Mobil versiya
MDB PA-nın Şura və 61-ci plenar iclasında iştirak edən parlament sədrləri Türkmənistan Xalq Məsləhətinin sədri Qurbanqulu Berdiməhəmmədovla görüşüblər -Fotolar
Tarix: 20-11-2026 | Saat: 12:10
Bölmə:Manşet / Siyasət / Parlament | çapa göndər

MDB PA-nın Şura və 61-ci plenar iclasında iştirak edən parlament sədrləri Türkmənistan Xalq Məsləhətinin sədri Qurbanqulu Berdiməhəmmədovla görüşüblər

MDB Parlamentlərarası Assambleyasının Şura və 61-ci plenar iclasında iştirak edən parlament sədrləri Türkmən xalqının Milli Lideri, Türkmənistan Xalq Məsləhətinin sədri Qurbanqulu Berdiməhəmmədovla görüşüblər.

Görüşdə Milli Məclisin sədri Sahibə Qafarova da iştirak edib.

Görüş zamanı beynəlxalq parlament təşkilatlarının üzv ölkələr arasında əməkdaşlığın daha da dərinləşdirilməsi, o cümlədən qanunvericilik sahəsində əlaqələrin genişləndirilməsi baxımından mühüm əhəmiyyəti qeyd olunub.
Türkmənistan Xalq Məsləhətinin sədri Qurbanqulu Berdiməhəmmədov MDB Parlamentlərarası Assambleyasının müsbət fəaliyyətini qeyd edib.
Həmçinin MDB Parlamentlərarası Assambleyasının uzun illərdir dövlətlərarası qarşılıqlı fəaliyyət üçün möhkəm qanunvericilik bazasının formalaşdırılması istiqamətində səmərəli iş apardığı vurğulanıb.
Qurbanqulu Berdiməhəmmədov parlament sədrlərinə Türkmənistanın təşkilata üzv dövlətlərlə uzun illər ərzində formalaşmış mütərəqqi münasibətlərini və həyata keçirilən birgə layihələri diqqətə çatdıraraq, bundan sonra da bu istiqamətdə fəaliyyətini davam etdirmək niyyətində olduğunu vurğulayıb.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
20-11-2026