Mobil versiya
DİM açıqladı: Bakalavrların qeydiyyatı başlayır
Tarix: 06-06-2024 | Saat: 10:10
Bölmə:Təhsil | çapa göndər

DİM açıqladı:

SABAH qruplarında magistratura səviyyəsi üzrə təhsil almaq istəyən bakalavrların qeydiyyatı başlayır.

Bu barədə aia.az-a Dövlət İmtahan Mərkəzindən (DİM) məlumat verilib.

Məlum olduğu kimi, ali təhsil müəssisələrində (ATM) müvafiq ixtisaslaşmalar üzrə tədris aparılan SABAH qruplarına (siyahı) daha hazırlıqlı tələbələrin qəbulunu təmin etmək məqsədilə həmin ixtisaslaşmaları seçmək istəyən bakalavrların ixtisas seçimi ərizələrini doldurmamışdan öncə 7 – 14 iyun 2024-cü il tarixlərində müvafiq ATM-lərdə yaradılan komissiyada müsahibədən keçmələri tələb olunur.

Müsahibədə iştirak etmək üçün Dövlət İmtahan Mərkəzinin internet səhifəsində tələbələrin qeydiyyatı aparılır. Qeydiyyat linki 6-14 iyun (saat 12:00-dək) tarixlərində aktiv olacaq.

Qeydiyyatdan keçmiş bakalavrlar müvafiq ATM-in təyin etdiyi qrafiklə müsahibəyə dəvət olunurlar. Bunun üçün ATM-in nümayəndəsi tərəfindən bakalavrın magistraturaya qəbul imtahanında iştirak etmək üçün verdiyi ərizəsində göstərdiyi əlaqə nömrəsinə zəng olunur.

Müsahibədə uğur qazanmış bakalavrlara magistraturaya qəbul üçün elektron ixtisaslaşma seçimi ərizələrində digər ixtisaslaşmalarla yanaşı SABAH qruplarına aid müvafiq ixtisaslaşmaları da seçmək imkanı veriləcək.

Bakalavrlar xüsusi olaraq nəzərə almalıdırlar ki, SABAH qruplarının müsahibəsində iştirak edib-etməmələrindən, iştirak edənlərin isə müsahibədə uğur qazanıb-qazanmamalarından asılı olmayaraq, magistraturaya qəbul olmaq istəyən hər kəs DİM tərəfindən elan olunacaq müddətdə elektron ixtisaslaşma seçimi prosesində iştirak etməlidirlər.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
25-06-2024