Rumıniyadan ABŞ-a hərbi təklif: Amerika əsgərlərinin qalması üçün pul ödəməyə hazırdır
Tarix: 13-11-2026 | Saat: 22:21
Bölmə:Özəl | çapa göndər
Rumıniya ABŞ-ın ölkə ərazisindəki hərbi mövcudluğunu genişləndirmək məqsədilə Vaşinqtona yeni təkliflər təqdim edib. Buxarest Amerika hərbçilərinin ölkədə yerləşdirilməsi ilə bağlı xərclərin bir hissəsini qarşılamağa hazır olduğunu açıqlayıb.
Bu barədə Rumıniyanın müdafiə naziri Stefan-Radu Oprea məlumat verib.
Nazirin sözlərinə görə, Rumıniya mövcud hərbi bazalarda daha çox ABŞ əsgərinin yerləşdirilməsini təklif edib. Eyni zamanda, Mixail Koqălniceanu hərbi bazasının genişləndirilməsi prosesinin sürətləndirilməsi də nəzərdə tutulur.
“Biz mövcud bazalarda Amerika əsgərlərinin yerləşdirilməsi üçün təkliflər irəli sürmüşük. Mixail Koqălniceanu bazasının genişləndirilməsi də sürətləndirilə bilər. Daimi hərbi baza yalnız əsgərlərin deyil, onların ailələrinin də yerləşdirilməsi deməkdir. Bunun üçün uşaqlara məktəblər və ərazidə yaxşı xəstəxana lazımdır”, – deyə nazir bildirib.
Oprea ABŞ hərbçilərinin Rumıniyada saxlanılması üçün təklif edilən maliyyə dəstəyi ilə bağlı yayılan məlumatlara da münasibət bildirib.
Nazir hər bir amerikalı əsgər üçün ildə 15 min avro ödəniləcəyi barədə iddiaları təkzib edib. Onun sözlərinə görə, nəzərdə tutulan məbləğ bundan aşağıdır.
“Bu, 15 min avro deyil, bir qədər azdır. Çünki biz hesablamaları Rumıniyadakı yaşayış xərclərinə əsasən aparırıq. Polşada isə yaşayış xərcləri bizdən yüksəkdir”, – deyə Oprea vurğulayıb.
Müdafiə naziri qeyd edib ki, Buxarestin təklifi yalnız Amerika hərbçilərinin sayının artırılması ilə məhdudlaşmır. Rumıniya həm də yüksək əməliyyat imkanlarına malik ABŞ hərbi birləşmələrinin ölkədə yerləşdirilməsində maraqlıdır.
O, buna nümunə olaraq əvvəllər Rumıniyada xidmət etmiş ABŞ ordusunun 101-ci Hava-Desant Diviziyasına məxsus briqadanı göstərib.
Rumıniya Prezidenti Nikusor Dan da daha əvvəl ABŞ qoşunlarının ölkədəki mövcudluğunun genişləndirilməsini dəstəklədiyini açıqlamışdı.
Prezident “Financial Times” qəzetinə müsahibəsində Amerika hərbçilərinin Rumıniyada qalması ilə bağlı maliyyə xərclərinin bölüşdürülməsinə hazır olduqlarını bildirmişdi.
Beləliklə, Buxarest ABŞ-la hərbi əməkdaşlığı genişləndirmək üçün həm əlavə maliyyə dəstəyi, həm də hərbi infrastrukturun inkişaf etdirilməsi imkanlarını gündəmə gətirib.
Məlumatlanmaq üçün Facebook səhifəmizi
Digər xəbərlər
Tarix: 13-11-2026 | Saat: 22:21
Bölmə:Özəl | çapa göndər
Rumıniya ABŞ-ın ölkə ərazisindəki hərbi mövcudluğunu genişləndirmək məqsədilə Vaşinqtona yeni təkliflər təqdim edib. Buxarest Amerika hərbçilərinin ölkədə yerləşdirilməsi ilə bağlı xərclərin bir hissəsini qarşılamağa hazır olduğunu açıqlayıb.
Bu barədə Rumıniyanın müdafiə naziri Stefan-Radu Oprea məlumat verib.
Nazirin sözlərinə görə, Rumıniya mövcud hərbi bazalarda daha çox ABŞ əsgərinin yerləşdirilməsini təklif edib. Eyni zamanda, Mixail Koqălniceanu hərbi bazasının genişləndirilməsi prosesinin sürətləndirilməsi də nəzərdə tutulur.
“Biz mövcud bazalarda Amerika əsgərlərinin yerləşdirilməsi üçün təkliflər irəli sürmüşük. Mixail Koqălniceanu bazasının genişləndirilməsi də sürətləndirilə bilər. Daimi hərbi baza yalnız əsgərlərin deyil, onların ailələrinin də yerləşdirilməsi deməkdir. Bunun üçün uşaqlara məktəblər və ərazidə yaxşı xəstəxana lazımdır”, – deyə nazir bildirib.
Oprea ABŞ hərbçilərinin Rumıniyada saxlanılması üçün təklif edilən maliyyə dəstəyi ilə bağlı yayılan məlumatlara da münasibət bildirib.
Nazir hər bir amerikalı əsgər üçün ildə 15 min avro ödəniləcəyi barədə iddiaları təkzib edib. Onun sözlərinə görə, nəzərdə tutulan məbləğ bundan aşağıdır.
“Bu, 15 min avro deyil, bir qədər azdır. Çünki biz hesablamaları Rumıniyadakı yaşayış xərclərinə əsasən aparırıq. Polşada isə yaşayış xərcləri bizdən yüksəkdir”, – deyə Oprea vurğulayıb.
Müdafiə naziri qeyd edib ki, Buxarestin təklifi yalnız Amerika hərbçilərinin sayının artırılması ilə məhdudlaşmır. Rumıniya həm də yüksək əməliyyat imkanlarına malik ABŞ hərbi birləşmələrinin ölkədə yerləşdirilməsində maraqlıdır.
O, buna nümunə olaraq əvvəllər Rumıniyada xidmət etmiş ABŞ ordusunun 101-ci Hava-Desant Diviziyasına məxsus briqadanı göstərib.
Rumıniya Prezidenti Nikusor Dan da daha əvvəl ABŞ qoşunlarının ölkədəki mövcudluğunun genişləndirilməsini dəstəklədiyini açıqlamışdı.
Prezident “Financial Times” qəzetinə müsahibəsində Amerika hərbçilərinin Rumıniyada qalması ilə bağlı maliyyə xərclərinin bölüşdürülməsinə hazır olduqlarını bildirmişdi.
Beləliklə, Buxarest ABŞ-la hərbi əməkdaşlığı genişləndirmək üçün həm əlavə maliyyə dəstəyi, həm də hərbi infrastrukturun inkişaf etdirilməsi imkanlarını gündəmə gətirib.
Məlumatlanmaq üçün Facebook səhifəmizi
Xəbəri paylaş
Digər xəbərlər
13-11-2026
