Mobil versiya
Azərbaycanın İnzibati Ərazi Bölgüsü Təsnifatı yenidən hazırlanıb
Tarix: 04-03-2024 | Saat: 11:58
Bölmə:Gündəm / Manşet | çapa göndər

Azərbaycanın İnzibati Ərazi Bölgüsü Təsnifatı yenidən hazırlanıb

Dövlət Statistika Komitəsi tərəfindən Azərbaycan Respublikasının İnzibati Ərazi Bölgüsü Təsnifatı yenidən hazırlanıb. Təsnifat hazırlanarkən Ağdərə rayonunun yaradılması, Ağdam, Cəbrayıl, Füzuli, Xocalı, Xocavənd, Qubadlı, Laçın və Şuşa rayonlarının inzibati ərazi bölgüsündə qismən dəyişiklik edilməsi və digər son dəyişikliklər nəzərə alınıb.

aia.az xəbər verir ki, bu barədə Modern.az-a komitədən məlumat verilib.

İnzibati Ərazi Bölgüsü Təsnifatına görə, hazırda Azərbaycanda respublika tabeli 10 şəhər var: Bakı, Gəncə, Xankəndi, Lənkəran, Mingəçevir, Naftalan, Sumqayıt, Şəki, Şirvan, Yevlax.

Bakı şəhərinin inzibati ərazisinə 1 şəhər, 12 rayon, 59 qəsəbə daxildir.

Gəncə şəhərinin inzibati ərazisinə 1 şəhər, 7 qəsəbə daxildir.

Xankəndi şəhərinin inzibati ərazisinə 1 şəhər (Xankəndi), 1 qəsəbə (Kərkicahan) daxildir.

Lənkəran şəhərinin inzibati ərazisinə 2 şəhər (Lənkəran və Liman), 8 qəsəbə, 83 kənd daxildir.

Mingəçevir şəhərinin inzibati ərazisinə 1 şəhər daxildir.

Naftalan şəhərinin inzibati ərazisinə 1 şəhər, 2 kənd daxildir.

Sumqayıt şəhərinin inzibati ərazisinə 1 şəhər, 2 qəsəbə (Corat və Hacı Zeynalabdin) daxildir.

Şəki şəhərinin inzibati ərazisinə 1 şəhər, 2 qəsəbə, 68 kənd daxildir.

Şirvan şəhərinin inzibati ərazisinə 1 şəhər, 2 qəsəbə daxildir.

Yevlax şəhərinin inzibati ərazisinə 1 şəhər, 3 qəsəbə, 46 kənd daxildir.

Respublika tabeli rayonların sayına gəldikdə, hazırda onların sayı 57-dir.

Həmçinin Azərbaycan Respublikasına Naxçıvan Muxtar Respublikası da daxildir.

Muxtar respublika 1 şəhər (Naxçıvan şəhəri) və 7 rayondan (Babək, Culfa, Kəngərli, Ordubad, Sədərək, Şahbuz, Şərur) ibarətdir.

Ümumilikdə Bakı şəhərindəki, Naxçıvan MR-dəki rayonlar daxil olmaq respublikada 76 rayon mövcuddur (12-si Bakıda, 7-si Naxçıvan MR-də, 57-si respublika tabeli rayon).

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
18-04-2024