Azər Məmmədov: “Prezident İlham Əliyevin uğurla həyata keçirdiyi sosial siyasət kursunun mərkəzində insan amili durur”
Tarix: 01-10-2024 | Saat: 11:12
Bölmə:Siyasət / Özəl | çapa göndər
Prezident İlham Əliyevin cari ilin sentyabr ayınının 26-da keçirdiyi iqtisadi məsələlərə həsr olunmuş müşavirədə ölkənin iqtisadi inkişafına təsir edən amillər, qeyri-neft sektoruna investisiya qoyuluşları, növbəti il üçün planlaşdırılan pensiya artımı və ölkə ictimaiyyətini maraqlandıran bir çox digər məsələlər müzakirə olunub. Müşavirənin gedişində təqdim olunan bəzi açıqlamaları aia.az saytının baş redaktoru Azər Məmmədov şərh edib.
Media təmsilçisi öz şərhində qeyd edir ki, dövlət başçısının çıxışında son bir neçə ildə ölkə iqtisadiyyatının inkişaf templərini ləngidən əsas amillərin aradan qaldırılması ilə bağlı səsləndirdiyi fikirlər gələn il iqtisadi inkişafın daha yüksək templə davam edəcəyinə əminlik yaradır: “İqtisadi məsələlərə həsr olunmuş müşavirədəki çıxışında ölkə Prezidenti cənab İlham Əliyev cari ilin əvvəlindən iqtisadi inkişafın gözlənilən səviyyədə olduğunu vurğulamaqla yanaşı son illər ərzində neft sektorunda müşahidə olunan və ümumi iqtisadi inkişaf templərinə mənfi təsir göstərən amillərdən də bəhs etdi. Qeyd olundu ki, bəzi xarici neft şirkətləri tərəfindən həyata keçirilən layihələrdə neftin hasilatı ildən-ilə azalırdı. Lakin bu sahədə aşkar olunan nöqsanlar xarici neft şirkətləri ilə aparılan danışıqların gedişində onların diqqətinə çatdırılıb və həmin şirkətlərdən tələb olunub ki, bu nöqsanlar aradan qaldırılsın, neft hasilatının sabitliyi təmin edilsin. Dövlətimizin başçısı bildirdi ki, artıq bundan sonra müvafiq hökumət qurumları və Dövlət Neft Şirkəti bu işlərin gələcək gedişatına daim xüsusi diqqət yetirəcək. Beləliklə, ölkə iqtisadiyyatının inkişaf templərini ləngidən əsas amil aradan qaldırılacaq və gələn il sabit neft hasilatı təmin ediləcək. Cənab Prezident həmçinin belə bir mühüm açıqlama da verdi ki, hazırda Azərbaycan neft-qaz sektorunda bir neçə yeni layihə üzərində çalışmalar aparır və o layihələrin işlənməsi nəticəsində yeni hasilat proqnozları var.”
Azər Məmmədovun təhlilində maraq doğuran əsas məqamlardan biri də budur ki, baş redaktor Prezident İlham Əliyevin çıxışında növbəti ildə minimum əməkhaqqı və minimum pensiya həddinin artırılacağı barədə təqdim olunan açıqlamaları xüsusilə diqqət mərkəzinə çəkir: “Bu gün biz birmənalı olaraq deyə bilərik ki, cənab Prezident İlham Əliyevin uğurla həyata keçirdiyi sosial siyasət kursunun mərkəzində hər zaman insan amili, Azərbaycan vətəndaşı durur. 2003-cü ildən bu günə qədər ölkə iqtisadiyyatının inkişafı və insanların sosial rifah halının yüksəldilməsi istiqamətində atılan ardıcıl, məqsədyönlü addımlar bunu daim təsdiqləyib. Bu siyasətin əsasında hər bir vətəndaşın layiqli həyat şəraitinin təmin edilməsi prinsipi durur. O cümlədən iqtisadi müşavirədə etdiyi çıxışında cənab Prezident gələn il minimum əməkhaqqı və minimum pensiya hədlərinin artırılacağını bir daha bəyan etdi. Baxmayaraq ki, inflyasiya çox aşağı səviyyədədir, baxmayaraq ki, ölkə qarşısında duran vəzifələr böyük maliyyə vəsaiti tələb edir, dövlətimizin başçısı həssas təbəqə sayılan vətəndaşlarımızın da rifah halının yaxşılaşdırılması üçün bundan sonra da bütün lazımi tədbirlərin görüləcəyini vurğuladı. Bu bir daha onu göstərir ki, xüsusilə son illər ölkəmizin iqtisadi qüdrətinin artması vətəndaşların sosial rifahının yüksəldilməsinə yönəlmiş layihələrin həyata keçirilməsinə əsaslı zəmin yaradıb”.
Məlumatlanmaq üçün Facebook səhifəmizi
Digər xəbərlər
Tarix: 01-10-2024 | Saat: 11:12
Bölmə:Siyasət / Özəl | çapa göndər
Prezident İlham Əliyevin cari ilin sentyabr ayınının 26-da keçirdiyi iqtisadi məsələlərə həsr olunmuş müşavirədə ölkənin iqtisadi inkişafına təsir edən amillər, qeyri-neft sektoruna investisiya qoyuluşları, növbəti il üçün planlaşdırılan pensiya artımı və ölkə ictimaiyyətini maraqlandıran bir çox digər məsələlər müzakirə olunub. Müşavirənin gedişində təqdim olunan bəzi açıqlamaları aia.az saytının baş redaktoru Azər Məmmədov şərh edib.
Media təmsilçisi öz şərhində qeyd edir ki, dövlət başçısının çıxışında son bir neçə ildə ölkə iqtisadiyyatının inkişaf templərini ləngidən əsas amillərin aradan qaldırılması ilə bağlı səsləndirdiyi fikirlər gələn il iqtisadi inkişafın daha yüksək templə davam edəcəyinə əminlik yaradır: “İqtisadi məsələlərə həsr olunmuş müşavirədəki çıxışında ölkə Prezidenti cənab İlham Əliyev cari ilin əvvəlindən iqtisadi inkişafın gözlənilən səviyyədə olduğunu vurğulamaqla yanaşı son illər ərzində neft sektorunda müşahidə olunan və ümumi iqtisadi inkişaf templərinə mənfi təsir göstərən amillərdən də bəhs etdi. Qeyd olundu ki, bəzi xarici neft şirkətləri tərəfindən həyata keçirilən layihələrdə neftin hasilatı ildən-ilə azalırdı. Lakin bu sahədə aşkar olunan nöqsanlar xarici neft şirkətləri ilə aparılan danışıqların gedişində onların diqqətinə çatdırılıb və həmin şirkətlərdən tələb olunub ki, bu nöqsanlar aradan qaldırılsın, neft hasilatının sabitliyi təmin edilsin. Dövlətimizin başçısı bildirdi ki, artıq bundan sonra müvafiq hökumət qurumları və Dövlət Neft Şirkəti bu işlərin gələcək gedişatına daim xüsusi diqqət yetirəcək. Beləliklə, ölkə iqtisadiyyatının inkişaf templərini ləngidən əsas amil aradan qaldırılacaq və gələn il sabit neft hasilatı təmin ediləcək. Cənab Prezident həmçinin belə bir mühüm açıqlama da verdi ki, hazırda Azərbaycan neft-qaz sektorunda bir neçə yeni layihə üzərində çalışmalar aparır və o layihələrin işlənməsi nəticəsində yeni hasilat proqnozları var.”
Azər Məmmədovun təhlilində maraq doğuran əsas məqamlardan biri də budur ki, baş redaktor Prezident İlham Əliyevin çıxışında növbəti ildə minimum əməkhaqqı və minimum pensiya həddinin artırılacağı barədə təqdim olunan açıqlamaları xüsusilə diqqət mərkəzinə çəkir: “Bu gün biz birmənalı olaraq deyə bilərik ki, cənab Prezident İlham Əliyevin uğurla həyata keçirdiyi sosial siyasət kursunun mərkəzində hər zaman insan amili, Azərbaycan vətəndaşı durur. 2003-cü ildən bu günə qədər ölkə iqtisadiyyatının inkişafı və insanların sosial rifah halının yüksəldilməsi istiqamətində atılan ardıcıl, məqsədyönlü addımlar bunu daim təsdiqləyib. Bu siyasətin əsasında hər bir vətəndaşın layiqli həyat şəraitinin təmin edilməsi prinsipi durur. O cümlədən iqtisadi müşavirədə etdiyi çıxışında cənab Prezident gələn il minimum əməkhaqqı və minimum pensiya hədlərinin artırılacağını bir daha bəyan etdi. Baxmayaraq ki, inflyasiya çox aşağı səviyyədədir, baxmayaraq ki, ölkə qarşısında duran vəzifələr böyük maliyyə vəsaiti tələb edir, dövlətimizin başçısı həssas təbəqə sayılan vətəndaşlarımızın da rifah halının yaxşılaşdırılması üçün bundan sonra da bütün lazımi tədbirlərin görüləcəyini vurğuladı. Bu bir daha onu göstərir ki, xüsusilə son illər ölkəmizin iqtisadi qüdrətinin artması vətəndaşların sosial rifahının yüksəldilməsinə yönəlmiş layihələrin həyata keçirilməsinə əsaslı zəmin yaradıb”.
Məlumatlanmaq üçün Facebook səhifəmizi
Xəbəri paylaş
Digər xəbərlər
jpg-1730361138.jpg)
01-11-2024
31-10-2024
