Göydəniz Qəhrəmanov: “Turizm sahəsinin inkişafı insanlar arasında əlaqələri genişləndirir, qarşılıqlı tanışlığı artırır və yeni xidmət sahələrinin inkişafına təkan verir”
Tarix: 13-10-2026 | Saat: 11:44
Bölmə:Manşet / Siyasət | çapa göndər
“Azərbaycanla Kamboca arasında münasibətlərin gündəliyində yer alan məsələlər göstərir ki, dövlətlər arasında əməkdaşlığın dəyəri yalnız iqtisadi göstəricilərlə ölçülmür. İnsanların təhlükəsizliyinin qorunması, münaqişələrin ağır nəticələrinin aradan qaldırılması və beynəlxalq hüququn prinsiplərinə hörmət edilməsi də dayanıqlı inkişafın mühüm şərtləridir. Prezident İlham Əliyevin Kambocanın Baş naziri Hun Manetlə görüşdən sonra mətbuata verdiyi bəyanatda mina təhlükəsi, sülh və ərazi bütövlüyü məsələlərinə diqqət yetirməsi bu reallıqları bir daha gündəmə gətirir. Azərbaycan və Kamboca müxtəlif tarixi şəraitlərdə minaların yaratdığı təhlükələrlə üzləşmiş ölkələrdir. Bu problemin uzun müddət davam etməsi onun yalnız hərbi məsələ olmadığını, eyni zamanda ciddi humanitar çağırış təşkil etdiyini göstərir. Mina təhlükəsi insanların həyatına son qoyur, mülki əhalinin təhlükəsizliyini risk altında saxlayır, torpaqların təsərrüfat dövriyyəsinə qaytarılmasını çətinləşdirir. Buna görə də mina probleminin həlli dövlətlərin təhlükəsizlik siyasətində və beynəlxalq humanitar əməkdaşlıqda mühüm yer tutmalıdır.”
Millət vəkili Göydəniz Qəhrəmanov aia.az-a açıqlamasında belə deyib.
Parlament üzvü qeyd edib ki, bəyanatda səsləndirilən digər mühüm fikir sülh və təhlükəsizliyin beynəlxalq hüquq normaları, suverenlik və ərazi bütövlüyü prinsipləri əsasında təmin edilməsinin vacibliyidir: “Azərbaycan uzun illər ərazilərinin işğalı ilə üzləşib, münaqişənin həlli üçün beynəlxalq təşkilatların qərarlarına və hüquqi mexanizmlərə istinad edib. Otuz illik işğaldan sonra ölkəmiz öz ərazi bütövlüyünü və suverenliyini bərpa edib. Bu gün dövlət sərhədləri daxilində bütün ərazilərə nəzarətin təmin olunması Azərbaycanın müasir tarixində mühüm mərhələdir.Müzəffər Ali Baş Komandan İlham Əliyevin rəhbərliyi ilə əldə olunan tarixi Zəfər ölkənin suveren hüquqlarının bərpası ilə yanaşı, azad edilmiş ərazilərdə genişmiqyaslı quruculuq prosesinə də yol açıb. Hazırda həmin ərazilərdə infrastruktur yenilənir, yaşayış məntəqələri bərpa olunur, iqtisadi fəaliyyət üçün yeni imkanlar yaradılır. “Böyük Qayıdış” Proqramının həyata keçirilməsi doğma yurdlarından didərgin düşmüş insanların təhlükəsiz və layiqli həyat şəraitinə qayıtmasını hədəfləyir. Lakin minaların mövcudluğu bu prosesin sürətinə və əhatəsinə təsir göstərən ciddi amil olaraq qalır. Azərbaycanın mövqeyinin mühüm tərəfi ondan ibarətdir ki, davamlı sülh yalnız qarşıdurmanın dayandırılması ilə məhdudlaşmamalı, dövlətlərin suverenliyinə və ərazi bütövlüyünə hörmət üzərində qurulmalıdır. Beynəlxalq hüququn norma və prinsiplərinə ardıcıl riayət olunması gələcək münaqişələrin qarşısının alınması, dövlətlər arasında etimadın formalaşması və təhlükəsiz inkişaf mühitinin yaradılması üçün vacibdir.”
Daha sonra deputat Azərbaycan-Kamboca əməkdaşlığının iqtisadi və humanitar sahələrdə perspektivlərindən bəhs edib: “Humanitar əməkdaşlığın mühüm tərəflərindən biri dövlət xidmətlərinin təşkili sahəsində Azərbaycanın təcrübəsinin paylaşılmasıdır. Prezident İlham Əliyevin bəyanatında “ASAN xidmət” sisteminin Kambocada da maraq doğurması xüsusi vurğulanıb. Bu model dövlət-vətəndaş münasibətlərində operativliyin, şəffaflığın və xidmət keyfiyyətinin artırılmasına yönəlmiş yanaşmanın nümunəsidir. Onun müxtəlif ölkələrdə maraqla qarşılanması Azərbaycanın dövlət idarəçiliyi sahəsində formalaşdırdığı təcrübənin beynəlxalq əməkdaşlıq üçün də faydalı ola biləcəyini göstərir. “ASAN xidmət”in əsas üstünlüyü vətəndaşın dövlət qurumları ilə münasibətlərini sadələşdirmək, xidmətlərin əlçatanlığını artırmaq və inzibati prosedurlara sərf olunan vaxtı azaltmaq məqsədindən irəli gəlir. Belə bir modelin öyrənilməsi Kamboca üçün dövlət xidmətlərinin təkmilləşdirilməsi baxımından maraqlı imkanlar yarada bilər. Oktyabrın 12-də iki ölkə arasında sənədlərin mübadiləsi də əməkdaşlığın hüquqi və institusional əsaslarının genişləndirilməsi baxımından əhəmiyyətlidir. İqtisadi-ticari münasibətlərin inkişafı üçün yaradılan çərçivə və ikiqat vergitutmanın aradan qaldırılmasına yönələn razılaşma biznes mühitinin yaxşılaşdırılması istiqamətində mühüm addımlardır. Bu sənədlərin praktiki əhəmiyyəti onların sahibkarların fəaliyyətinə, investisiya qərarlarına və qarşılıqlı ticarətin dinamikasına töhfə verəcəkdir. Turizm və təhsil sahələrinin iqtisadi əməkdaşlıqla yanaşı müzakirə olunması da təsadüfi deyil. Bu istiqamətlər insanlar arasında əlaqələri genişləndirir, qarşılıqlı tanışlığı artırır və yeni xidmət sahələrinin inkişafına təkan verir. Nəqliyyat və rəqəmsal transformasiya üzrə əməkdaşlıq isə coğrafi məsafənin azaldılmasına kömək edə bilər” – deyə, Göydəniz Qəhrəmanov açıqlamasını sona çatdırıb.
Məlumatlanmaq üçün Facebook səhifəmizi
Digər xəbərlər
Tarix: 13-10-2026 | Saat: 11:44
Bölmə:Manşet / Siyasət | çapa göndər
“Azərbaycanla Kamboca arasında münasibətlərin gündəliyində yer alan məsələlər göstərir ki, dövlətlər arasında əməkdaşlığın dəyəri yalnız iqtisadi göstəricilərlə ölçülmür. İnsanların təhlükəsizliyinin qorunması, münaqişələrin ağır nəticələrinin aradan qaldırılması və beynəlxalq hüququn prinsiplərinə hörmət edilməsi də dayanıqlı inkişafın mühüm şərtləridir. Prezident İlham Əliyevin Kambocanın Baş naziri Hun Manetlə görüşdən sonra mətbuata verdiyi bəyanatda mina təhlükəsi, sülh və ərazi bütövlüyü məsələlərinə diqqət yetirməsi bu reallıqları bir daha gündəmə gətirir. Azərbaycan və Kamboca müxtəlif tarixi şəraitlərdə minaların yaratdığı təhlükələrlə üzləşmiş ölkələrdir. Bu problemin uzun müddət davam etməsi onun yalnız hərbi məsələ olmadığını, eyni zamanda ciddi humanitar çağırış təşkil etdiyini göstərir. Mina təhlükəsi insanların həyatına son qoyur, mülki əhalinin təhlükəsizliyini risk altında saxlayır, torpaqların təsərrüfat dövriyyəsinə qaytarılmasını çətinləşdirir. Buna görə də mina probleminin həlli dövlətlərin təhlükəsizlik siyasətində və beynəlxalq humanitar əməkdaşlıqda mühüm yer tutmalıdır.”
Millət vəkili Göydəniz Qəhrəmanov aia.az-a açıqlamasında belə deyib.
Parlament üzvü qeyd edib ki, bəyanatda səsləndirilən digər mühüm fikir sülh və təhlükəsizliyin beynəlxalq hüquq normaları, suverenlik və ərazi bütövlüyü prinsipləri əsasında təmin edilməsinin vacibliyidir: “Azərbaycan uzun illər ərazilərinin işğalı ilə üzləşib, münaqişənin həlli üçün beynəlxalq təşkilatların qərarlarına və hüquqi mexanizmlərə istinad edib. Otuz illik işğaldan sonra ölkəmiz öz ərazi bütövlüyünü və suverenliyini bərpa edib. Bu gün dövlət sərhədləri daxilində bütün ərazilərə nəzarətin təmin olunması Azərbaycanın müasir tarixində mühüm mərhələdir.Müzəffər Ali Baş Komandan İlham Əliyevin rəhbərliyi ilə əldə olunan tarixi Zəfər ölkənin suveren hüquqlarının bərpası ilə yanaşı, azad edilmiş ərazilərdə genişmiqyaslı quruculuq prosesinə də yol açıb. Hazırda həmin ərazilərdə infrastruktur yenilənir, yaşayış məntəqələri bərpa olunur, iqtisadi fəaliyyət üçün yeni imkanlar yaradılır. “Böyük Qayıdış” Proqramının həyata keçirilməsi doğma yurdlarından didərgin düşmüş insanların təhlükəsiz və layiqli həyat şəraitinə qayıtmasını hədəfləyir. Lakin minaların mövcudluğu bu prosesin sürətinə və əhatəsinə təsir göstərən ciddi amil olaraq qalır. Azərbaycanın mövqeyinin mühüm tərəfi ondan ibarətdir ki, davamlı sülh yalnız qarşıdurmanın dayandırılması ilə məhdudlaşmamalı, dövlətlərin suverenliyinə və ərazi bütövlüyünə hörmət üzərində qurulmalıdır. Beynəlxalq hüququn norma və prinsiplərinə ardıcıl riayət olunması gələcək münaqişələrin qarşısının alınması, dövlətlər arasında etimadın formalaşması və təhlükəsiz inkişaf mühitinin yaradılması üçün vacibdir.”
Daha sonra deputat Azərbaycan-Kamboca əməkdaşlığının iqtisadi və humanitar sahələrdə perspektivlərindən bəhs edib: “Humanitar əməkdaşlığın mühüm tərəflərindən biri dövlət xidmətlərinin təşkili sahəsində Azərbaycanın təcrübəsinin paylaşılmasıdır. Prezident İlham Əliyevin bəyanatında “ASAN xidmət” sisteminin Kambocada da maraq doğurması xüsusi vurğulanıb. Bu model dövlət-vətəndaş münasibətlərində operativliyin, şəffaflığın və xidmət keyfiyyətinin artırılmasına yönəlmiş yanaşmanın nümunəsidir. Onun müxtəlif ölkələrdə maraqla qarşılanması Azərbaycanın dövlət idarəçiliyi sahəsində formalaşdırdığı təcrübənin beynəlxalq əməkdaşlıq üçün də faydalı ola biləcəyini göstərir. “ASAN xidmət”in əsas üstünlüyü vətəndaşın dövlət qurumları ilə münasibətlərini sadələşdirmək, xidmətlərin əlçatanlığını artırmaq və inzibati prosedurlara sərf olunan vaxtı azaltmaq məqsədindən irəli gəlir. Belə bir modelin öyrənilməsi Kamboca üçün dövlət xidmətlərinin təkmilləşdirilməsi baxımından maraqlı imkanlar yarada bilər. Oktyabrın 12-də iki ölkə arasında sənədlərin mübadiləsi də əməkdaşlığın hüquqi və institusional əsaslarının genişləndirilməsi baxımından əhəmiyyətlidir. İqtisadi-ticari münasibətlərin inkişafı üçün yaradılan çərçivə və ikiqat vergitutmanın aradan qaldırılmasına yönələn razılaşma biznes mühitinin yaxşılaşdırılması istiqamətində mühüm addımlardır. Bu sənədlərin praktiki əhəmiyyəti onların sahibkarların fəaliyyətinə, investisiya qərarlarına və qarşılıqlı ticarətin dinamikasına töhfə verəcəkdir. Turizm və təhsil sahələrinin iqtisadi əməkdaşlıqla yanaşı müzakirə olunması da təsadüfi deyil. Bu istiqamətlər insanlar arasında əlaqələri genişləndirir, qarşılıqlı tanışlığı artırır və yeni xidmət sahələrinin inkişafına təkan verir. Nəqliyyat və rəqəmsal transformasiya üzrə əməkdaşlıq isə coğrafi məsafənin azaldılmasına kömək edə bilər” – deyə, Göydəniz Qəhrəmanov açıqlamasını sona çatdırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
13-10-2026
