Adəm İsmayıl Bakuvi:"Azərbaycan və Kamboca arasında siyasi dialoq iqtisadi tərəfdaşlığı gücləndirir"
Tarix: 13-10-2026 | Saat: 10:46
Bölmə:Manşet / Siyasət | çapa göndər
Beynəlxalq münasibətlərdə dövlətlər arasındakı yaxınlıq təkcə coğrafi mövqe və məsafə ilə ölçülmür. Dünyanın müxtəlif bölgələrində yerləşən ölkələr ortaq maraqlar, qarşılıqlı etimad, siyasi münasibətlərin sağlam əsaslar üzərində qurulması və gələcəyə dair ümumi hədəflər vasitəsilə bir-birinə yaxınlaşa bilirlər. Bu əlaqələrin möhkəmliyi isə yalnız rəsmi görüşlərin keçirilməsi ilə deyil, həmin görüşlər zamanı əldə edilən razılaşmaların praktik nəticələr verməsi ilə müəyyən olunur.
Bu fikirləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi səsləndirib.
Partiya sədri qeyd edib ki, Azərbaycan Respublikasının Prezidenti cənab İlham Əliyevin Kamboca Krallığının Baş naziri Hun Manetin ölkəmizə rəsmi səfəri çərçivəsində mətbuata verdiyi bəyanat da bu baxımdan mühüm əhəmiyyət kəsb edir. Dövlət başçısının açıqlamaları Azərbaycanla Kamboca arasındakı münasibətlərin hazırkı vəziyyətinə nəzər salmaqla yanaşı, gələcək əməkdaşlığın mümkün istiqamətlərini, iqtisadi əlaqələrin inkişaf perspektivlərini və xalqlar arasında təmasların genişləndirilməsi imkanlarını da müəyyənləşdirir. Görüşün diqqətçəkən tərəflərindən biri mövcud siyasi münasibətlərin iqtisadi və humanitar sahələrdə daha geniş əməkdaşlıqla tamamlanmasına yönəlmiş qarşılıqlı niyyətin ortaya qoyulmasıdır. Azərbaycanın xarici siyasətində Asiya, xüsusilə də Cənub-Şərqi Asiya regionu ilə əlaqələrin inkişafına verilən önəm nəzərə alındıqda, Kamboca ilə tərəfdaşlığın dərinləşdirilməsi ölkəmizin beynəlxalq əməkdaşlıq imkanlarının artırılması baxımından da aktualdır.
Cənab Prezident İlham Əliyevin bəyanatında iqtisadi münasibətlərin qarşısında dayanan çətinliklərin real şəkildə qiymətləndirilməsi xüsusi diqqət çəkir. Dövlət başçısı müasir dövrdə coğrafi uzaqlığın əməkdaşlıq üçün əsas maneə olmadığını, əsas problemlərdən birinin isə ölkələrin bir-biri haqqında kifayət qədər məlumata sahib olmaması ilə bağlı olduğunu vurğulayıb. Bu yanaşma iqtisadi diplomatiyanın mühüm xüsusiyyətlərindən birini əks etdirir. Belə ki, iki ölkənin sahibkarları qarşı tərəfin bazar imkanları, istehsal potensialı, investisiya şəraiti və iqtisadi inkişaf istiqamətləri haqqında ətraflı məlumat əldə etmədikdə, mövcud imkanların reallaşdırılması çətinləşir. Bu səbəbdən iqtisadi əlaqələrin genişləndirilməsi yalnız siyasi razılaşmalarla məhdudlaşmamalı, eyni zamanda biznes dairələri arasında birbaşa ünsiyyətin qurulması, məlumat mübadiləsinin gücləndirilməsi və konkret layihələrin həyata keçirilməsi ilə müşayiət olunmalıdır.
Cənab Prezident İlham Əliyevin təhsil və turizm məsələlərini iqtisadi əməkdaşlıqla yanaşı diqqətə çatdırması Azərbaycan-Kamboca münasibətlərinin çoxşaxəli xarakter daşıdığını göstərir. Dövlət başçısı Sovet İttifaqı dövründə yüzlərlə kambocalı tələbənin Azərbaycanda təhsil aldığını xatırladaraq həmin ənənənin yenidən bərpa olunmasının vacibliyini qeyd edib. Keçmişdə mövcud olmuş bu təcrübə iki ölkə arasında humanitar münasibətlərin inkişafı üçün əhəmiyyətli əsas yaradır. Təhsil sahəsində əlaqələrin yenidən canlandırılması tələbə mübadiləsinin genişləndirilməsinə, elmi əməkdaşlığın inkişafına və gənclər arasında qarşılıqlı anlaşmanın güclənməsinə kömək edə bilər. Bu cür təmaslar insanların bir-birinin tarixi, mədəniyyəti və ictimai həyatı haqqında daha ətraflı məlumat əldə etməsinə də şərait yaradır.
Müasir dövrdə dövlətlər arasında iqtisadi münasibətlərin səmərəliliyi nəqliyyat əlaqələrinin inkişafı, rəqəmsal texnologiyaların tətbiqi və informasiya mübadiləsinin operativliyi ilə də sıx bağlıdır. Cənab Prezident İlham Əliyevin bu istiqamətləri mümkün əməkdaşlıq sahələri sırasında qeyd etməsi Azərbaycan və Kamboca arasında gələcəyə hesablanmış münasibətlərin qurulmasına marağı göstərir. Bu baxımdan Azərbaycanın dövlət xidmətləri sahəsində formalaşdırdığı “ASAN xidmət” modelinin Kamboca tərəfindən maraqla qarşılanması diqqətəlayiq məqamlardandır. Cənab Prezidentin bildirdiyinə əsasən, bu sistem Azərbaycan cəmiyyətində təqribən 100 faizlik müsbət qiymətləndirmə qazanıb və ölkəmizin dost münasibətlərə malik olduğu bir sıra dövlətlərdə də tətbiq edilir.
Cənab Prezident İlham Əliyevin Kambocanın Baş naziri Hun Manetlə görüşdən sonra verdiyi bəyanatın əsas məzmunu ondan ibarətdir ki, Azərbaycan və Kamboca arasında əməkdaşlığın genişləndirilməsi üçün siyasi iradə, qarşılıqlı maraq və yeni imkanlar mövcuddur. Qarşıda duran əsas vəzifə bu imkanların davamlı iqtisadi, humanitar və institusional nəticələrə çevrilməsidir. Birgə işçi qrupunun yaradılması, biznes forumunun keçirilməsi, ticarət və investisiya əlaqələrinin inkişaf etdirilməsi, təhsil və turizm sahələrində təmasların artırılması, həmçinin nəqliyyat və rəqəmsal transformasiya istiqamətlərində əməkdaşlıq imkanlarının araşdırılması gələcək münasibətlərin əsas gündəliyini təşkil edir.
Azərbaycanın xarici siyasətində dünyanın müxtəlif regionları ilə qarşılıqlı hörmət və bərabərhüquqlu əməkdaşlıq prinsipləri əsasında münasibətlərin qurulması mühüm istiqamətlərdən biridir. Kamboca ilə əlaqələrin yeni mərhələyə qədəm qoyması da bu siyasətin davamı kimi nəzərdən keçirilə bilər. İki ölkə arasında mövcud siyasi dialoqun iqtisadi, humanitar və institusional sahələrdə konkret addımlarla dəstəklənməsi əməkdaşlığın gələcək inkişafı üçün zəmin yaradır. Qarşıdakı dövrdə əldə olunmuş razılaşmaların icrası, yeni layihələrin hazırlanması və qarşılıqlı maraqların praktiki nəticələrlə möhkəmləndirilməsi Azərbaycan-Kamboca münasibətlərinin hansı istiqamətdə inkişaf edəcəyini müəyyənləşdirən əsas amillər olacaq-deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 13-10-2026 | Saat: 10:46
Bölmə:Manşet / Siyasət | çapa göndər
Beynəlxalq münasibətlərdə dövlətlər arasındakı yaxınlıq təkcə coğrafi mövqe və məsafə ilə ölçülmür. Dünyanın müxtəlif bölgələrində yerləşən ölkələr ortaq maraqlar, qarşılıqlı etimad, siyasi münasibətlərin sağlam əsaslar üzərində qurulması və gələcəyə dair ümumi hədəflər vasitəsilə bir-birinə yaxınlaşa bilirlər. Bu əlaqələrin möhkəmliyi isə yalnız rəsmi görüşlərin keçirilməsi ilə deyil, həmin görüşlər zamanı əldə edilən razılaşmaların praktik nəticələr verməsi ilə müəyyən olunur.
Bu fikirləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi səsləndirib.
Partiya sədri qeyd edib ki, Azərbaycan Respublikasının Prezidenti cənab İlham Əliyevin Kamboca Krallığının Baş naziri Hun Manetin ölkəmizə rəsmi səfəri çərçivəsində mətbuata verdiyi bəyanat da bu baxımdan mühüm əhəmiyyət kəsb edir. Dövlət başçısının açıqlamaları Azərbaycanla Kamboca arasındakı münasibətlərin hazırkı vəziyyətinə nəzər salmaqla yanaşı, gələcək əməkdaşlığın mümkün istiqamətlərini, iqtisadi əlaqələrin inkişaf perspektivlərini və xalqlar arasında təmasların genişləndirilməsi imkanlarını da müəyyənləşdirir. Görüşün diqqətçəkən tərəflərindən biri mövcud siyasi münasibətlərin iqtisadi və humanitar sahələrdə daha geniş əməkdaşlıqla tamamlanmasına yönəlmiş qarşılıqlı niyyətin ortaya qoyulmasıdır. Azərbaycanın xarici siyasətində Asiya, xüsusilə də Cənub-Şərqi Asiya regionu ilə əlaqələrin inkişafına verilən önəm nəzərə alındıqda, Kamboca ilə tərəfdaşlığın dərinləşdirilməsi ölkəmizin beynəlxalq əməkdaşlıq imkanlarının artırılması baxımından da aktualdır.
Cənab Prezident İlham Əliyevin bəyanatında iqtisadi münasibətlərin qarşısında dayanan çətinliklərin real şəkildə qiymətləndirilməsi xüsusi diqqət çəkir. Dövlət başçısı müasir dövrdə coğrafi uzaqlığın əməkdaşlıq üçün əsas maneə olmadığını, əsas problemlərdən birinin isə ölkələrin bir-biri haqqında kifayət qədər məlumata sahib olmaması ilə bağlı olduğunu vurğulayıb. Bu yanaşma iqtisadi diplomatiyanın mühüm xüsusiyyətlərindən birini əks etdirir. Belə ki, iki ölkənin sahibkarları qarşı tərəfin bazar imkanları, istehsal potensialı, investisiya şəraiti və iqtisadi inkişaf istiqamətləri haqqında ətraflı məlumat əldə etmədikdə, mövcud imkanların reallaşdırılması çətinləşir. Bu səbəbdən iqtisadi əlaqələrin genişləndirilməsi yalnız siyasi razılaşmalarla məhdudlaşmamalı, eyni zamanda biznes dairələri arasında birbaşa ünsiyyətin qurulması, məlumat mübadiləsinin gücləndirilməsi və konkret layihələrin həyata keçirilməsi ilə müşayiət olunmalıdır.
Cənab Prezident İlham Əliyevin təhsil və turizm məsələlərini iqtisadi əməkdaşlıqla yanaşı diqqətə çatdırması Azərbaycan-Kamboca münasibətlərinin çoxşaxəli xarakter daşıdığını göstərir. Dövlət başçısı Sovet İttifaqı dövründə yüzlərlə kambocalı tələbənin Azərbaycanda təhsil aldığını xatırladaraq həmin ənənənin yenidən bərpa olunmasının vacibliyini qeyd edib. Keçmişdə mövcud olmuş bu təcrübə iki ölkə arasında humanitar münasibətlərin inkişafı üçün əhəmiyyətli əsas yaradır. Təhsil sahəsində əlaqələrin yenidən canlandırılması tələbə mübadiləsinin genişləndirilməsinə, elmi əməkdaşlığın inkişafına və gənclər arasında qarşılıqlı anlaşmanın güclənməsinə kömək edə bilər. Bu cür təmaslar insanların bir-birinin tarixi, mədəniyyəti və ictimai həyatı haqqında daha ətraflı məlumat əldə etməsinə də şərait yaradır.
Müasir dövrdə dövlətlər arasında iqtisadi münasibətlərin səmərəliliyi nəqliyyat əlaqələrinin inkişafı, rəqəmsal texnologiyaların tətbiqi və informasiya mübadiləsinin operativliyi ilə də sıx bağlıdır. Cənab Prezident İlham Əliyevin bu istiqamətləri mümkün əməkdaşlıq sahələri sırasında qeyd etməsi Azərbaycan və Kamboca arasında gələcəyə hesablanmış münasibətlərin qurulmasına marağı göstərir. Bu baxımdan Azərbaycanın dövlət xidmətləri sahəsində formalaşdırdığı “ASAN xidmət” modelinin Kamboca tərəfindən maraqla qarşılanması diqqətəlayiq məqamlardandır. Cənab Prezidentin bildirdiyinə əsasən, bu sistem Azərbaycan cəmiyyətində təqribən 100 faizlik müsbət qiymətləndirmə qazanıb və ölkəmizin dost münasibətlərə malik olduğu bir sıra dövlətlərdə də tətbiq edilir.
Cənab Prezident İlham Əliyevin Kambocanın Baş naziri Hun Manetlə görüşdən sonra verdiyi bəyanatın əsas məzmunu ondan ibarətdir ki, Azərbaycan və Kamboca arasında əməkdaşlığın genişləndirilməsi üçün siyasi iradə, qarşılıqlı maraq və yeni imkanlar mövcuddur. Qarşıda duran əsas vəzifə bu imkanların davamlı iqtisadi, humanitar və institusional nəticələrə çevrilməsidir. Birgə işçi qrupunun yaradılması, biznes forumunun keçirilməsi, ticarət və investisiya əlaqələrinin inkişaf etdirilməsi, təhsil və turizm sahələrində təmasların artırılması, həmçinin nəqliyyat və rəqəmsal transformasiya istiqamətlərində əməkdaşlıq imkanlarının araşdırılması gələcək münasibətlərin əsas gündəliyini təşkil edir.
Azərbaycanın xarici siyasətində dünyanın müxtəlif regionları ilə qarşılıqlı hörmət və bərabərhüquqlu əməkdaşlıq prinsipləri əsasında münasibətlərin qurulması mühüm istiqamətlərdən biridir. Kamboca ilə əlaqələrin yeni mərhələyə qədəm qoyması da bu siyasətin davamı kimi nəzərdən keçirilə bilər. İki ölkə arasında mövcud siyasi dialoqun iqtisadi, humanitar və institusional sahələrdə konkret addımlarla dəstəklənməsi əməkdaşlığın gələcək inkişafı üçün zəmin yaradır. Qarşıdakı dövrdə əldə olunmuş razılaşmaların icrası, yeni layihələrin hazırlanması və qarşılıqlı maraqların praktiki nəticələrlə möhkəmləndirilməsi Azərbaycan-Kamboca münasibətlərinin hansı istiqamətdə inkişaf edəcəyini müəyyənləşdirən əsas amillər olacaq-deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
