Laçın Şəhəri Günü milli Zəfərin, dirçəlişin və abadlığın simvoludur
Tarix: 25-08-2026 | Saat: 12:53
Bölmə:Siyasət | çapa göndər
Azərbaycanın yeni tarixində elə yaşayış məntəqələri mövcuddur ki, onların adı sadəcə müəyyən bir coğrafi ərazini deyil, həm də xalqın iradəsini, səbrini, mübarizə əzmini və milli qürurunu özündə təcəssüm etdirir. Laçın da məhz belə şəhərlərdən biridir. Cənab Prezident İlham Əliyevin Sərəncamı ilə 26 avqust tarixinin Laçın şəhəri günü elan edilməsi bu baxımdan xüsusi tarixi və siyasi məna daşıyır. Bu gün yalnız şəhərin azad olunmasının xatırlanması ilə məhdudlaşmır. Eyni zamanda tarixi ədalətin bərpasını, dövlət iradəsinin qələbəsini və Böyük Qayıdış prosesinin başlanmasını ifadə edir. Bu gün Laçın keçmişdə yaşanan faciələrlə deyil, sürətli inkişafı, genişmiqyaslı quruculuq işləri və gələcəyə yönəlmiş nikbinliyi ilə seçilir. Şəhər öz tarixində yeni və parlaq səhifə açır.
Əslində Laçının son onilliklər ərzində keçdiyi mürəkkəb yol Azərbaycanın yaşadığı ağır sınaqların və həmin sınaqlardan qələbə ilə çıxmasının özünəməxsus göstəricisidir. 1923-cü ildə şəhər statusu alan, 1930-cu ildə rayon kimi təşkil edilən Laçın zəngin təbii ehtiyatları, sıx meşələri, geniş yaylaqları və mühüm coğrafi mövqeyi ilə daim strateji əhəmiyyət daşıyıb. Məhz bu xüsusiyyətləri onun Ermənistanın işğalçılıq planlarında xüsusi hədəfə çevrilməsinə səbəb olmuşdu. 1992-ci il mayın 18-də Laçının işğal edilməsi nəticəsində yalnız Azərbaycan ərazisinin bir hissəsi itirilmədi. Minlərlə insan öz doğma yurdundan ayrı düşdü, formalaşmış həyat tərzi dağıldı, mədəni irs və tarixi yaddaş ciddi zərər gördü.
İşğal dövründə Laçında törədilmiş dağıntılar beynəlxalq humanitar hüququn əsas prinsiplərinin kobud şəkildə pozulduğunu göstərən faktlardan biridir. Ermənistanın işğal siyasəti nəticəsində rayonun minlərlə sakini doğma torpaqlarından məcburi şəkildə köçürüldü, çoxsaylı hərbi qulluqçular və mülki şəxslər həlak oldu və ya itkin düşdü. Təhsil və səhiyyə müəssisələri, mədəniyyət ocaqları, tarixi və dini abidələr dağıdıldı, rayonun təbii sərvətləri talan edildi. Bununla yanaşı, yaşayış məntəqələrinin adlarının dəyişdirilməsi və qanunsuz məskunlaşdırma siyasətinin aparılması yolu ilə Laçının tarixi və demoqrafik simasının dəyişdirilməsinə cəhdlər göstərildi. Bütün bunlar işğal siyasətinin yalnız əraziyə nəzarət etmək məqsədi daşımadığını, eyni zamanda Azərbaycan xalqının həmin torpaqlardakı tarixi və mədəni izlərini aradan qaldırmağa yönəldiyini göstərirdi. Lakin sonrakı hadisələr bir daha sübut etdi ki, işğal və zorakılıq üzərində qurulan siyasət uzunmüddətli ola bilməz. Azərbaycanın Vətən müharibəsində əldə etdiyi tarixi Qələbə və ardınca həyata keçirilən siyasi-diplomatik proseslər nəticəsində 2020-ci il dekabrın 1-də Laçın rayonu Azərbaycana qaytarıldı. Bu prosesin davamı olaraq 2022-ci il avqustun 26-da Laçın şəhəri, Zabux və Sus kəndləri üzərində Azərbaycanın tam nəzarəti bərpa edildi.
Beləliklə, uzun illər davam edən həsrətə son qoyuldu və tarixi ədalət yenidən təmin olundu. Məhz buna görə 26 avqust tarixinin əhəmiyyəti yalnız təqvimdəki müəyyən günlə məhdudlaşmır. Bu tarix Azərbaycan xalqının iradəsinin, dövlətimizin qətiyyətinin və Zəfərinin rəmzidir. Laçının azadlığı uğrunda aparılan mübarizədə Azərbaycan əsgərlərinin göstərdiyi misilsiz qəhrəmanlıq bu Qələbənin əsas dayaqlarından biri oldu. Döyüşlərdə şəxsi şücaət və fədakarlıq göstərmiş minlərlə hərbi qulluqçunun “Laçının azad olunmasına görə” medalı ilə təltif edilməsi dövlətin öz qəhrəmanlarına verdiyi yüksək dəyərin göstəricisidir. Bu təltiflər eyni zamanda gələcək nəsillərə mühüm bir mesaj verir: Vətənin müdafiəsi naminə göstərilən qəhrəmanlıq və fədakarlıq dövlət və xalq tərəfindən daim yüksək qiymətləndirilir.
Bu gün Laçında aparılan genişmiqyaslı bərpa və quruculuq işləri Azərbaycanın iqtisadi imkanlarını, dövlət gücünü və uzunmüddətli strateji yanaşmasını aydın şəkildə nümayiş etdirir. Dövlət başçısının da qeyd etdiyi kimi, Qarabağ və Şərqi Zəngəzurun müasir və abad məkana çevrilməsi istiqamətində qarşıya qoyulan məqsədlər artıq real nəticələrlə müşayiət olunur. Yeni yaşayış kompleksləri, müasir memarlıq nümunələri, yenilənmiş yol və kommunikasiya infrastrukturu, sosial obyektlər və insanların rahat yaşayışını təmin edən layihələr Laçının yeni görünüşünü formalaşdırır. Burada görülən işlər göstərir ki, qarşıya qoyulan məqsəd yalnız işğal zamanı dağıdılmış şəhəri əvvəlki vəziyyətinə qaytarmaq deyil. Əsas hədəf Laçını müasir standartlara cavab verən, dayanıqlı inkişaf imkanlarına malik və insanların rahat yaşaya biləcəyi nümunəvi şəhərlərdən birinə çevirməkdir. Şəhərdə həyata keçirilən layihələr Azərbaycanın işğaldan azad olunmuş ərazilərlə bağlı siyasətinin yalnız bərpa ilə məhdudlaşmadığını göstərir. Dövlət bir tərəfdən işğalın vurduğu zərəri aradan qaldırır, digər tərəfdən isə həmin ərazilərdə gələcəyə hesablanmış yeni inkişaf modeli yaradır. Laçının bugünkü siması bunun ən aydın nümunələrindən biridir.
Bu baxımdan 26 avqust – Laçın şəhəri günü keçmişin xatırlanmasından daha böyük məna daşıyır. Bu tarix Azərbaycan xalqının illərlə qoruduğu milli iradənin, dövlətimizin qətiyyətinin, tarixi ədalətin bərpasının və Böyük Qayıdışın təcəssümüdür. Laçının yenidən qurulması və burada həyatın bərpa edilməsi Zəfərin yalnız hərbi nəticələrdən ibarət olmadığını, onun həm də quruculuq və inkişaf mərhələsi ilə davam etdiyini göstərir. Bu gün Laçın qalib Azərbaycanın yeni inkişaf mərhələsinin, milli birliyin və gələcəyə inamın canlı simvoluna çevrilir.
Rauf Qaffarov,
YAP Mingəçevir şəhər təşkilatının sədr müavini.
Məlumatlanmaq üçün Facebook səhifəmizi
Digər xəbərlər
Tarix: 25-08-2026 | Saat: 12:53
Bölmə:Siyasət | çapa göndər
Azərbaycanın yeni tarixində elə yaşayış məntəqələri mövcuddur ki, onların adı sadəcə müəyyən bir coğrafi ərazini deyil, həm də xalqın iradəsini, səbrini, mübarizə əzmini və milli qürurunu özündə təcəssüm etdirir. Laçın da məhz belə şəhərlərdən biridir. Cənab Prezident İlham Əliyevin Sərəncamı ilə 26 avqust tarixinin Laçın şəhəri günü elan edilməsi bu baxımdan xüsusi tarixi və siyasi məna daşıyır. Bu gün yalnız şəhərin azad olunmasının xatırlanması ilə məhdudlaşmır. Eyni zamanda tarixi ədalətin bərpasını, dövlət iradəsinin qələbəsini və Böyük Qayıdış prosesinin başlanmasını ifadə edir. Bu gün Laçın keçmişdə yaşanan faciələrlə deyil, sürətli inkişafı, genişmiqyaslı quruculuq işləri və gələcəyə yönəlmiş nikbinliyi ilə seçilir. Şəhər öz tarixində yeni və parlaq səhifə açır.
Əslində Laçının son onilliklər ərzində keçdiyi mürəkkəb yol Azərbaycanın yaşadığı ağır sınaqların və həmin sınaqlardan qələbə ilə çıxmasının özünəməxsus göstəricisidir. 1923-cü ildə şəhər statusu alan, 1930-cu ildə rayon kimi təşkil edilən Laçın zəngin təbii ehtiyatları, sıx meşələri, geniş yaylaqları və mühüm coğrafi mövqeyi ilə daim strateji əhəmiyyət daşıyıb. Məhz bu xüsusiyyətləri onun Ermənistanın işğalçılıq planlarında xüsusi hədəfə çevrilməsinə səbəb olmuşdu. 1992-ci il mayın 18-də Laçının işğal edilməsi nəticəsində yalnız Azərbaycan ərazisinin bir hissəsi itirilmədi. Minlərlə insan öz doğma yurdundan ayrı düşdü, formalaşmış həyat tərzi dağıldı, mədəni irs və tarixi yaddaş ciddi zərər gördü.
İşğal dövründə Laçında törədilmiş dağıntılar beynəlxalq humanitar hüququn əsas prinsiplərinin kobud şəkildə pozulduğunu göstərən faktlardan biridir. Ermənistanın işğal siyasəti nəticəsində rayonun minlərlə sakini doğma torpaqlarından məcburi şəkildə köçürüldü, çoxsaylı hərbi qulluqçular və mülki şəxslər həlak oldu və ya itkin düşdü. Təhsil və səhiyyə müəssisələri, mədəniyyət ocaqları, tarixi və dini abidələr dağıdıldı, rayonun təbii sərvətləri talan edildi. Bununla yanaşı, yaşayış məntəqələrinin adlarının dəyişdirilməsi və qanunsuz məskunlaşdırma siyasətinin aparılması yolu ilə Laçının tarixi və demoqrafik simasının dəyişdirilməsinə cəhdlər göstərildi. Bütün bunlar işğal siyasətinin yalnız əraziyə nəzarət etmək məqsədi daşımadığını, eyni zamanda Azərbaycan xalqının həmin torpaqlardakı tarixi və mədəni izlərini aradan qaldırmağa yönəldiyini göstərirdi. Lakin sonrakı hadisələr bir daha sübut etdi ki, işğal və zorakılıq üzərində qurulan siyasət uzunmüddətli ola bilməz. Azərbaycanın Vətən müharibəsində əldə etdiyi tarixi Qələbə və ardınca həyata keçirilən siyasi-diplomatik proseslər nəticəsində 2020-ci il dekabrın 1-də Laçın rayonu Azərbaycana qaytarıldı. Bu prosesin davamı olaraq 2022-ci il avqustun 26-da Laçın şəhəri, Zabux və Sus kəndləri üzərində Azərbaycanın tam nəzarəti bərpa edildi.
Beləliklə, uzun illər davam edən həsrətə son qoyuldu və tarixi ədalət yenidən təmin olundu. Məhz buna görə 26 avqust tarixinin əhəmiyyəti yalnız təqvimdəki müəyyən günlə məhdudlaşmır. Bu tarix Azərbaycan xalqının iradəsinin, dövlətimizin qətiyyətinin və Zəfərinin rəmzidir. Laçının azadlığı uğrunda aparılan mübarizədə Azərbaycan əsgərlərinin göstərdiyi misilsiz qəhrəmanlıq bu Qələbənin əsas dayaqlarından biri oldu. Döyüşlərdə şəxsi şücaət və fədakarlıq göstərmiş minlərlə hərbi qulluqçunun “Laçının azad olunmasına görə” medalı ilə təltif edilməsi dövlətin öz qəhrəmanlarına verdiyi yüksək dəyərin göstəricisidir. Bu təltiflər eyni zamanda gələcək nəsillərə mühüm bir mesaj verir: Vətənin müdafiəsi naminə göstərilən qəhrəmanlıq və fədakarlıq dövlət və xalq tərəfindən daim yüksək qiymətləndirilir.
Bu gün Laçında aparılan genişmiqyaslı bərpa və quruculuq işləri Azərbaycanın iqtisadi imkanlarını, dövlət gücünü və uzunmüddətli strateji yanaşmasını aydın şəkildə nümayiş etdirir. Dövlət başçısının da qeyd etdiyi kimi, Qarabağ və Şərqi Zəngəzurun müasir və abad məkana çevrilməsi istiqamətində qarşıya qoyulan məqsədlər artıq real nəticələrlə müşayiət olunur. Yeni yaşayış kompleksləri, müasir memarlıq nümunələri, yenilənmiş yol və kommunikasiya infrastrukturu, sosial obyektlər və insanların rahat yaşayışını təmin edən layihələr Laçının yeni görünüşünü formalaşdırır. Burada görülən işlər göstərir ki, qarşıya qoyulan məqsəd yalnız işğal zamanı dağıdılmış şəhəri əvvəlki vəziyyətinə qaytarmaq deyil. Əsas hədəf Laçını müasir standartlara cavab verən, dayanıqlı inkişaf imkanlarına malik və insanların rahat yaşaya biləcəyi nümunəvi şəhərlərdən birinə çevirməkdir. Şəhərdə həyata keçirilən layihələr Azərbaycanın işğaldan azad olunmuş ərazilərlə bağlı siyasətinin yalnız bərpa ilə məhdudlaşmadığını göstərir. Dövlət bir tərəfdən işğalın vurduğu zərəri aradan qaldırır, digər tərəfdən isə həmin ərazilərdə gələcəyə hesablanmış yeni inkişaf modeli yaradır. Laçının bugünkü siması bunun ən aydın nümunələrindən biridir.
Bu baxımdan 26 avqust – Laçın şəhəri günü keçmişin xatırlanmasından daha böyük məna daşıyır. Bu tarix Azərbaycan xalqının illərlə qoruduğu milli iradənin, dövlətimizin qətiyyətinin, tarixi ədalətin bərpasının və Böyük Qayıdışın təcəssümüdür. Laçının yenidən qurulması və burada həyatın bərpa edilməsi Zəfərin yalnız hərbi nəticələrdən ibarət olmadığını, onun həm də quruculuq və inkişaf mərhələsi ilə davam etdiyini göstərir. Bu gün Laçın qalib Azərbaycanın yeni inkişaf mərhələsinin, milli birliyin və gələcəyə inamın canlı simvoluna çevrilir.
Rauf Qaffarov,
YAP Mingəçevir şəhər təşkilatının sədr müavini.
Məlumatlanmaq üçün Facebook səhifəmizi
Xəbəri paylaş
Digər xəbərlər
25-08-2026
