Mobil versiya
Məleykə Abbaszadə dövlət qulluğuna qəbulda baş tutmayan müsahibələr barədə: Namizədlər bu işə məsuliyyətsiz yanaşıb
Tarix: 24-06-2019 | Saat: 12:24
Bölmə:Təhsil | çapa göndər

Məleykə Abbaszadə dövlət qulluğuna qəbulda baş tutmayan müsahibələr barədə:


Çox təəssüf ki, dövlət qulluğuna qəbul üçün sənəd verən namizədlərlə cəmi 7996 müsahibə keçirilib, 6506 müsahibə isə namizədlərin bu işə məsuliyyətsiz yanaşmasına görə baş tutmayıb. Onlar qeydiyyatdan keçsələr də, müsahibələrə gəlməyiblər, halbuki bu müsahibələrin təşkilinə kifayət qədər insan, vaxt və maddi resurs sərf olunur.

Trend-in məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, dövlət qulluğuna qəbul üçün test imtahanları inzibati vəzifələrin iki növü – inzibati rəhbər (idarəetmə) və inzibati icraçı vəzifələrin aid olduğu beş vəzifə qrupu üzrə keçirilir. İmtahanlar ayda bir dəfədən az olmayaraq təşkil olunur.

DİM tərəfindən dövlət qulluğuna qəbul üzrə müsabiqənin test imtahanı mərhələsinə 2017-ci ilin noyabr ayından start verildiyini xatırladan M.Abbaszadə qeyd edib ki, bu müddət ərzində dövlət qulluğuna qəbul üzrə 19, o cümlədən 2017-ci ildə 2, 2018-ci il ərzində 12, cari ilin beş ayı ərzində isə 5 test imtahanı keçirilib. Test imtahanlarında iştirak üçün 16241 namizəd qeydiyyatdan keçib, onlardan 16 019 nəfər imtahanlarda iştirak edib. Keçirilən test imtahanlarında 5644 namizəd, o cümlədən inzibati rəhbər vəzifələr üzrə 191, inzibati icraçı vəzifələr üzrə 5453 namizəd uğur qazanıb. Test imtahanlarında uğur qazanan şəxslərə DİM tərəfindən test imtahanından keçmək haqqında müvafiq vəzifə qruplarına uyğun sertifikatlar verilir. Sertifikatın qüvvədəolma müddəti beş ildir.

M.Abbaszadə əlavə edib ki, DİM-in fəaliyyəti dövründə keçirilən müsabiqə üzrə müsahibələrdə 1991 uğurlu müsahibə qeydə alınıb, 1056 nəfər dövlət orqanlarında müxtəlif inzibati vəzifələrə təyin olunub. Daxili müsahibələr üzrə qeydə alınmış 874 uğurlu müsahibənin nəticəsində 754 nəfər, ümumi müsahibələr üzrə qeydə alınmış 558 uğurlu müsahibənin nəticəsi olaraq 389 nəfər dövlət qulluğunda işlə təmin olunub.


aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024