Mobil versiya
Nazirlər Kabineti məlumat yaydı.
Tarix: 11-02-2016 | Saat: 09:59
Bölmə:Gündəm / Aia TV / Karusel | çapa göndər

Nazirlər Kabineti məlumat yaydı.
Baş nazir Artur Rasizadə “Azərbaycan Respublikasının ərazi sularında sualtı mədəni sərvətlərin sualtı mədəni irs nümunələrinə aid edilməsi Qaydası” və “Sualtı mədəni irs nümunələrindən istifadə Qaydası”nı təsdiq edib.

Bu barədə Nazirlər Kabinetindən bildirilib.

Bu qaydalara görə, sualtı mədəni irs nümunələrinə öz təbii və arxeoloji mühiti ilə birgə 100 ildən çox suyun altında qalan aşağıdakı mədəni sərvətlər aid edilir.

Belə ki, obyektlər, tikililər və onların qalıqları, artefaktlar və paleontoloji qalıqları, gəmilər, uçuş və nəqliyyat vasitələri və ya onların hissələri, yükü və içərisindəki digər əşyalar, qədim tarixi əşyalar mədəni sərvət hesab edilir.

Azərbaycanın ərazi sularında sualtı mədəni sərvətlərin sualtı mədəni irs nümunələrinə aid edilməsi Mədəniyyət və Turizm Nazirliyi tərəfindən ekspertiza yolu ilə müəyyən edilir.

Sualtı mədəni irs nümunələri Azərbaycanın milli mədəniyyət əmlakının Dövlət Siyahısına və mədəni sərvətlərin mühafizə siyahısına daxil edildikdən sonra onların qorunması, bərpası və istifadəsi həyata keçirilir.

Dövlət sualtı mədəni irs nümunələrindən turizm, elm və təhsil məqsədləri üçün istifadəyə şərait yaradır.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024