Ümumdünya Mədəniyyətlərarası Dialoq Forumu səmərəli və əhatəli platformaya çevrilmişdir
Tarix: 30-10-2026 | Saat: 14:43
Bölmə:Siyasət | çapa göndər
2026-cı il oktyabrın 27-də Bakıda “Ortaq gələcək naminə dialoq” mövzusunda keçirilən VII Ümumdünya Mədəniyyətlərarası Dialoq Forumunda Azərbaycan Respublikasının Prezidenti İlham Əliyevin çıxışı tədbirin ideya və məzmun çərçivəsini müəyyənləşdirməklə yanaşı, ölkəmizin müasir dünyada yeri və rolu, multikulturalizm siyasətinin mahiyyəti, milli həmrəyliyin əhəmiyyəti, beynəlxalq hüququn prinsipləri və sülhün təmin olunması ilə bağlı mühüm mesajlarla yadda qaldı. Dövlət başçısının səsləndirdiyi fikirlər Azərbaycanın dialoqu yalnız nəzəri müzakirə vasitəsi deyil, xalqlar arasında etimadın möhkəmləndirilməsinə, qarşılıqlı hörmətin təşviqinə və qlobal problemlərin həllinə xidmət edən real əməkdaşlıq mexanizmi kimi qəbul etdiyini bir daha nümayiş etdirdi.
Forumun miqyası və iştirakçı coğrafiyası onun beynəlxalq əhəmiyyətini aydın göstərir. Prezident İlham Əliyevin çıxışında qeyd etdiyi kimi, tədbirdə qeydiyyatdan keçmiş iştirakçıların sayı 2000-i ötüb, 100-dən artıq ölkədən 500-dən çox xarici qonaq Bakıya gəlib. Bu göstəricilər 2011-ci ildə Azərbaycanın təşəbbüsü ilə əsası qoyulan Forumun ötən 15 il ərzində səmərəli və əhatəli beynəlxalq platformalardan birinə çevrildiyini təsdiqləyir. Forumun BMT-nin Sivilizasiyalar Alyansı və digər tərəfdaş qurumlarla əməkdaşlıq çərçivəsində keçirilməsi də onun institusional əhəmiyyətini artırır. Burada müxtəlif ölkələrin nümayəndələrinin, beynəlxalq təşkilatların təmsilçilərinin və fərqli ictimai mövqelərə malik insanların bir araya gəlməsi göstərir ki, mədəniyyətlərarası dialoq müasir dünyanın aktual problemlərinin müzakirəsi üçün mühüm imkan yaradır.
Prezident İlham Əliyev beynəlxalq münasibətlərdə ikili standartların yolverilməzliyini vurğulayaraq Azərbaycanın üzləşdiyi işğal, etnik təmizləmə və mədəni irsin dağıdılması faktlarını xatırladıb. Dövlət başçısının mövqeyi beynəlxalq hüququn prinsiplərinə ardıcıl əməl olunmasının, dövlətlərin suverenliyinə və müstəqil seçiminə hörmət göstərilməsinin vacibliyini ortaya qoyur. Beynəlxalq münasibətlərdə ədalət və bərabərhüquqluluq təmin edilmədən davamlı sülhə nail olmaq mümkün deyildir.
Ölkəmiz dağıntılardan, işğalın ağır nəticələrindən və yoxsulluqdan tərəqqiyə doğru xalqımızın zəhməti və öz imkanları hesabına böyük inkişaf yolu keçib. Bu gün Azərbaycanın enerji və nəqliyyat sahələrində artan rolu, iqtisadi potensialı və müstəqil xarici siyasəti dövlətimizin beynəlxalq mövqelərini daha da möhkəmləndirir. Çin və ABŞ ilə strateji tərəfdaşlıq münasibətləri, Avropa İttifaqına üzv dövlətlərlə əməkdaşlıq əlaqələri ölkəmizin beynəlxalq etimad qazandığını bir daha təsdiqləyir.
Azərbaycanın beynəlxalq nüfuzunun möhkəmlənməsində milli-mənəvi dəyərlərə sadiqliklə müasir inkişaf prinsiplərinin uzlaşdırılması mühüm rol oynayır. Ölkəmiz müxtəlif dinlərin, mədəniyyətlərin və dünyagörüşlərinin qarşılıqlı anlaşma şəraitində bir araya gəlməsinin mümkünlüyünü öz təcrübəsi ilə nümayiş etdirir. Prezident İlham Əliyevin rəhbərliyi ilə həyata keçirilən siyasət Azərbaycanın yalnız regional məsələlərin həllində deyil, qlobal miqyasda dialoq və əməkdaşlıq təşəbbüslərinin irəli sürülməsində də fəal iştirakını təmin edir. Bu baxımdan, Bakıda keçirilən Forum xalqlar arasında etimadın gücləndirilməsi, dini və mədəni ayrı-seçkiliyin qarşısının alınması, eləcə də gələcək nəsillər üçün daha təhlükəsiz və harmonik dünyanın formalaşdırılması baxımından xüsusi əhəmiyyət daşıyır.
Azərbaycanın qarşıdakı illərdə İslam Əməkdaşlıq Təşkilatının Zirvə Görüşünə və Avropa Siyasi Birliyinin Zirvə Görüşünə ev sahibliyi etməsi də xüsusi əhəmiyyət daşıyır. 2027-ci ildə İslam Əməkdaşlıq Təşkilatının, 2028-ci ildə isə Avropa Siyasi Birliyinin zirvə görüşlərinin Bakıda keçirilməsi ölkəmizin müxtəlif siyasi və mədəni platformalar arasında əməkdaşlığa verdiyi töhfənin göstəricisidir. AQEM-də sədrliyin uzadılması və Azərbaycanın Mərkəzi Asiya ölkələri ilə əməkdaşlıq formatında iştirakının genişlənməsi də ölkəmizin beynəlxalq münasibətlər sistemində artan rolunu nümayiş etdirir. Dövlətimizin başçısı qeyd edib ki, Azərbaycan coğrafi cəhətdən Mərkəzi Asiyada deyil, Qafqazda yerləşir, lakin bizim müxtəlif aspektlər üzrə rolumuzun tanınmasının və eyni zamanda, bizə göstərilən hörmətin əlaməti olaraq biz buraya dəvət olunduq: “Beləliklə, təkcə bütün bu faktlar həqiqətən bizim oynadığımız rolu və bizdə olan beynəlxalq potensialı nümayiş etdirir”.
Forumda Ermənistanla sülh prosesinə toxunan Prezident İlham Əliyev regionda yaranmış yeni reallıqları diqqətə çatdırıb. 2025-ci ilin avqustunda Vaşinqtonda, Ağ Evdə ABŞ Prezidentinin iştirakı ilə sülh sazişinin paraflanması və üçtərəfli
Bəyannamənin imzalanması Cənubi Qafqazda davamlı sülhün təmin olunması baxımından mühüm siyasi hadisədir. Azərbaycanın ərazi bütövlüyünü və suverenliyini bərpa etməsi regionda yeni əməkdaşlıq imkanlarının yaranmasına zəmin yaradıb.
Bütövlükdə, Prezident İlham Əliyevin VII Ümumdünya Mədəniyyətlərarası Dialoq Forumunda çıxışı Azərbaycanın beynəlxalq münasibətlərdə tutduğu mövqeyi, milli maraqlarına əsaslanan müstəqil siyasətini və sülhə verdiyi önəmi nümayiş etdirir. Azərbaycan fərqli mədəniyyətləri və siyasi mövqeləri bir araya gətirən etibarlı tərəfdaş kimi çıxış etməklə yanaşı, beynəlxalq hüquqa, qarşılıqlı hörmətə və bərabərhüquqlu əməkdaşlığa əsaslanan dünya nizamının tərəfdarı olduğunu bir daha təsdiqləyir.
Mehman Ramazanov,
Yeni Azərbaycan Partiyası Oğuz rayon təşkilatının sədr müavini
Məlumatlanmaq üçün Facebook səhifəmizi
Digər xəbərlər
Tarix: 30-10-2026 | Saat: 14:43
Bölmə:Siyasət | çapa göndər
2026-cı il oktyabrın 27-də Bakıda “Ortaq gələcək naminə dialoq” mövzusunda keçirilən VII Ümumdünya Mədəniyyətlərarası Dialoq Forumunda Azərbaycan Respublikasının Prezidenti İlham Əliyevin çıxışı tədbirin ideya və məzmun çərçivəsini müəyyənləşdirməklə yanaşı, ölkəmizin müasir dünyada yeri və rolu, multikulturalizm siyasətinin mahiyyəti, milli həmrəyliyin əhəmiyyəti, beynəlxalq hüququn prinsipləri və sülhün təmin olunması ilə bağlı mühüm mesajlarla yadda qaldı. Dövlət başçısının səsləndirdiyi fikirlər Azərbaycanın dialoqu yalnız nəzəri müzakirə vasitəsi deyil, xalqlar arasında etimadın möhkəmləndirilməsinə, qarşılıqlı hörmətin təşviqinə və qlobal problemlərin həllinə xidmət edən real əməkdaşlıq mexanizmi kimi qəbul etdiyini bir daha nümayiş etdirdi.
Forumun miqyası və iştirakçı coğrafiyası onun beynəlxalq əhəmiyyətini aydın göstərir. Prezident İlham Əliyevin çıxışında qeyd etdiyi kimi, tədbirdə qeydiyyatdan keçmiş iştirakçıların sayı 2000-i ötüb, 100-dən artıq ölkədən 500-dən çox xarici qonaq Bakıya gəlib. Bu göstəricilər 2011-ci ildə Azərbaycanın təşəbbüsü ilə əsası qoyulan Forumun ötən 15 il ərzində səmərəli və əhatəli beynəlxalq platformalardan birinə çevrildiyini təsdiqləyir. Forumun BMT-nin Sivilizasiyalar Alyansı və digər tərəfdaş qurumlarla əməkdaşlıq çərçivəsində keçirilməsi də onun institusional əhəmiyyətini artırır. Burada müxtəlif ölkələrin nümayəndələrinin, beynəlxalq təşkilatların təmsilçilərinin və fərqli ictimai mövqelərə malik insanların bir araya gəlməsi göstərir ki, mədəniyyətlərarası dialoq müasir dünyanın aktual problemlərinin müzakirəsi üçün mühüm imkan yaradır.
Prezident İlham Əliyev beynəlxalq münasibətlərdə ikili standartların yolverilməzliyini vurğulayaraq Azərbaycanın üzləşdiyi işğal, etnik təmizləmə və mədəni irsin dağıdılması faktlarını xatırladıb. Dövlət başçısının mövqeyi beynəlxalq hüququn prinsiplərinə ardıcıl əməl olunmasının, dövlətlərin suverenliyinə və müstəqil seçiminə hörmət göstərilməsinin vacibliyini ortaya qoyur. Beynəlxalq münasibətlərdə ədalət və bərabərhüquqluluq təmin edilmədən davamlı sülhə nail olmaq mümkün deyildir.
Ölkəmiz dağıntılardan, işğalın ağır nəticələrindən və yoxsulluqdan tərəqqiyə doğru xalqımızın zəhməti və öz imkanları hesabına böyük inkişaf yolu keçib. Bu gün Azərbaycanın enerji və nəqliyyat sahələrində artan rolu, iqtisadi potensialı və müstəqil xarici siyasəti dövlətimizin beynəlxalq mövqelərini daha da möhkəmləndirir. Çin və ABŞ ilə strateji tərəfdaşlıq münasibətləri, Avropa İttifaqına üzv dövlətlərlə əməkdaşlıq əlaqələri ölkəmizin beynəlxalq etimad qazandığını bir daha təsdiqləyir.
Azərbaycanın beynəlxalq nüfuzunun möhkəmlənməsində milli-mənəvi dəyərlərə sadiqliklə müasir inkişaf prinsiplərinin uzlaşdırılması mühüm rol oynayır. Ölkəmiz müxtəlif dinlərin, mədəniyyətlərin və dünyagörüşlərinin qarşılıqlı anlaşma şəraitində bir araya gəlməsinin mümkünlüyünü öz təcrübəsi ilə nümayiş etdirir. Prezident İlham Əliyevin rəhbərliyi ilə həyata keçirilən siyasət Azərbaycanın yalnız regional məsələlərin həllində deyil, qlobal miqyasda dialoq və əməkdaşlıq təşəbbüslərinin irəli sürülməsində də fəal iştirakını təmin edir. Bu baxımdan, Bakıda keçirilən Forum xalqlar arasında etimadın gücləndirilməsi, dini və mədəni ayrı-seçkiliyin qarşısının alınması, eləcə də gələcək nəsillər üçün daha təhlükəsiz və harmonik dünyanın formalaşdırılması baxımından xüsusi əhəmiyyət daşıyır.
Azərbaycanın qarşıdakı illərdə İslam Əməkdaşlıq Təşkilatının Zirvə Görüşünə və Avropa Siyasi Birliyinin Zirvə Görüşünə ev sahibliyi etməsi də xüsusi əhəmiyyət daşıyır. 2027-ci ildə İslam Əməkdaşlıq Təşkilatının, 2028-ci ildə isə Avropa Siyasi Birliyinin zirvə görüşlərinin Bakıda keçirilməsi ölkəmizin müxtəlif siyasi və mədəni platformalar arasında əməkdaşlığa verdiyi töhfənin göstəricisidir. AQEM-də sədrliyin uzadılması və Azərbaycanın Mərkəzi Asiya ölkələri ilə əməkdaşlıq formatında iştirakının genişlənməsi də ölkəmizin beynəlxalq münasibətlər sistemində artan rolunu nümayiş etdirir. Dövlətimizin başçısı qeyd edib ki, Azərbaycan coğrafi cəhətdən Mərkəzi Asiyada deyil, Qafqazda yerləşir, lakin bizim müxtəlif aspektlər üzrə rolumuzun tanınmasının və eyni zamanda, bizə göstərilən hörmətin əlaməti olaraq biz buraya dəvət olunduq: “Beləliklə, təkcə bütün bu faktlar həqiqətən bizim oynadığımız rolu və bizdə olan beynəlxalq potensialı nümayiş etdirir”.
Forumda Ermənistanla sülh prosesinə toxunan Prezident İlham Əliyev regionda yaranmış yeni reallıqları diqqətə çatdırıb. 2025-ci ilin avqustunda Vaşinqtonda, Ağ Evdə ABŞ Prezidentinin iştirakı ilə sülh sazişinin paraflanması və üçtərəfli
Bəyannamənin imzalanması Cənubi Qafqazda davamlı sülhün təmin olunması baxımından mühüm siyasi hadisədir. Azərbaycanın ərazi bütövlüyünü və suverenliyini bərpa etməsi regionda yeni əməkdaşlıq imkanlarının yaranmasına zəmin yaradıb.
Bütövlükdə, Prezident İlham Əliyevin VII Ümumdünya Mədəniyyətlərarası Dialoq Forumunda çıxışı Azərbaycanın beynəlxalq münasibətlərdə tutduğu mövqeyi, milli maraqlarına əsaslanan müstəqil siyasətini və sülhə verdiyi önəmi nümayiş etdirir. Azərbaycan fərqli mədəniyyətləri və siyasi mövqeləri bir araya gətirən etibarlı tərəfdaş kimi çıxış etməklə yanaşı, beynəlxalq hüquqa, qarşılıqlı hörmətə və bərabərhüquqlu əməkdaşlığa əsaslanan dünya nizamının tərəfdarı olduğunu bir daha təsdiqləyir.
Mehman Ramazanov,
Yeni Azərbaycan Partiyası Oğuz rayon təşkilatının sədr müavini
Məlumatlanmaq üçün Facebook səhifəmizi
Xəbəri paylaş
Digər xəbərlər
30-10-2026
