Milli kimliyin və dövlətçiliyin əsas dayağı
Tarix: 31-07-2026 | Saat: 14:32
Bölmə:Siyasət | çapa göndər
Qloballaşmanın sürətləndiyi, informasiya texnologiyalarının həyatın bütün sahələrinə nüfuz etdiyi müasir dövrdə milli dillərin qorunması hər bir dövlət üçün strateji əhəmiyyət daşıyan məsələlərdən biridir. Xarici dillərin təsirinin artdığı, rəqəmsal kommunikasiya vasitələrinin gündəlik həyatın ayrılmaz hissəsinə çevrildiyi bir şəraitdə ana dilinin saflığını, zənginliyini və funksionallığını qorumaq təkcə dil məsələsi deyil, həm də milli kimliyin, mədəni irsin və dövlətçilik ənənələrinin qorunması deməkdir. Bu baxımdan Azərbaycan dövləti dövlət dili siyasətini müasir dövrün çağırışlarına uyğun olaraq ardıcıl şəkildə inkişaf etdirir.
Azərbaycan dilinin dövlət dili kimi möhkəmləndirilməsi və inkişafı Ümummilli Lider Heydər Əliyevin müəyyənləşdirdiyi dövlətçilik konsepsiyasının mühüm istiqamətlərindən biri olub. Ulu Öndər ana dilini xalqın milli varlığının əsas dayağı hesab edir, "Dil hər bir millətin milliliyinin əsasıdır" fikri ilə dilin milli kimliyin formalaşmasındakı rolunu xüsusi vurğulayırdı. Məhz onun təşəbbüsü ilə həyata keçirilən hüquqi və institusional islahatlar nəticəsində Azərbaycan dili dövlət idarəçiliyində, təhsil sistemində, elm və mədəniyyət sahələrində aparıcı mövqeyə yüksəldi. Avqustun 1-nin Azərbaycan əlifbası və Azərbaycan dili günü kimi təsis olunması da ana dilinə göstərilən yüksək dövlət qayğısının mühüm ifadəsidir.
Bu siyasi kurs Prezident İlham Əliyev tərəfindən müasir dövrün tələblərinə uyğun şəkildə uğurla davam etdirilir. Dövlət başçısı çıxışlarında dəfələrlə vurğulayıb ki, Azərbaycan dilinin saflığının qorunması yalnız dilçilərin deyil, bütün cəmiyyətin ümumi məsuliyyətidir. Televiziya və radio məkanında, yazılı və elektron mediada, rəsmi sənədlərdə, eləcə də gündəlik ünsiyyətdə ədəbi dil normalarına riayət olunması, lüzumsuz xarici söz və ifadələrin işlədilməsinin qarşısının alınması milli dil siyasətinin əsas istiqamətlərindəndir. Çünki ana dilinin zəifləməsi milli-mədəni kimliyin aşınmasına gətirib çıxara bilər.
Son illərdə həyata keçirilən tədbirlər dövlətin bu sahəyə sistemli yanaşmasının bariz göstəricisidir. Latın qrafikalı kitabların kütləvi nəşri, Azərbaycan Milli Ensiklopediyasının hazırlanması, dünya ədəbiyyatı nümunələrinin ana dilimizə tərcümə edilərək nəşri, "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı"nın təsdiqi dilimizin elmi və praktik inkişafına mühüm töhfələr verib. Bununla yanaşı, Azərbaycan dilinin rəqəmsal mühitdə istifadəsinin genişləndirilməsi, elektron resursların zənginləşdirilməsi və informasiya texnologiyalarında tətbiq imkanlarının artırılması müasir dövrün tələblərinə uyğun yeni perspektivlər yaradıb.
Dövlət dilinin qorunması istiqamətində normativ-hüquqi bazanın daim təkmilləşdirilməsi də bu siyasətin ardıcıl xarakter daşıdığını göstərir. "Azərbaycan dilinin Orfoqrafiya Normaları"nın təsdiq edilməsi, dövlət dilindən istifadəyə nəzarət mexanizmlərinin gücləndirilməsi, eləcə də bu sahədə səlahiyyətlərin Mədəniyyət Nazirliyinə həvalə olunması vahid dövlət dili siyasətinin daha səmərəli həyata keçirilməsinə xidmət edir. Bu addımlar Azərbaycan dilinin normalarının qorunmasına, tətbiqinin təkmilləşdirilməsinə və cəmiyyətdə dil mədəniyyətinin yüksəldilməsinə mühüm töhfə verir.
Müasir dövrdə dilin qorunması yalnız hüquqi mexanizmlərlə məhdudlaşmır. Rəqəmsal texnologiyaların, sosial şəbəkələrin və süni intellekt platformalarının geniş yayıldığı şəraitdə Azərbaycan dilinin elektron məkanda inkişafı, müasir terminologiya ilə zənginləşdirilməsi və yeni kommunikasiya vasitələrində düzgün tətbiqi xüsusi əhəmiyyət kəsb edir. Bu istiqamətdə görülən işlər ana dilimizin qlobal informasiya məkanında rəqabət qabiliyyətini artırmaqla yanaşı, gələcək nəsillərə zəngin dil irsinin ötürülməsinə də xidmət edir.
Bu gün Azərbaycan dili müstəqil dövlətimizin əsas rəmzlərindən biri olmaqla yanaşı, dünya azərbaycanlılarını birləşdirən ən güclü mənəvi bağdır. Onun saflığının qorunması, zənginləşdirilməsi və gələcək nəsillərə olduğu kimi çatdırılması hər bir vətəndaşın mənəvi borcudur. Ümummilli Lider Heydər Əliyevin müəyyənləşdirdiyi dövlət dili siyasətinin Prezident İlham Əliyev tərəfindən uğurla davam etdirilməsi onu göstərir ki, ana dilimizin inkişafı və qorunması bundan sonra da dövlət siyasətinin əsas prioritetlərindən biri olaraq qalacaq. Bu siyasət milli kimliyimizin, mədəni irsimizin və dövlətçiliyimizin etibarlı təminatı kimi Azərbaycanın gələcək inkişafında mühüm rol oynamağa davam edəcək.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 31-07-2026 | Saat: 14:32
Bölmə:Siyasət | çapa göndər
Qloballaşmanın sürətləndiyi, informasiya texnologiyalarının həyatın bütün sahələrinə nüfuz etdiyi müasir dövrdə milli dillərin qorunması hər bir dövlət üçün strateji əhəmiyyət daşıyan məsələlərdən biridir. Xarici dillərin təsirinin artdığı, rəqəmsal kommunikasiya vasitələrinin gündəlik həyatın ayrılmaz hissəsinə çevrildiyi bir şəraitdə ana dilinin saflığını, zənginliyini və funksionallığını qorumaq təkcə dil məsələsi deyil, həm də milli kimliyin, mədəni irsin və dövlətçilik ənənələrinin qorunması deməkdir. Bu baxımdan Azərbaycan dövləti dövlət dili siyasətini müasir dövrün çağırışlarına uyğun olaraq ardıcıl şəkildə inkişaf etdirir.
Azərbaycan dilinin dövlət dili kimi möhkəmləndirilməsi və inkişafı Ümummilli Lider Heydər Əliyevin müəyyənləşdirdiyi dövlətçilik konsepsiyasının mühüm istiqamətlərindən biri olub. Ulu Öndər ana dilini xalqın milli varlığının əsas dayağı hesab edir, "Dil hər bir millətin milliliyinin əsasıdır" fikri ilə dilin milli kimliyin formalaşmasındakı rolunu xüsusi vurğulayırdı. Məhz onun təşəbbüsü ilə həyata keçirilən hüquqi və institusional islahatlar nəticəsində Azərbaycan dili dövlət idarəçiliyində, təhsil sistemində, elm və mədəniyyət sahələrində aparıcı mövqeyə yüksəldi. Avqustun 1-nin Azərbaycan əlifbası və Azərbaycan dili günü kimi təsis olunması da ana dilinə göstərilən yüksək dövlət qayğısının mühüm ifadəsidir.
Bu siyasi kurs Prezident İlham Əliyev tərəfindən müasir dövrün tələblərinə uyğun şəkildə uğurla davam etdirilir. Dövlət başçısı çıxışlarında dəfələrlə vurğulayıb ki, Azərbaycan dilinin saflığının qorunması yalnız dilçilərin deyil, bütün cəmiyyətin ümumi məsuliyyətidir. Televiziya və radio məkanında, yazılı və elektron mediada, rəsmi sənədlərdə, eləcə də gündəlik ünsiyyətdə ədəbi dil normalarına riayət olunması, lüzumsuz xarici söz və ifadələrin işlədilməsinin qarşısının alınması milli dil siyasətinin əsas istiqamətlərindəndir. Çünki ana dilinin zəifləməsi milli-mədəni kimliyin aşınmasına gətirib çıxara bilər.
Son illərdə həyata keçirilən tədbirlər dövlətin bu sahəyə sistemli yanaşmasının bariz göstəricisidir. Latın qrafikalı kitabların kütləvi nəşri, Azərbaycan Milli Ensiklopediyasının hazırlanması, dünya ədəbiyyatı nümunələrinin ana dilimizə tərcümə edilərək nəşri, "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı"nın təsdiqi dilimizin elmi və praktik inkişafına mühüm töhfələr verib. Bununla yanaşı, Azərbaycan dilinin rəqəmsal mühitdə istifadəsinin genişləndirilməsi, elektron resursların zənginləşdirilməsi və informasiya texnologiyalarında tətbiq imkanlarının artırılması müasir dövrün tələblərinə uyğun yeni perspektivlər yaradıb.
Dövlət dilinin qorunması istiqamətində normativ-hüquqi bazanın daim təkmilləşdirilməsi də bu siyasətin ardıcıl xarakter daşıdığını göstərir. "Azərbaycan dilinin Orfoqrafiya Normaları"nın təsdiq edilməsi, dövlət dilindən istifadəyə nəzarət mexanizmlərinin gücləndirilməsi, eləcə də bu sahədə səlahiyyətlərin Mədəniyyət Nazirliyinə həvalə olunması vahid dövlət dili siyasətinin daha səmərəli həyata keçirilməsinə xidmət edir. Bu addımlar Azərbaycan dilinin normalarının qorunmasına, tətbiqinin təkmilləşdirilməsinə və cəmiyyətdə dil mədəniyyətinin yüksəldilməsinə mühüm töhfə verir.
Müasir dövrdə dilin qorunması yalnız hüquqi mexanizmlərlə məhdudlaşmır. Rəqəmsal texnologiyaların, sosial şəbəkələrin və süni intellekt platformalarının geniş yayıldığı şəraitdə Azərbaycan dilinin elektron məkanda inkişafı, müasir terminologiya ilə zənginləşdirilməsi və yeni kommunikasiya vasitələrində düzgün tətbiqi xüsusi əhəmiyyət kəsb edir. Bu istiqamətdə görülən işlər ana dilimizin qlobal informasiya məkanında rəqabət qabiliyyətini artırmaqla yanaşı, gələcək nəsillərə zəngin dil irsinin ötürülməsinə də xidmət edir.
Bu gün Azərbaycan dili müstəqil dövlətimizin əsas rəmzlərindən biri olmaqla yanaşı, dünya azərbaycanlılarını birləşdirən ən güclü mənəvi bağdır. Onun saflığının qorunması, zənginləşdirilməsi və gələcək nəsillərə olduğu kimi çatdırılması hər bir vətəndaşın mənəvi borcudur. Ümummilli Lider Heydər Əliyevin müəyyənləşdirdiyi dövlət dili siyasətinin Prezident İlham Əliyev tərəfindən uğurla davam etdirilməsi onu göstərir ki, ana dilimizin inkişafı və qorunması bundan sonra da dövlət siyasətinin əsas prioritetlərindən biri olaraq qalacaq. Bu siyasət milli kimliyimizin, mədəni irsimizin və dövlətçiliyimizin etibarlı təminatı kimi Azərbaycanın gələcək inkişafında mühüm rol oynamağa davam edəcək.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
