Şuşa Zəfərindən suveren dövlətçiliyə
Tarix: 03-11-2026 | Saat: 11:03
Bölmə:Siyasət | çapa göndər
Tarixdə elə qələbələr var ki, onların əhəmiyyəti hərbi əməliyyatların nəticələri ilə məhdudlaşmır, bütöv bir xalqın gələcəyini müəyyənləşdirir. Azərbaycanın 2020-ci il noyabrın 8-də Şuşanı işğaldan azad etməsi belə qələbələrdəndir. Bu hadisə ölkəmizin ərazi bütövlüyünün bərpasına aparan yolda həlledici mərhələ olmaqla yanaşı, milli iradənin, dövlətçilik əzminin və siyasi qətiyyətin təntənəsinə çevrildi. Şuşanın azadlığı Azərbaycan tarixində yeni səhifə açdı, xalqımızın öz gücünə inamını möhkəmləndirdi və ölkəmizin gələcək inkişaf istiqamətlərini müəyyənləşdirən mühüm amillərdən biri oldu.
Şuşa Zəfərini doğuran amillər sırasında güclü dövlət quruculuğu xüsusi yer tutur. Ulu Öndər Heydər Əliyevin müəyyənləşdirdiyi siyasi kurs Azərbaycanın müstəqilliyinin möhkəmləndirilməsinə, milli maraqların qorunmasına və dövlətin gələcək inkişafının təmin edilməsinə xidmət edirdi. Prezident İlham Əliyev bu strateji xətti müasir dövrün çağırışlarına uyğun davam etdirərək ölkəmizin iqtisadi potensialını, beynəlxalq nüfuzunu və müdafiə imkanlarını əhəmiyyətli dərəcədə artırdı. Nəticədə Azərbaycan öz suveren hüquqlarını müdafiə etmək, işğal altında olan torpaqlarını azad etmək iqtidarında olan qüdrətli dövlətə çevrildi.
44 günlük Vətən müharibəsi bu hazırlığın real nəticələrini nümayiş etdirdi. Azərbaycan Ordusunun döyüş meydanında qazandığı uğurlar, hərbi qulluqçularımızın fədakarlığı və xalqımızın dövlət başçısı ətrafında sıx birləşməsi qələbənin əsasını təşkil etdi. Şuşanın azad olunması isə bütün bu amillərin bir nöqtədə birləşdiyi tarixi hadisə oldu. Müzəffər Ali Baş Komandan İlham Əliyevin müharibənin ilk günlərindən Şuşanın azad edilməsini qarşıya mühüm məqsəd kimi qoyması şəhərin qələbənin ümumi strategiyasında tutduğu yeri aydın göstərirdi.
Noyabrın 8-də Azərbaycan əsgərinin Şuşada nümayiş etdirdiyi qəhrəmanlıq hərb tariximizdə xüsusi yer tutur. Çətin dağlıq ərazidə, mürəkkəb döyüş şəraitində şəhərə daxil olan igidlərimiz düşmənin müqavimətini qıraraq Şuşanı azad etdilər. Bu əməliyyat Azərbaycanın hərbi gücünü, ordumuzun hazırlıq səviyyəsini və əsgərlərimizin Vətən uğrunda hər cür çətinliyi dəf etmək əzmini nümayiş etdirdi. Prezident İlham Əliyevin həmin gün xalqa müraciətində Şuşanın azad olunduğunu bəyan etməsi isə uzun illərin həsrətinə son qoyan, milli qürurumuzu yüksəldən tarixi məqama çevrildi.
Lakin Şuşa Zəfərinin mahiyyəti yalnız 44 günlük müharibənin nəticələri ilə ölçülmür. Bəziləri 2020-ci ilin noyabrında əldə olunan razılaşmalardan sonra Azərbaycanın mövcud vəziyyətlə kifayətlənəcəyini düşünürdü. Sonrakı hadisələr bu yanaşmanın yanlış olduğunu göstərdi. 2023-cü il sentyabrın 19–20-də həyata keçirilən antiterror əməliyyatı nəticəsində Qarabağda separatçı rejimin mövcudluğuna son qoyuldu və Azərbaycanın suverenliyi bütün ərazisində bərpa edildi. Bu, Şuşa Zəfəri ilə başlanmış tarixi prosesin mühüm davamı, dövlətimizin milli maraqlarını sona qədər qorumaq əzminin növbəti təsdiqi idi.
Bu gün Şuşa şəhəri günü qeyd edilərkən hərbi qələbənin yaratdığı imkanların necə böyük quruculuq prosesinə çevrildiyini də görürük. Şəhərin azad edilməsindən sonra burada infrastrukturun bərpasına, tarixi-mədəni irsin qorunmasına və normal yaşayışın təmin edilməsinə başlanıldı. Şuşaya aparan Zəfər Yolunun salınması qələbənin rəmzlərindən birinə çevrildi. İşğal dövründə dağıdılmış abidələrin bərpası, mədəniyyət müəssisələrinin və turizm obyektlərinin yenidən qurulması şəhərin həyatına yeni nəfəs gətirdi. Bu tədbirlər Azərbaycanın azad edilmiş ərazilərdə yalnız əraziyə nəzarəti bərpa etmədiyini, həm də həmin torpaqları yenidən qurmaq və inkişaf etdirmək əzmində olduğunu nümayiş etdirir.
Şuşanın Azərbaycanın mədəniyyət paytaxtı elan edilməsi bu siyasətin mühüm tərkib hissəsidir. Prezident İlham Əliyevin 2021-ci il 7 may tarixli Sərəncamı şəhərin milli-mədəni həyatımızdakı müstəsna mövqeyini rəsmiləşdirdi. Ardınca qəbul edilən “Azərbaycanın mədəniyyət paytaxtı – Şuşa şəhəri haqqında” Qanun şəhərin qorunması və inkişafı üçün hüquqi çərçivə yaratdı. 2022-ci ilin “Şuşa İli” elan edilməsi, şəhərin Türk dünyasının və İslam dünyasının mədəniyyət paytaxtı kimi tanınması onun zəngin irsinin beynəlxalq miqyasda təbliğinə geniş imkanlar açdı.
Şuşanın gələcəyi də təsadüfi qərarlarla deyil, sistemli planlaşdırma əsasında qurulur. Şəhərin 2040-cı ilədək inkişafına dair Baş planın təsdiqlənməsi tarixi irsin mühafizəsi ilə müasir şəhərsalma tələblərinin uzlaşdırılmasına xidmət edir. Burada əsas məqsəd Şuşanın memarlıq simasını qorumaq, yaşayış şəraitini yaxşılaşdırmaq, sosial xidmətləri inkişaf etdirmək və turizm imkanlarını genişləndirməkdir. Tarixi məhəllələrin, təbii landşaftın və mədəniyyət abidələrinin qorunması şəhərin gələcək nəsillərə özünəməxsus görkəmdə çatdırılması baxımından xüsusi əhəmiyyət daşıyır.
Prezident İlham Əliyevin rəhbərliyi ilə Şuşada aparılan bərpa və quruculuq işləri Zəfərin yaradıcı gücünü nümayiş etdirir. Şəhərin tarixi şöhrətinin qaytarılması, mədəni həyatının canlandırılması və beynəlxalq əlaqələrinin genişləndirilməsi Azərbaycanın müharibədən sonrakı inkişaf strategiyasının mühüm istiqamətlərindəndir. Şuşa artıq yalnız keçmişin xatirəsi deyil, dövlətimizin gələcəyə baxışını əks etdirən canlı inkişaf məkanıdır.
8 Noyabr – Şuşa şəhəri günü bizə bir daha göstərir ki, milli məqsədlərin gerçəkləşməsi güclü dövlət, qətiyyətli rəhbərlik, müasir ordu və xalq birliyi tələb edir. Şuşanın azadlığı ilə başlayan tarixi mərhələ Azərbaycanın suverenliyinin tam bərpası və azad edilmiş torpaqların dirçəldilməsi ilə davam etdi. Bu gün qədim şəhərimiz həm qəhrəmanlığımızın, həm dövlətçilik iradəmizin, həm də gələcəyə inamımızın rəmzidir. Şuşa Zəfəri Azərbaycan tarixində əbədi yaşayacaq, onun dirçəlişi isə milli qürurumuzun gələcək nəsillərə ötürülən parlaq nümunəsi olacaq.
Emil Tağıyev,
YAP Xaçmaz rayon təşkilatının sədri.
Məlumatlanmaq üçün Facebook səhifəmizi
Digər xəbərlər
Tarix: 03-11-2026 | Saat: 11:03
Bölmə:Siyasət | çapa göndər
Tarixdə elə qələbələr var ki, onların əhəmiyyəti hərbi əməliyyatların nəticələri ilə məhdudlaşmır, bütöv bir xalqın gələcəyini müəyyənləşdirir. Azərbaycanın 2020-ci il noyabrın 8-də Şuşanı işğaldan azad etməsi belə qələbələrdəndir. Bu hadisə ölkəmizin ərazi bütövlüyünün bərpasına aparan yolda həlledici mərhələ olmaqla yanaşı, milli iradənin, dövlətçilik əzminin və siyasi qətiyyətin təntənəsinə çevrildi. Şuşanın azadlığı Azərbaycan tarixində yeni səhifə açdı, xalqımızın öz gücünə inamını möhkəmləndirdi və ölkəmizin gələcək inkişaf istiqamətlərini müəyyənləşdirən mühüm amillərdən biri oldu.
Şuşa Zəfərini doğuran amillər sırasında güclü dövlət quruculuğu xüsusi yer tutur. Ulu Öndər Heydər Əliyevin müəyyənləşdirdiyi siyasi kurs Azərbaycanın müstəqilliyinin möhkəmləndirilməsinə, milli maraqların qorunmasına və dövlətin gələcək inkişafının təmin edilməsinə xidmət edirdi. Prezident İlham Əliyev bu strateji xətti müasir dövrün çağırışlarına uyğun davam etdirərək ölkəmizin iqtisadi potensialını, beynəlxalq nüfuzunu və müdafiə imkanlarını əhəmiyyətli dərəcədə artırdı. Nəticədə Azərbaycan öz suveren hüquqlarını müdafiə etmək, işğal altında olan torpaqlarını azad etmək iqtidarında olan qüdrətli dövlətə çevrildi.
44 günlük Vətən müharibəsi bu hazırlığın real nəticələrini nümayiş etdirdi. Azərbaycan Ordusunun döyüş meydanında qazandığı uğurlar, hərbi qulluqçularımızın fədakarlığı və xalqımızın dövlət başçısı ətrafında sıx birləşməsi qələbənin əsasını təşkil etdi. Şuşanın azad olunması isə bütün bu amillərin bir nöqtədə birləşdiyi tarixi hadisə oldu. Müzəffər Ali Baş Komandan İlham Əliyevin müharibənin ilk günlərindən Şuşanın azad edilməsini qarşıya mühüm məqsəd kimi qoyması şəhərin qələbənin ümumi strategiyasında tutduğu yeri aydın göstərirdi.
Noyabrın 8-də Azərbaycan əsgərinin Şuşada nümayiş etdirdiyi qəhrəmanlıq hərb tariximizdə xüsusi yer tutur. Çətin dağlıq ərazidə, mürəkkəb döyüş şəraitində şəhərə daxil olan igidlərimiz düşmənin müqavimətini qıraraq Şuşanı azad etdilər. Bu əməliyyat Azərbaycanın hərbi gücünü, ordumuzun hazırlıq səviyyəsini və əsgərlərimizin Vətən uğrunda hər cür çətinliyi dəf etmək əzmini nümayiş etdirdi. Prezident İlham Əliyevin həmin gün xalqa müraciətində Şuşanın azad olunduğunu bəyan etməsi isə uzun illərin həsrətinə son qoyan, milli qürurumuzu yüksəldən tarixi məqama çevrildi.
Lakin Şuşa Zəfərinin mahiyyəti yalnız 44 günlük müharibənin nəticələri ilə ölçülmür. Bəziləri 2020-ci ilin noyabrında əldə olunan razılaşmalardan sonra Azərbaycanın mövcud vəziyyətlə kifayətlənəcəyini düşünürdü. Sonrakı hadisələr bu yanaşmanın yanlış olduğunu göstərdi. 2023-cü il sentyabrın 19–20-də həyata keçirilən antiterror əməliyyatı nəticəsində Qarabağda separatçı rejimin mövcudluğuna son qoyuldu və Azərbaycanın suverenliyi bütün ərazisində bərpa edildi. Bu, Şuşa Zəfəri ilə başlanmış tarixi prosesin mühüm davamı, dövlətimizin milli maraqlarını sona qədər qorumaq əzminin növbəti təsdiqi idi.
Bu gün Şuşa şəhəri günü qeyd edilərkən hərbi qələbənin yaratdığı imkanların necə böyük quruculuq prosesinə çevrildiyini də görürük. Şəhərin azad edilməsindən sonra burada infrastrukturun bərpasına, tarixi-mədəni irsin qorunmasına və normal yaşayışın təmin edilməsinə başlanıldı. Şuşaya aparan Zəfər Yolunun salınması qələbənin rəmzlərindən birinə çevrildi. İşğal dövründə dağıdılmış abidələrin bərpası, mədəniyyət müəssisələrinin və turizm obyektlərinin yenidən qurulması şəhərin həyatına yeni nəfəs gətirdi. Bu tədbirlər Azərbaycanın azad edilmiş ərazilərdə yalnız əraziyə nəzarəti bərpa etmədiyini, həm də həmin torpaqları yenidən qurmaq və inkişaf etdirmək əzmində olduğunu nümayiş etdirir.
Şuşanın Azərbaycanın mədəniyyət paytaxtı elan edilməsi bu siyasətin mühüm tərkib hissəsidir. Prezident İlham Əliyevin 2021-ci il 7 may tarixli Sərəncamı şəhərin milli-mədəni həyatımızdakı müstəsna mövqeyini rəsmiləşdirdi. Ardınca qəbul edilən “Azərbaycanın mədəniyyət paytaxtı – Şuşa şəhəri haqqında” Qanun şəhərin qorunması və inkişafı üçün hüquqi çərçivə yaratdı. 2022-ci ilin “Şuşa İli” elan edilməsi, şəhərin Türk dünyasının və İslam dünyasının mədəniyyət paytaxtı kimi tanınması onun zəngin irsinin beynəlxalq miqyasda təbliğinə geniş imkanlar açdı.
Şuşanın gələcəyi də təsadüfi qərarlarla deyil, sistemli planlaşdırma əsasında qurulur. Şəhərin 2040-cı ilədək inkişafına dair Baş planın təsdiqlənməsi tarixi irsin mühafizəsi ilə müasir şəhərsalma tələblərinin uzlaşdırılmasına xidmət edir. Burada əsas məqsəd Şuşanın memarlıq simasını qorumaq, yaşayış şəraitini yaxşılaşdırmaq, sosial xidmətləri inkişaf etdirmək və turizm imkanlarını genişləndirməkdir. Tarixi məhəllələrin, təbii landşaftın və mədəniyyət abidələrinin qorunması şəhərin gələcək nəsillərə özünəməxsus görkəmdə çatdırılması baxımından xüsusi əhəmiyyət daşıyır.
Prezident İlham Əliyevin rəhbərliyi ilə Şuşada aparılan bərpa və quruculuq işləri Zəfərin yaradıcı gücünü nümayiş etdirir. Şəhərin tarixi şöhrətinin qaytarılması, mədəni həyatının canlandırılması və beynəlxalq əlaqələrinin genişləndirilməsi Azərbaycanın müharibədən sonrakı inkişaf strategiyasının mühüm istiqamətlərindəndir. Şuşa artıq yalnız keçmişin xatirəsi deyil, dövlətimizin gələcəyə baxışını əks etdirən canlı inkişaf məkanıdır.
8 Noyabr – Şuşa şəhəri günü bizə bir daha göstərir ki, milli məqsədlərin gerçəkləşməsi güclü dövlət, qətiyyətli rəhbərlik, müasir ordu və xalq birliyi tələb edir. Şuşanın azadlığı ilə başlayan tarixi mərhələ Azərbaycanın suverenliyinin tam bərpası və azad edilmiş torpaqların dirçəldilməsi ilə davam etdi. Bu gün qədim şəhərimiz həm qəhrəmanlığımızın, həm dövlətçilik iradəmizin, həm də gələcəyə inamımızın rəmzidir. Şuşa Zəfəri Azərbaycan tarixində əbədi yaşayacaq, onun dirçəlişi isə milli qürurumuzun gələcək nəsillərə ötürülən parlaq nümunəsi olacaq.
Emil Tağıyev,
YAP Xaçmaz rayon təşkilatının sədri.
Məlumatlanmaq üçün Facebook səhifəmizi
Xəbəri paylaş
Digər xəbərlər
03-11-2026
