnmişdir. Qeyd etmək lazımdır ki, azərbaycanlılara qarşı törədilmiş soyqırımına dair ilk siyasi-hüquqi qiymət Ulu Öndər Heydər Əliyev tərəfindən verilmişdir. Ulu Öndərin 1998-ci il 26 mart tarixində imzaladığı Fərman ilə 31 mart tarixi Azərbaycanlıların Soyqırımı Günü elan edilmişdir.”
Bu sözləri mətbuata verdiyi açıqlamasında VI çağırış Milli Məclisin deputatı, professor Aqiyə Naxçıvanlı deyib.
Fikirlərini davam etdirən müsahibimiz daha sonra bildirib ki, Azərbaycan yalnız sülh yolu ilə torpaqlarımızın geri qaytarılması ilə bağlı bütün imkanlar tükəndikdən sonra Vətən müharibəsinə başlayıb. A.Naxçıvanlı bu addımın tarixi zərurət olduğunu vurğulayaraq bunları deyib: “44 günlük Vətən müharibəsi birmənalı olaraq, Ermənistanın Azərbaycana qarşı 200 ildən çox davam edən düşmənçilik və etnik dözümsüzlük siyasətinin məntiqi nəticəsi kimi dəyərləndirilməlidir. Bu gün ölkəmizin tarixi qələbələrini həzm edə bilməyən bəzi Qərb dövlətləri unutmasınlar ki, Azərbaycan II Qarabağ savaşına qədər keçən 30 il ərzində bütün dünyada olan ermənipərəst qüvvələrin səylərilə beynəlxalq riyakarlığın ən bariz təzahürləri ilə üz-üzə qalmışdı. Nəticə etibarı ilə ölkəmizə öz torpaqlarını müharibə yolu ilə azad etməkdən başqa bir seçim buraxılmadı. Bu, onu deməyə əsas verir ki, hazırda beynəlxalq hüquq normaları işləmir. BMT Təhlükəsizlik Şurası tərəfindən qəbul olunmuş və erməni silahlı qüvvələrinin torpaqlarımızdan dərhal çıxarılmasını tələb edən dörd qətnamənin icrasının bütün bu illər ərzində təmin olunmaması da bunu sübut edir. 2020-ci ilin sentyabr ayının 27-də Ermənistan silahlı qüvvələri növbəti dəfə Azərbaycanın yaşayış məntəqələrini və hərbi mövqelərimizi atəşə tutdular. Bu qanlı təxribat nəticəsində ilk saatlarda mülki şəxslər, hərbçilər həlak oldular. Artıq bundan sonra Azərbaycan Ordusu Ali Baş Komandan cənab İlham Əliyevin əmri ilə erməni qəsbkarlarının qanlı cinayətlərinə son qoymaq məqsədilə bütün təmas xətti boyunca hərbi əməliyyatlara başladı. Bu qərar əlbəttə ki, artıq yetişmiş bir tarixi zərurət idi və bütün Cənubi Qafqazın gələcək müqəddəratının müəyyənləşməsi baxımından müstəsna əhəmiyyət kəsb edirdi. Azərbaycan xalqı, Azərbaycan Ordusu öz Prezidentinin və Ali Baş Komandanının ətrafında bir Dəmir yumruq kimi birləşərək düşmənə sarsıdıcı zərbələr endirdi, düşməni məğlub etdi, tarixi ədaləti və ölkəmizin ərazi bütövlüyünü bərpa etdi. Vətən müharibəsinin başa çatmasından sonra keçən üç il ərzində erməni faşizminin təzahürləri hələ də özünü göstərməkdə idi. Ölkə Prezidenti cənab İlham Əliyev öz çıxışlarında dəfələrlə bu xəbərdarlığı hər kəsin diqqətinə çatdırmışdır ki, revanşizm yolverilməzdir və əgər erməni faşizmi baş qaldırmağa bir də cəhd göstərərsə, Azərbaycanın “Dəmir yumruğu” onun başını heç bir tərəddüd etmədən bir daha əzəcək. 2023-cü ilin sentyabrında keçirilmiş antiterror tədbirləri bu sözlərin əyani təsdiqi oldu.”
Öz açıqlamasında müsahibimiz həmçinin Azərbaycanda hər bir şəhid ailəsinə, hər bir müharibə qazisinə və iştirakçısına göstərilən dövlət qayğısından da bəhs edib: “Azərbaycan bütün parametrlərinə görə sosial dövlət kriteriyalarına cavab verən və siyasətində əsas amil kimi məhz vətəndaş məmnunluğu prinsipini tutan dövlətdir. Vətən müharibəsində şəhidlik zirvəsinə ucalanların ailə üzvlərinin, bu haqq savaşımızda şanlı Zəfər qazanan qüdrətli Azərbaycan Ordusunun hərbçilərinin, qazilərin sosial müdafiəsinin möhkəmləndirilməsi, o cümlədən bu insanların mənzil, fərdi ev və avtomobillərlə təmin edilməsi istiqamətində həyata keçirilən kompleks tədbirlər Ölkə Prezidenti cənab İlham Əliyevin bu kateqoriyaya aid olan vətəndaşlarımıza daim xüsusi diqqət və qayğı göstərməsinin bir təzahürüdür” – deyə, Aqiyə Naxçıvanlı öz fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 18-09-2024 | Saat: 15:50
Bölmə:Manşet / Siyasət / Özəl / Seçilənlər-3 | çapa göndər
“Çar Rusiyasının Cənubi Qafqazda yürütdüyü siyasətə uyğun olaraq XIX əsrin əvvəllərində tarixi Azərbaycan torpaqlarına, o cümlədən Qarabağ və Zəngəzura İrandan və bəzi digər Yaxın Şərq ölkələrindən köçürülən ermənilər bu ərazilərdə məskunlaşdıqları gündən yerli xalqlara və ilk növbədə azərbaycanlılara qarşı düşmənçilik və etnik dözümsüzlük nümayiş etdiriblər. Keçən əsrin əvvəllərində Rusiyanı bürümüş inqilabi hərəkatlar səbəbilə yaranmış şəraitdən sui-istifadə edən erməni qəsbkarları, ifrat millətçilik üzərində qurulmuş daşnaksutyun siyasətinə uyğun olaraq Azərbaycana qarşı əsl qətliamlar törətmiş, 1905-1907-ci və 1918-ci illərdə yüz minlərlə soydaşımızı vəhşicəsinə qətlə yetirmişlər. 1918-1920-ci illər isə xalqımızın yaddaşına erməni silahlı quldur dəstələrinin xüsusi qəddarlığı ilə həkk olunmuşdur. Azərbaycanlıların öz tarixi-etnik torpaqlarından qovulması sovet dövründə də kütləvi şəkildə həyata keçirilmişdir. 1948-1953-cü illərdə Ermənistandakı öz tarixi dədə-baba torpaqlarından 150 minə yaxın azərbaycanlı deportasiya olunaraq Azərbaycanın Kür-Araz düzənliyində yerləşdirilmişdir. 1988-ci ildə daha 300 minə yaxın azərbaycanlı öz doğma yurdundan qovulmuş, bununla da Ermənistan monoetnik dövlətə çevrilmişdir. 1988-ci ildə başlayan Qarabağ hadisələri, erməni ideoloqlarının “dənizdən dənizə Ermənistan” adlı sərsəm ideyasını reallaşdırmaq cəhdi kəndlərin, şəhərlərin dağılması, on minlərə günahsız insanın ölümü, yüz minlərlə azərbaycanlının öz tarixi torpaqlarından didərgin düşməsi ilə nəticələnmişdir. Qeyd etmək lazımdır ki, azərbaycanlılara qarşı törədilmiş soyqırımına dair ilk siyasi-hüquqi qiymət Ulu Öndər Heydər Əliyev tərəfindən verilmişdir. Ulu Öndərin 1998-ci il 26 mart tarixində imzaladığı Fərman ilə 31 mart tarixi Azərbaycanlıların Soyqırımı Günü elan edilmişdir.”
Bu sözləri mətbuata verdiyi açıqlamasında VI çağırış Milli Məclisin deputatı, professor Aqiyə Naxçıvanlı deyib.
Fikirlərini davam etdirən müsahibimiz daha sonra bildirib ki, Azərbaycan yalnız sülh yolu ilə torpaqlarımızın geri qaytarılması ilə bağlı bütün imkanlar tükəndikdən sonra Vətən müharibəsinə başlayıb. A.Naxçıvanlı bu addımın tarixi zərurət olduğunu vurğulayaraq bunları deyib: “44 günlük Vətən müharibəsi birmənalı olaraq, Ermənistanın Azərbaycana qarşı 200 ildən çox davam edən düşmənçilik və etnik dözümsüzlük siyasətinin məntiqi nəticəsi kimi dəyərləndirilməlidir. Bu gün ölkəmizin tarixi qələbələrini həzm edə bilməyən bəzi Qərb dövlətləri unutmasınlar ki, Azərbaycan II Qarabağ savaşına qədər keçən 30 il ərzində bütün dünyada olan ermənipərəst qüvvələrin səylərilə beynəlxalq riyakarlığın ən bariz təzahürləri ilə üz-üzə qalmışdı. Nəticə etibarı ilə ölkəmizə öz torpaqlarını müharibə yolu ilə azad etməkdən başqa bir seçim buraxılmadı. Bu, onu deməyə əsas verir ki, hazırda beynəlxalq hüquq normaları işləmir. BMT Təhlükəsizlik Şurası tərəfindən qəbul olunmuş və erməni silahlı qüvvələrinin torpaqlarımızdan dərhal çıxarılmasını tələb edən dörd qətnamənin icrasının bütün bu illər ərzində təmin olunmaması da bunu sübut edir. 2020-ci ilin sentyabr ayının 27-də Ermənistan silahlı qüvvələri növbəti dəfə Azərbaycanın yaşayış məntəqələrini və hərbi mövqelərimizi atəşə tutdular. Bu qanlı təxribat nəticəsində ilk saatlarda mülki şəxslər, hərbçilər həlak oldular. Artıq bundan sonra Azərbaycan Ordusu Ali Baş Komandan cənab İlham Əliyevin əmri ilə erməni qəsbkarlarının qanlı cinayətlərinə son qoymaq məqsədilə bütün təmas xətti boyunca hərbi əməliyyatlara başladı. Bu qərar əlbəttə ki, artıq yetişmiş bir tarixi zərurət idi və bütün Cənubi Qafqazın gələcək müqəddəratının müəyyənləşməsi baxımından müstəsna əhəmiyyət kəsb edirdi. Azərbaycan xalqı, Azərbaycan Ordusu öz Prezidentinin və Ali Baş Komandanının ətrafında bir Dəmir yumruq kimi birləşərək düşmənə sarsıdıcı zərbələr endirdi, düşməni məğlub etdi, tarixi ədaləti və ölkəmizin ərazi bütövlüyünü bərpa etdi. Vətən müharibəsinin başa çatmasından sonra keçən üç il ərzində erməni faşizminin təzahürləri hələ də özünü göstərməkdə idi. Ölkə Prezidenti cənab İlham Əliyev öz çıxışlarında dəfələrlə bu xəbərdarlığı hər kəsin diqqətinə çatdırmışdır ki, revanşizm yolverilməzdir və əgər erməni faşizmi baş qaldırmağa bir də cəhd göstərərsə, Azərbaycanın “Dəmir yumruğu” onun başını heç bir tərəddüd etmədən bir daha əzəcək. 2023-cü ilin sentyabrında keçirilmiş antiterror tədbirləri bu sözlərin əyani təsdiqi oldu.”
Öz açıqlamasında müsahibimiz həmçinin Azərbaycanda hər bir şəhid ailəsinə, hər bir müharibə qazisinə və iştirakçısına göstərilən dövlət qayğısından da bəhs edib: “Azərbaycan bütün parametrlərinə görə sosial dövlət kriteriyalarına cavab verən və siyasətində əsas amil kimi məhz vətəndaş məmnunluğu prinsipini tutan dövlətdir. Vətən müharibəsində şəhidlik zirvəsinə ucalanların ailə üzvlərinin, bu haqq savaşımızda şanlı Zəfər qazanan qüdrətli Azərbaycan Ordusunun hərbçilərinin, qazilərin sosial müdafiəsinin möhkəmləndirilməsi, o cümlədən bu insanların mənzil, fərdi ev və avtomobillərlə təmin edilməsi istiqamətində həyata keçirilən kompleks tədbirlər Ölkə Prezidenti cənab İlham Əliyevin bu kateqoriyaya aid olan vətəndaşlarımıza daim xüsusi diqqət və qayğı göstərməsinin bir təzahürüdür” – deyə, Aqiyə Naxçıvanlı öz fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
24-11-2024
13:39 SAKİT İLKİN-65
