Novruzəli Aslanov: “Bakının ev sahibliyi etdiyi mötəbər tədbirlər Azərbaycanın mədəni irsini daha geniş coğrafiyada tanıdır”
Tarix: 16-09-2026 | Saat: 12:27
Bölmə:Manşet / Siyasət | çapa göndər
“Bakıda eyni günlərdə iki mühüm tədbirin keçirilməsi – Türk Dövlətləri Təşkilatının Müsəlman Dini Rəhbərləri Şurasının 7-ci toplantısı və böyük mütəfəkkir Seyid Yəhya Bakuviyə həsr olunan beynəlxalq konfrans – təsadüfi uyğunluq kimi qiymətləndirilə bilməz. Məzmun etibarilə fərqli olan bu tədbirləri birləşdirən əsas xətt mənəvi irs, qarşılıqlı anlaşma və birlik ideyasıdır. Prezident İlham Əliyevin nümayəndə heyəti ilə görüşündə bu məqamın xüsusi vurğulanması Azərbaycanın həm Türk dünyasında, həm də İslam coğrafiyasında dialoqa verdiyi əhəmiyyətin göstəricisidir. Seyid Yəhya Bakuvi şəxsiyyətinin toplantının gündəmi ilə bir araya gəlməsi xüsusilə diqqətçəkəndir. XV əsrdə yaşamış bu böyük mütəfəkkirin irsi Azərbaycan düşüncə tarixinin zənginliyini nümayiş etdirən mühüm mənəvi qaynaqlardan biridir. Nizami Gəncəvidən Xaqani Şirvaniyə, Nəsimidən Füzuliyə qədər Azərbaycan torpağından çıxmış böyük söz və fikir adamlarının yaratdığı irs bir xalqın yalnız keçmişini deyil, onun dünyaya baxışının dərinliyini də göstərir. Bu irsin beynəlxalq səviyyədə təqdimatı Azərbaycanın mədəni yaddaşını daha geniş coğrafiyada tanıdır.”
Bunları aia.az-a açıqlamasında Milli Məclisin deputatı Novruzəli Aslanov deyib.
Millət vəkili xüsusi olaraq vurğulayıb ki, Prezident İlham Əliyevin çıxışında Azərbaycanın coğrafi və tarixi mövqeyinə diqqət çəkilməsi özəl məna daşıyır: “Azərbaycan həm Türk dünyasının ayrılmaz hissəsidir, həm Qafqazın mühüm ölkəsidir. Bu xüsusiyyət ölkəmizə müxtəlif coğrafiyaları bir araya gətirən platforma rolunu oynamaq imkanı verir. Bakıda keçirilən toplantılarda Türk Dövlətləri Təşkilatına üzv ölkələrin nümayəndələri ilə yanaşı, Qafqazın və digər müsəlman ölkələrinin dini nümayəndələrinin də iştirakı bu imkanın real məzmununu göstərir. Belə təmsilçilik dini dialoqun sərhədlərini genişləndirir və qarşılıqlı etimad yaradır. Məsələnin başqa mühüm tərəfi İslam həmrəyliyinin yalnız çağırışlarla deyil, konkret təşəbbüslərlə möhkəmləndirilməsi yanaşmasıdır. Azərbaycan İslam Əməkdaşlıq Təşkilatı və ICESCO çərçivəsində tədbirlərə ev sahibliyi etməklə bu istiqamətdə fəallıq göstərib. 2017-ci ildə Bakıda keçirilən IV İslam Həmrəyliyi Oyunlarının da idman müstəvisini aşaraq müsəlman ölkələrini bir araya gətirən birlik platformasına çevrilməsi bu siyasətin nümunələrindən biridir. Bu baxımdan Bakının bugünkü tədbirlərə ev sahibliyi etməsi Azərbaycanın diplomatik və humanitar təşəbbüslərinin məntiqi davamıdır. Dini liderlərin bir araya gəlməsi, fikir mübadiləsi aparması və sülh, əməkdaşlıq, qarşılıqlı hörmət kimi dəyərləri önə çəkməsi cəmiyyətlərarası münasibətlərə də təsir göstərə biləcək mənəvi zəmin formalaşdırır. Din xadimlərinin ictimai nüfuzu onların sülh mesajlarının daha geniş auditoriyalara çatmasına imkan verir. Beləliklə, Bakıdakı iki tədbirin eyni vaxtda keçirilməsi Azərbaycanın tarixi-mədəni irsini müasir beynəlxalq dialoqla birləşdirən mənzərə yaradır. Seyid Yəhya Bakuvinin irsi keçmişdən gələn mənəvi zənginliyi, dini liderlərin toplantısı isə bu irsin sülh və əməkdaşlıq ideyaları ilə bu günə daşınmasını ifadə edir. Prezident İlham Əliyevin yanaşmasında əsas xətt məhz budur: Azərbaycan öz tarixi və mənəvi dəyərlərinə söykənərək Türk dünyası, Qafqaz və İslam aləmi arasında qarşılıqlı anlaşmanı gücləndirən təşəbbüslərini davam etdirir” – deyə, Novruzəli Aslanov fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 16-09-2026 | Saat: 12:27
Bölmə:Manşet / Siyasət | çapa göndər
“Bakıda eyni günlərdə iki mühüm tədbirin keçirilməsi – Türk Dövlətləri Təşkilatının Müsəlman Dini Rəhbərləri Şurasının 7-ci toplantısı və böyük mütəfəkkir Seyid Yəhya Bakuviyə həsr olunan beynəlxalq konfrans – təsadüfi uyğunluq kimi qiymətləndirilə bilməz. Məzmun etibarilə fərqli olan bu tədbirləri birləşdirən əsas xətt mənəvi irs, qarşılıqlı anlaşma və birlik ideyasıdır. Prezident İlham Əliyevin nümayəndə heyəti ilə görüşündə bu məqamın xüsusi vurğulanması Azərbaycanın həm Türk dünyasında, həm də İslam coğrafiyasında dialoqa verdiyi əhəmiyyətin göstəricisidir. Seyid Yəhya Bakuvi şəxsiyyətinin toplantının gündəmi ilə bir araya gəlməsi xüsusilə diqqətçəkəndir. XV əsrdə yaşamış bu böyük mütəfəkkirin irsi Azərbaycan düşüncə tarixinin zənginliyini nümayiş etdirən mühüm mənəvi qaynaqlardan biridir. Nizami Gəncəvidən Xaqani Şirvaniyə, Nəsimidən Füzuliyə qədər Azərbaycan torpağından çıxmış böyük söz və fikir adamlarının yaratdığı irs bir xalqın yalnız keçmişini deyil, onun dünyaya baxışının dərinliyini də göstərir. Bu irsin beynəlxalq səviyyədə təqdimatı Azərbaycanın mədəni yaddaşını daha geniş coğrafiyada tanıdır.”
Bunları aia.az-a açıqlamasında Milli Məclisin deputatı Novruzəli Aslanov deyib.
Millət vəkili xüsusi olaraq vurğulayıb ki, Prezident İlham Əliyevin çıxışında Azərbaycanın coğrafi və tarixi mövqeyinə diqqət çəkilməsi özəl məna daşıyır: “Azərbaycan həm Türk dünyasının ayrılmaz hissəsidir, həm Qafqazın mühüm ölkəsidir. Bu xüsusiyyət ölkəmizə müxtəlif coğrafiyaları bir araya gətirən platforma rolunu oynamaq imkanı verir. Bakıda keçirilən toplantılarda Türk Dövlətləri Təşkilatına üzv ölkələrin nümayəndələri ilə yanaşı, Qafqazın və digər müsəlman ölkələrinin dini nümayəndələrinin də iştirakı bu imkanın real məzmununu göstərir. Belə təmsilçilik dini dialoqun sərhədlərini genişləndirir və qarşılıqlı etimad yaradır. Məsələnin başqa mühüm tərəfi İslam həmrəyliyinin yalnız çağırışlarla deyil, konkret təşəbbüslərlə möhkəmləndirilməsi yanaşmasıdır. Azərbaycan İslam Əməkdaşlıq Təşkilatı və ICESCO çərçivəsində tədbirlərə ev sahibliyi etməklə bu istiqamətdə fəallıq göstərib. 2017-ci ildə Bakıda keçirilən IV İslam Həmrəyliyi Oyunlarının da idman müstəvisini aşaraq müsəlman ölkələrini bir araya gətirən birlik platformasına çevrilməsi bu siyasətin nümunələrindən biridir. Bu baxımdan Bakının bugünkü tədbirlərə ev sahibliyi etməsi Azərbaycanın diplomatik və humanitar təşəbbüslərinin məntiqi davamıdır. Dini liderlərin bir araya gəlməsi, fikir mübadiləsi aparması və sülh, əməkdaşlıq, qarşılıqlı hörmət kimi dəyərləri önə çəkməsi cəmiyyətlərarası münasibətlərə də təsir göstərə biləcək mənəvi zəmin formalaşdırır. Din xadimlərinin ictimai nüfuzu onların sülh mesajlarının daha geniş auditoriyalara çatmasına imkan verir. Beləliklə, Bakıdakı iki tədbirin eyni vaxtda keçirilməsi Azərbaycanın tarixi-mədəni irsini müasir beynəlxalq dialoqla birləşdirən mənzərə yaradır. Seyid Yəhya Bakuvinin irsi keçmişdən gələn mənəvi zənginliyi, dini liderlərin toplantısı isə bu irsin sülh və əməkdaşlıq ideyaları ilə bu günə daşınmasını ifadə edir. Prezident İlham Əliyevin yanaşmasında əsas xətt məhz budur: Azərbaycan öz tarixi və mənəvi dəyərlərinə söykənərək Türk dünyası, Qafqaz və İslam aləmi arasında qarşılıqlı anlaşmanı gücləndirən təşəbbüslərini davam etdirir” – deyə, Novruzəli Aslanov fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
