Mobil versiya
Havaların qeyri-sabit keçməsinin SƏBƏBİ açıqlandı
Tarix: 23-04-2019, 17:49 | Saat: 15:47:00
Bölmə:Ölkə | çapa göndər

Havaların qeyri-sabit keçməsinin


Aprel keçid ayı olaraq havanın son dərəcə qeyri-stabilliyi ilə seçilir. Bu ayda soyuq və isti hava kütlələrinin bir-birini əvəz etməsi xüsusilə kontrastlı olur. Bu, şimalda, qütb ətrafı rayonlarda 30 dərəcəlik şaxtalar müşahidə olduğu zaman cənubda temperaturun yay göstəricilərinə yaxınlaşması ilə izah edilir. Təbii ki, atmosfer sirkulyasiyasının meridional forması şəraitində cənub regionlarının sakinləri üçün qış qayıtmış olur.


Bu barədə aia.az-a Ekologiya və Təbii Sərvətlər Nazirliyinin mətbuat xidmətindən məlumat verilib.


Bildirilib ki, aprelin 17-dən 22-dək şimal enliklərindən uzun sürən soyuq hava kütlələrinin daxil olması ölkədə qeyri-sabit hava şəraiti yaradıb. Dağ və bəzi dağətəyi rayonlarda yağışın qara keçməsi nəticəsində 2-14 santimetr qalınlığında qar örtüyü yaranıb.


Son 5 gün ərzində yağan yağıntıların miqdarı bəzi rayonlarda aylıq normanı keçib. Xüsusilə Böyük Qafqazın rayonlarını qeyd etmək lazımdır. Zaqatalada yağıntının miqdarı 130 millimetr olmaqla aylıq normanın 127, Balakən, Şəki, Oğuz, Qubada 38-94 millimetr olmaqla aylıq normanın 72-92, Lənkəran-Astara zonasında isə 88-100 millimetr olmaqla aylıq normanın 140-180 faizini təşkil edib.


Bu günlərdə havanın orta sutkalıq temperaturu iqlim normasından 3,5-6,0, Bakıda isə ayın 20-də normadan 6,6 dərəcə enib.


Lakin qeyd olunan soyuqlar rekord göstərici deyil. Son rekord anomaliya 2004-cü il aprelin 5-də müşahidə edilib. Belə ki, həmin tarixdə Bakı şəhərinə qar yağıb.


Aprelin 23-də gecə saatları bəzi rayonlarda intensiv yağıntıların olma ehtimalı saxlanılır. Bununla əlaqədar dağ çaylarında qısamüddətli su basmaları mümkündür. Ayın üçüncü ongünlüynün ikinci yarısında cənub küləklərinin daxil olması fonunda temperaturun artması ilə hava şəraitinin daha stabil olması gözlənilir.

aia.az



563 dəfə oxunub.

Bölməyə aid digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

24-05-2019
23-05-2019
«    Май 2019    »
ПнВтСрЧтПтСбВс
 12345
6789101112
13141516171819
20212223242526
2728293031 
{sape_links}{sape_article}