Mobil versiya
Həbs edilən “MTN”çilərlə işbirliyində olan “jurnalistlər”in siyahısı hazırlanır
Tarix: 21-10-2015 | Saat: 16:55
Bölmə:Gündəm / Manşet / Karusel | çapa göndər

Həbs edilən “MTN”çilərlə işbirliyində olan “jurnalistlər”in siyahısı hazırlanır


Azərbaycan Milli Təhlükəsizlik Nazirliyində (MTN) aşkarlanmış qanun pozuntuları ilə bağlı yeni dəhşətli faktlar məlum olub

Aznews.az saytının yaydığı məlumata görə, araşdırma zamanı məlum olub ki, MTN-in nəzarətində bir sıra mətbuat orqanları var və onlar açıq reketçiliklə məşğuldur.

Həmin mətbuat orqanları vasitəsiylə hədəfə götürdükləri “obyekt” əvvəlcə “vurulur”, onların “cinayət əməlləri”, “korrupsiyaya yol vermələri” tirajlanır, sonra isə bunu əllərində əsas götürən MTN-çilər hərəkətə keçib soyğunçuluqla məşğul olurmuşlar.

Lakin həmin mətbu orqanların adları açıqlanmır.

Modern.az saytının əldə etdiyi məlumata görə, Baş Prokurorluğun apardığı istintaqın gedişində həmin “reket” jurnalistlərin siyahısı hazırlanır.

Bildirilir ki, onlar yaxın zamanlarda istintaqa cəlb ediləcək və barələrində həbs qərarı çıxarılacaq. Bu istiqamətdə hüquq-mühafizə orqanlarında ciddi işlərin getdiyi və “reket jurnalistlər”in MTN-nin bir qrup zabiti ilə əməkdaşlıq çərçivəsində yol verdiyi cinayət tərkibli əməllərinin araşdırıldığı qeyd olunur.

Qeyd edək ki, oktyabrən 17-də prezident İlham Əliyevin sərəncamı ilə Eldar Mahmudov milli təhlükəsizlik naziri vəzifəsindən azad edilib.

Eldar Mahmudovun işdən çıxarılması fonunda MTN ətrafında baş verənlər ictimaiyyətin və medianın diqqət mərkəzindədir.

Baş Prokurorluğun yaydığı açıqlamada göstərilib ki, MTN-nin 7 əməkdaşı vəzifə səlahiyyətlərindən sui-istifadə edib və onların digər fəaliyyəti barədə digər qanun pozuntuları aşkarlanıb.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə