Goranboy rayon Gənclər və İdman İdarəsinin rəisinə qarşı irəli sürülən ittihamlar öz təsdiqini tapmadı
Tarix: 01-08-2022 | Saat: 17:34
Bölmə:Ölkə | çapa göndər
Bu günlərdə internet-xəbər saytlarının birində dərc olunmuş “GORANBOY rayonu Gənclər və İdman idarəsinin rəisi”Elşad Həsənovla” bağlı-ŞİKAYƏT” başlıqlı məqalə diqqətimizi cəlb etdi. Amma bu marağın səbəbi nə iddialı başlıq, nə də bu başlıqda yer almış bir neçə orfoqrafik səhv deyildi. Məsələ bundadır ki, mahiyyətinə görə şikayət xarakterli bu yazıda konkret şikayətçinin adı göstərilməsə də, şikayətin surətlərinin ünvanlandığı bir neçə qurum və təşkilatlar sırasında ölkə KİV-i də yer almışdı. Məhz elə bu səbəbdən də materialda irəli sürən ittihamlara aydınlıq gətirməyi biz də özümüzə borc bilərək, ilk növbədə elə birbaşa Goranboy rayon Gənclər və İdman İdarəsinin rəisi Elşad Həsənovla əlaqə saxladıq. Qeyd edək ki, Elşad müəllim müraciətimizin səbəbini öyrənən kimi, dərhal bizi maraqlandıran bütün suallara tam təfərrüatı ilə cavab verməyə hazır olduğunu bildirdi. Biz də nə müsahibimizin, nə də özümüzün vaxtımızı hədər yerə sərf etməmək üçün dərhal konkret suallara keçdik.
İlk növbədə aydınlıq gətirmək istədiyimiz məsələ əlbəttə ki, Elşad Həsənovun təhsili ilə bağlı idi. Bu sorğumuza cavab olaraq, Elşad müəllim bildirdi ki, o, 1993-1997-ci illərdə Azərbaycan Texnologiya İnstitutunda əyani, 2002-2005-ci illərdə Azərbaycan Kənd Təsərrüfatı Akademiyasında qiyabi və 2005-2008-ci illərdə Azərbaycan Respublikasının Prezidenti yanında Dövlət İdarəçilik Akademiyasında müdavim kimi təhsil alıb. Bu məlumatı aldığımızdan az bir müddət sonra da müsahibimiz hər üç ali təhsil müəssisəsinin müvafiq diplomlarının surətlərini də bizə elektron poçt vasitəsilə təqdim etdi. Yəni bizi bu araşdırmaya sövq edən yazıda irəli sürülmüş ittihamlardan biri beləcə əsaslı şəkildə təkzib olundu.
Düzü, “birinci ox daşa dəyəndən” sonra əslində araşdırmanı elə buradaca bitirmək istədik. Amma sonra yenə də işimizi sona çatdırmaq qərarına gəldik. İkinci sualımız Elşad müəllimin “I Qarabağ savaşı iştirakçısı” kimi bir statusa sahib olub-olmadığı barədə oldu. Buna cavab olaraq idarə rəisi bildirdi ki, I Qarabağ savaşı dönəmində o, ümumiyyətlə tələbə olub və nə I, nə də II Qrabağ müharibələrində iştirak etməyib. Təbii ki, heç bir veteranlıq statusuna da sahib deyil və bunu istənilən dövlət qurumu çox asanlıqla müəyyən edə bilər. Deməli bu ittiham da əsassız oldu.
Nəhayət, Elşad Həsənovun rəhbərlik etdiyi Goranboy rayon Gənclər və İdman İdarəsinin fəaliyyəti, bu qurumun təşkilatçılığı ilə keçirilən tədbirlər barədə bəzi məlumatları da özümüz təqdim etmək qərarına gəldik. Qeyd edək ki, təkcə son bir ay ərzində keçirilən tədbirlərin siyahısı artıq idarənin səmərəli işlədiyini deməyə tam əsas verir. Bu tədbirlərdən sadəcə bir neçəsini təqdim edirik. Belə ki, 22 iyul 2022-ci il tarixində Goranboy rayon Gənclər və İdman idarəsinin təşkilatçılığı ilə Azərbaycan Respublikası Gənclər və İdman Nazirliyinin yaradılmasının 28-ci illiyinə həsr olunmuş “Nə? Harada? Nə Zaman?” İntellektual bilik yarışması keçirilib. İntelektual yarışamada 5 rayon və şəhərdən 7 komandada təmsil olunmaqla ümumilikdə 35 nəfər gənc iştirak edib. 26 iyul 2022-ci il tarixində isə Goranboy rayon Gənlər və İdman İdarəsinin təşkilatçılığı, Goranboy rayon Olimpiya İdman Kompleksinin və Goranboy rayon Gənclərin İnkişaf və Karyera Mərkəzinin dəstəyi ilə yenə də Azərbaycan Respublikası Gənclər və İdman Nazirliyinin yaradılmasının 28 illiyinin qeyd olunması münasibəti ilə həvəskarlar arasında “Şahmat Turniri” keçirilib. İki yaş qrupu üzrə keçirilmiş turnirin qalibləri Goranboy rayon Gənclər və İdman idarəsinin və Goranboy rayon Gənclərin İnkişaf və Karyera Mərkəzinin fəxri fərmanları ilə təltif ediliblər. Həmçinin 28 iyul 2022-ci il tarixdə Goranboy rayon Gənclər və İdman İdarəsinin və Goranboy rayon Olimpiya İdman Kompleksinin birgə təşkilatçılığı ilə İdmanın kütləviliyini artırmaq məqsədilə “İdman hamı üçün” devizi adı ilə Goranboy Olimpiya İdman Kompleksində idmanın Cüdo növü üzrə nümunəvi çıxışlar keçirilib. Tədbirdə 34 nəfər iştirak etmişdir. Göründüyü kimi, Goranboy rayon Gənlər və İdman İdarəsinin fəaliyyətinin səmərəliliyi də heç bir şübhə doğurmur. O ki, qaldı pandemiya ilə əlaqədar elan olunmuş karantin dövründə hansısa tədbirlərin keçirilməsi barədə ittihamlara, düşünürük ki, bu iddiaların əsassızlığını və absurdluğunu sübut etmək üçün ümumiyyətlə heç bir dəlil və ya əks-arqument tələb olunmur. Bununla belə, idarə rəisi Elşad Həsənov yenə də vurğuladı ki, əgər pandemiya dövründə bu qurum tərəfindən hər hansı bir tədbir keçirilmiş olsaydı, bu barədə ilk növbədə Facebook və İnstagram səhifələrində məlumatlar yerləşdirilmiş olardı.
Beləliklə, yazı müəllifi bəlkə də KİV-ə müraciət etməklə Goranboy rayon Gənlər və İdman İdarəsinin rəhbərliyinə qarşı irəli sürülən ittihamların kor-koranə dəstəklənəcəyinə ümid edirdi. Amma belə bir haqsız və qərəzli mövqe şəxsən bizim baxışlarımıza qətiyyən uyğun deyil. Odur ki, apardığımız araşdırma nəticəsində əldə etdiyimiz məlumat və açıqlamaları da heç bir təhrifə yol vermədən, olduğu kimi təqdim etdik.
Məlumatlanmaq üçün Facebook səhifəmizi
Digər xəbərlər
Tarix: 01-08-2022 | Saat: 17:34
Bölmə:Ölkə | çapa göndər
Bu günlərdə internet-xəbər saytlarının birində dərc olunmuş “GORANBOY rayonu Gənclər və İdman idarəsinin rəisi”Elşad Həsənovla” bağlı-ŞİKAYƏT” başlıqlı məqalə diqqətimizi cəlb etdi. Amma bu marağın səbəbi nə iddialı başlıq, nə də bu başlıqda yer almış bir neçə orfoqrafik səhv deyildi. Məsələ bundadır ki, mahiyyətinə görə şikayət xarakterli bu yazıda konkret şikayətçinin adı göstərilməsə də, şikayətin surətlərinin ünvanlandığı bir neçə qurum və təşkilatlar sırasında ölkə KİV-i də yer almışdı. Məhz elə bu səbəbdən də materialda irəli sürən ittihamlara aydınlıq gətirməyi biz də özümüzə borc bilərək, ilk növbədə elə birbaşa Goranboy rayon Gənclər və İdman İdarəsinin rəisi Elşad Həsənovla əlaqə saxladıq. Qeyd edək ki, Elşad müəllim müraciətimizin səbəbini öyrənən kimi, dərhal bizi maraqlandıran bütün suallara tam təfərrüatı ilə cavab verməyə hazır olduğunu bildirdi. Biz də nə müsahibimizin, nə də özümüzün vaxtımızı hədər yerə sərf etməmək üçün dərhal konkret suallara keçdik.
İlk növbədə aydınlıq gətirmək istədiyimiz məsələ əlbəttə ki, Elşad Həsənovun təhsili ilə bağlı idi. Bu sorğumuza cavab olaraq, Elşad müəllim bildirdi ki, o, 1993-1997-ci illərdə Azərbaycan Texnologiya İnstitutunda əyani, 2002-2005-ci illərdə Azərbaycan Kənd Təsərrüfatı Akademiyasında qiyabi və 2005-2008-ci illərdə Azərbaycan Respublikasının Prezidenti yanında Dövlət İdarəçilik Akademiyasında müdavim kimi təhsil alıb. Bu məlumatı aldığımızdan az bir müddət sonra da müsahibimiz hər üç ali təhsil müəssisəsinin müvafiq diplomlarının surətlərini də bizə elektron poçt vasitəsilə təqdim etdi. Yəni bizi bu araşdırmaya sövq edən yazıda irəli sürülmüş ittihamlardan biri beləcə əsaslı şəkildə təkzib olundu.
Düzü, “birinci ox daşa dəyəndən” sonra əslində araşdırmanı elə buradaca bitirmək istədik. Amma sonra yenə də işimizi sona çatdırmaq qərarına gəldik. İkinci sualımız Elşad müəllimin “I Qarabağ savaşı iştirakçısı” kimi bir statusa sahib olub-olmadığı barədə oldu. Buna cavab olaraq idarə rəisi bildirdi ki, I Qarabağ savaşı dönəmində o, ümumiyyətlə tələbə olub və nə I, nə də II Qrabağ müharibələrində iştirak etməyib. Təbii ki, heç bir veteranlıq statusuna da sahib deyil və bunu istənilən dövlət qurumu çox asanlıqla müəyyən edə bilər. Deməli bu ittiham da əsassız oldu.
Nəhayət, Elşad Həsənovun rəhbərlik etdiyi Goranboy rayon Gənclər və İdman İdarəsinin fəaliyyəti, bu qurumun təşkilatçılığı ilə keçirilən tədbirlər barədə bəzi məlumatları da özümüz təqdim etmək qərarına gəldik. Qeyd edək ki, təkcə son bir ay ərzində keçirilən tədbirlərin siyahısı artıq idarənin səmərəli işlədiyini deməyə tam əsas verir. Bu tədbirlərdən sadəcə bir neçəsini təqdim edirik. Belə ki, 22 iyul 2022-ci il tarixində Goranboy rayon Gənclər və İdman idarəsinin təşkilatçılığı ilə Azərbaycan Respublikası Gənclər və İdman Nazirliyinin yaradılmasının 28-ci illiyinə həsr olunmuş “Nə? Harada? Nə Zaman?” İntellektual bilik yarışması keçirilib. İntelektual yarışamada 5 rayon və şəhərdən 7 komandada təmsil olunmaqla ümumilikdə 35 nəfər gənc iştirak edib. 26 iyul 2022-ci il tarixində isə Goranboy rayon Gənlər və İdman İdarəsinin təşkilatçılığı, Goranboy rayon Olimpiya İdman Kompleksinin və Goranboy rayon Gənclərin İnkişaf və Karyera Mərkəzinin dəstəyi ilə yenə də Azərbaycan Respublikası Gənclər və İdman Nazirliyinin yaradılmasının 28 illiyinin qeyd olunması münasibəti ilə həvəskarlar arasında “Şahmat Turniri” keçirilib. İki yaş qrupu üzrə keçirilmiş turnirin qalibləri Goranboy rayon Gənclər və İdman idarəsinin və Goranboy rayon Gənclərin İnkişaf və Karyera Mərkəzinin fəxri fərmanları ilə təltif ediliblər. Həmçinin 28 iyul 2022-ci il tarixdə Goranboy rayon Gənclər və İdman İdarəsinin və Goranboy rayon Olimpiya İdman Kompleksinin birgə təşkilatçılığı ilə İdmanın kütləviliyini artırmaq məqsədilə “İdman hamı üçün” devizi adı ilə Goranboy Olimpiya İdman Kompleksində idmanın Cüdo növü üzrə nümunəvi çıxışlar keçirilib. Tədbirdə 34 nəfər iştirak etmişdir. Göründüyü kimi, Goranboy rayon Gənlər və İdman İdarəsinin fəaliyyətinin səmərəliliyi də heç bir şübhə doğurmur. O ki, qaldı pandemiya ilə əlaqədar elan olunmuş karantin dövründə hansısa tədbirlərin keçirilməsi barədə ittihamlara, düşünürük ki, bu iddiaların əsassızlığını və absurdluğunu sübut etmək üçün ümumiyyətlə heç bir dəlil və ya əks-arqument tələb olunmur. Bununla belə, idarə rəisi Elşad Həsənov yenə də vurğuladı ki, əgər pandemiya dövründə bu qurum tərəfindən hər hansı bir tədbir keçirilmiş olsaydı, bu barədə ilk növbədə Facebook və İnstagram səhifələrində məlumatlar yerləşdirilmiş olardı.
Beləliklə, yazı müəllifi bəlkə də KİV-ə müraciət etməklə Goranboy rayon Gənlər və İdman İdarəsinin rəhbərliyinə qarşı irəli sürülən ittihamların kor-koranə dəstəklənəcəyinə ümid edirdi. Amma belə bir haqsız və qərəzli mövqe şəxsən bizim baxışlarımıza qətiyyən uyğun deyil. Odur ki, apardığımız araşdırma nəticəsində əldə etdiyimiz məlumat və açıqlamaları da heç bir təhrifə yol vermədən, olduğu kimi təqdim etdik.
Məlumatlanmaq üçün Facebook səhifəmizi
Xəbəri paylaş
Digər xəbərlər
24-11-2024
13:39 SAKİT İLKİN-65
