Zəfər – xalqın iradəsindən doğan tarixdir
Tarix: 04-11-2026 | Saat: 10:34
Bölmə:Siyasət | çapa göndər
8 Noyabr – Zəfər Günü
Azərbaycan tarixinin ən möhtəşəm səhifələrindən biri olan 8 Noyabr – Zəfər Günü xalqımızın milli iradəsinin, dövlətimizin qüdrətinin və Azərbaycan Ordusunun qəhrəmanlığının təntənəsidir. Bu tarix otuz ilə yaxın davam edən işğala son qoymaq, doğma torpaqlarımızı azad etmək və tarixi ədaləti bərpa etmək uğrunda aparılan mübarizənin zirvəsidir. Zəfər yalnız döyüş meydanında qazanılmadı. Bu qələbənin arxasında illərlə aparılan dövlət quruculuğu, məqsədyönlü ordu siyasəti, iqtisadi inkişaf, prinsipial diplomatiya və xalqımızın sarsılmaz birliyi dayanırdı.
1988-ci ildən başlayan Qarabağ hadisələri Azərbaycan xalqına ağır faciələr yaşatdı. Şəhərlərimiz və kəndlərimiz dağıdıldı, minlərlə insan həlak oldu, bir milyondan çox soydaşımız qaçqın və məcburi köçkün həyatına məhkum edildi. Doğma yurdlarından didərgin düşən insanların qəlbində bir arzu yaşayırdı: torpaqlarımıza qayıtmaq, ata-baba ocaqlarını yenidən görmək, Azərbaycan bayrağını işğal altında olan ərazilərimizdə ucaltmaq. Bu arzu dövlətimizin strateji hədəfinə çevrildi.
Azərbaycanın gələcək Zəfərinin əsaslarının yaradılmasında Prezident, Müzəffər Ali Baş Komandan İlham Əliyevin rəhbərliyi ilə həyata keçirilən siyasət mühüm rol oynadı. Dövlət başçısı ölkənin iqtisadi imkanlarının genişləndirilməsini, müdafiə qüdrətinin artırılmasını və ordunun müasirləşdirilməsini prioritet istiqamətlər kimi müəyyənləşdirdi. Hərbi büdcənin artırılması, müasir silah və texnikanın alınması, hərbi sənaye kompleksinin inkişaf etdirilməsi, hərbçilərin peşəkarlığının yüksəldilməsi ardıcıl dövlət siyasətinin tərkib hissəsinə çevrildi. Azərbaycanın müxtəlif mənbələrdən hərbi texnika əldə etməsi və öz hərbi məhsullarını istehsal etmək imkanlarını genişləndirməsi müdafiə potensialının güclənməsinə xidmət edirdi.
Cənab Prezidentin fəaliyyətində diplomatiya da mühüm yer tuturdu. Azərbaycan uzun illər beynəlxalq təşkilatlarda öz mövqeyini müdafiə edir, münaqişənin beynəlxalq hüquq normaları əsasında həllinə çalışırdı. BMT Təhlükəsizlik Şurasının işğal olunmuş ərazilərdən qoşunların çıxarılmasını tələb edən qətnamələrinin icrasız qalması problemin mürəkkəbliyini daha da artırırdı. Belə şəraitdə İlham Əliyev bir tərəfdən danışıqlar prosesində Azərbaycanın prinsipial mövqeyini qoruyur, digər tərəfdən ölkənin hərbi və iqtisadi gücünü artırırdı. Enerji və nəqliyyat layihələri, beynəlxalq əməkdaşlıq və çoxşaxəli xarici siyasət Azərbaycanın regional və beynəlxalq mövqelərinin möhkəmlənməsinə töhfə verirdi.
2020-ci il sentyabrın 27-də Ermənistan silahlı qüvvələrinin təxribatlarına cavab olaraq Azərbaycan Ordusunun əks-hücum əməliyyatına başlaması ilə xalqımızın uzun illər gözlədiyi tarixi mübarizə yeni mərhələyə qədəm qoydu. Prezident İlham Əliyev Silahlı Qüvvələrin Ali Baş Komandanı kimi hərbi əməliyyatların ümumi rəhbərliyini həyata keçirir, ölkənin müdafiə və təhlükəsizlik siyasətinə rəhbərlik edirdi. Onun müharibə dövründə verdiyi müsahibələr və xalqa müraciətləri Azərbaycanın mövqeyinin beynəlxalq ictimaiyyətə çatdırılmasında mühüm rol oynayırdı. Dünyanın aparıcı media qurumlarına verilən müsahibələrdə dövlət başçısı Azərbaycanın mövqeyini əsaslandırır, münaqişənin tarixini və ölkəmizin məqsədlərini beynəlxalq auditoriyaya çatdırırdı.
44 günlük Vətən müharibəsi ərzində Azərbaycan Ordusu bir-birinin ardınca uğurlar qazandı. Cəbrayıl, Füzuli, Zəngilan, Qubadlı və digər yaşayış məntəqələrinin azad edilməsi qələbəyə inamı gücləndirdi. Cəbhədə əsgər və zabitlərimiz qəhrəmanlıq göstərir, arxa cəbhədə isə xalqımız Ali Baş Komandanın və ordunun ətrafında sıx birləşirdi. Prezident İlham Əliyevin rəhbərliyi altında həyata keçirilən hərbi-siyasi strategiya, ordunun döyüş qabiliyyəti və xalq-ordu birliyi Zəfərin mühüm amilləri oldu. Türkiyənin Azərbaycana göstərdiyi siyasi və mənəvi dəstək də müharibə dövründə iki qardaş ölkə arasındakı müttəfiqliyin əhəmiyyətini nümayiş etdirdi.
Zəfərin zirvəsi isə 2020-ci il noyabrın 8-də Şuşanın azad edilməsi oldu. Sıldırım qayalar, çətin dağlıq relyef və mürəkkəb döyüş şəraiti Şuşa əməliyyatını xüsusi çətinliyə çevirirdi. Azərbaycan əsgərlərinin misilsiz qəhrəmanlığı nəticəsində şəhər işğaldan azad edildi və müharibənin taleyində həlledici dönüş yarandı. Həmin gün Prezident İlham Əliyevin Şəhidlər xiyabanından xalqa müraciətində səsləndirdiyi “Əziz Şuşa, sən azadsan!” sözləri Azərbaycanın müasir tarixinə əbədi həkk olundu. Şuşanın azad edilməsi hərbi qələbə ilə yanaşı, xalqımızın mənəvi qürurunun və tarixi yaddaşının bərpası idi. Noyabrın 10-da imzalanmış üçtərəfli Bəyanatdan sonra Ağdam, Kəlbəcər və Laçın rayonlarının qaytarılması ilə ərazilərimizin azad edilməsi prosesi davam etdi.
Lakin dövlət başçısının qarşıya qoyduğu vəzifələr bununla bitmirdi. 2023-cü il sentyabrın 19–20-də keçirilən lokal xarakterli antiterror tədbirləri nəticəsində Azərbaycanın dövlət suverenliyi bütün ərazilərində bərpa edildi. Oktyabrın 15-də Xankəndidə Azərbaycan Bayrağının qaldırılması bu tarixi prosesin mühüm rəmzinə çevrildi. Beləliklə, Prezident İlham Əliyevin rəhbərliyi ilə həyata keçirilən hərbi-siyasi strategiyanın mühüm mərhələsi başa çatdı.
Zəfərdən sonrakı dövrdə dövlət başçısının diqqət mərkəzində azad edilmiş ərazilərin bərpası və Böyük Qayıdış dayanır. Qarabağ və Şərqi Zəngəzurda yollar, yaşayış kompleksləri, məktəblər, xəstəxanalar və digər infrastruktur obyektləri inşa edilir, tarixi abidələr bərpa olunur, keçmiş məcburi köçkünlərin doğma yurdlarına qayıdışı təmin edilir. Şəhid ailələrinə, müharibə veteranlarına və müharibə ilə əlaqədar əlilliyi olan şəxslərə sosial dəstək göstərilməsi də postmüharibə dövrünün mühüm istiqamətlərindəndir. Bu tədbirlər Zəfərin yalnız hərbi nəticələrlə məhdudlaşmadığını, azad edilmiş torpaqlarda yeni həyatın qurulmasının da dövlət siyasətinin əsas məqsədlərindən biri olduğunu göstərir.
8 Noyabr – Zəfər Gününün təsis edilməsi qazanılmış tarixi qələbənin əbədiləşdirilməsinə xidmət edir. Bakıda Zəfər parkının yaradılması, Vətən müharibəsi memorial kompleksinin və Zəfər muzeyinin qurulması şəhidlərimizin xatirəsinin yaşadılması və gələcək nəsillərin milli yaddaşının qorunması baxımından mühüm əhəmiyyət daşıyır.
Zəfər Günündə şəhidlərimizin fədakarlığını, qazilərimizin qəhrəmanlığını, Azərbaycan əsgərinin döyüş məharətini və xalqımızın birliyini ehtiramla yad edirik. Eyni zamanda, bu tarixi qələbəyə aparan yolda dövlətin gücləndirilməsi, ordunun qurulması, diplomatik mövqelərin möhkəmləndirilməsi və hərbi əməliyyatlara Ali Baş Komandan səviyyəsində rəhbərlik kimi amillərin əhəmiyyətini unutmuruq.
8 Noyabr Azərbaycanın yaddaşında əbədi yaşayacaq. Bu tarix Prezident, Müzəffər Ali Baş Komandan İlham Əliyevin rəhbərliyi ilə həyata keçirilən dövlət siyasətinin, Azərbaycan Ordusunun qəhrəmanlığının və xalqımızın birliyinin tarixi nəticəsi kimi xatırlanacaq. Ən böyük Zəfər isə azad edilmiş torpaqlarda həyatın yenidən qurulması, insanların doğma yurdlarına qayıtması və Azərbaycanın gələcəyə inamla addımlamasıdır.
Zəfərimiz mübarizə əzmimizin, milli birliyimizin və dövlətçilik iradəmizin tarixidir. Şəhidlərimizin xatirəsi daim uca olsun! Qarabağ Azərbaycandır!
İlqar Kərimov,
YAP Tovuz Rayon Təşkilatının sədr müavini
Məlumatlanmaq üçün Facebook səhifəmizi
Digər xəbərlər
Tarix: 04-11-2026 | Saat: 10:34
Bölmə:Siyasət | çapa göndər
8 Noyabr – Zəfər Günü
Azərbaycan tarixinin ən möhtəşəm səhifələrindən biri olan 8 Noyabr – Zəfər Günü xalqımızın milli iradəsinin, dövlətimizin qüdrətinin və Azərbaycan Ordusunun qəhrəmanlığının təntənəsidir. Bu tarix otuz ilə yaxın davam edən işğala son qoymaq, doğma torpaqlarımızı azad etmək və tarixi ədaləti bərpa etmək uğrunda aparılan mübarizənin zirvəsidir. Zəfər yalnız döyüş meydanında qazanılmadı. Bu qələbənin arxasında illərlə aparılan dövlət quruculuğu, məqsədyönlü ordu siyasəti, iqtisadi inkişaf, prinsipial diplomatiya və xalqımızın sarsılmaz birliyi dayanırdı.
1988-ci ildən başlayan Qarabağ hadisələri Azərbaycan xalqına ağır faciələr yaşatdı. Şəhərlərimiz və kəndlərimiz dağıdıldı, minlərlə insan həlak oldu, bir milyondan çox soydaşımız qaçqın və məcburi köçkün həyatına məhkum edildi. Doğma yurdlarından didərgin düşən insanların qəlbində bir arzu yaşayırdı: torpaqlarımıza qayıtmaq, ata-baba ocaqlarını yenidən görmək, Azərbaycan bayrağını işğal altında olan ərazilərimizdə ucaltmaq. Bu arzu dövlətimizin strateji hədəfinə çevrildi.
Azərbaycanın gələcək Zəfərinin əsaslarının yaradılmasında Prezident, Müzəffər Ali Baş Komandan İlham Əliyevin rəhbərliyi ilə həyata keçirilən siyasət mühüm rol oynadı. Dövlət başçısı ölkənin iqtisadi imkanlarının genişləndirilməsini, müdafiə qüdrətinin artırılmasını və ordunun müasirləşdirilməsini prioritet istiqamətlər kimi müəyyənləşdirdi. Hərbi büdcənin artırılması, müasir silah və texnikanın alınması, hərbi sənaye kompleksinin inkişaf etdirilməsi, hərbçilərin peşəkarlığının yüksəldilməsi ardıcıl dövlət siyasətinin tərkib hissəsinə çevrildi. Azərbaycanın müxtəlif mənbələrdən hərbi texnika əldə etməsi və öz hərbi məhsullarını istehsal etmək imkanlarını genişləndirməsi müdafiə potensialının güclənməsinə xidmət edirdi.
Cənab Prezidentin fəaliyyətində diplomatiya da mühüm yer tuturdu. Azərbaycan uzun illər beynəlxalq təşkilatlarda öz mövqeyini müdafiə edir, münaqişənin beynəlxalq hüquq normaları əsasında həllinə çalışırdı. BMT Təhlükəsizlik Şurasının işğal olunmuş ərazilərdən qoşunların çıxarılmasını tələb edən qətnamələrinin icrasız qalması problemin mürəkkəbliyini daha da artırırdı. Belə şəraitdə İlham Əliyev bir tərəfdən danışıqlar prosesində Azərbaycanın prinsipial mövqeyini qoruyur, digər tərəfdən ölkənin hərbi və iqtisadi gücünü artırırdı. Enerji və nəqliyyat layihələri, beynəlxalq əməkdaşlıq və çoxşaxəli xarici siyasət Azərbaycanın regional və beynəlxalq mövqelərinin möhkəmlənməsinə töhfə verirdi.
2020-ci il sentyabrın 27-də Ermənistan silahlı qüvvələrinin təxribatlarına cavab olaraq Azərbaycan Ordusunun əks-hücum əməliyyatına başlaması ilə xalqımızın uzun illər gözlədiyi tarixi mübarizə yeni mərhələyə qədəm qoydu. Prezident İlham Əliyev Silahlı Qüvvələrin Ali Baş Komandanı kimi hərbi əməliyyatların ümumi rəhbərliyini həyata keçirir, ölkənin müdafiə və təhlükəsizlik siyasətinə rəhbərlik edirdi. Onun müharibə dövründə verdiyi müsahibələr və xalqa müraciətləri Azərbaycanın mövqeyinin beynəlxalq ictimaiyyətə çatdırılmasında mühüm rol oynayırdı. Dünyanın aparıcı media qurumlarına verilən müsahibələrdə dövlət başçısı Azərbaycanın mövqeyini əsaslandırır, münaqişənin tarixini və ölkəmizin məqsədlərini beynəlxalq auditoriyaya çatdırırdı.
44 günlük Vətən müharibəsi ərzində Azərbaycan Ordusu bir-birinin ardınca uğurlar qazandı. Cəbrayıl, Füzuli, Zəngilan, Qubadlı və digər yaşayış məntəqələrinin azad edilməsi qələbəyə inamı gücləndirdi. Cəbhədə əsgər və zabitlərimiz qəhrəmanlıq göstərir, arxa cəbhədə isə xalqımız Ali Baş Komandanın və ordunun ətrafında sıx birləşirdi. Prezident İlham Əliyevin rəhbərliyi altında həyata keçirilən hərbi-siyasi strategiya, ordunun döyüş qabiliyyəti və xalq-ordu birliyi Zəfərin mühüm amilləri oldu. Türkiyənin Azərbaycana göstərdiyi siyasi və mənəvi dəstək də müharibə dövründə iki qardaş ölkə arasındakı müttəfiqliyin əhəmiyyətini nümayiş etdirdi.
Zəfərin zirvəsi isə 2020-ci il noyabrın 8-də Şuşanın azad edilməsi oldu. Sıldırım qayalar, çətin dağlıq relyef və mürəkkəb döyüş şəraiti Şuşa əməliyyatını xüsusi çətinliyə çevirirdi. Azərbaycan əsgərlərinin misilsiz qəhrəmanlığı nəticəsində şəhər işğaldan azad edildi və müharibənin taleyində həlledici dönüş yarandı. Həmin gün Prezident İlham Əliyevin Şəhidlər xiyabanından xalqa müraciətində səsləndirdiyi “Əziz Şuşa, sən azadsan!” sözləri Azərbaycanın müasir tarixinə əbədi həkk olundu. Şuşanın azad edilməsi hərbi qələbə ilə yanaşı, xalqımızın mənəvi qürurunun və tarixi yaddaşının bərpası idi. Noyabrın 10-da imzalanmış üçtərəfli Bəyanatdan sonra Ağdam, Kəlbəcər və Laçın rayonlarının qaytarılması ilə ərazilərimizin azad edilməsi prosesi davam etdi.
Lakin dövlət başçısının qarşıya qoyduğu vəzifələr bununla bitmirdi. 2023-cü il sentyabrın 19–20-də keçirilən lokal xarakterli antiterror tədbirləri nəticəsində Azərbaycanın dövlət suverenliyi bütün ərazilərində bərpa edildi. Oktyabrın 15-də Xankəndidə Azərbaycan Bayrağının qaldırılması bu tarixi prosesin mühüm rəmzinə çevrildi. Beləliklə, Prezident İlham Əliyevin rəhbərliyi ilə həyata keçirilən hərbi-siyasi strategiyanın mühüm mərhələsi başa çatdı.
Zəfərdən sonrakı dövrdə dövlət başçısının diqqət mərkəzində azad edilmiş ərazilərin bərpası və Böyük Qayıdış dayanır. Qarabağ və Şərqi Zəngəzurda yollar, yaşayış kompleksləri, məktəblər, xəstəxanalar və digər infrastruktur obyektləri inşa edilir, tarixi abidələr bərpa olunur, keçmiş məcburi köçkünlərin doğma yurdlarına qayıdışı təmin edilir. Şəhid ailələrinə, müharibə veteranlarına və müharibə ilə əlaqədar əlilliyi olan şəxslərə sosial dəstək göstərilməsi də postmüharibə dövrünün mühüm istiqamətlərindəndir. Bu tədbirlər Zəfərin yalnız hərbi nəticələrlə məhdudlaşmadığını, azad edilmiş torpaqlarda yeni həyatın qurulmasının da dövlət siyasətinin əsas məqsədlərindən biri olduğunu göstərir.
8 Noyabr – Zəfər Gününün təsis edilməsi qazanılmış tarixi qələbənin əbədiləşdirilməsinə xidmət edir. Bakıda Zəfər parkının yaradılması, Vətən müharibəsi memorial kompleksinin və Zəfər muzeyinin qurulması şəhidlərimizin xatirəsinin yaşadılması və gələcək nəsillərin milli yaddaşının qorunması baxımından mühüm əhəmiyyət daşıyır.
Zəfər Günündə şəhidlərimizin fədakarlığını, qazilərimizin qəhrəmanlığını, Azərbaycan əsgərinin döyüş məharətini və xalqımızın birliyini ehtiramla yad edirik. Eyni zamanda, bu tarixi qələbəyə aparan yolda dövlətin gücləndirilməsi, ordunun qurulması, diplomatik mövqelərin möhkəmləndirilməsi və hərbi əməliyyatlara Ali Baş Komandan səviyyəsində rəhbərlik kimi amillərin əhəmiyyətini unutmuruq.
8 Noyabr Azərbaycanın yaddaşında əbədi yaşayacaq. Bu tarix Prezident, Müzəffər Ali Baş Komandan İlham Əliyevin rəhbərliyi ilə həyata keçirilən dövlət siyasətinin, Azərbaycan Ordusunun qəhrəmanlığının və xalqımızın birliyinin tarixi nəticəsi kimi xatırlanacaq. Ən böyük Zəfər isə azad edilmiş torpaqlarda həyatın yenidən qurulması, insanların doğma yurdlarına qayıtması və Azərbaycanın gələcəyə inamla addımlamasıdır.
Zəfərimiz mübarizə əzmimizin, milli birliyimizin və dövlətçilik iradəmizin tarixidir. Şəhidlərimizin xatirəsi daim uca olsun! Qarabağ Azərbaycandır!
İlqar Kərimov,
YAP Tovuz Rayon Təşkilatının sədr müavini
Məlumatlanmaq üçün Facebook səhifəmizi
Xəbəri paylaş
Digər xəbərlər
04-11-2026
