Mobil versiya
Ərdoğan: Türk hərbçilərinə hücumun cavabı ikiqat veriləcək
Tarix: 03-02-2020 | Saat: 16:17
Bölmə:Dünya | çapa göndər

Ərdoğan:

Türkiyə İdlibdəki hücumun cavabını ikiqat verib, verməyə də davam edir.

Trend-in məlumatına görə, bu barədə Türkiyə Prezidenti Rəcəb Tayyib Ərdoğan Ukraynaya yola düşməzdən əvvəl Atatürk hava limanında keçirdiyi mətbuat konfransında deyib.

Ərdoğan bildirib ki, təxminən 40 nöqtə davamlı əməliyyat hədəfləri arasındadır və həmin hədəflər həm fırtına özüyeriyən artilleriya qurğusu (Ö.A.Q.), həm də F-16 ilə vurulmağa davam edir:

“Ölkəmizin, millətimizin və idlibli qardaşlarımızın təhlükəsizliyinin təmini üçün keçirdiyimiz əməliyyatları davam etdirməkdə qərarlıyıq. Belə alçaq hücumlarla Türkiyənin iradəsini sınayanlar böyük bir səhv etdiklərini anlayacaqlar.”

Türkiyə Prezidenti bəyan edib ki, Ankara geri çəkilməyəcək:

"Əməliyyatlar davam edir və ilkin məlumatlara görə Suriya tərəfindən təxminən 30-35 nəfər zərərsizləşdirilib”.

R.T.Ərdoğan Rusiya tərəfinə də xitab edib: "Burada qarşı tərəf siz yox, rejimdir. Bizim qarşımızı kəsmək kimi bir vəziyyət olmasın".

Qeyd edək ki, Suriyanın İdlib əyalətində artilleriya zərbələri nəticəsində 4 Türkiyə hərbçisi həlak olub, daha 9 hərbçi yaralanıb.\

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024