Adəm İsmayıl Bakuvi:"Azərbaycan və Mərkəzi Asiya ölkələri arasında tərəfdaşlıq yeni geosiyasi reallıqları şərtləndirir"
Tarix: 09-10-2026 | Saat: 15:36
Bölmə:Manşet / Siyasət | çapa göndər
Azərbaycanın Mərkəzi Asiya ölkələri ilə əlaqələrinin son illərdə genişlənməsi regionun geosiyasi və iqtisadi mənzərəsində baş verən mühüm dəyişikliklərdən biridir. Bu tərəfdaşlıq artıq yalnız ortaq tarix, mədəni bağlılıq və siyasi təmaslarla məhdudlaşmır, eyni zamanda iqtisadi təşəbbüslər, nəqliyyat marşrutları və enerji layihələri vasitəsilə daha geniş məzmun qazanır. Türkmənbaşı şəhərində təşkil olunan Azərbaycan və Mərkəzi Asiya Dövlət Başçılarının 8-ci Məşvərət görüşündə Prezident İlham Əliyevin səsləndirdiyi fikirlər də bu inkişafın əhəmiyyətini bir daha ön plana çıxardı.
Bu fikirləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi səsləndirib.
Partiya sədri qeyd edib ki, Mərkəzi Asiya dövlətlərinin beynəlxalq iqtisadi münasibətlərdə artan çəkisi Azərbaycan üçün yeni əməkdaşlıq perspektivləri yaradır. Xüsusilə Şərq-Qərb xətti üzrə daşımaların genişlənməsi region ölkələrinin iqtisadi maraqlarını Azərbaycanın nəqliyyat imkanları ilə daha sıx şəkildə əlaqələndirir. Ölkəmizin strateji coğrafi mövqeyi, yenilənmiş avtomobil və dəmir yolu şəbəkəsi, Bakı Limanı və Xəzər dənizi üzərindən yaranan logistika imkanları bu prosesdə Azərbaycanın əhəmiyyətini artırır. Bu mənada Orta Dəhliz yalnız yüklərin bir nöqtədən digərinə daşındığı marşrut deyil, müxtəlif ölkələr arasında iqtisadi əlaqələri möhkəmləndirən geniş əməkdaşlıq platformasıdır. Mərkəzi Asiya dövlətlərinin istehsal etdikləri məhsulları beynəlxalq bazarlara çatdırmaq və alternativ logistika yollarından istifadə etmək istəyi Azərbaycanın tranzit imkanları ilə uzlaşır. Prezident İlham Əliyevin həyata keçirdiyi siyasət nəticəsində Azərbaycan bu perspektivləri əvvəlcədən nəzərə alaraq nəqliyyat infrastrukturunun inkişafını ardıcıl şəkildə təmin edib.
Tərəfdaşlığın digər vacib sahəsini enerji əməkdaşlığı təşkil edir. Azərbaycan uzun müddətdir beynəlxalq enerji bazarında etibarlı tərəfdaş kimi çıxış edir. Hazırda isə bu sahədə əməkdaşlığın əhatə dairəsi genişlənərək ənənəvi enerji resursları ilə yanaşı, bərpaolunan enerji istiqamətini də əhatə edir. Mərkəzi Asiya ölkələrinin yaşıl enerji istehsalı imkanlarının Azərbaycanın mövcud enerji infrastrukturu və ixrac potensialı ilə birləşdirilməsi gələcəkdə daha geniş regional enerji şəbəkəsinin qurulmasına şərait yarada bilər. Azərbaycanın imkanları yalnız enerji ehtiyatları ilə məhdudlaşmır. Ölkəmiz enerji istehsalı, ötürülməsi və xarici bazarlara çatdırılması sahəsində yaratdığı infrastrukturu müasir tələblərə uyğun olaraq inkişaf etdirir. Xəzər hövzəsinin mövcud potensialından səmərəli istifadə etməklə Mərkəzi Asiya ilə Avropa arasındakı enerji əlaqələrinin genişləndirilməsi həm Azərbaycan, həm də regionun digər dövlətləri üçün əlavə iqtisadi imkanlar formalaşdıra bilər.
Prezident İlham Əliyevin Türkmənbaşı görüşündəki çıxışı Azərbaycanın regional əməkdaşlığa kompleks yanaşdığını göstərir. Ölkəmizin irəli sürdüyü təşəbbüslər yalnız milli iqtisadi maraqların təmin edilməsinə deyil, eyni zamanda tərəfdaş dövlətlərin imkanlarının genişləndirilməsinə və qarşılıqlı fayda verən layihələrin həyata keçirilməsinə yönəlib. Belə yanaşma Azərbaycanın beynəlxalq əməkdaşlıq münasibətlərində etibarlı tərəfdaş kimi mövqeyinin möhkəmlənməsinə xidmət edir.
Mərkəzi Asiya ilə münasibətlərin inkişafında qarşılıqlı siyasi etimadın da xüsusi rolu var. Azərbaycan region dövlətləri ilə əlaqələrini qarşılıqlı hörmət, dövlətlərin suverenliyinə ehtiram və bərabərhüquqlu tərəfdaşlıq prinsipləri əsasında qurur. Bu prinsiplərə söykənən münasibətlər iqtisadi layihələrin həyata keçirilməsi və uzunmüddətli əməkdaşlığın davamlılığının təmin olunması üçün əlverişli şərait yaradır. Prezident İlham Əliyevin fəal diplomatik fəaliyyəti də ölkələr arasında siyasi etimadın gücləndirilməsində mühüm amillərdən biri kimi çıxış edir.
Azərbaycanın Mərkəzi Asiya Dövlət Başçılarının Məşvərət görüşləri formatına tamhüquqlu üzv kimi qoşulması da regional münasibətlərin inkişafında yeni mərhələnin göstəricisidir. Bu iştirak ölkəmizin Mərkəzi Asiya dövlətləri ilə əməkdaşlığının daha geniş institusional çərçivəyə daxil olduğunu göstərir. Azərbaycan həmin platformada həm mövcud iqtisadi və siyasi əlaqələri inkişaf etdirir, həm də yeni təşəbbüslərin irəli sürülməsində iştirak edir. Beləliklə, ölkəmizin regiondakı fəaliyyəti ikitərəfli münasibətlərlə yanaşı, çoxtərəfli əməkdaşlıq müstəvisində də genişlənir.
Müsahibimiz sonda bildirib ki, Azərbaycanın Mərkəzi Asiya istiqamətində həyata keçirdiyi siyasətin əsas xüsusiyyəti müxtəlif sahələrin bir-biri ilə əlaqəli şəkildə inkişaf etdirilməsidir. Nəqliyyat infrastrukturu ticarət imkanlarını artırır, enerji layihələri iqtisadi əməkdaşlığı dərinləşdirir, siyasi dialoq isə əldə olunan nəticələrin davamlılığını dəstəkləyir. Bu istiqamətlərin qarşılıqlı şəkildə tamamlanması Xəzərin hər iki sahilində yerləşən dövlətlər arasında münasibətlərin daha çoxşaxəli xarakter almasına imkan verir.
Nəticə etibarilə, Azərbaycanla Mərkəzi Asiya ölkələri arasındakı tərəfdaşlıq regional iqtisadi əlaqələrin genişlənməsi və yeni inkişaf imkanlarının yaranması baxımından mühüm əhəmiyyət daşıyır. Orta Dəhlizin inkişafı, enerji sahəsində yeni təşəbbüslər, qarşılıqlı investisiyalar və siyasi təmasların intensivləşməsi bu əməkdaşlığın əsas istiqamətlərini təşkil edir. Mövcud imkanların birgə layihələr vasitəsilə reallaşdırılması Xəzər hövzəsinin beynəlxalq iqtisadi sistemdə rolunu daha da artıra bilər. Bu proses Azərbaycanla Mərkəzi Asiya dövlətləri arasında qarşılıqlı maraqlara əsaslanan əlaqələrin möhkəmlənməsinə və uzunmüddətli regional tərəfdaşlığın inkişafına zəmin yaradır-deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 09-10-2026 | Saat: 15:36
Bölmə:Manşet / Siyasət | çapa göndər
Azərbaycanın Mərkəzi Asiya ölkələri ilə əlaqələrinin son illərdə genişlənməsi regionun geosiyasi və iqtisadi mənzərəsində baş verən mühüm dəyişikliklərdən biridir. Bu tərəfdaşlıq artıq yalnız ortaq tarix, mədəni bağlılıq və siyasi təmaslarla məhdudlaşmır, eyni zamanda iqtisadi təşəbbüslər, nəqliyyat marşrutları və enerji layihələri vasitəsilə daha geniş məzmun qazanır. Türkmənbaşı şəhərində təşkil olunan Azərbaycan və Mərkəzi Asiya Dövlət Başçılarının 8-ci Məşvərət görüşündə Prezident İlham Əliyevin səsləndirdiyi fikirlər də bu inkişafın əhəmiyyətini bir daha ön plana çıxardı.
Bu fikirləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi səsləndirib.
Partiya sədri qeyd edib ki, Mərkəzi Asiya dövlətlərinin beynəlxalq iqtisadi münasibətlərdə artan çəkisi Azərbaycan üçün yeni əməkdaşlıq perspektivləri yaradır. Xüsusilə Şərq-Qərb xətti üzrə daşımaların genişlənməsi region ölkələrinin iqtisadi maraqlarını Azərbaycanın nəqliyyat imkanları ilə daha sıx şəkildə əlaqələndirir. Ölkəmizin strateji coğrafi mövqeyi, yenilənmiş avtomobil və dəmir yolu şəbəkəsi, Bakı Limanı və Xəzər dənizi üzərindən yaranan logistika imkanları bu prosesdə Azərbaycanın əhəmiyyətini artırır. Bu mənada Orta Dəhliz yalnız yüklərin bir nöqtədən digərinə daşındığı marşrut deyil, müxtəlif ölkələr arasında iqtisadi əlaqələri möhkəmləndirən geniş əməkdaşlıq platformasıdır. Mərkəzi Asiya dövlətlərinin istehsal etdikləri məhsulları beynəlxalq bazarlara çatdırmaq və alternativ logistika yollarından istifadə etmək istəyi Azərbaycanın tranzit imkanları ilə uzlaşır. Prezident İlham Əliyevin həyata keçirdiyi siyasət nəticəsində Azərbaycan bu perspektivləri əvvəlcədən nəzərə alaraq nəqliyyat infrastrukturunun inkişafını ardıcıl şəkildə təmin edib.
Tərəfdaşlığın digər vacib sahəsini enerji əməkdaşlığı təşkil edir. Azərbaycan uzun müddətdir beynəlxalq enerji bazarında etibarlı tərəfdaş kimi çıxış edir. Hazırda isə bu sahədə əməkdaşlığın əhatə dairəsi genişlənərək ənənəvi enerji resursları ilə yanaşı, bərpaolunan enerji istiqamətini də əhatə edir. Mərkəzi Asiya ölkələrinin yaşıl enerji istehsalı imkanlarının Azərbaycanın mövcud enerji infrastrukturu və ixrac potensialı ilə birləşdirilməsi gələcəkdə daha geniş regional enerji şəbəkəsinin qurulmasına şərait yarada bilər. Azərbaycanın imkanları yalnız enerji ehtiyatları ilə məhdudlaşmır. Ölkəmiz enerji istehsalı, ötürülməsi və xarici bazarlara çatdırılması sahəsində yaratdığı infrastrukturu müasir tələblərə uyğun olaraq inkişaf etdirir. Xəzər hövzəsinin mövcud potensialından səmərəli istifadə etməklə Mərkəzi Asiya ilə Avropa arasındakı enerji əlaqələrinin genişləndirilməsi həm Azərbaycan, həm də regionun digər dövlətləri üçün əlavə iqtisadi imkanlar formalaşdıra bilər.
Prezident İlham Əliyevin Türkmənbaşı görüşündəki çıxışı Azərbaycanın regional əməkdaşlığa kompleks yanaşdığını göstərir. Ölkəmizin irəli sürdüyü təşəbbüslər yalnız milli iqtisadi maraqların təmin edilməsinə deyil, eyni zamanda tərəfdaş dövlətlərin imkanlarının genişləndirilməsinə və qarşılıqlı fayda verən layihələrin həyata keçirilməsinə yönəlib. Belə yanaşma Azərbaycanın beynəlxalq əməkdaşlıq münasibətlərində etibarlı tərəfdaş kimi mövqeyinin möhkəmlənməsinə xidmət edir.
Mərkəzi Asiya ilə münasibətlərin inkişafında qarşılıqlı siyasi etimadın da xüsusi rolu var. Azərbaycan region dövlətləri ilə əlaqələrini qarşılıqlı hörmət, dövlətlərin suverenliyinə ehtiram və bərabərhüquqlu tərəfdaşlıq prinsipləri əsasında qurur. Bu prinsiplərə söykənən münasibətlər iqtisadi layihələrin həyata keçirilməsi və uzunmüddətli əməkdaşlığın davamlılığının təmin olunması üçün əlverişli şərait yaradır. Prezident İlham Əliyevin fəal diplomatik fəaliyyəti də ölkələr arasında siyasi etimadın gücləndirilməsində mühüm amillərdən biri kimi çıxış edir.
Azərbaycanın Mərkəzi Asiya Dövlət Başçılarının Məşvərət görüşləri formatına tamhüquqlu üzv kimi qoşulması da regional münasibətlərin inkişafında yeni mərhələnin göstəricisidir. Bu iştirak ölkəmizin Mərkəzi Asiya dövlətləri ilə əməkdaşlığının daha geniş institusional çərçivəyə daxil olduğunu göstərir. Azərbaycan həmin platformada həm mövcud iqtisadi və siyasi əlaqələri inkişaf etdirir, həm də yeni təşəbbüslərin irəli sürülməsində iştirak edir. Beləliklə, ölkəmizin regiondakı fəaliyyəti ikitərəfli münasibətlərlə yanaşı, çoxtərəfli əməkdaşlıq müstəvisində də genişlənir.
Müsahibimiz sonda bildirib ki, Azərbaycanın Mərkəzi Asiya istiqamətində həyata keçirdiyi siyasətin əsas xüsusiyyəti müxtəlif sahələrin bir-biri ilə əlaqəli şəkildə inkişaf etdirilməsidir. Nəqliyyat infrastrukturu ticarət imkanlarını artırır, enerji layihələri iqtisadi əməkdaşlığı dərinləşdirir, siyasi dialoq isə əldə olunan nəticələrin davamlılığını dəstəkləyir. Bu istiqamətlərin qarşılıqlı şəkildə tamamlanması Xəzərin hər iki sahilində yerləşən dövlətlər arasında münasibətlərin daha çoxşaxəli xarakter almasına imkan verir.
Nəticə etibarilə, Azərbaycanla Mərkəzi Asiya ölkələri arasındakı tərəfdaşlıq regional iqtisadi əlaqələrin genişlənməsi və yeni inkişaf imkanlarının yaranması baxımından mühüm əhəmiyyət daşıyır. Orta Dəhlizin inkişafı, enerji sahəsində yeni təşəbbüslər, qarşılıqlı investisiyalar və siyasi təmasların intensivləşməsi bu əməkdaşlığın əsas istiqamətlərini təşkil edir. Mövcud imkanların birgə layihələr vasitəsilə reallaşdırılması Xəzər hövzəsinin beynəlxalq iqtisadi sistemdə rolunu daha da artıra bilər. Bu proses Azərbaycanla Mərkəzi Asiya dövlətləri arasında qarşılıqlı maraqlara əsaslanan əlaqələrin möhkəmlənməsinə və uzunmüddətli regional tərəfdaşlığın inkişafına zəmin yaradır-deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
09-10-2026
