27 Sentyabr Azərbaycanın müstəqillik tarixinə yazılan Zəfər salnaməsinin ilk səhifəsidir
Tarix: 25-09-2026 | Saat: 10:04
Bölmə:Siyasət | çapa göndər
27 Sentyabr Azərbaycan xalqının yaddaşında adi təqvim tarixi kimi deyil, Vətənə bağlılığın, milli iradənin, qəhrəmanlığın və şəhidlərə sonsuz ehtiramın ifadəsi kimi yaşayır. Bu tarix 2020-ci ildə başlayan Vətən müharibəsinin ilk gününü, eyni zamanda Azərbaycanın ərazi bütövlüyünün bərpası uğrunda həyatını itirmiş qəhrəman Vətən övladlarının xatirəsinə dərin ehtiramın ifadə olunduğu günü simvolizə edir. Ölkə Prezidenti cənab İlham Əliyevin 2020-ci il 2 dekabr tarixli Sərəncamı əsasında sentyabrın 27-nin hər il Anım Günü kimi qeyd edilməsi şəhidlərimizin xalqımızın milli yaddaşında və dövlətimizin mənəvi dəyərləri sırasında xüsusi yer tutduğunu göstərir.
Anım Günü xalqımız üçün həm ağır kədərin, həm də böyük qürurun yaşandığı mənəvi əhəmiyyətli bir gündür. Azərbaycan xalqı bu tarixdə şəhidlərini yad etməklə yanaşı, onların hansı ali məqsəd və müqəddəs amal naminə həyatlarını fəda etdiklərini də xatırlayır. Şəhidlərimiz Vətənin azadlığı, ərazi bütövlüyünün təmin olunması, xalqımızın milli şərəf və ləyaqətinin qorunması naminə ən böyük fədakarlığı göstərdilər. Onların keçdiyi həyat yolu və nümayiş etdirdikləri qəhrəmanlıq bir daha təsdiq etdi ki, Vətən anlayışı Azərbaycan xalqının düşüncəsində sadəcə bir məfhum deyil, uğrunda bütün çətinliklərə sinə gərməyə hazır olduğu müqəddəs dəyərdir.
2020-ci il sentyabrın 27-də başlayan Vətən müharibəsi Azərbaycanın müasir tarixində mühüm dönüş yaratdı. Azərbaycan Ordusunun misilsiz qəhrəmanlığı, xalqımızın nümayiş etdirdiyi həmrəylik və dövlət rəhbərliyinin qətiyyətli siyasəti nəticəsində 44 gün ərzində uzun illər gözlənilən tarixi ədalət bərpa olundu. Bu böyük Zəfərin əldə edilməsində hər bir əsgərin və zabitin göstərdiyi şücaətin, hər bir şəhidin verdiyi canın xüsusi payı var. Bu gün azad Qarabağda və Şərqi Zəngəzurda dalğalanan üçrəngli bayrağımız şəhidlərimizin müqəddəs ruhuna ən böyük ehtiramın ifadəsi olmaqla yanaşı, xalqımız üçün qürur mənbəyinə çevrilib.
Şəhidlik Azərbaycan xalqının mənəvi dəyərlər sistemində ən uca zirvələrdən biridir. Şəhidlər torpağa tapşırılsalar da, onların xatirəsi xalqın yaddaşında əbədi yaşayır. Zaman keçdikcə onların adları yalnız ailələrinin və yaxınlarının deyil, bütün Azərbaycan xalqının müqəddəs dəyərinə çevrilir. Şəhid anaları və ailələri öz qəhrəman övladları ilə fəxr edir, təhsil müəssisələrində onların həyat və döyüş yolu gənc nəslə nümunə kimi çatdırılır, küçələrə, məktəblərə və müxtəlif sosial obyektlərə onların adları verilir. Bütün bunlar şəhidlərin əziz xatirəsinin yaşadılması ilə yanaşı, gələcək nəsillərin milli-mənəvi dəyərlərə bağlı şəkildə yetişməsinə də mühüm töhfə verir.
27 Sentyabr eyni zamanda bizə mühüm bir həqiqəti xatırladır: xalqın və dövlətin gücü onun milli həmrəyliyindən, Vətənə bağlılığından və ümumi məqsədlər naminə bir araya gəlmək qabiliyyətindən formalaşır. Vətən müharibəsi zamanı Azərbaycan xalqı bu xüsusiyyətlərini bütün dünyaya nümayiş etdirdi. Müxtəlif yaş qruplarına, peşələrə və dünyagörüşlərinə malik insanlar vahid milli məqsəd ətrafında birləşərək Azərbaycan Ordusuna, dövlətinə və Ali Baş Komandana güclü dəstək göstərdilər. Xalqın nümayiş etdirdiyi bu birlik və həmrəylik qələbənin mühüm mənəvi dayaqlarından birinə çevrildi.
Müasir Azərbaycanın əldə etdiyi tarixi uğurlar cənab Prezident İlham Əliyevin həyata keçirdiyi məqsədyönlü və ardıcıl siyasətlə sıx bağlıdır. Ulu Öndər Heydər Əliyevin müəyyən etdiyi siyasi strategiyanın müasir dövrün reallıqları və çağırışları nəzərə alınmaqla davam etdirilməsi Azərbaycanın siyasi, iqtisadi və hərbi imkanlarının daha da güclənməsinə şərait yaradıb. Güclü dövlətçilik, dayanıqlı iqtisadiyyat və müasir ordu quruculuğu ölkənin qarşıya qoyduğu tarixi məqsədlərə çatmasında mühüm amillərdən olub. Cənab Prezident İlham Əliyevin qətiyyətli mövqeyi və milli maraqlara əsaslanan siyasəti Azərbaycanın inkişafını yeni mərhələyə daşımaqla yanaşı, xalqımızın uzun illər ərzində gözlədiyi tarixi arzunun reallaşmasına imkan yaradıb.
Bu gün şəhidlərimizin müqəddəs ruhu qarşısında ən böyük məsuliyyətimiz onların canları bahasına qoruduqları Vətəni daha da gücləndirmək, dövlət müstəqilliyimizi möhkəmləndirmək və Azərbaycanın davamlı inkişafına öz töhfəmizi verməkdir. Qarabağ və Şərqi Zəngəzurda həyata keçirilən genişmiqyaslı bərpa və quruculuq layihələri də şəhidlərimizin qanı bahasına azad edilən torpaqlarda yeni həyatın qurulmasının mühüm göstəricisidir. Dağıdılmış şəhər və kəndlərin yenidən inşa olunması, insanların öz doğma yurdlarına qayıtması, müasir yolların, məktəblərin və istehsal müəssisələrinin yaradılması Azərbaycanın gələcəyə inamla irəlilədiyini göstərir. Beləliklə, Anım Günü yalnız keçmişə ehtiram göstərilən tarix deyil, həm də gələcək nəsillər qarşısında daşıdığımız məsuliyyəti dərk etdiyimiz mühüm mənəvi gündür.
Rəşad Əsgərov,
SOCAR “Kompleks qazma işləri” trestinin müdiri,YAP ”Dəniz Neftçiləri” ərazi partiya təşkilatının sədri.
Məlumatlanmaq üçün Facebook səhifəmizi
Digər xəbərlər
Tarix: 25-09-2026 | Saat: 10:04
Bölmə:Siyasət | çapa göndər
27 Sentyabr Azərbaycan xalqının yaddaşında adi təqvim tarixi kimi deyil, Vətənə bağlılığın, milli iradənin, qəhrəmanlığın və şəhidlərə sonsuz ehtiramın ifadəsi kimi yaşayır. Bu tarix 2020-ci ildə başlayan Vətən müharibəsinin ilk gününü, eyni zamanda Azərbaycanın ərazi bütövlüyünün bərpası uğrunda həyatını itirmiş qəhrəman Vətən övladlarının xatirəsinə dərin ehtiramın ifadə olunduğu günü simvolizə edir. Ölkə Prezidenti cənab İlham Əliyevin 2020-ci il 2 dekabr tarixli Sərəncamı əsasında sentyabrın 27-nin hər il Anım Günü kimi qeyd edilməsi şəhidlərimizin xalqımızın milli yaddaşında və dövlətimizin mənəvi dəyərləri sırasında xüsusi yer tutduğunu göstərir.
Anım Günü xalqımız üçün həm ağır kədərin, həm də böyük qürurun yaşandığı mənəvi əhəmiyyətli bir gündür. Azərbaycan xalqı bu tarixdə şəhidlərini yad etməklə yanaşı, onların hansı ali məqsəd və müqəddəs amal naminə həyatlarını fəda etdiklərini də xatırlayır. Şəhidlərimiz Vətənin azadlığı, ərazi bütövlüyünün təmin olunması, xalqımızın milli şərəf və ləyaqətinin qorunması naminə ən böyük fədakarlığı göstərdilər. Onların keçdiyi həyat yolu və nümayiş etdirdikləri qəhrəmanlıq bir daha təsdiq etdi ki, Vətən anlayışı Azərbaycan xalqının düşüncəsində sadəcə bir məfhum deyil, uğrunda bütün çətinliklərə sinə gərməyə hazır olduğu müqəddəs dəyərdir.
2020-ci il sentyabrın 27-də başlayan Vətən müharibəsi Azərbaycanın müasir tarixində mühüm dönüş yaratdı. Azərbaycan Ordusunun misilsiz qəhrəmanlığı, xalqımızın nümayiş etdirdiyi həmrəylik və dövlət rəhbərliyinin qətiyyətli siyasəti nəticəsində 44 gün ərzində uzun illər gözlənilən tarixi ədalət bərpa olundu. Bu böyük Zəfərin əldə edilməsində hər bir əsgərin və zabitin göstərdiyi şücaətin, hər bir şəhidin verdiyi canın xüsusi payı var. Bu gün azad Qarabağda və Şərqi Zəngəzurda dalğalanan üçrəngli bayrağımız şəhidlərimizin müqəddəs ruhuna ən böyük ehtiramın ifadəsi olmaqla yanaşı, xalqımız üçün qürur mənbəyinə çevrilib.
Şəhidlik Azərbaycan xalqının mənəvi dəyərlər sistemində ən uca zirvələrdən biridir. Şəhidlər torpağa tapşırılsalar da, onların xatirəsi xalqın yaddaşında əbədi yaşayır. Zaman keçdikcə onların adları yalnız ailələrinin və yaxınlarının deyil, bütün Azərbaycan xalqının müqəddəs dəyərinə çevrilir. Şəhid anaları və ailələri öz qəhrəman övladları ilə fəxr edir, təhsil müəssisələrində onların həyat və döyüş yolu gənc nəslə nümunə kimi çatdırılır, küçələrə, məktəblərə və müxtəlif sosial obyektlərə onların adları verilir. Bütün bunlar şəhidlərin əziz xatirəsinin yaşadılması ilə yanaşı, gələcək nəsillərin milli-mənəvi dəyərlərə bağlı şəkildə yetişməsinə də mühüm töhfə verir.
27 Sentyabr eyni zamanda bizə mühüm bir həqiqəti xatırladır: xalqın və dövlətin gücü onun milli həmrəyliyindən, Vətənə bağlılığından və ümumi məqsədlər naminə bir araya gəlmək qabiliyyətindən formalaşır. Vətən müharibəsi zamanı Azərbaycan xalqı bu xüsusiyyətlərini bütün dünyaya nümayiş etdirdi. Müxtəlif yaş qruplarına, peşələrə və dünyagörüşlərinə malik insanlar vahid milli məqsəd ətrafında birləşərək Azərbaycan Ordusuna, dövlətinə və Ali Baş Komandana güclü dəstək göstərdilər. Xalqın nümayiş etdirdiyi bu birlik və həmrəylik qələbənin mühüm mənəvi dayaqlarından birinə çevrildi.
Müasir Azərbaycanın əldə etdiyi tarixi uğurlar cənab Prezident İlham Əliyevin həyata keçirdiyi məqsədyönlü və ardıcıl siyasətlə sıx bağlıdır. Ulu Öndər Heydər Əliyevin müəyyən etdiyi siyasi strategiyanın müasir dövrün reallıqları və çağırışları nəzərə alınmaqla davam etdirilməsi Azərbaycanın siyasi, iqtisadi və hərbi imkanlarının daha da güclənməsinə şərait yaradıb. Güclü dövlətçilik, dayanıqlı iqtisadiyyat və müasir ordu quruculuğu ölkənin qarşıya qoyduğu tarixi məqsədlərə çatmasında mühüm amillərdən olub. Cənab Prezident İlham Əliyevin qətiyyətli mövqeyi və milli maraqlara əsaslanan siyasəti Azərbaycanın inkişafını yeni mərhələyə daşımaqla yanaşı, xalqımızın uzun illər ərzində gözlədiyi tarixi arzunun reallaşmasına imkan yaradıb.
Bu gün şəhidlərimizin müqəddəs ruhu qarşısında ən böyük məsuliyyətimiz onların canları bahasına qoruduqları Vətəni daha da gücləndirmək, dövlət müstəqilliyimizi möhkəmləndirmək və Azərbaycanın davamlı inkişafına öz töhfəmizi verməkdir. Qarabağ və Şərqi Zəngəzurda həyata keçirilən genişmiqyaslı bərpa və quruculuq layihələri də şəhidlərimizin qanı bahasına azad edilən torpaqlarda yeni həyatın qurulmasının mühüm göstəricisidir. Dağıdılmış şəhər və kəndlərin yenidən inşa olunması, insanların öz doğma yurdlarına qayıtması, müasir yolların, məktəblərin və istehsal müəssisələrinin yaradılması Azərbaycanın gələcəyə inamla irəlilədiyini göstərir. Beləliklə, Anım Günü yalnız keçmişə ehtiram göstərilən tarix deyil, həm də gələcək nəsillər qarşısında daşıdığımız məsuliyyəti dərk etdiyimiz mühüm mənəvi gündür.
Rəşad Əsgərov,
SOCAR “Kompleks qazma işləri” trestinin müdiri,YAP ”Dəniz Neftçiləri” ərazi partiya təşkilatının sədri.
Məlumatlanmaq üçün Facebook səhifəmizi
Xəbəri paylaş
Digər xəbərlər
