Mobil versiya
Qurbanqulu Berdiməhəmmədov Türkmənistanda toxunulmaz şəxs oldu
Tarix: 23-01-2023 | Saat: 16:17
Bölmə:Dünya | çapa göndər

Qurbanqulu Berdiməhəmmədov Türkmənistanda toxunulmaz şəxs oldu

Türkmənistanda “Türkmən xalqının ümummilli lideri haqqında” konstitusiya qanunu eks-prezident Qurbanqulu Berdiməhəmmədov və onun ailə üzvlərinə toxunulmazlıq hüququ və bir sıra digər imtiyazlar verib.

Artıq hazırkı Türkmənistan Prezidenti Sərdar Berdiməhəmmədov sözügedən konstitusiya qanununu imzalayıb.

Qeyd olunur ki, yanvarın 21-də Türkmənistan parlamentinin iclası keçirilib və orada eks-prezident Qurbanqulu Berdiməhəmmədova ümummilli lider statusunun verilməsi qərara alınıb.

Qanun ümummilli liderin və onun ailə üzvlərinin dövlət himayəsinin təmin edilməsini, həmçinin hüquq və azadlıqlarının, həyatının, şərəf və ləyaqətinin qorunmasını nəzərdə tutur.

Eyni zamanda Türkmənistanın ümummilli liderin qanuni fəaliyyətinə mane olmaq, onun şərəf və ləyaqətinə zidd hərəkətlərə yol vermək cinayət məsuliyyəti yaradır.

Bu qanunla nəzərdə tutulmuş xərclərin maliyyələşdirilməsi Türkmənistanın dövlət büdcəsi hesabına həyata keçirilir.

aia.az



Məlumatlanmaq üçün Facebook səhifəmizi



Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
04-02-2023