Rəşad Cəbraylov: Heydər Əliyev siyasi kursu güclü dövlətimzin və firavan ölkəmizin təminatıdır
Tarix: 04-05-2021 | Saat: 16:34
Bölmə:Seçki 2024 | çapa göndər
Ümummilli lider Heydər Əliyevin şəxsiyyətinin və fəaliyyətinin öyrənilməsi 40 ilə yaxın müddət ərzində Azərbaycan ətrafında cərəyan etmiş hadisələrin mahiyyətinə, son dərəcə mürəkkəb problemlərin həlli yollarına aydınlıq gətirir. Ulu öndərin mənalı və şərəfli ömür yolu Azərbaycan xalqının yaxın tarixi keçmişi ilə qırılmaz tellərlə bağlıdır. Daha dəqiq desək, Azərbaycanın son 40 illik tarixinin elə bir mərhələsi yoxdur ki, həmin mərhələnin formalaşması ulu öndərin gördüyü işlərin təsiri olmadan baş versin.
Milli-mənəvi inkişafın və həmrəyliyimizin təminatçısı
Heydər Əliyev siyasi fəaliyyətinin bütün mərhələlərində Vətənə, xalqa və Azərbaycan dövlətçiliyinə sonsuz məhəbbət və sədaqət hissi, qurub-yaratmaq amalı ilə yaşamış, hər zaman milli ideallara bağlı olmuşdur. Ümummilli liderimiz Heydər Əliyev bütün zəngin və mənalı həyatı boyu daim xalqını, Vətənini düşünmüş, Azərbaycanın ən çətin məqamlarında onu üzləşdiyi faciələrdən, çətinliklərdən xilas etmək üçün misilsiz fədakarlıqlar göstərmiş, təbiətin bəxş etdiyi bir çox fitri keyfiyyətlər sayəsində tarixi hadisələrin inkişaf məcrasını qabaqcadan müəyyən edə bilmişdir. Heydər Əliyev hələ 1969-cu ildə birinci dəfə Azərbaycan SSR-in rəhbərliyinə gəldiyi ilk gündən respublikanın hərtərəfli inkişafının təməlini qoymuş və bu təməl üzərində təhsil, elm, kənd təsərrüfatı, neft sənayesi, neft emalı və neft-kimya sənayesi, ordu quruculuğu kimi sahələri inkişaf yoluna çıxarmışdır. Ulu öndər hələ o vaxtdan müstəqil Azərbaycan üçün möhkəm özül yaratmaqla, dövlətçiliyimiz qarşısında ən mühüm xidmətlərindən birini həyata keçirmişdir. Məhz 1969-1982-ci illər ərzində Heydər Əliyev tərəfindən siyasi-ideoloji müstəvidə görülən işlər milli inkişaf və həmrəyliyimizin təminatçısı qismində çıxış etmişdir.
Həqiqətən də Heydər Əliyev qədər öz xalqını, onun tarixini, mədəniyyətini və dilini sevən ikinci bir şəxsiyyət tapmaq çox çətindir. Keçmiş Sovet İttifaqının son dərəcə sərt idarəçilik rejiminin uzun illər boyu ilk növbədə həyata keçirməyə çalışdığı əsas konsepsiyalardan biri də “sovet xalqı” adı altında ittifaqın tərkibində olan xalqları ümumiləşdirmək ideyası ilə bağlı idi. Beynəlmiləlçilik adı altında təlqin olunan bu konsepsiya həm də dövlət dili olaraq xalqların öz dillərinin olmasını məqbul hesab etmirdi. Lakin ümummilli lider Heydər Əliyev ciddi bu məqamda da güzəştə getmədi. Milli-ideoloji siyasətin tərkib hissəsi kimi, 1978-ci ildə ulu öndərin təşəbbüsü və gərgin səyləri sayəsində Azərbaycan SSR-in Konstitusiyasına “Azərbaycan dili Azərbaycan SSR-in rəsmi dövlət dilidir” maddəsi daxil edildi. Bu, milli ideologiyamızın funksional vahidi olan milli dilimizin mühafizəsi və təbliği baxımından mühüm tarixi əhəmiyyətə malik addım oldu. Bunun ardınca milli-mənəvi dəyərlərin qorunması istiqamətində əhəmiyyətli tədbirlər görüldü. Musiqi, teatr, kino, təsviri incəsənət və digər sahələrdə xüsusi dəyişikliklər və inkişaf meyilləri qeydə alındı. Bütün ölkə üzrə kütləvi şəkildə mədəniyyət evləri inşa edildi, abidələr ucaldıldı, incəsənət xadimlərinə fəxri adlar, ordenlər, təqaüdlər ayrıldı. Bütün bunlar isə cəmiyyətin intellektual təbəqəsinin fəaliyyətinin səmərəlilik səviyyəsini daha da artırdı. Bütövlükdə, 1969-cu ildən başlayan böyük inkişaf və rifah yolu Azərbaycanın gələcək tərəqqisinin əsası oldu. Ulu öndər deyirdi: “Hər bir Azərbaycan vətəndaşı, hər bir azərbaycanlı öz ana dilini - Azərbaycan dilini, dövlət dilini mükəmməl bilməlidir. Gənclərə tövsiyə edirəm ki, əgər kiminsə bu barədə çatışmazlığı varsa, çalışın bunu aradan qaldırın.” Azərbaycan ədəbiyyatının və dilinin inkişaf edib zənginləşməsi ulu öndərin siyasi-mədəni fəaliyyəti ilə möhkəm bağlıdır. Doğma xalqının dilini, mədəniyyətini ürəkdən sevən Heydər Əliyev onun çiçəklənməsi yolunda böyük xidmətlər göstərmişdir. Heydər Əliyev SSRİ-nin süqutunun qaçınılmaz olduğunu çox-çox illər öncə görürdü. Buna görə də ulu öndər müstəqil Azərbaycanın yaranacağını və onun öz dilinə böyük ehtiyacı olacağını bildiyindən onu qorudu və özünə layiq olan səviyyədə inkişafına nail oldu.
Müstəqilliyimizin sovet dönəmində yaradılmış iqtisadi bazası
Ulu öndər Heydər Əliyevin Azərbaycana rəhbərlik etdiyi illər tariximizin ən əhəmiyyətli dövrü kimi xalqımızın qan yaddaşına əbədi həkk olunmuşdur. İstər 1969-1982-ci illərdə, istərsə də müstəqillik illərində Azərbaycana rəhbərlik etdiyi müddətdə Heydər Əliyev yalnız respublikamızın inkişafı, milli azərbaycançılıq ideyalarının qorunub saxlanılması, xalqımızın firavan gələcəyi barədə düşünmüş və buna nail olmuşdur. Ötən əsrdə cərəyan edən əhəmiyyətli ictimai proseslərin, tarixi hadisələrin təhlili göstərir ki, respublikanın müstəqilliyə gedən yolu 1969-cu ildən başlanıb və ulu öndər Heydər Əliyevin ikinci dəfə Azərbaycana rəhbərlik etdiyi dövrdə həyata keçirilən məqsədyönlü siyasətlə tamamlanıb. Zaman və ictimai-iqtisadi formasiya baxımından kifayət qədər fərqli olan hər iki tarixi dövrün əsas bənzər cəhətləri isə Ulu Öndərin Azərbaycana böyük nailiyyətlər qazandıran fədakar xidməti, eləcə də ölkənin inkişafında yeni impuls və tərəqqi meyillərinin geniş vüsət alması olub. İdarəçilik fəlsəfəsi özünəməxsus cəhətlərlə zəngin olan Ümummilli Liderin Sovet Azərbaycanına rəhbərlik mərhələsi ölkəni sürətli inkişaf yoluna çıxarmaqla yanaşı, milli müstəqilliyə etibarlı zəmin formalaşdıran amillərlə də zəngin olub. Ümummilli lider Heydər Əliyevin rəhbərliyi dövründə Azərbaycan bütün sahələr üzrə inkişafının yeni mərhələsinə qədəm qoyub, sözün əsl mənasında, öz intibah dövrünü yaşayıb. İqtisadi asılılığın aradan qaldırılmasının siyasi müstəqilliyin təməlində duran əsas amillərdən biri olduğunu aydın görən ulu öndər hələ sovet dönəmində respublikanın istehsal potensialının mühüm hissəsinin ittifaq şəbəkəsindən ayrılaraq əsaslı şəkildə müstəqilləşdirilməsi, sənaye potensialının gücləndirilməsi istiqamətində möhtəşəm nailiyyətlərə imza atıb. Həmin illərdə Heydər Əliyevin qətiyyəti, iradəsi və təşəbbüskarlığı ilə keçmiş SSRİ-nin bir sıra strateji əhəmiyyətli müəssisələri məhz Azərbaycanda inşa olunub, bununla da respublikamızın gələcək müstəqilliyinin iqtisadi əsası formalaşdırılıb. ulu öndər Heydər Əliyev bu məsələdə daim qətiyyətli mövqe tutub, keçmiş ittifaqın rəhbərliyi qarşısında israrlı tələblərlə çıxış edib, prinsipiallıq göstərib. Neft sənayesinin iqtisadi inkişafdakı rolunu böyük uzaqgörənliklə nəzərə alan ulu öndər Heydər Əliyev 70-ci illərdə bu sahənin dinamik inkişafına, neft-kimya sənayesinin tamamilə modernləşdirilməsinə nail olub. Həmin dövrdə neft sənayesinin inkişafında tamamilə yeni mərhələ başlanıb, bu zəngin milli sərvətin Azərbaycanın rifahına xidmət edən vasitəyə çevrilməsi prosesinin əsası qoyulub. Heydər Əİiyev bu gün dünyanın əsas enerji təminatçılarından biri olan Azərbaycanın uğurlarını hələ keçən əsrin 70-ci illərindəki uzaqgörən siyasəti, müdrik qərarları ilə təmin etmişdi. Məhz həmin illərdə neft sənayesinin inkişafı, “28 May”, “Günəşli” yataqlarının mənimsənilməsi, Dərin Özüllər Zavodunun istifadəyə verilməsi, dənizin Azərbaycan sektorunda yeni neft və qaz yataqlarının kəşfi bu günkü iqtisadi inkişaf üçün əvəzolunmaz baza rolunu oynamışdır.
Dövlət siyasətinin prioritet istiqaməti – ordu quruculuğu
Məlumdur ki, ordu dövlətin suverenliyi və ərazi bütövlüyünü təmin etmək üçün əsas qüvvə olaraq dövlət quruculuğunun tərkib hissələrindən biridir. Buna görə də istənilən suveren dövlətin tarixində güclü ordunun yaradılması hər zaman prioritet məsələlərdən olub. Müasir Azərbaycan dövlət müstəqilliyinin bərpasına 1991-ci ildə nail olsa da, vahid komandanlığa əsaslanan nizami ordunun yaradılması ümummilli lider Heydər Əliyevin 1993-cü ildə xalqın təkidi və tələbi ilə hakimiyyətə qayıdışından sonra mümkün oldu. Hakimiyyətdə olduğu illərdə ümummilli lider Heydər Əliyev Azərbaycan Ordusunu və onun formalaşması prosesini diqqət mərkəzində saxladı. Bu məqamda xüsusilə qeyd etmək lazımdır ki, hələ sovet dönəmində ulu öndərin uzaqgörənliyi sayəsində Bakıda Cəmşid Naxçıvanski adına hərbi məktəbin yaradılması ilə gələcəkdə müstəqil Azərbaycanın Milli Ordusunun formalaşması üçün kadr probleminin həlli yolunda mühüm addım atıldı. Ümummilli lider Heydər Əliyevin ikinci dəfə hakimiyyətə qayıdışından sonra da apardığı məqsədyönlü və qətiyyətli siyasət nəticəsində Milli Ordu formalaşdırıldı, Azərbaycanın nizami Silahlı Qüvvələrinin yaradılması ilə bağlı təxirəsalınmaz tədbirlər görüldü, orduda kütləvi fərarilik hallarına son qoyuldu, hərbi intizam möhkəmləndirildi. Bu gün Azərbaycanın suverenliyini, müstəqilliyini, ərazi bütövlüyünü qorumağa tam qadir olan orduya malik olması Heydər Əliyevin Azərbaycan xalqı qarşısında göstərdiyi misilsiz xidmətlərdən biri sayıla bilər. Ordu hər bir dövlətin daxili və xarici siyasətinin effektivliyini özündə əks etdirir. Ölkənin həyatında ordu faktorunun rolu isə bilavasitə onun döyüş qabiliyyətindən asılıdır. Bu gün Azərbaycan Ordusu özünün döyüş və mənəvi-psixoloji hazırlıq səviyyəsini Vətən müharibəsinin gediçində böyük hünər və şücaətlə keçirdiyi hərbi əməliyyatlarda nümayiş etdirdi. Ali Baş Komandan cənab İlham Əliyevin rəhbərliyi ilə Vətən torpaqlarını işğaldan azad edən şanlı Ordumuz gündən-günə daha da güclənir və qüdrətlənir. Orduya dövlətin təhlükəsizliyinin, ərazi bütövlüyünün və müstəqilliyinin qarantı kimi baxan hər bir Azərbaycan vətəndaşı bu gün öz ordusu ilə, sözün əsl mənasında, fəxr edir.
Rəşad Cəbraylov,
YAP Salyan rayon təşkilatının sədri[b][/b]
Məlumatlanmaq üçün Facebook səhifəmizi
Digər xəbərlər
Tarix: 04-05-2021 | Saat: 16:34
Bölmə:Seçki 2024 | çapa göndər
Ümummilli lider Heydər Əliyevin şəxsiyyətinin və fəaliyyətinin öyrənilməsi 40 ilə yaxın müddət ərzində Azərbaycan ətrafında cərəyan etmiş hadisələrin mahiyyətinə, son dərəcə mürəkkəb problemlərin həlli yollarına aydınlıq gətirir. Ulu öndərin mənalı və şərəfli ömür yolu Azərbaycan xalqının yaxın tarixi keçmişi ilə qırılmaz tellərlə bağlıdır. Daha dəqiq desək, Azərbaycanın son 40 illik tarixinin elə bir mərhələsi yoxdur ki, həmin mərhələnin formalaşması ulu öndərin gördüyü işlərin təsiri olmadan baş versin.
Milli-mənəvi inkişafın və həmrəyliyimizin təminatçısı
Heydər Əliyev siyasi fəaliyyətinin bütün mərhələlərində Vətənə, xalqa və Azərbaycan dövlətçiliyinə sonsuz məhəbbət və sədaqət hissi, qurub-yaratmaq amalı ilə yaşamış, hər zaman milli ideallara bağlı olmuşdur. Ümummilli liderimiz Heydər Əliyev bütün zəngin və mənalı həyatı boyu daim xalqını, Vətənini düşünmüş, Azərbaycanın ən çətin məqamlarında onu üzləşdiyi faciələrdən, çətinliklərdən xilas etmək üçün misilsiz fədakarlıqlar göstərmiş, təbiətin bəxş etdiyi bir çox fitri keyfiyyətlər sayəsində tarixi hadisələrin inkişaf məcrasını qabaqcadan müəyyən edə bilmişdir. Heydər Əliyev hələ 1969-cu ildə birinci dəfə Azərbaycan SSR-in rəhbərliyinə gəldiyi ilk gündən respublikanın hərtərəfli inkişafının təməlini qoymuş və bu təməl üzərində təhsil, elm, kənd təsərrüfatı, neft sənayesi, neft emalı və neft-kimya sənayesi, ordu quruculuğu kimi sahələri inkişaf yoluna çıxarmışdır. Ulu öndər hələ o vaxtdan müstəqil Azərbaycan üçün möhkəm özül yaratmaqla, dövlətçiliyimiz qarşısında ən mühüm xidmətlərindən birini həyata keçirmişdir. Məhz 1969-1982-ci illər ərzində Heydər Əliyev tərəfindən siyasi-ideoloji müstəvidə görülən işlər milli inkişaf və həmrəyliyimizin təminatçısı qismində çıxış etmişdir.
Həqiqətən də Heydər Əliyev qədər öz xalqını, onun tarixini, mədəniyyətini və dilini sevən ikinci bir şəxsiyyət tapmaq çox çətindir. Keçmiş Sovet İttifaqının son dərəcə sərt idarəçilik rejiminin uzun illər boyu ilk növbədə həyata keçirməyə çalışdığı əsas konsepsiyalardan biri də “sovet xalqı” adı altında ittifaqın tərkibində olan xalqları ümumiləşdirmək ideyası ilə bağlı idi. Beynəlmiləlçilik adı altında təlqin olunan bu konsepsiya həm də dövlət dili olaraq xalqların öz dillərinin olmasını məqbul hesab etmirdi. Lakin ümummilli lider Heydər Əliyev ciddi bu məqamda da güzəştə getmədi. Milli-ideoloji siyasətin tərkib hissəsi kimi, 1978-ci ildə ulu öndərin təşəbbüsü və gərgin səyləri sayəsində Azərbaycan SSR-in Konstitusiyasına “Azərbaycan dili Azərbaycan SSR-in rəsmi dövlət dilidir” maddəsi daxil edildi. Bu, milli ideologiyamızın funksional vahidi olan milli dilimizin mühafizəsi və təbliği baxımından mühüm tarixi əhəmiyyətə malik addım oldu. Bunun ardınca milli-mənəvi dəyərlərin qorunması istiqamətində əhəmiyyətli tədbirlər görüldü. Musiqi, teatr, kino, təsviri incəsənət və digər sahələrdə xüsusi dəyişikliklər və inkişaf meyilləri qeydə alındı. Bütün ölkə üzrə kütləvi şəkildə mədəniyyət evləri inşa edildi, abidələr ucaldıldı, incəsənət xadimlərinə fəxri adlar, ordenlər, təqaüdlər ayrıldı. Bütün bunlar isə cəmiyyətin intellektual təbəqəsinin fəaliyyətinin səmərəlilik səviyyəsini daha da artırdı. Bütövlükdə, 1969-cu ildən başlayan böyük inkişaf və rifah yolu Azərbaycanın gələcək tərəqqisinin əsası oldu. Ulu öndər deyirdi: “Hər bir Azərbaycan vətəndaşı, hər bir azərbaycanlı öz ana dilini - Azərbaycan dilini, dövlət dilini mükəmməl bilməlidir. Gənclərə tövsiyə edirəm ki, əgər kiminsə bu barədə çatışmazlığı varsa, çalışın bunu aradan qaldırın.” Azərbaycan ədəbiyyatının və dilinin inkişaf edib zənginləşməsi ulu öndərin siyasi-mədəni fəaliyyəti ilə möhkəm bağlıdır. Doğma xalqının dilini, mədəniyyətini ürəkdən sevən Heydər Əliyev onun çiçəklənməsi yolunda böyük xidmətlər göstərmişdir. Heydər Əliyev SSRİ-nin süqutunun qaçınılmaz olduğunu çox-çox illər öncə görürdü. Buna görə də ulu öndər müstəqil Azərbaycanın yaranacağını və onun öz dilinə böyük ehtiyacı olacağını bildiyindən onu qorudu və özünə layiq olan səviyyədə inkişafına nail oldu.
Müstəqilliyimizin sovet dönəmində yaradılmış iqtisadi bazası
Ulu öndər Heydər Əliyevin Azərbaycana rəhbərlik etdiyi illər tariximizin ən əhəmiyyətli dövrü kimi xalqımızın qan yaddaşına əbədi həkk olunmuşdur. İstər 1969-1982-ci illərdə, istərsə də müstəqillik illərində Azərbaycana rəhbərlik etdiyi müddətdə Heydər Əliyev yalnız respublikamızın inkişafı, milli azərbaycançılıq ideyalarının qorunub saxlanılması, xalqımızın firavan gələcəyi barədə düşünmüş və buna nail olmuşdur. Ötən əsrdə cərəyan edən əhəmiyyətli ictimai proseslərin, tarixi hadisələrin təhlili göstərir ki, respublikanın müstəqilliyə gedən yolu 1969-cu ildən başlanıb və ulu öndər Heydər Əliyevin ikinci dəfə Azərbaycana rəhbərlik etdiyi dövrdə həyata keçirilən məqsədyönlü siyasətlə tamamlanıb. Zaman və ictimai-iqtisadi formasiya baxımından kifayət qədər fərqli olan hər iki tarixi dövrün əsas bənzər cəhətləri isə Ulu Öndərin Azərbaycana böyük nailiyyətlər qazandıran fədakar xidməti, eləcə də ölkənin inkişafında yeni impuls və tərəqqi meyillərinin geniş vüsət alması olub. İdarəçilik fəlsəfəsi özünəməxsus cəhətlərlə zəngin olan Ümummilli Liderin Sovet Azərbaycanına rəhbərlik mərhələsi ölkəni sürətli inkişaf yoluna çıxarmaqla yanaşı, milli müstəqilliyə etibarlı zəmin formalaşdıran amillərlə də zəngin olub. Ümummilli lider Heydər Əliyevin rəhbərliyi dövründə Azərbaycan bütün sahələr üzrə inkişafının yeni mərhələsinə qədəm qoyub, sözün əsl mənasında, öz intibah dövrünü yaşayıb. İqtisadi asılılığın aradan qaldırılmasının siyasi müstəqilliyin təməlində duran əsas amillərdən biri olduğunu aydın görən ulu öndər hələ sovet dönəmində respublikanın istehsal potensialının mühüm hissəsinin ittifaq şəbəkəsindən ayrılaraq əsaslı şəkildə müstəqilləşdirilməsi, sənaye potensialının gücləndirilməsi istiqamətində möhtəşəm nailiyyətlərə imza atıb. Həmin illərdə Heydər Əliyevin qətiyyəti, iradəsi və təşəbbüskarlığı ilə keçmiş SSRİ-nin bir sıra strateji əhəmiyyətli müəssisələri məhz Azərbaycanda inşa olunub, bununla da respublikamızın gələcək müstəqilliyinin iqtisadi əsası formalaşdırılıb. ulu öndər Heydər Əliyev bu məsələdə daim qətiyyətli mövqe tutub, keçmiş ittifaqın rəhbərliyi qarşısında israrlı tələblərlə çıxış edib, prinsipiallıq göstərib. Neft sənayesinin iqtisadi inkişafdakı rolunu böyük uzaqgörənliklə nəzərə alan ulu öndər Heydər Əliyev 70-ci illərdə bu sahənin dinamik inkişafına, neft-kimya sənayesinin tamamilə modernləşdirilməsinə nail olub. Həmin dövrdə neft sənayesinin inkişafında tamamilə yeni mərhələ başlanıb, bu zəngin milli sərvətin Azərbaycanın rifahına xidmət edən vasitəyə çevrilməsi prosesinin əsası qoyulub. Heydər Əİiyev bu gün dünyanın əsas enerji təminatçılarından biri olan Azərbaycanın uğurlarını hələ keçən əsrin 70-ci illərindəki uzaqgörən siyasəti, müdrik qərarları ilə təmin etmişdi. Məhz həmin illərdə neft sənayesinin inkişafı, “28 May”, “Günəşli” yataqlarının mənimsənilməsi, Dərin Özüllər Zavodunun istifadəyə verilməsi, dənizin Azərbaycan sektorunda yeni neft və qaz yataqlarının kəşfi bu günkü iqtisadi inkişaf üçün əvəzolunmaz baza rolunu oynamışdır.
Dövlət siyasətinin prioritet istiqaməti – ordu quruculuğu
Məlumdur ki, ordu dövlətin suverenliyi və ərazi bütövlüyünü təmin etmək üçün əsas qüvvə olaraq dövlət quruculuğunun tərkib hissələrindən biridir. Buna görə də istənilən suveren dövlətin tarixində güclü ordunun yaradılması hər zaman prioritet məsələlərdən olub. Müasir Azərbaycan dövlət müstəqilliyinin bərpasına 1991-ci ildə nail olsa da, vahid komandanlığa əsaslanan nizami ordunun yaradılması ümummilli lider Heydər Əliyevin 1993-cü ildə xalqın təkidi və tələbi ilə hakimiyyətə qayıdışından sonra mümkün oldu. Hakimiyyətdə olduğu illərdə ümummilli lider Heydər Əliyev Azərbaycan Ordusunu və onun formalaşması prosesini diqqət mərkəzində saxladı. Bu məqamda xüsusilə qeyd etmək lazımdır ki, hələ sovet dönəmində ulu öndərin uzaqgörənliyi sayəsində Bakıda Cəmşid Naxçıvanski adına hərbi məktəbin yaradılması ilə gələcəkdə müstəqil Azərbaycanın Milli Ordusunun formalaşması üçün kadr probleminin həlli yolunda mühüm addım atıldı. Ümummilli lider Heydər Əliyevin ikinci dəfə hakimiyyətə qayıdışından sonra da apardığı məqsədyönlü və qətiyyətli siyasət nəticəsində Milli Ordu formalaşdırıldı, Azərbaycanın nizami Silahlı Qüvvələrinin yaradılması ilə bağlı təxirəsalınmaz tədbirlər görüldü, orduda kütləvi fərarilik hallarına son qoyuldu, hərbi intizam möhkəmləndirildi. Bu gün Azərbaycanın suverenliyini, müstəqilliyini, ərazi bütövlüyünü qorumağa tam qadir olan orduya malik olması Heydər Əliyevin Azərbaycan xalqı qarşısında göstərdiyi misilsiz xidmətlərdən biri sayıla bilər. Ordu hər bir dövlətin daxili və xarici siyasətinin effektivliyini özündə əks etdirir. Ölkənin həyatında ordu faktorunun rolu isə bilavasitə onun döyüş qabiliyyətindən asılıdır. Bu gün Azərbaycan Ordusu özünün döyüş və mənəvi-psixoloji hazırlıq səviyyəsini Vətən müharibəsinin gediçində böyük hünər və şücaətlə keçirdiyi hərbi əməliyyatlarda nümayiş etdirdi. Ali Baş Komandan cənab İlham Əliyevin rəhbərliyi ilə Vətən torpaqlarını işğaldan azad edən şanlı Ordumuz gündən-günə daha da güclənir və qüdrətlənir. Orduya dövlətin təhlükəsizliyinin, ərazi bütövlüyünün və müstəqilliyinin qarantı kimi baxan hər bir Azərbaycan vətəndaşı bu gün öz ordusu ilə, sözün əsl mənasında, fəxr edir.
Rəşad Cəbraylov,
YAP Salyan rayon təşkilatının sədri[b][/b]
Məlumatlanmaq üçün Facebook səhifəmizi
Xəbəri paylaş
Digər xəbərlər
jpg-1727676144.jpg)
30-09-2024
