Aqiyə Naxçıvanlı: “Azərbaycanın geosiyasi dəyişikliklər nəticəsində daha güclü olacağına dair Prezident İlham Əliyevin verdiyi proqnoz heç kimdə şübhə doğurmur”
Tarix: 05-05-2023 | Saat: 23:31
Bölmə:Manşet / Siyasət / Özəl / Seçilənlər-3 | çapa göndər
“Cari ilin may ayının 3-də Şuşada ADA Universitetinin təşkilatçılığı ilə keçirilmiş və Ümummilli Lider Heydər Əliyevin 100 illik yubileyinə həsr olunmuş “Böyük Avrasiya geosiyasətinin formalaşması: keçmişdən bu günə və gələcəyə” mövzusunda dördüncü beynəlxalq konfrans Azərbaycanın işğaldan azad edilmiş ərazilərində həyata keçirdiyi möhtəşəm bərpa-yenidənqurma işlərinin nəhəng miqyasını, eləcə də ermənilərin 28 il davam edən işğal dövründə bu torpaqlarda törətdikləri vəhşiliklərin nəticələrini bütün dünyaya bir daha nümayiş etdirmək imkanı verdi. Beynəlxalq konfransın məhz Azərbaycanda elan olunmuş Heydər Əliyev İlində keçirilməsi isə əlbəttə ki, bu nüfuzlu tədbirin əhəmiyyətini daha da artırıb. Aydındır ki, bu il Azərbaycanda Ümummilli Liderimizin xatirəsinə ehtiram əlaməti olaraq və eyni zamanda, dövlətimizin daxili siyasətinin vacib məsələləri, regional inkişaf prosesləri və beynəlxalq məsələləri əhatə edən çoxsaylı tədbirlər, konfranslar təşkil olunur. Diqqətəlayiq haldır ki, belə tədbirlər təkcə ölkəmizdə deyil, həmçinin Azərbaycanın hüdudlarından kənrda da təşkil edilir. Şuşa konfransında iştirak edən möhtərəm Prezidentimiz cənab İlham Əliyevin öz çıxışında dediyi kimi, Ulu Öndər Heydər Əliyev həmişə Azərbaycan xalqının maraqlarını qoruyan bir şəxs olmuşdur və bunu zamana, siyasi vəziyyətə baxmayaraq etmişdir. Sovet Azərbaycanı dönəmində 10 ildən artıq müddətdə Sovet Azərbaycanının rəhbəri olanda və hətta ideoloji əngəllər çərçivəsində o, Azərbaycan xalqının maraqlarını qoruyurdu və milli kimliyimizi saxlaya bilməyimiz üçün əlindən gələni etməyə çalışırdı. Ümummilli Liderimiz hətta ötən əsrin 70-80-ci illərində belə Azərbaycanın müstəqilliyinə hədəflənmiş bir çox mühüm addımlar atmışdır. Ulu Öndər Heydər Əliyevin ən böyük arzusu Şuşanı azad görmək idi və Azərbaycan xalqı öz Prezidentinin rəhbərliyi ilə bu arzunu gerçəkləşdirdi.”
Bu sözləri mətbuata verdiyi açıqlamasında Milli Məclisin deputatı Aqiyə Naxçıvanlı deyib.
Deputat Prezident İlham Əliyevin tədbir iştirakçılarının suallarına verdiyi cavablarda birmənalı, konkret mövqe nümayiş olunduğunu vurğulayaraq belə deyib: “Azərbaycan əlbəttə ki, nə dünyada, nə də xüsusən Cənubi Qafqazda gedən proseslərə biganə qala bilməz və dövlətimizin başçısı bunu öz açıqlamalarında birmənalı olaraq qeyd etdi. Bu proseslərin inkişaf istiqaməti isə hazırkı vaxtda daha çox Ermənistanla Azərbaycan arsında sülh sazişinin bağlanmasından asılıdır. Əlbəttə, tarixdən aralarında sülh müqaviləsi imzalamayan ölkələrin də olduğu məlumdur. Lakin bu heç də arzuolunan hal deyil. Hərçənd bunun nəticələri Ermənistan üçün daha pis olacaq. Azərbaycan hələ də ümid edir ki, rəsmi İrəvan məntiqli davranacaq və keçmiş Minsk qrupu fəaliyyətdə olanda işğal zamanı istifadə etdikləri taktikadan istifadə etməyəcək. Ermənistan bu davranışı nəticəsində regional inkişaf proseslərindən təcrid edildi və faktiki olaraq həqiqətən də müstəqil ölkə olmaq şansını itirdi. Yalnız sülh sazişi imzalanarsa, ermənilər müxtəlif bazarlara çıxış əldə edə bilərlər. Bu isə onlar üçün bir tariixi şans ola bilər. Baxmayaraq ki, ölkəmiz qalib mövqelərdə dir, Azərbaycan yenə də sülh çağırışlarına davam edir. Verilmiş bəyanatlara və hadisələrin xronologiyasına nəzər salınsa açıq şəkildə görünür ki, sülh sazişi haqqında danışıqların başlanılmasını təklif edən də Azərbaycan olmuşdur. Əlbəttə, əgər Ermənistan sülh istəmirsə, sülh olmayacaq. Amma bundan ən çox itirən də məhz ermənilər olacaqlar.”
Daha sonra A.Naxçıvanlı Prezident İlham Əliyevin Mərkəzi Asiya ölkələri ilə hər hansı alyansın qurulması ehtimallarına dair verdiyi açıqlamalarda ölkənin xarici siyasətində müəyyən edilmiş prioritetlərin bir daha önə çəkildiyini qeyd edib: “Azərbaycan tarixi və mədəni əlaqələrlə, indi isə daha çox siyasi əlaqələrlə Mərkəzi Asiya ilə sıx bağlıdır. Cənab Prezident İlham Əliyevin keçən ay Tacikistan və Qazaxıstana rəsmi səfər etməsi, mart ayında Özbəkistan və Türkmənistan prezidentlərinin Azərbaycanda səfərdə olmaları, həmçinin ötən ilin sonunda dövlət başçımızın Qırğızıstana rəsmi səfəri və yenə də keçən il Özbəkistana 3 dəfə səfər etməsi Azərbaycanla Mərkəzi Asiya ölkələri arasında dialoqun həqiqətən də çox fəal olduğunu göstərir. Bu, çox müsbət dinamikadır və cənab Prezidentimizin dediyi kimi, Mərkəzi Asiya və Azərbaycan gələcəkdə, ilk növbədə, sözsüz ki, nəqliyyat, təhlükəsizlik məsələləri baxımından daha çox inteqrasiyalaşmış ola bilər. Çünki Mərkəzi Asiya ölkələri üçün nəqliyyat, təhlükəsizlik məsələləri və ixrac bazarlarına çıxış bu gün bir müddət əvvəl olduğundan daha çox əhəmiyyət kəsb edir. Azərbaycan regionda ən böyük hava daşımaları şirkəti və Şərq-Qərb, Şimal-Cənub kimi dəhlizlərə çıxışı ilə Qara dənizdə nəqliyyat mövcudluğunu fəal şəkildə artırmağa başlayıb. Əlbəttə ki, bu, böyük imkandır. Azərbaycan hazırda Özbəkistan, Qazaxıstan, Qırğızıstan və Türkmənistan kimi Mərkəzi Asiya ölkələri ilə, Türkiyə ilə birlikdə Türk Dövlətləri Təşkilatındadır. Həmçinin Tacikistanla çox fəal siyasi və iqtisadi dialoq mövcuddur. Bu, bir növ bu günün reallığıdır.”
Həmçinin A.Naxçıvanlı Prezident İlham Əliyevin Azərbaycanın bundan sonra daha güclü olacağına dair verdiyi proqnozların ciddi təhlil və arqumentlərə əsaslandığını vurğulayaraq bunları deyib: “Rusiya-Ukrayna müharibəsi yeni dünya düzəninin formalaşmasına fərqli istiqamət və dinamika verdi. Cənab Prezident İlham Əliyev həm də bu müharibə başa çatandan sonra geosiyasi vəziyyətin necə olacağını proqnozlaşdırmağın çətin olduğunu bildirdi. Həqiqətən də variantlar, hadisələrin ehtimal oluna biləcək inkişaf istiqamətləri çox müxtəlifdir. Hətta bu gün müharibənin aparılma tərzinin dəyişdiriləcəyini də istisna etmək olmaz. Yeganə dəqiq məlum olan isə budur ki, dünya artıq heç vaxt Rusiya-Ukrayna müharibəsinə qədər olduğu kimi olmayacaq. Böyük ehtimalla bu geosiyasi dəyişiklik Avropanın, dünyanın hərbiləşməsinə gətirib çıxaracaq. Bu, isə bir tərəfdən təhlükəli olsa da, digər tərəfdən də çəkindirmə amili kimi çıxış edə bilər. Cənab Prezident İlham Əliyev son dərəcə dəqiq olaraq vurğuladı ki, geosiyasi dəyişikliklərin bir ölkəyə problem yaratmaması, əksinə, onun üçün yeni imkanlar yaratması bu ölkənin strategiyasından, vəziyyətin doğru təhlil edilməyindən və ölkə rəhbərinin prinsipial siyasətindən asılıdır. Bu baxımdan Azərbaycanın istər regional inkişafla bağlı siyasəti, istər beynəlxalq məsələlərlə bağlı, ölkələrin ərazi bütövlüyü ilə bağlı siyasəti hər zaman milli maraqlara xidmət edib. Buna görə də Azərbaycanın geosiyasi dəyişikliklər nəticəsində daha güclü olacağına dair möhtərəm Prezidentimizin verdiyi proqnoz heç kimdə şübhə doğurmur” – deyə Aqiyə Naxçıvanlı fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 05-05-2023 | Saat: 23:31
Bölmə:Manşet / Siyasət / Özəl / Seçilənlər-3 | çapa göndər
“Cari ilin may ayının 3-də Şuşada ADA Universitetinin təşkilatçılığı ilə keçirilmiş və Ümummilli Lider Heydər Əliyevin 100 illik yubileyinə həsr olunmuş “Böyük Avrasiya geosiyasətinin formalaşması: keçmişdən bu günə və gələcəyə” mövzusunda dördüncü beynəlxalq konfrans Azərbaycanın işğaldan azad edilmiş ərazilərində həyata keçirdiyi möhtəşəm bərpa-yenidənqurma işlərinin nəhəng miqyasını, eləcə də ermənilərin 28 il davam edən işğal dövründə bu torpaqlarda törətdikləri vəhşiliklərin nəticələrini bütün dünyaya bir daha nümayiş etdirmək imkanı verdi. Beynəlxalq konfransın məhz Azərbaycanda elan olunmuş Heydər Əliyev İlində keçirilməsi isə əlbəttə ki, bu nüfuzlu tədbirin əhəmiyyətini daha da artırıb. Aydındır ki, bu il Azərbaycanda Ümummilli Liderimizin xatirəsinə ehtiram əlaməti olaraq və eyni zamanda, dövlətimizin daxili siyasətinin vacib məsələləri, regional inkişaf prosesləri və beynəlxalq məsələləri əhatə edən çoxsaylı tədbirlər, konfranslar təşkil olunur. Diqqətəlayiq haldır ki, belə tədbirlər təkcə ölkəmizdə deyil, həmçinin Azərbaycanın hüdudlarından kənrda da təşkil edilir. Şuşa konfransında iştirak edən möhtərəm Prezidentimiz cənab İlham Əliyevin öz çıxışında dediyi kimi, Ulu Öndər Heydər Əliyev həmişə Azərbaycan xalqının maraqlarını qoruyan bir şəxs olmuşdur və bunu zamana, siyasi vəziyyətə baxmayaraq etmişdir. Sovet Azərbaycanı dönəmində 10 ildən artıq müddətdə Sovet Azərbaycanının rəhbəri olanda və hətta ideoloji əngəllər çərçivəsində o, Azərbaycan xalqının maraqlarını qoruyurdu və milli kimliyimizi saxlaya bilməyimiz üçün əlindən gələni etməyə çalışırdı. Ümummilli Liderimiz hətta ötən əsrin 70-80-ci illərində belə Azərbaycanın müstəqilliyinə hədəflənmiş bir çox mühüm addımlar atmışdır. Ulu Öndər Heydər Əliyevin ən böyük arzusu Şuşanı azad görmək idi və Azərbaycan xalqı öz Prezidentinin rəhbərliyi ilə bu arzunu gerçəkləşdirdi.”
Bu sözləri mətbuata verdiyi açıqlamasında Milli Məclisin deputatı Aqiyə Naxçıvanlı deyib.
Deputat Prezident İlham Əliyevin tədbir iştirakçılarının suallarına verdiyi cavablarda birmənalı, konkret mövqe nümayiş olunduğunu vurğulayaraq belə deyib: “Azərbaycan əlbəttə ki, nə dünyada, nə də xüsusən Cənubi Qafqazda gedən proseslərə biganə qala bilməz və dövlətimizin başçısı bunu öz açıqlamalarında birmənalı olaraq qeyd etdi. Bu proseslərin inkişaf istiqaməti isə hazırkı vaxtda daha çox Ermənistanla Azərbaycan arsında sülh sazişinin bağlanmasından asılıdır. Əlbəttə, tarixdən aralarında sülh müqaviləsi imzalamayan ölkələrin də olduğu məlumdur. Lakin bu heç də arzuolunan hal deyil. Hərçənd bunun nəticələri Ermənistan üçün daha pis olacaq. Azərbaycan hələ də ümid edir ki, rəsmi İrəvan məntiqli davranacaq və keçmiş Minsk qrupu fəaliyyətdə olanda işğal zamanı istifadə etdikləri taktikadan istifadə etməyəcək. Ermənistan bu davranışı nəticəsində regional inkişaf proseslərindən təcrid edildi və faktiki olaraq həqiqətən də müstəqil ölkə olmaq şansını itirdi. Yalnız sülh sazişi imzalanarsa, ermənilər müxtəlif bazarlara çıxış əldə edə bilərlər. Bu isə onlar üçün bir tariixi şans ola bilər. Baxmayaraq ki, ölkəmiz qalib mövqelərdə dir, Azərbaycan yenə də sülh çağırışlarına davam edir. Verilmiş bəyanatlara və hadisələrin xronologiyasına nəzər salınsa açıq şəkildə görünür ki, sülh sazişi haqqında danışıqların başlanılmasını təklif edən də Azərbaycan olmuşdur. Əlbəttə, əgər Ermənistan sülh istəmirsə, sülh olmayacaq. Amma bundan ən çox itirən də məhz ermənilər olacaqlar.”
Daha sonra A.Naxçıvanlı Prezident İlham Əliyevin Mərkəzi Asiya ölkələri ilə hər hansı alyansın qurulması ehtimallarına dair verdiyi açıqlamalarda ölkənin xarici siyasətində müəyyən edilmiş prioritetlərin bir daha önə çəkildiyini qeyd edib: “Azərbaycan tarixi və mədəni əlaqələrlə, indi isə daha çox siyasi əlaqələrlə Mərkəzi Asiya ilə sıx bağlıdır. Cənab Prezident İlham Əliyevin keçən ay Tacikistan və Qazaxıstana rəsmi səfər etməsi, mart ayında Özbəkistan və Türkmənistan prezidentlərinin Azərbaycanda səfərdə olmaları, həmçinin ötən ilin sonunda dövlət başçımızın Qırğızıstana rəsmi səfəri və yenə də keçən il Özbəkistana 3 dəfə səfər etməsi Azərbaycanla Mərkəzi Asiya ölkələri arasında dialoqun həqiqətən də çox fəal olduğunu göstərir. Bu, çox müsbət dinamikadır və cənab Prezidentimizin dediyi kimi, Mərkəzi Asiya və Azərbaycan gələcəkdə, ilk növbədə, sözsüz ki, nəqliyyat, təhlükəsizlik məsələləri baxımından daha çox inteqrasiyalaşmış ola bilər. Çünki Mərkəzi Asiya ölkələri üçün nəqliyyat, təhlükəsizlik məsələləri və ixrac bazarlarına çıxış bu gün bir müddət əvvəl olduğundan daha çox əhəmiyyət kəsb edir. Azərbaycan regionda ən böyük hava daşımaları şirkəti və Şərq-Qərb, Şimal-Cənub kimi dəhlizlərə çıxışı ilə Qara dənizdə nəqliyyat mövcudluğunu fəal şəkildə artırmağa başlayıb. Əlbəttə ki, bu, böyük imkandır. Azərbaycan hazırda Özbəkistan, Qazaxıstan, Qırğızıstan və Türkmənistan kimi Mərkəzi Asiya ölkələri ilə, Türkiyə ilə birlikdə Türk Dövlətləri Təşkilatındadır. Həmçinin Tacikistanla çox fəal siyasi və iqtisadi dialoq mövcuddur. Bu, bir növ bu günün reallığıdır.”
Həmçinin A.Naxçıvanlı Prezident İlham Əliyevin Azərbaycanın bundan sonra daha güclü olacağına dair verdiyi proqnozların ciddi təhlil və arqumentlərə əsaslandığını vurğulayaraq bunları deyib: “Rusiya-Ukrayna müharibəsi yeni dünya düzəninin formalaşmasına fərqli istiqamət və dinamika verdi. Cənab Prezident İlham Əliyev həm də bu müharibə başa çatandan sonra geosiyasi vəziyyətin necə olacağını proqnozlaşdırmağın çətin olduğunu bildirdi. Həqiqətən də variantlar, hadisələrin ehtimal oluna biləcək inkişaf istiqamətləri çox müxtəlifdir. Hətta bu gün müharibənin aparılma tərzinin dəyişdiriləcəyini də istisna etmək olmaz. Yeganə dəqiq məlum olan isə budur ki, dünya artıq heç vaxt Rusiya-Ukrayna müharibəsinə qədər olduğu kimi olmayacaq. Böyük ehtimalla bu geosiyasi dəyişiklik Avropanın, dünyanın hərbiləşməsinə gətirib çıxaracaq. Bu, isə bir tərəfdən təhlükəli olsa da, digər tərəfdən də çəkindirmə amili kimi çıxış edə bilər. Cənab Prezident İlham Əliyev son dərəcə dəqiq olaraq vurğuladı ki, geosiyasi dəyişikliklərin bir ölkəyə problem yaratmaması, əksinə, onun üçün yeni imkanlar yaratması bu ölkənin strategiyasından, vəziyyətin doğru təhlil edilməyindən və ölkə rəhbərinin prinsipial siyasətindən asılıdır. Bu baxımdan Azərbaycanın istər regional inkişafla bağlı siyasəti, istər beynəlxalq məsələlərlə bağlı, ölkələrin ərazi bütövlüyü ilə bağlı siyasəti hər zaman milli maraqlara xidmət edib. Buna görə də Azərbaycanın geosiyasi dəyişikliklər nəticəsində daha güclü olacağına dair möhtərəm Prezidentimizin verdiyi proqnoz heç kimdə şübhə doğurmur” – deyə Aqiyə Naxçıvanlı fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
02-11-2024
01-11-2024
