Mobil versiya
“Qaynar xətt”ə son bir ay ərzində 93 zəng daxil olub
Tarix: 20-11-2015 | Saat: 15:37
Bölmə:Gündəm / Seçilənlər-5 / Manşet / Karusel | çapa göndər


Xüsusi telefon xətti 24 saat ərzində zəngləri qəbul edir.

Müntəzəm surətdə avtomobil yollarının və yol qurğularının istismar vəziyyəti barədə məlumatların toplanması, respublikanın magistral avtomobil yolarında, dağlıq rayonlarda, həmçinin Bakı şəhərinin avtomobil yollarında, prospekt və küçələrində mövcud vəziyyət barədə məlumatların əldə edilməsi məqsədi ilə Nəqliyyat Nazirliyi “Azəryolservis” ASC-də (012) 599-79-75 nömrəli xüsusi telefon xətti, “Qaynar xətt” fəaliyyət göstərir.

ASC-nin mətbuat xidmətindən Oxu.Az-a daxil olan məlumata əsasən, “Qaynar xətt” fəaliyyət göstərdiyi son bir ay ərzində ( 19 oktyabr-19 noyabr ) xüsusi telefon xəttinə 93 zəng daxil olub.

Gələn zənglərin əksər hissəsi yolların təmiri, piyada zolaqlarının olmaması, yeraltı kommunikasiya xətlərinin çəkilişindən sonra bərpa işlərinin aparılmaması, işıqlandırma sistemlərində yaranmış problemlər, bəzi yerlərdə zəruri yol nişanlarının olmaması və intensiv yağışlardan sonra yollarda nəqliyyat vasitələrinin hərəkətində yaranmış problemlərlə bağlı olub.

Daxil olan zənglər operativ şəkildə Nəqliyyat Nazirliyi “Azəryolservis” ASC-nin növbətçiləri tərəfindən qeydə alınaraq, cəmiyyətin səlahiyyətlərinə aid olan məsələlərin həll edilməsi üçün aidiyyatı üzrə məlumatlandırma işləri aparılıb.

“Qaynar xətt”ə daxil olmuş məlumatların əksəriyyəti operativ şəkildə cəmiyyətin əməkdaşları tərəfindən yerindəcə araşdırılaraq, problemin aradan qaldırılması istiqamətində işlər həyata keçirilib. Cəmiyyətin səlahiyyətlərinə aid olmayan zənglər isə müvafiq qurumlara yönləndirilib.

Qeyd edək ki, 2015-2016-cı illər payız-qış mövsümünə hazırlıq, payıq-qış mövsümündə avtomobil yollarının və yol qurğularının normal istismarını, hərəkətin fasiləsizliyini və təhlükəsizliyini təmin eymək məqsədilə Nəqliyyat Nazirliyi “Azəryolservis” ASC-də tədbirlər planı hazırlanıb.

Tədbirlər planına əsasən avtomobil yollarında mövcud olan problemlərin operativ şəkildə həll edilməsi məqsədi ilə Nəqliyyat Nazirliyi “Azəryolservis” ASC-də sutkalıq növbətçilik yaradılıb.

Növbətçinin daxil olan məlumatları qeyd edib cəmiyyətin tabeliyində olan şöbə və idarələrə çatdırılmasını təmin etmək məqsədilə 1 oktyabr 2015-ci il tarixindən etibarən (012) 599-79-75 nömrəli xüsusi telefon xətti, “Qaynar xətt” fəaliyyətə başlayıb. Qeyd edək ki, “Qaynar xətt” 24 saat ərzində daxil olan zəngləri qəbul edir.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024