AZ RU Mobil versiya
Özünüməşğulluğun təşkilinə Həmkarlar İttifaqları Konfederasiyası 200 min manat vəsait ayıracaq
Tarix: 02-03-2021 | Saat: 16:49
Bölmə:Cəmiyyət | çapa göndər

Özünüməşğulluğun təşkilinə Həmkarlar İttifaqları Konfederasiyası 200 min manat vəsait ayıracaq

Əmək və Əhalinin Sosial Müdafiəsi Nazirliyi və Azərbaycan Həmkarlar İttifaqları Konfederasiyası (AHİK) arasında həssas əhali qruplarının özünüməşğulluğunun təşkilinə köməklik göstərilməsi sahəsində əməkdaşlığa dair memorandum imzalanıb.

Memoranduma əsasən özünüməşğulluq proqramına cəlb olunmaq məqsədi ilə müraciət edən həssas əhali qrupları (əlilliyi olan şəxslər, aztəminatlı ailələr və b.) barədə məlumatlar Nazirlik tərəfindən AHİK-ə təqdim olunacaq. Konfederasiya Proqramın icrasında, iştirakçıların aktivlərlə təminatında iştirak edəcək.

İşsiz və işaxtaran kimi qeydiyyatda olan şəxslər arasından proqrama cəlb edilmələri üçün həssas əhali qruplarının seçilməsi, proqram çərçivəsində xidmət və istehsalat sahələrinə üstünlük verilməsinin təşviqi, biznes planların hazırlanmasına dair təlimlərin təşkili, biznes planların icrasının monitorinqi və s. sahələrdə əməkdaşlıq həyata keçiriləcək.

Proqramda iştirak üçün AHİK tərəfindən 200 min manat vəsait ayrılıb.

Proqram üzrə ümumi əlaqələndirmənin həyata keçirilməsi üçün Nazirliyin, AHİK-in, Dövlət Məşğulluq Agentliyinin (DMA) nümayəndələrindən ibarət əlaqələndirmə qrupu da yaradılacaq.

Hazırda ölkəmizdə uğurla həyata keçirilən özünüməşğulluq proqramının icrasına və genişlənməsinə dəstək verənlər sırasında Heydər Əliyev Fondunun “Regional İnkişaf” İctimai Birliyi, yerli banklar da var. Bu məqsədlə eyni zamanda, Dünya Bankı ilə birgə “Məşğulluğa Dəstək Layihəsi” icra olunur. Əmək və Əhalinin Sosial Müdafiəsi Nazirliyi ilə BMT-nin İnkişaf Proqramının birgə layihəsi çərçivəsində isə 500 nəfər əlilliyi olan şəxsin özünüməşğulluq fəaliyyəti müstəvisində biznes qurmalarına dəstək verilməsi işləri aparılır.

aia.az



Məlumatlanmaq üçün Facebook səhifəmizi

5145 dəfə oxunub.


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
19-04-2021
16-04-2021