SOCAR-ın “yaşıl” istiqrazları üzrə növbəti kupon ödənişi edilib
Tarix: 08-06-2026 | Saat: 14:27
Bölmə:İqtisadiyyat | çapa göndər
8 iyun 2026-cı il tarixində SOCAR-ın “yaşıl” təyinatlı istiqrazları üzrə sayca 5-ci faiz ödənişi həyata keçirilib.
“SOCAR Capital”dan verilən məlumata görə, növbəti kupon ödənişi çərçivəsində istiqraz sahiblərinin hesablarına ümumilikdə 3 milyon ABŞ dolları məbləğində vəsait köçürülüb. Bununla da SOCAR-ın “yaşıl” istiqrazları üzrə investorlara ödənilən ümumi gəlir 15 milyon ABŞ dollarına çatıb.
Xatırladaq ki, SOCAR-ın “yaşıl” təyinatlı istiqrazları 2025-ci il yanvarın 15-də ölkəmizin “yaşıl” enerji sahəsində həyata keçirdiyi strateji təşəbbüslərə töhfə vermək məqsədilə emissiya olunub. İllik 6% gəlirlilik təqdim edən bu istiqrazlar 5 illik müddətə buraxılıb və investorlar tərəfindən böyük maraqla qarşılanıb.
2025-ci il martın 7-dən etibarən Bakı Fond Birjasında (BFB) ticarəti başlanan SOCAR-ın “yaşıl” istiqrazları daxili kapital bazarında aktivliyin artmasına mühüm töhfə verib. Bu günədək BFB-də həmin istiqrazlar üzrə 35,5 milyon ABŞ dollarından artıq məbləğdə 512 əqd bağlanıb.
“ABB İnvest” investisiya şirkətinin marketmeykeri olduğu SOCAR-ın “yaşıl” təyinatlı istiqrazları bütün vergilərdən azaddır. Kupon ödənişləri hər 3 aydan bir həyata keçirilir və istiqrazlar müddətin sonunadək sahiblərinə ümumilikdə 60 milyon ABŞ dolları gəlir qazandıracaq.
Ümumilikdə, SOCAR-ın hazırda tədavüldə olan istiqrazları ilə Bakı Fond Birjasında aparılan ticarət həcmi 114 milyon ABŞ dolları təşkil edib. Bağlanmış əqdlərin ümumi sayı isə 1726-ya çatıb ki, bu da BFB-də korporativ istiqrazlar üzrə baş tutan əqdlərin 32,4%-ni təşkil edir.
Qeyd edək ki, SOCAR İstiqrazlarının ilk buraxılışından — 2016-cı ildən bu günədək SOCAR tərəfindən vətəndaşlara və investorlara ümumilikdə 60 milyon 250 min ABŞ dolları məbləğində faiz ödənişi edilib.
SOCAR İstiqrazları ilə bağlı rəsmi məlumatları yalnız *1999 çağrı mərkəzi, socarcapital.az, socaristiqraz.az veb-saytları, 1 və 5 saylı “ASAN xidmət” mərkəzləri, eləcə də ölkəmizdə rəsmi qeydiyyatdan keçmiş investisiya şirkətləri vasitəsilə əldə etmək mümkündür.
Məlumatlanmaq üçün Facebook səhifəmizi
Digər xəbərlər
Tarix: 08-06-2026 | Saat: 14:27
Bölmə:İqtisadiyyat | çapa göndər
8 iyun 2026-cı il tarixində SOCAR-ın “yaşıl” təyinatlı istiqrazları üzrə sayca 5-ci faiz ödənişi həyata keçirilib.
“SOCAR Capital”dan verilən məlumata görə, növbəti kupon ödənişi çərçivəsində istiqraz sahiblərinin hesablarına ümumilikdə 3 milyon ABŞ dolları məbləğində vəsait köçürülüb. Bununla da SOCAR-ın “yaşıl” istiqrazları üzrə investorlara ödənilən ümumi gəlir 15 milyon ABŞ dollarına çatıb.
Xatırladaq ki, SOCAR-ın “yaşıl” təyinatlı istiqrazları 2025-ci il yanvarın 15-də ölkəmizin “yaşıl” enerji sahəsində həyata keçirdiyi strateji təşəbbüslərə töhfə vermək məqsədilə emissiya olunub. İllik 6% gəlirlilik təqdim edən bu istiqrazlar 5 illik müddətə buraxılıb və investorlar tərəfindən böyük maraqla qarşılanıb.
2025-ci il martın 7-dən etibarən Bakı Fond Birjasında (BFB) ticarəti başlanan SOCAR-ın “yaşıl” istiqrazları daxili kapital bazarında aktivliyin artmasına mühüm töhfə verib. Bu günədək BFB-də həmin istiqrazlar üzrə 35,5 milyon ABŞ dollarından artıq məbləğdə 512 əqd bağlanıb.
“ABB İnvest” investisiya şirkətinin marketmeykeri olduğu SOCAR-ın “yaşıl” təyinatlı istiqrazları bütün vergilərdən azaddır. Kupon ödənişləri hər 3 aydan bir həyata keçirilir və istiqrazlar müddətin sonunadək sahiblərinə ümumilikdə 60 milyon ABŞ dolları gəlir qazandıracaq.
Ümumilikdə, SOCAR-ın hazırda tədavüldə olan istiqrazları ilə Bakı Fond Birjasında aparılan ticarət həcmi 114 milyon ABŞ dolları təşkil edib. Bağlanmış əqdlərin ümumi sayı isə 1726-ya çatıb ki, bu da BFB-də korporativ istiqrazlar üzrə baş tutan əqdlərin 32,4%-ni təşkil edir.
Qeyd edək ki, SOCAR İstiqrazlarının ilk buraxılışından — 2016-cı ildən bu günədək SOCAR tərəfindən vətəndaşlara və investorlara ümumilikdə 60 milyon 250 min ABŞ dolları məbləğində faiz ödənişi edilib.
SOCAR İstiqrazları ilə bağlı rəsmi məlumatları yalnız *1999 çağrı mərkəzi, socarcapital.az, socaristiqraz.az veb-saytları, 1 və 5 saylı “ASAN xidmət” mərkəzləri, eləcə də ölkəmizdə rəsmi qeydiyyatdan keçmiş investisiya şirkətləri vasitəsilə əldə etmək mümkündür.
Məlumatlanmaq üçün Facebook səhifəmizi
Xəbəri paylaş
Digər xəbərlər
