Azərbaycan Respublikası ilə Almaniya Federativ Respublikası arasında qarşılıqlı hörmət, bərabərlik və səmərəli əməkdaşlığa əsaslanan ikitərəfli münasibətlər mövcuddur

Azərbaycan Respublikası ilə Almaniya Federativ Respublikası arasında qarşılıqlı hörmət, bərabərlik və səmərəli əməkdaşlığa əsaslanan ikitərəfli münasibətlər mövcuddur
Tarix: 07-04-2025 | Saat: 12:52
Bölmə:Özəl | çapa göndər

Şirift ölçüsü:

Almaniya Prezidenti Frank-Valter Ştaynmayerin 2 aprel 2024-cü il tarixində Azərbaycana rəsmi səfəri bu əlaqələrin daha da möhkəmlənməsi baxımından xüsusi əhəmiyyət kəsb edir. Səfər zamanı Prezident İlham Əliyevin mətbuata verdiyi açıqlamalar iki ölkə arasında əməkdaşlığın mümkün spektrinin genişliyini nümayiş etdirdi. Prezident İlham Əliyev çıxışında Almaniya ilə iqtisadiyyat, enerji, təhsil və iqlim sahələrində əməkdaşlığın inkişafına xüsusi diqqət çəkib. İkitərəfli ticarət həcminin artması, birgə iqtisadi layihələrin həyata keçirilməsi və alman şirkətlərinin Azərbaycanda fəallığının artması bu sahələrdə müsbət meyillərin olduğunun bariz sübutudur. Üstəlik, Azərbaycanın yaşıl enerji strategiyası çərçivəsində bu sahədə əməkdaşlıq əvvəlki dövrlərlə müqayisədə daha intensiv xarakter alıb. Prezident Əliyev Azərbaycanın Avropaya yaşıl enerji ixrac etmək niyyətini vurğulayaraq, Almaniyanın bu prosesdə əsas strateji tərəfdaş kimi rolunu qeyd edib. Siyasi dialoq da münasibətlərin əsas sütunlarından biridir. Prezident İlham Əliyev Almaniya ilə regional təhlükəsizlik, beynəlxalq hüququn aliliyi və qarşılıqlı maraqlar əsasında əməkdaşlığın davam etdiriləcəyini qeyd etdi. Bu, Cənubi Qafqazda sülh və sabitliyin təmin olunması baxımından önəmli amildir.
Təhsil sahəsində əməkdaşlıq isə iki xalq arasında uzunmüddətli münasibətlərin qurulmasında mühüm rol oynayır. Alman dili tədrisi, tələbə mübadilə proqramları və birgə akademik layihələr bu istiqamətdə atılan önəmli addımlar sırasındadır.
Azərbaycan-Almaniya münasibətləri təkcə ikitərəfli münasibətlər kontekstində deyil, həm də Avropa İttifaqı ilə Azərbaycan arasında münasibətlərin inkişafı baxımından xüsusi əhəmiyyət kəsb edir. Almaniyanın Aİ-də üstünlüyü və Azərbaycanın enerji təhlükəsizliyində artan rolu bu əlaqələri strateji səviyyəyə qaldırır. Nümunə kimi Prezident İlham Əliyevin Frank-Valter Ştaynmayerlə görüşü və çıxışı zamanı verdiyi bəyanat bir daha göstərdi ki, Azərbaycan və Almaniya qarşılıqlı etimada, ümumi maraqlara əsaslanan əməkdaşlıqdadır. Nəticə etibarilə, Prezident İlham Əliyevin Frank-Valter Ştaynmayerlə keçirdiyi görüş və verdiyi bəyanat bir daha göstərdi ki, Azərbaycan və Almaniya qarşılıqlı etimada və ortaq maraqlara əsaslanan davamlı tərəfdaşlıq əlaqələrini daha da dərinləşdirməkdə qərarlıdırlar. Bu münasibətlər gələcəkdə regional sabitlik, enerji təhlükəsizliyi və davamlı inkişaf baxımından mühüm nəticələr vəd edir.

Misir Məmmədov
Yeni Azərbaycan Partiyası Laçın rayon təşkilatının fəal üzvü
Prezident yanında Dövlət İdarəçilik Akademiyasının tələbəsi

Ad və soyad:*
E-Mail:
Şərhiniz:
Kodu yazın: *