Mobil versiya
Millət vəkilləri QDİƏT PA-nın tədbirində iştirak edəcəklər
Tarix: 20-11-2026 | Saat: 15:42
Bölmə:Siyasət / Parlament | çapa göndər

Millət vəkilləri QDİƏT PA-nın tədbirində iştirak edəcəklər

Milli Məclisin Hesablayıcı komissiyasının sədri, Qara Dəniz İqtisadi Əməkdaşlıq Təşkilatı Parlament Assambleyasında (QDİƏT PA) nümayəndə heyətinin rəhbəri Eldar Quliyev, üzvləri – Milli Məclisin komitə sədri Musa Quliyev və deputat Səbinə Salmanova noyabrın 22-də Yunanıstan Respublikasının Afina şəhərinə səfər edəcəklər.

Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.

Səfər zamanı deputatlar QDİƏT PA-nın 68-ci Baş Assambleyasında iştirak edəcəklər.
Tədbir çərçivəsində “Silahlı münaqişələrin cəmiyyət, iqtisadiyyat, ətraf mühit və insan hüquqları üçün kompleks nəticələri” mövzusunda müzakirə keçiriləcək, Qara dəniz regionunda iqlim dəyişikliyinin iqtisadi aspektləri, elm və texnologiyanın inkişafına parlament dəstəyi, insan kapitalının qorunması, təhsil, səhiyyə və rəqəmsal bacarıqların inkişafı kimi məsələlər nəzərdən keçiriləcək.

Səfər noyabrın 26-da başa çatacaq.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
20-11-2026