Mobil versiya
"Tanınmaz halda idi, ailəsi nişan üzüyündən tanıdı..." - FOTO
Tarix: 10-03-2017, 16:48 | Saat: 15:47:00
Bölmə:Hadisə / Karusel | çapa göndər

"Tanınmaz halda idi, ailəsi nişan üzüyündən tanıdı..." - FOTO

"Bəlkə bu gün getməyəsiz? Hələ yaraları təzədir, sizi görüb daha da pis olarlar".

Biz Sumqayıt Dövlət Universitetinə çatanda mühafizəçilərlə tanımadığımız bir şəxs arasında bu dioloq gedirdi. Sonradan bildik ki, həmin adam dünən qəzaya səbəb olan mikroavtobusun sürücüsünün qohumudur və ölən tələbələrin yas yerlərinin dəqiq ünvanını öyrənməyə gəlib. Sən demə, qəzadan sonra həbs olunan sürücünün ailəsi ölən tələbələrin yas mərasimlərinə getmək istəyir.

AİA.Az xəbər verir ki, qafqazinfo tələbələr haqda onların qrup yoldaşlarından, müəllimlərindən xoş xatirələr eşitmək olsa da, buna nail ola bilməyib. Həmsöhbət mühafizə xidmətinin rəhbəri Ədalət bəy oldu. O, bildirdi ki, hazırda rektorluq, müəllim heyəti və tələbələr yas mərasimlərindədirlər.

Buna səbəb gətirən mühafizəçi jurnalisti universitetə daxil olmağa da icazə verməyib. Əvəzində qısa da olsa özü bəzi açıqlamalar edib:

"Hər gün üzlərini gördüyümüz tələbələr idi. Çinarə həmişə gecikirdi. Gülə-gülə vəsiqəsini göstərib tez keçirdi. Qəzadan sonra bir neçə nəfər qəzaya düşənlərin telefon və çantalarını gətirmişdi. Hamısını sahibinə verdik. Bir telefon qalıb, onu da tez-tez elektrikə qoşuruq ki, sönməsin. Birdən sahibi narahat olar. Roza nişanlı idi. Oturacaqlar arasında qaldığı üçün tanınmaz hala düşüb. Ailəsi qızını elə o nişan üzüyündən tanıyıb".

Sosial şəbəkələrdə hətta Rozanın atasının qızının ölüm xəbərini eşitdikdən sonra infarkt keçirdiyi deyilirdi. Ancaq universitetdən bildirdilər ki, bu, yanlış informasiyadır.

AİA.az



5547 dəfə oxunub.

Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

13-11-2019
12-11-2019
«    Ноябрь 2019    »
ПнВтСрЧтПтСбВс
 123
45678910
11121314151617
18192021222324
252627282930