Mobil versiya
Gürcüstan ordusunun azərbaycanlı hərbçisi həlak olub
Tarix: 09-06-2023 | Saat: 11:30
Bölmə:Karusel / Dünya | çapa göndər

Gürcüstan ordusunun azərbaycanlı hərbçisi həlak olub

Gürcüstan ordusunun azərbaycanlı hərbçisi odlu silahdan açılmış atəş nəticəsində həlak olub.

aia.az xəbər verir ki, bu barədə Gürcüstan Müdafiə Nazirliyi məlumat yayıb.

Bildirilib ki, bu il iyunun 8-də Gürcüstan MN-in Hərbi Polis Departamenti Müdafiə Qüvvələrinin bölmələrindən birində xidmət edən 2005-ci il təvəllüdlü hərbi qulluqçu Yusif Nəsibovun ölümü ilə əlaqədar Cinayət Məcəlləsinin 115-ci (intihar) maddəsi ilə istintaqa başlayıb.

Qeyd olunub ki, hərbi qulluqçu hadisə baş verərkən postda qarovulda olub. Məlumata görə, atəş səsinin gəlməsindən sonra əraziyə baxış keçirilərkən Yusif Nəsibovun meyiti aşkarlanıb.

İlkin məlumata görə, hərbi qulluqçu atəş nəticəsində çənəsindən xəsarət alıb və hadisə yerində dünyasını dəyişib.

Gürcüstan MN-in Hərbi Polis Departamentinin faktla bağlı istintaqı davam etdirdiyi qeyd olunub.

MN hadisəyə görə dərin kədər hissi keçirdiyini və həlak olan hərbi qulluqçunun ailəsinə və qohumlarına başsağlığı verdiyini açıqlayıb.

Qeyd edək ki, 18 yaşlı Yusif Nəsibov Marneuli rayonunun Qırıxlı kəndindəndir./apa

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə