Azərbaycan-Böyük Britaniya münasibətlərində yeni mərhələ: Strateji Tərəfdaşlıq gələcəyə hesablanmış əməkdaşlığın mühüm təminatıdır - DEPUTAT
Tarix: 17-11-2026 | Saat: 15:27
Bölmə:Manşet / Siyasət | çapa göndər

Dünya siyasətində geosiyasi rəqabətin gücləndiyi, beynəlxalq təhlükəsizlik arxitekturasının dəyişdiyi, enerji və nəqliyyat marşrutlarının strateji əhəmiyyətinin artdığı müasir dövrdə dövlətlərarası tərəfdaşlıqlar yeni məzmun və prioritetlər qazanır. Belə bir şəraitdə Azərbaycanın aparıcı dünya dövlətləri ilə qarşılıqlı maraqlara və uzunmüddətli strateji hədəflərə əsaslanan münasibətlər qurması ölkəmizin beynəlxalq mövqelərinin möhkəmləndirilməsi baxımından mühüm əhəmiyyət kəsb edir. Məhz bu kontektdə Azərbaycan Respublikasının Prezidenti İlham Əliyevin həyata keçirdiyi çoxşaxəli və praqmatik xarici siyasət ölkəmizin beynəlxalq mövqelərinin möhkəmləndirilməsinə, nüfuzlu dövlətlərlə qarşılıqlı faydalı əməkdaşlığın genişləndirilməsinə xidmət edir. Bu baxımdan noyabrın 12-də Dublin şəhərində Azərbaycan Respublikasının Prezidenti İlham Əliyev və Böyük Britaniya və Şimali İrlandiya Birləşmiş Krallığının Baş naziri Endi Börnhem tərəfindən imzalanmış “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə” xüsusi əhəmiyyət daşıyır. Sənəd iki ölkə arasında 30 ildən artıq müddətdə formalaşmış dostluq və əməkdaşlıq münasibətlərinin məntiqi davamı olmaqla, əlaqələrin keyfiyyətcə yeni mərhələyə yüksəldiyini təsdiqləyir.
Bu fikirləri aia.az açıqlamasında Milli Məclisin üzvü Tamam Cəfərova deyib.
Deputat bildirib ki, Azərbaycan-Böyük Britaniya münasibətlərinin hüquqi və siyasi təməli 1994-cü il fevralın 23-də imzalanmış Dostluq və Əməkdaşlıq haqqında Birgə Bəyannamə və 1998-ci il iyulun 21-də imzalanmış Dostluq Münasibətləri və Tərəfdaşlıq haqqında Birgə Bəyannamə ilə qoyulub. Ötən dövrdə siyasi dialoq, iqtisadi-ticarət əlaqələri və xüsusilə enerji sahəsində əməkdaşlıq qarşılıqlı etimad əsasında inkişaf edib. Yeni sənəd bu möhkəm təməl üzərində tərəfdaşlığın əhatə dairəsini genişləndirir, gələcək əməkdaşlığın prioritetlərini müəyyənləşdirir. İlk növbədə sənəddə 2025-ci il avqustun 8-də Vaşinqtonda keçirilmiş Sülh Zirvəsinin əhəmiyyətinin vurğulanması, Azərbaycan-Ermənistan münasibətlərinin normallaşdırılması istiqamətində atılan addımların alqışlanması da diqqətəlayiqdir. Böyük Britaniyanın regionda davamlı sülhə nail olmaq səylərinə dəstəyini bir daha təsdiqləməsi Azərbaycanın sülh gündəliyinin beynəlxalq müstəvidə dəstəklənməsi baxımından mühüm mesajdır.
Deputat bildirib ki, siyasi dialoqun bu səviyyəyə yüksəlməsi əməkdaşlığın müdafiə və təhlükəsizlik, ticarət və investisiya, təhsil və innovasiya kimi yeni istiqamətlərdə genişləndirilməsinə əlverişli zəmin yaradır. Müdafiə sahəsində təlim, potensialın artırılması, qarşılıqlı fəaliyyət və müdafiə sənayesi üzrə əməkdaşlıq imkanlarının araşdırılması nəzərdə tutulur. Bu yanaşma regional təhlükəsizliyə töhfə verməklə yanaşı, tərəflərin müasir təhdidlərə qarşı birgə fəaliyyət imkanlarını genişləndirir.
Fikirlərinin davamı olaraq, millət vəkili Tamam Cəfərova vurğulayıb ki, iki ölkə arasında iqtisadi əməkdaşlığın əsas dayaqlarından biri olan enerji münasibətləri isə yeni məzmun qazanır. Böyük Britaniya uzun illərdir Azərbaycanın enerji sektorunda aparıcı investorlardandır. Otuz ildən artıq təcrübəyə malik bu əməkdaşlıq indi bərpaolunan enerji, yaşıl maliyyələşdirmə və aşağı karbonlu texnologiyalarla zənginləşir. Azərbaycanın ənənəvi enerji resursları ilə yanaşı, yaşıl enerji istehsalı və ixracı üzrə hədəfləri Böyük Britaniyanın texnoloji və maliyyə imkanları ilə uzlaşaraq yeni investisiya perspektivləri yaradır.
Azərbaycan-Böyük Britaniya tərəfdaşlığının əhəmiyyətini artıran digər mühüm amil Mərkəzi Asiyanın, xüsusilə regionun kritik əhəmiyyətli mineral ehtiyatlarının artan geoiqtisadi dəyəridir. Strateji minerallara qlobal tələbatın yüksəlməsi Mərkəzi Asiyanı böyük dövlətlərin iqtisadi maraqlarının kəsişdiyi mühüm məkana çevirir. Bu resursların hasilatı, emalı və dünya bazarlarına çatdırılması uğrunda rəqabət gücləndikcə Böyük Britaniyanın da regionla iqtisadi əlaqələrini genişləndirməsi gözləniləndir. Məhz bu kontekstdə Orta Dəhliz xüsusi strateji əhəmiyyət qazanır. Londonun Mərkəzi Asiya ölkələri ilə əlaqələrinin genişlənməsi həmin marşrutun Böyük Britaniya üçün aktuallığını daha da artıracaq. Çünki mineral ehtiyatların hasilatı ilə yanaşı, onların təhlükəsiz və səmərəli şəkildə beynəlxalq bazarlara çatdırılması da strateji əhəmiyyət daşıyır. Bir çox dövlətlər Mərkəzi Asiya respublikaları ilə resursların hasilatı və təchizatı üzrə sazişlər imzalasa da, bu ehtiyatların daşınması üçün etibarlı alternativ marşrutlara ehtiyac artır. Azərbaycan isə əlverişli coğrafi mövqeyi, Xəzər dənizindəki liman imkanları və inkişaf etmiş nəqliyyat infrastrukturu ilə bu prosesin əsas iştirakçılarından biri ola bilər.
Ümumilikdə, Azərbaycan ilə Böyük Britaniya arasında imzalanmış Strateji Tərəfdaşlıq haqqında Birgə Bəyannamə 30 ildən artıq inkişaf yolu keçmiş münasibətlərin mühüm yekunu və yeni mərhələnin başlanğıcıdır. Sənədin əsas əhəmiyyəti mövcud əlaqələrin rəsmiləşdirilməsindən daha çox, gələcək əməkdaşlığın konkret istiqamətlərini və ortaq strateji maraqları müəyyənləşdirməsindədir. Böyük Britaniya ilə imzalanmış Bəyannamə Azərbaycanın enerji təhlükəsizliyi, müdafiə, investisiya, innovasiya və beynəlxalq nəqliyyat bağlantıları sahəsində etibarlı tərəfdaş olduğunu bir daha nümayiş etdirir. Xüsusilə Mərkəzi Asiya ilə Avropa arasında strateji bağlantıların inkişafında ölkəmizin artan rolu bu tərəfdaşlığa daha geniş geosiyasi məzmun qazandırır. Otuz ildən artıq müddətdə formalaşmış qarşılıqlı etimad, yeni strateji tərəfdaşlığın möhkəm təməlidir. İmzalanmış Bəyannamə isə bu münasibətləri gələcəyin çağırışlarına uyğunlaşdıraraq Azərbaycan-Böyük Britaniya əməkdaşlığının daha geniş miqyasda inkişafına xidmət edir. Millət vəkili Tamam Cəfərova belə deyib.
Məlumatlanmaq üçün Facebook səhifəmizi
Digər xəbərlər
Tarix: 17-11-2026 | Saat: 15:27
Bölmə:Manşet / Siyasət | çapa göndər

Dünya siyasətində geosiyasi rəqabətin gücləndiyi, beynəlxalq təhlükəsizlik arxitekturasının dəyişdiyi, enerji və nəqliyyat marşrutlarının strateji əhəmiyyətinin artdığı müasir dövrdə dövlətlərarası tərəfdaşlıqlar yeni məzmun və prioritetlər qazanır. Belə bir şəraitdə Azərbaycanın aparıcı dünya dövlətləri ilə qarşılıqlı maraqlara və uzunmüddətli strateji hədəflərə əsaslanan münasibətlər qurması ölkəmizin beynəlxalq mövqelərinin möhkəmləndirilməsi baxımından mühüm əhəmiyyət kəsb edir. Məhz bu kontektdə Azərbaycan Respublikasının Prezidenti İlham Əliyevin həyata keçirdiyi çoxşaxəli və praqmatik xarici siyasət ölkəmizin beynəlxalq mövqelərinin möhkəmləndirilməsinə, nüfuzlu dövlətlərlə qarşılıqlı faydalı əməkdaşlığın genişləndirilməsinə xidmət edir. Bu baxımdan noyabrın 12-də Dublin şəhərində Azərbaycan Respublikasının Prezidenti İlham Əliyev və Böyük Britaniya və Şimali İrlandiya Birləşmiş Krallığının Baş naziri Endi Börnhem tərəfindən imzalanmış “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə” xüsusi əhəmiyyət daşıyır. Sənəd iki ölkə arasında 30 ildən artıq müddətdə formalaşmış dostluq və əməkdaşlıq münasibətlərinin məntiqi davamı olmaqla, əlaqələrin keyfiyyətcə yeni mərhələyə yüksəldiyini təsdiqləyir.
Bu fikirləri aia.az açıqlamasında Milli Məclisin üzvü Tamam Cəfərova deyib.
Deputat bildirib ki, Azərbaycan-Böyük Britaniya münasibətlərinin hüquqi və siyasi təməli 1994-cü il fevralın 23-də imzalanmış Dostluq və Əməkdaşlıq haqqında Birgə Bəyannamə və 1998-ci il iyulun 21-də imzalanmış Dostluq Münasibətləri və Tərəfdaşlıq haqqında Birgə Bəyannamə ilə qoyulub. Ötən dövrdə siyasi dialoq, iqtisadi-ticarət əlaqələri və xüsusilə enerji sahəsində əməkdaşlıq qarşılıqlı etimad əsasında inkişaf edib. Yeni sənəd bu möhkəm təməl üzərində tərəfdaşlığın əhatə dairəsini genişləndirir, gələcək əməkdaşlığın prioritetlərini müəyyənləşdirir. İlk növbədə sənəddə 2025-ci il avqustun 8-də Vaşinqtonda keçirilmiş Sülh Zirvəsinin əhəmiyyətinin vurğulanması, Azərbaycan-Ermənistan münasibətlərinin normallaşdırılması istiqamətində atılan addımların alqışlanması da diqqətəlayiqdir. Böyük Britaniyanın regionda davamlı sülhə nail olmaq səylərinə dəstəyini bir daha təsdiqləməsi Azərbaycanın sülh gündəliyinin beynəlxalq müstəvidə dəstəklənməsi baxımından mühüm mesajdır.
Deputat bildirib ki, siyasi dialoqun bu səviyyəyə yüksəlməsi əməkdaşlığın müdafiə və təhlükəsizlik, ticarət və investisiya, təhsil və innovasiya kimi yeni istiqamətlərdə genişləndirilməsinə əlverişli zəmin yaradır. Müdafiə sahəsində təlim, potensialın artırılması, qarşılıqlı fəaliyyət və müdafiə sənayesi üzrə əməkdaşlıq imkanlarının araşdırılması nəzərdə tutulur. Bu yanaşma regional təhlükəsizliyə töhfə verməklə yanaşı, tərəflərin müasir təhdidlərə qarşı birgə fəaliyyət imkanlarını genişləndirir.
Fikirlərinin davamı olaraq, millət vəkili Tamam Cəfərova vurğulayıb ki, iki ölkə arasında iqtisadi əməkdaşlığın əsas dayaqlarından biri olan enerji münasibətləri isə yeni məzmun qazanır. Böyük Britaniya uzun illərdir Azərbaycanın enerji sektorunda aparıcı investorlardandır. Otuz ildən artıq təcrübəyə malik bu əməkdaşlıq indi bərpaolunan enerji, yaşıl maliyyələşdirmə və aşağı karbonlu texnologiyalarla zənginləşir. Azərbaycanın ənənəvi enerji resursları ilə yanaşı, yaşıl enerji istehsalı və ixracı üzrə hədəfləri Böyük Britaniyanın texnoloji və maliyyə imkanları ilə uzlaşaraq yeni investisiya perspektivləri yaradır.
Azərbaycan-Böyük Britaniya tərəfdaşlığının əhəmiyyətini artıran digər mühüm amil Mərkəzi Asiyanın, xüsusilə regionun kritik əhəmiyyətli mineral ehtiyatlarının artan geoiqtisadi dəyəridir. Strateji minerallara qlobal tələbatın yüksəlməsi Mərkəzi Asiyanı böyük dövlətlərin iqtisadi maraqlarının kəsişdiyi mühüm məkana çevirir. Bu resursların hasilatı, emalı və dünya bazarlarına çatdırılması uğrunda rəqabət gücləndikcə Böyük Britaniyanın da regionla iqtisadi əlaqələrini genişləndirməsi gözləniləndir. Məhz bu kontekstdə Orta Dəhliz xüsusi strateji əhəmiyyət qazanır. Londonun Mərkəzi Asiya ölkələri ilə əlaqələrinin genişlənməsi həmin marşrutun Böyük Britaniya üçün aktuallığını daha da artıracaq. Çünki mineral ehtiyatların hasilatı ilə yanaşı, onların təhlükəsiz və səmərəli şəkildə beynəlxalq bazarlara çatdırılması da strateji əhəmiyyət daşıyır. Bir çox dövlətlər Mərkəzi Asiya respublikaları ilə resursların hasilatı və təchizatı üzrə sazişlər imzalasa da, bu ehtiyatların daşınması üçün etibarlı alternativ marşrutlara ehtiyac artır. Azərbaycan isə əlverişli coğrafi mövqeyi, Xəzər dənizindəki liman imkanları və inkişaf etmiş nəqliyyat infrastrukturu ilə bu prosesin əsas iştirakçılarından biri ola bilər.
Ümumilikdə, Azərbaycan ilə Böyük Britaniya arasında imzalanmış Strateji Tərəfdaşlıq haqqında Birgə Bəyannamə 30 ildən artıq inkişaf yolu keçmiş münasibətlərin mühüm yekunu və yeni mərhələnin başlanğıcıdır. Sənədin əsas əhəmiyyəti mövcud əlaqələrin rəsmiləşdirilməsindən daha çox, gələcək əməkdaşlığın konkret istiqamətlərini və ortaq strateji maraqları müəyyənləşdirməsindədir. Böyük Britaniya ilə imzalanmış Bəyannamə Azərbaycanın enerji təhlükəsizliyi, müdafiə, investisiya, innovasiya və beynəlxalq nəqliyyat bağlantıları sahəsində etibarlı tərəfdaş olduğunu bir daha nümayiş etdirir. Xüsusilə Mərkəzi Asiya ilə Avropa arasında strateji bağlantıların inkişafında ölkəmizin artan rolu bu tərəfdaşlığa daha geniş geosiyasi məzmun qazandırır. Otuz ildən artıq müddətdə formalaşmış qarşılıqlı etimad, yeni strateji tərəfdaşlığın möhkəm təməlidir. İmzalanmış Bəyannamə isə bu münasibətləri gələcəyin çağırışlarına uyğunlaşdıraraq Azərbaycan-Böyük Britaniya əməkdaşlığının daha geniş miqyasda inkişafına xidmət edir. Millət vəkili Tamam Cəfərova belə deyib.
Məlumatlanmaq üçün Facebook səhifəmizi
Xəbəri paylaş
Digər xəbərlər
17-11-2026









.jpg)
.jpg)

.jpg)









































