Biz Azərbaycan xalqı olaraq öz ana dilimizlə fəxr edirik
Tarix: 02-08-2024 | Saat: 16:21
Bölmə:Özəl | çapa göndər
Dil hər bir millətin mənəvi siması,onun milli varlığının timsalıdır. Azərbaycan xalqının Ümummilli lideri Heydər Əliyevin genişmiqyaslı siyasi-ideoloji fəaliyyətində dil siyasəti çox mühüm yer tutur. Ümummilli lider Heydər Əliyev dil quruculuğu siyasəti onun milli dövlət quruculuğu siyasətinin tərkib hissəsi olaraq bütöv bir sistem təşkil edib. Azərbaycan dilinin həm ümumxalq dili, həm də dövlət dili kimi inkişafında Ulu öndər Heydər Əliyevin misilsiz xidmətləri olmuşdur. Ulu öndər Azərbaycan dilinə yalnız adi ünsiyyət vasitəsi kimi deyil,qədim tarixi,zəngin mədəniyyəti,müasir dünyada müəyyən ictimai-mədəni mövqeyi olan bir xalqın milli sərvəti kimi yanaşırdı. Hələ 1970-ci illərdən başlayaraq Ulu öndər ana dilimizin qayğısına qalmışdır. Azərbaycan dilinin inkişafı üçün öz səyini əsirgəməyib. Ana dilinə böyük məhəbbət,onun incəliklərini dərindən bilmək,sadə,səmimi cümlələrlə insanlarda möhkəm nikbin əhval-ruhiyyə yaratmaq Heydər Əliyevin nitq və çıxışlarının əsas xüsusiyyətlərindən idi. Azərbaycan dilini sevən,ona hörmətlə yanaşan Ümummili liderin dilə münasibəti hər kəsə örnək olmuşdur. 1969-1982-ci illərdə Sovet Azərbaycanına rəhbərlik edən Ulu öndər bir çox ziyalıların cəsarət etmədiyi halda,müxtəlif tədbirlərdə Azərbaycan dilində çıxış etməklə dilimizə verdiyi dəyəri göstərdi. O, həmçinin, rusdilli məktəblərdə Azərbaycan dilində dərsliklərin daha çox istifadəsinə dair göstərişlər də vermişdi. 1978-ci ildə tarixi bir uğura imza atmışdır. Belə ki,həmin ildə qəbul olunan Azərbaycan SSR-in növbəti Konstitusiyasında ilk dəfə olaraq,rus dili ilə yanaşı,Azərbaycan dili rəsmi dil statusu əldə etdi. Müstəqillik əldə olunana qədər və müstəqillik dövründə Heydər Əliyevin müstəsna xidmətləri olmuşdur. 1995-ci ildə qəbul edilən Konstitusiyada Azərbaycan dili milli dövlətçiliyimizin rəmzlərindən biri olaraq təsbit edilmişdir. 2001-ci ildə Ümummilli liderimizin imzaladığı “Dövlət dilinin tətbiqi işinin təkmilləşdirilməsi haqqında” fərman isə yalnız cari bir sənəd deyil,xüsusi tarixi əhəmiyyət daşıyan böyük siyasi hadisə idi. Ulu öndər Heydər Əliyevin qərarı ilə 1 avqust tarixi hər il Azərbaycan əlifbası və Azərbaycan dili günü kimi qeyd olunur. Ümummilli liderimizin layiqli davamçısı cənab prezidentimiz İlham Əliyev dilimizə qayğını davam etdirir. Cənab prezidentimiz dilimizin qorunması və inkişafına böyük həssaslıqla yanaşır. Ölkə rəhbərinin 2004-cü il yanvarın 12-də imzaladığı “Azərbaycan dilində latın qrafikası ilə kütləvi nəşrlərin həyata keçirilməsi haqqında” sərəncam eyni zamanda əlifba ilə bağlı problemləri tamamilə həll etmiş oldu.
İlham Əliyev :”Azərbaycan dili o qədər zəngindir ki,heç bir xarici kəlməyə ehtiyac yoxdur. Bir daha demək istəyirəm ki,biz əsrlər boyu dilimizi qorumuşuq. Bu gün də qorumalıyıq. Biz Azərbaycan dilinin saflığını təmin etməliyik”.
“Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 1 noyabr 2018-ci il tarixli fərmanı xalqımızın ana dilinin ədəbi dil səviyyəsində qorunmasına və zənginləşdirilməsinə yönəlik dövlət siyasətinin davamlılığının və mükəmməlliyinin daha bir təzahürüdür. Bu gün də Azərbaycan dilinin qorunması və inkişaf etdirilməsi məsələsi cənab prezidentimiz İlham Əliyev diqqət mərkəzindədir.
Yaşasın Azərbaycan xalqı! Yaşasın Azərbaycan dili!
Nizami Verdiyev
YAP Laçın rayon təşkilatı,
50 saylı ƏPT-nin fəal üzvü
Məlumatlanmaq üçün Facebook səhifəmizi
Digər xəbərlər
Tarix: 02-08-2024 | Saat: 16:21
Bölmə:Özəl | çapa göndər
Dil hər bir millətin mənəvi siması,onun milli varlığının timsalıdır. Azərbaycan xalqının Ümummilli lideri Heydər Əliyevin genişmiqyaslı siyasi-ideoloji fəaliyyətində dil siyasəti çox mühüm yer tutur. Ümummilli lider Heydər Əliyev dil quruculuğu siyasəti onun milli dövlət quruculuğu siyasətinin tərkib hissəsi olaraq bütöv bir sistem təşkil edib. Azərbaycan dilinin həm ümumxalq dili, həm də dövlət dili kimi inkişafında Ulu öndər Heydər Əliyevin misilsiz xidmətləri olmuşdur. Ulu öndər Azərbaycan dilinə yalnız adi ünsiyyət vasitəsi kimi deyil,qədim tarixi,zəngin mədəniyyəti,müasir dünyada müəyyən ictimai-mədəni mövqeyi olan bir xalqın milli sərvəti kimi yanaşırdı. Hələ 1970-ci illərdən başlayaraq Ulu öndər ana dilimizin qayğısına qalmışdır. Azərbaycan dilinin inkişafı üçün öz səyini əsirgəməyib. Ana dilinə böyük məhəbbət,onun incəliklərini dərindən bilmək,sadə,səmimi cümlələrlə insanlarda möhkəm nikbin əhval-ruhiyyə yaratmaq Heydər Əliyevin nitq və çıxışlarının əsas xüsusiyyətlərindən idi. Azərbaycan dilini sevən,ona hörmətlə yanaşan Ümummili liderin dilə münasibəti hər kəsə örnək olmuşdur. 1969-1982-ci illərdə Sovet Azərbaycanına rəhbərlik edən Ulu öndər bir çox ziyalıların cəsarət etmədiyi halda,müxtəlif tədbirlərdə Azərbaycan dilində çıxış etməklə dilimizə verdiyi dəyəri göstərdi. O, həmçinin, rusdilli məktəblərdə Azərbaycan dilində dərsliklərin daha çox istifadəsinə dair göstərişlər də vermişdi. 1978-ci ildə tarixi bir uğura imza atmışdır. Belə ki,həmin ildə qəbul olunan Azərbaycan SSR-in növbəti Konstitusiyasında ilk dəfə olaraq,rus dili ilə yanaşı,Azərbaycan dili rəsmi dil statusu əldə etdi. Müstəqillik əldə olunana qədər və müstəqillik dövründə Heydər Əliyevin müstəsna xidmətləri olmuşdur. 1995-ci ildə qəbul edilən Konstitusiyada Azərbaycan dili milli dövlətçiliyimizin rəmzlərindən biri olaraq təsbit edilmişdir. 2001-ci ildə Ümummilli liderimizin imzaladığı “Dövlət dilinin tətbiqi işinin təkmilləşdirilməsi haqqında” fərman isə yalnız cari bir sənəd deyil,xüsusi tarixi əhəmiyyət daşıyan böyük siyasi hadisə idi. Ulu öndər Heydər Əliyevin qərarı ilə 1 avqust tarixi hər il Azərbaycan əlifbası və Azərbaycan dili günü kimi qeyd olunur. Ümummilli liderimizin layiqli davamçısı cənab prezidentimiz İlham Əliyev dilimizə qayğını davam etdirir. Cənab prezidentimiz dilimizin qorunması və inkişafına böyük həssaslıqla yanaşır. Ölkə rəhbərinin 2004-cü il yanvarın 12-də imzaladığı “Azərbaycan dilində latın qrafikası ilə kütləvi nəşrlərin həyata keçirilməsi haqqında” sərəncam eyni zamanda əlifba ilə bağlı problemləri tamamilə həll etmiş oldu.
İlham Əliyev :”Azərbaycan dili o qədər zəngindir ki,heç bir xarici kəlməyə ehtiyac yoxdur. Bir daha demək istəyirəm ki,biz əsrlər boyu dilimizi qorumuşuq. Bu gün də qorumalıyıq. Biz Azərbaycan dilinin saflığını təmin etməliyik”.
“Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 1 noyabr 2018-ci il tarixli fərmanı xalqımızın ana dilinin ədəbi dil səviyyəsində qorunmasına və zənginləşdirilməsinə yönəlik dövlət siyasətinin davamlılığının və mükəmməlliyinin daha bir təzahürüdür. Bu gün də Azərbaycan dilinin qorunması və inkişaf etdirilməsi məsələsi cənab prezidentimiz İlham Əliyev diqqət mərkəzindədir.
Yaşasın Azərbaycan xalqı! Yaşasın Azərbaycan dili!
Nizami Verdiyev
YAP Laçın rayon təşkilatı,
50 saylı ƏPT-nin fəal üzvü
Məlumatlanmaq üçün Facebook səhifəmizi
Xəbəri paylaş
Digər xəbərlər
14-01-2025
