Azərbaycan səhiyyəsinin inkişafı Ulu Öndərimizin adı ilə bağlıdır
Tarix: 12-06-2020 | Saat: 16:27
Bölmə:Manşet | çapa göndər
Bu bir həqiqətdir ki, müasir Azərbaycan tarixi Ulu Öndərimiz Heydər Əliyevin adı ilə bağlıdır. 1991-ci ildə öz müstəqilliyini bərpa etmiş ölkəmiz 1993-cü ilin keşməkeşli iyun günlərində dağılıb məhv olmaq, böyük qurbanlar bahasına əldə etdiyi müstəqilliyi yenidən itirmək təhlükəsi ilə üz-üzə qalmışdı. O çətin dönəmdə ölkəmizi məhz Heydər Əliyev təlatümlər burulğanından xilas edərək, Azərbaycanı hərtərəfli inkişaf yoluna çıxarmışdır. Həmin il iyunun 15-də Heydər Əliyev Azərbaycan Ali Sovetinin sədri seçildi və bununla da ölkəmizdə sabitlik və inkişaf dövrünün başlanmasına möhkəm zəmin yarandı. Ümummilli liderimiz qısa vaxt içərisində ölkədə sabitliyi və əmin-amanlığı bərpa etdi. Bununla da 1993-cü ilin 15 iyunu Azərbaycanın müasir tarixinə Milli Qurtuluş Günü kimi əbədi daxil oldu. Ulu öndər Heydər Əliyevin Naxçıvandan Bakıya gəlişi ilə Azərbaycanın tarixində yeni dövrün - demokratiya və inkişaf mərhələsinin başlanğıcı qoyuldu. Həmin vaxt cərəyan edən hadisələr xalqımızın gələcək taleyini müəyyən etdi. Həmin andan başlayaraq müstəqil Azərbaycan dövləti anarxiyadan sabitliyə, tərəqqiyə doğru istiqamət götürdü.
Birmənalı olaraq deyə bilərik ki, Azərbaycan səhiyyəsinin inkişafı da məhz Ulu Öndərimizin adı ilə bağlıdır. 1994-cü ildən başlayaraq Heydər Əliyevin göstərişi ilə dövlət büdcəsindən səhiyyə sahəsinə ayrılan maliyyə vəsaitinin durmadan artırılması üçün konkret tədbirlər planı həyata keçirilirdi. Həmin ilin dekabr ayında ulu öndərimiz Heydər Əliyev YUNİCEF-in rəhbərliyi ilə səhiyyə sahəsində mütərəqqi dəyişikliklər edilməsi və yeni səhiyyə sistemi yaradılması məqsədilə əməkdaşlıq proqramı imzaladı.
Ulu öndərimizin rəhbərliyi ilə ölkəmizdə səhiyyənin qanunvericilik bazası təkmilləşdirilib. "Əhalinin sağlamlığının qorunması haqqında", "Qan və onun komponentlərinin donorluğu haqqında", "İmmun çatışmazlığı virusunun törətdiyi xəstəliyin yayılmasının qarşısının alınması haqqında", "Əczaçılıq fəaliyyəti haqqında", "Xüsusi tibbi fəaliyyət haqqında", "Tibbi sığorta haqqında" qanunlar, "Əhaliyə tibbi yardım göstərməklə, virusologiya sahəsində elmi araşdırmalarla və xidməti vəzifələrini yerinə yetirərkən virus preparatları istehsalı ilə məşğul olan işçilərin immun çatışmazlığı virusunun törətdiyi xəstəliyə yoluxmasına, eləcə də bununla əlaqədar şikəstlik və ölüm hallarına qarşı məcburi dövlət sığortası haqqında" əsasnamə qəbul edilib.
Məhz Ulu Öndərimizin səyləri nəticəsində səhiyyə sahəsində əsaslı islahatlar konsepsiyası hazırlanıb, vahid dövlət siyasəti formalaşdırılıb, əhaliyə göstərilən tibbi xidmətin miqyası genişləndirilib, dünya standartları səviyyəsində tibbi mərkəzlər və müasir əczaçılıq sənayesi yaradılıb. QİÇS, vərəm kimi xəstəliklərlə mübarizəyə dair Milli Plan hazırlanıb.
Ulu öndərimizin ən layiqli siyasi varisi Prezident İlham Əliyev bütün istiqamətlərdə olduğu kimi, səhiyyə sahəsində də davamlı tərəqqiyə nail olmaq üçün çox böyük işlər görür. Son illər ərzində Azərbaycan səhiyyəsi böyük inkişaf yolu keçərək dünya standartları səviyyəsinə yüksəlib, tibb müəssisələrinin maddi-texniki bazası əsaslı surətdə yeniləşdirilib, müasir tələblərə cavab verən yeni səhiyyə ocaqları yaradılıb və özəl sektorun qurulması istiqamətində bir çox nailiyyətlər qazanılıb. Qloballaşan dünyada insanların sağlamlığını müəyyən edən bir çox amillərin iqtisadi və sosial inkişafla bağlılığı qarşımızda yeni vəzifələr qoyaraq dövlət strukturlarının, özəl sektorun və vətəndaş cəmiyyətinin yeni əməkdaşlıq strategiyasının formalaşmasını tələb edir. Buna uyğun olaraq Azərbaycan hökuməti və Mehriban xanım Əliyevanın rəhbərlik etdiyi Heydər Əliyev Fondu səhiyyə sahəsində genişmiqyaslı layihələr həyata keçirir. Dünyanın bir sıra aparıcı səhiyyə şirkətləri və humanitar fondları ilə davamlı iş birliyi öz bəhrəsini verməkdədir.
Müasir xəstəxanaların tikintisinə görə də Azərbaycanın indi ən inkişaf etmiş ölkələrdən geri qalmadığını önə çəkən dövlətimizin başçısı deyib: "Bizdə yaradılan gözəl şərait inkişaf etmiş ölkələrdəki şəraitə uyğundur, bəzi hallarda onları üstələyir. Avadanlıqla təchizat məsələlərinə də böyük diqqət göstərilir. Ən müasir avadanlıq - diaqnostika cihazları gətirilir. Ümid edirəm ki, biz növbəti illərdə daha çox həkimlərin peşəkarlığına diqqət göstərməliyik. Bu məqsədlə həkimlər daim öz təcrübəsini genişləndirməlidirlər. Bu məqsədlə, əlbəttə ki, beynəlxalq əlaqələr də vacib məsələdir".
Təsadüfi deyil ki, Beynəlxalq səhiyyə təşkilatları da Azərbaycanda gedən islahatlara çox yüksək qiymət verirlər. Azərbaycan səhiyyəsinin 20 il əvvəlki və indiki vəziyyətini müqayisə etsək görərik ki, müstəqillik illərində 400-dən artıq yeni tibb müəssisəsi açılıb, mövcud xəstəxanalar əsaslı təmir olunub, bu sahəyə ayrılan vəsait dəfələrlə artırılıb. Bu gün nəinki Bakıda, Gəncədə və Sumqayıtda, eləcə də bütün bölgələrimizdə ən müasir diaqnostika və müalicə mərkəzləri, poliklinikalar, təcili tibbi yardım xidmətləri fəaliyyət göstərir, İnsanların sağlamlığı naminə əhaliyə xidmət yüksək səviyyəyə yüksəlib. Bütün bu irəliləyişlərin təməlində ulu öndərimizin müdrik siyasi kursu və bu kursun Prezident İlham Əliyev tərəfindən uğurla davam etdirilməsi, bu sahəyə xüsusi diqqət və qayğısı dayanır. Əminik ki, bu müdrik siyasi kurs sayəsində Azərbaycan dövləti yaxın illərdə bütün sahələrdə olduğu kimi, səhiyyə sahəsində də daha böyük nailiyyətlərə imza atacaqdır.
Mehriban Abasquliyeva
Yeni Azərbaycan Partiyası Qadınlar Şurasının İdarə Heyətinin üzvü,
Yeni Azərbaycan Partiyası Sabunçu rayon təşkilatının Sədri,
Tibb üzrə fəlsəfə doktoru
Məlumatlanmaq üçün Facebook səhifəmizi
Digər xəbərlər
Tarix: 12-06-2020 | Saat: 16:27
Bölmə:Manşet | çapa göndər
Bu bir həqiqətdir ki, müasir Azərbaycan tarixi Ulu Öndərimiz Heydər Əliyevin adı ilə bağlıdır. 1991-ci ildə öz müstəqilliyini bərpa etmiş ölkəmiz 1993-cü ilin keşməkeşli iyun günlərində dağılıb məhv olmaq, böyük qurbanlar bahasına əldə etdiyi müstəqilliyi yenidən itirmək təhlükəsi ilə üz-üzə qalmışdı. O çətin dönəmdə ölkəmizi məhz Heydər Əliyev təlatümlər burulğanından xilas edərək, Azərbaycanı hərtərəfli inkişaf yoluna çıxarmışdır. Həmin il iyunun 15-də Heydər Əliyev Azərbaycan Ali Sovetinin sədri seçildi və bununla da ölkəmizdə sabitlik və inkişaf dövrünün başlanmasına möhkəm zəmin yarandı. Ümummilli liderimiz qısa vaxt içərisində ölkədə sabitliyi və əmin-amanlığı bərpa etdi. Bununla da 1993-cü ilin 15 iyunu Azərbaycanın müasir tarixinə Milli Qurtuluş Günü kimi əbədi daxil oldu. Ulu öndər Heydər Əliyevin Naxçıvandan Bakıya gəlişi ilə Azərbaycanın tarixində yeni dövrün - demokratiya və inkişaf mərhələsinin başlanğıcı qoyuldu. Həmin vaxt cərəyan edən hadisələr xalqımızın gələcək taleyini müəyyən etdi. Həmin andan başlayaraq müstəqil Azərbaycan dövləti anarxiyadan sabitliyə, tərəqqiyə doğru istiqamət götürdü.
Birmənalı olaraq deyə bilərik ki, Azərbaycan səhiyyəsinin inkişafı da məhz Ulu Öndərimizin adı ilə bağlıdır. 1994-cü ildən başlayaraq Heydər Əliyevin göstərişi ilə dövlət büdcəsindən səhiyyə sahəsinə ayrılan maliyyə vəsaitinin durmadan artırılması üçün konkret tədbirlər planı həyata keçirilirdi. Həmin ilin dekabr ayında ulu öndərimiz Heydər Əliyev YUNİCEF-in rəhbərliyi ilə səhiyyə sahəsində mütərəqqi dəyişikliklər edilməsi və yeni səhiyyə sistemi yaradılması məqsədilə əməkdaşlıq proqramı imzaladı.
Ulu öndərimizin rəhbərliyi ilə ölkəmizdə səhiyyənin qanunvericilik bazası təkmilləşdirilib. "Əhalinin sağlamlığının qorunması haqqında", "Qan və onun komponentlərinin donorluğu haqqında", "İmmun çatışmazlığı virusunun törətdiyi xəstəliyin yayılmasının qarşısının alınması haqqında", "Əczaçılıq fəaliyyəti haqqında", "Xüsusi tibbi fəaliyyət haqqında", "Tibbi sığorta haqqında" qanunlar, "Əhaliyə tibbi yardım göstərməklə, virusologiya sahəsində elmi araşdırmalarla və xidməti vəzifələrini yerinə yetirərkən virus preparatları istehsalı ilə məşğul olan işçilərin immun çatışmazlığı virusunun törətdiyi xəstəliyə yoluxmasına, eləcə də bununla əlaqədar şikəstlik və ölüm hallarına qarşı məcburi dövlət sığortası haqqında" əsasnamə qəbul edilib.
Məhz Ulu Öndərimizin səyləri nəticəsində səhiyyə sahəsində əsaslı islahatlar konsepsiyası hazırlanıb, vahid dövlət siyasəti formalaşdırılıb, əhaliyə göstərilən tibbi xidmətin miqyası genişləndirilib, dünya standartları səviyyəsində tibbi mərkəzlər və müasir əczaçılıq sənayesi yaradılıb. QİÇS, vərəm kimi xəstəliklərlə mübarizəyə dair Milli Plan hazırlanıb.
Ulu öndərimizin ən layiqli siyasi varisi Prezident İlham Əliyev bütün istiqamətlərdə olduğu kimi, səhiyyə sahəsində də davamlı tərəqqiyə nail olmaq üçün çox böyük işlər görür. Son illər ərzində Azərbaycan səhiyyəsi böyük inkişaf yolu keçərək dünya standartları səviyyəsinə yüksəlib, tibb müəssisələrinin maddi-texniki bazası əsaslı surətdə yeniləşdirilib, müasir tələblərə cavab verən yeni səhiyyə ocaqları yaradılıb və özəl sektorun qurulması istiqamətində bir çox nailiyyətlər qazanılıb. Qloballaşan dünyada insanların sağlamlığını müəyyən edən bir çox amillərin iqtisadi və sosial inkişafla bağlılığı qarşımızda yeni vəzifələr qoyaraq dövlət strukturlarının, özəl sektorun və vətəndaş cəmiyyətinin yeni əməkdaşlıq strategiyasının formalaşmasını tələb edir. Buna uyğun olaraq Azərbaycan hökuməti və Mehriban xanım Əliyevanın rəhbərlik etdiyi Heydər Əliyev Fondu səhiyyə sahəsində genişmiqyaslı layihələr həyata keçirir. Dünyanın bir sıra aparıcı səhiyyə şirkətləri və humanitar fondları ilə davamlı iş birliyi öz bəhrəsini verməkdədir.
Müasir xəstəxanaların tikintisinə görə də Azərbaycanın indi ən inkişaf etmiş ölkələrdən geri qalmadığını önə çəkən dövlətimizin başçısı deyib: "Bizdə yaradılan gözəl şərait inkişaf etmiş ölkələrdəki şəraitə uyğundur, bəzi hallarda onları üstələyir. Avadanlıqla təchizat məsələlərinə də böyük diqqət göstərilir. Ən müasir avadanlıq - diaqnostika cihazları gətirilir. Ümid edirəm ki, biz növbəti illərdə daha çox həkimlərin peşəkarlığına diqqət göstərməliyik. Bu məqsədlə həkimlər daim öz təcrübəsini genişləndirməlidirlər. Bu məqsədlə, əlbəttə ki, beynəlxalq əlaqələr də vacib məsələdir".
Təsadüfi deyil ki, Beynəlxalq səhiyyə təşkilatları da Azərbaycanda gedən islahatlara çox yüksək qiymət verirlər. Azərbaycan səhiyyəsinin 20 il əvvəlki və indiki vəziyyətini müqayisə etsək görərik ki, müstəqillik illərində 400-dən artıq yeni tibb müəssisəsi açılıb, mövcud xəstəxanalar əsaslı təmir olunub, bu sahəyə ayrılan vəsait dəfələrlə artırılıb. Bu gün nəinki Bakıda, Gəncədə və Sumqayıtda, eləcə də bütün bölgələrimizdə ən müasir diaqnostika və müalicə mərkəzləri, poliklinikalar, təcili tibbi yardım xidmətləri fəaliyyət göstərir, İnsanların sağlamlığı naminə əhaliyə xidmət yüksək səviyyəyə yüksəlib. Bütün bu irəliləyişlərin təməlində ulu öndərimizin müdrik siyasi kursu və bu kursun Prezident İlham Əliyev tərəfindən uğurla davam etdirilməsi, bu sahəyə xüsusi diqqət və qayğısı dayanır. Əminik ki, bu müdrik siyasi kurs sayəsində Azərbaycan dövləti yaxın illərdə bütün sahələrdə olduğu kimi, səhiyyə sahəsində də daha böyük nailiyyətlərə imza atacaqdır.
Mehriban Abasquliyeva
Yeni Azərbaycan Partiyası Qadınlar Şurasının İdarə Heyətinin üzvü,
Yeni Azərbaycan Partiyası Sabunçu rayon təşkilatının Sədri,
Tibb üzrə fəlsəfə doktoru
Məlumatlanmaq üçün Facebook səhifəmizi
Xəbəri paylaş
Digər xəbərlər
28-08-2025
