Sərt karantin günlərində hansı hallarda evdən çıxmağa icazə verilir?
Tarix: 14-06-2020 | Saat: 12:28
Bölmə:Manşet | çapa göndər
14 iyun saat 00:00-dan 16 iyun 06:00-dək Bakı, Gəncə, Lənkəran və Sumqayıt şəhərlərində, Abşeron, Yevlax, İsmayıllı, Kürdəmir və Salyan rayonlarında əhalinin yaşayış yerlərini və ya olduğu yerləri tərk etməsi qadağan edilib.
AİA.Az Trend-ə istinadən bildirir ki, ötən həftəki karantin rejimindən fərqli olaraq bu dəfə bəzi dəyişikliklər olub, belə ki, bəzi hallarda evdən çıxmağa icazə verilir.
Sərt karantin rejimi dövründə ev heyvanlarından yalnız itlərin gəzdirilməsinə şərait yaradılıb.
Daxili İşlər Nazirliyin Mətbuat xidmətinin rəisi, polis polkovniki Ehsan Zahidov Trend-ə açıqlamasında bildirib ki, itlərin parklarda və bulvarda gəzdirilməsinə icazə verilmir: "Ev heyvanını küçəyə çıxarmaq ehtiyacı yarananda vətəndaş onu yalnız yaşadığı binanın həyətinə çıxara bilər. Bu da qısa müddət ərzində olmalıdır və bu zaman sui-istifadə halalrına yol verilməməlidir".
Digər evdən çıxmağa icazə isə məişət tullantılarının atılması ilə bağlıdır. Belə ki, insanlar yalnız yaşadığı blokun yaxınlığındakı qablara zibil atmaq üçün evdən çıxa bilərlər.
Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev Trend-ə açıqlamasında bildirib ki, əgər məişət tullantıları qabı uzaqdadırsa, oraya getməyə icazə verilmir: "Həmin şəxs 200-300 metrlik məsafədə zibil atmaq üçün yaşayış yerini tərk edə bilməz. Bu üsuldan sui-istifadə edənlər məsuliyyətə cəlb ediləcəklər. Yəni zibil atmaq adı ilə yaşayış yerindən uzaqdakı əraziyə getmək qadağandır. 2 gün çox müddət deyil. Həmin zibilləri evdə qapalı qabda da saxlamaq olar".
Məlumatlanmaq üçün Facebook səhifəmizi
Digər xəbərlər
Tarix: 14-06-2020 | Saat: 12:28
Bölmə:Manşet | çapa göndər
14 iyun saat 00:00-dan 16 iyun 06:00-dək Bakı, Gəncə, Lənkəran və Sumqayıt şəhərlərində, Abşeron, Yevlax, İsmayıllı, Kürdəmir və Salyan rayonlarında əhalinin yaşayış yerlərini və ya olduğu yerləri tərk etməsi qadağan edilib.
AİA.Az Trend-ə istinadən bildirir ki, ötən həftəki karantin rejimindən fərqli olaraq bu dəfə bəzi dəyişikliklər olub, belə ki, bəzi hallarda evdən çıxmağa icazə verilir.
Sərt karantin rejimi dövründə ev heyvanlarından yalnız itlərin gəzdirilməsinə şərait yaradılıb.
Daxili İşlər Nazirliyin Mətbuat xidmətinin rəisi, polis polkovniki Ehsan Zahidov Trend-ə açıqlamasında bildirib ki, itlərin parklarda və bulvarda gəzdirilməsinə icazə verilmir: "Ev heyvanını küçəyə çıxarmaq ehtiyacı yarananda vətəndaş onu yalnız yaşadığı binanın həyətinə çıxara bilər. Bu da qısa müddət ərzində olmalıdır və bu zaman sui-istifadə halalrına yol verilməməlidir".
Digər evdən çıxmağa icazə isə məişət tullantılarının atılması ilə bağlıdır. Belə ki, insanlar yalnız yaşadığı blokun yaxınlığındakı qablara zibil atmaq üçün evdən çıxa bilərlər.
Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev Trend-ə açıqlamasında bildirib ki, əgər məişət tullantıları qabı uzaqdadırsa, oraya getməyə icazə verilmir: "Həmin şəxs 200-300 metrlik məsafədə zibil atmaq üçün yaşayış yerini tərk edə bilməz. Bu üsuldan sui-istifadə edənlər məsuliyyətə cəlb ediləcəklər. Yəni zibil atmaq adı ilə yaşayış yerindən uzaqdakı əraziyə getmək qadağandır. 2 gün çox müddət deyil. Həmin zibilləri evdə qapalı qabda da saxlamaq olar".
Məlumatlanmaq üçün Facebook səhifəmizi
Xəbəri paylaş
Digər xəbərlər
28-08-2025
