AZ RU Mobil versiya
Eldar Mansurovdan qalmaqallı açıqlama - ““Qarabağ”ı komanda saymıram”
Tarix: 08-05-2021 | Saat: 07:59
Bölmə:İdman | çapa göndər

Eldar Mansurovdan qalmaqallı açıqlama - ““Qarabağ”ı komanda saymıram”

Məşhur bəstəkar Eldar Mansurovun "Futbol+" qəzetinə verdiyi açıqlama qalmaqala səbəb olub.

AİA,Az qafqazinfo-ya istinadən xəbər verir ki, o, açıqlamasında "Qarabağ"ı komanda hesab etmədiyini bildirib:

"Açığı, mən "Qarabağ"ı komanda saymıram. "Neftçi"ni "sındırdılar" və Ağdam klubu bu fürsətdən istifadə etdi. "Qarabağ"ı adına görə irəli çəkdilər. Bəlkə elə deyil? "Qarabağ" nə vaxtdan böyük camiə olub? "Neftçi" başqa aləmdi".

Daha sonra "Qarabağ" klubunun tərcüməçisi Elvar Quliyev Eldar Mansurovdan belə bir açıqlama verib-vermədiyini soruşub. Mansurov cavabında isə açıqlamasının təhrif olunduğunu bildirib: "Belə jurnalistlərə nə deyim? Öz reytinqlərinə görə aləmi bir-birinə qatırlar. Mən həmişə demişəm ki, "Neftçi" azarkeşiyəm, amma "Qarabağ"a münasibətim yaxşı olub. Mübahisələr olub, demişəm ki, "Neftçi" Azərbaycan futbolunun flaqmanıdır. "Qarabağ" azarkeşləri isə bunun əksini düşünürlər. Uzun-uzadı danışmaq istəmirəm. Mən heç "camiə" sözünün nə olduğunu bilmirəm, qalmışdı ki, onu deyim. Bu jurnalist adi futbol azarkeşinin sözünü siyasiləşdirir. Heç olmasa baxın ki, mən 1990-cı ildən bu tərəfə Qarabağ haqqında nə qədər mahnılar yazmışam. Düşməni kənarda axtarmaq lazım deyil".



Məlumatlanmaq üçün Facebook səhifəmizi

6106 dəfə oxunub.


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
24-06-2021