VIII Qurultay: milli dövlətçilikdən yeni strateji hədəflərə doğru
Tarix: 09-10-2026 | Saat: 14:55
Bölmə:Siyasət | çapa göndər
Yeni Azərbaycan Partiyasının VIII Qurultayı Azərbaycanın ərazi bütövlüyünün və dövlət suverenliyinin tam bərpa olunduğu yeni tarixi mərhələdə ölkənin siyasi inkişaf istiqamətlərini müəyyənləşdirən mühüm hadisədir. Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin qurultaydakı nitqi dövlətimizin keçdiyi tarixi yolun siyasi qiymətləndirilməsi ilə yanaşı, qarşıdakı dövrün əsas vəzifələrini və partiyanın cəmiyyət qarşısında məsuliyyətini aydın şəkildə ortaya qoyur.
Prezident İlham Əliyev çıxışında Azərbaycanın əldə etdiyi tarixi nailiyyətlərin təməlində siyasi qətiyyətin, milli birliyin və dövlət maraqlarına əsaslanan ardıcıl siyasətin dayandığını vurğulayıb. 44 günlük Vətən müharibəsində qazanılmış Zəfər və 2023-cü il sentyabrın 20-də dövlət suverenliyinin tam bərpası müasir Azərbaycan tarixinin həlledici mərhələləridir. Bu hadisələr xalqımızın iradəsini, Azərbaycan Ordusunun gücünü və dövlətimizin müstəqil qərarlar qəbul etmək qabiliyyətini nümayiş etdirib. VIII Qurultayın məhz belə bir şəraitdə keçirilməsi onun siyasi əhəmiyyətini daha da artırır. Artıq qarşıda duran əsas vəzifələrdən biri əldə edilmiş nailiyyətləri qorumaq, dövlətçiliyin dayaqlarını möhkəmləndirmək və yeni inkişaf mərhələsinin imkanlarından səmərəli istifadə etməkdir.
Yeni Azərbaycan Partiyasının tarixi missiyası Ümummilli Lider Heydər Əliyevin adı və siyasi irsi ilə sıx bağlıdır. 1992-ci ildə mürəkkəb ictimai-siyasi şəraitdə yaradılmış partiya Azərbaycanın müstəqilliyinin qorunması, siyasi sabitliyin təmin edilməsi və dövlət idarəçiliyinin möhkəmləndirilməsi istiqamətində mühüm rol oynayıb. Ulu Öndərin müəyyən etdiyi dövlətçilik xətti bu gün Prezident İlham Əliyevin rəhbərliyi ilə müasir dövrün çağırışlarına uyğun şəkildə davam etdirilir. Bu siyasi varislik yalnız tarixi ənənənin qorunması deyil, həm də milli maraqların dəyişən geosiyasi şəraitdə ardıcıl müdafiəsi deməkdir.
Qurultayın mühüm mesajlarından biri partiyanın fəaliyyətində keyfiyyət yenilənməsinin zəruriliyi ilə bağlıdır. Müasir dövrdə ideoloji iş yalnız tədbirlərin təşkili və məlumatlandırma ilə məhdudlaşmamalıdır. Bu fəaliyyət cəmiyyətin real ehtiyaclarını nəzərə almalı, xüsusilə gənclərin siyasi düşüncəsinin, vətəndaşlıq məsuliyyətinin və dövlətçilik dəyərlərinə bağlılığının gücləndirilməsinə xidmət etməlidir. Formal yanaşmaların aradan qaldırılması, görülən işlərin nəticəsinin qiymətləndirilməsi və ictimaiyyətlə daha səmərəli ünsiyyətin qurulması partiya fəaliyyətinin təsir imkanlarını genişləndirə bilər. Bu baxımdan hər bir partiya fəalının məsuliyyəti onun vəzifə mövqeyi ilə deyil, dövlətin və cəmiyyətin maraqlarına verdiyi real töhfə ilə ölçülməlidir.
Azərbaycanın müstəqil xarici siyasəti, iqtisadi potensialının artırılması, sosial rifahın yüksəldilməsi və beynəlxalq nəqliyyat-kommunikasiya imkanlarının genişləndirilməsi vahid inkişaf strategiyasının mühüm istiqamətləridir. İşğaldan azad edilmiş ərazilərdə bərpa-quruculuq işlərinin aparılması və Böyük Qayıdış prosesinin həyata keçirilməsi dövlətin qarşısında duran prioritet vəzifələrdəndir. Bu proseslər suverenliyin yalnız siyasi-hüquqi məzmun daşımadığını, eyni zamanda, ölkənin bütün ərazilərində dayanıqlı inkişafın və insanların təhlükəsiz həyatının təmin olunması ilə tamamlandığını göstərir.
VIII Qurultayın müəyyən etdiyi siyasi yanaşma Yeni Azərbaycan Partiyasının qarşıdakı dövrdə fəaliyyətinə də məsuliyyətli münasibət tələb edir. Partiyanın gücü yalnız təşkilati imkanları ilə deyil, cəmiyyətlə əlaqələrinin möhkəmliyi, üzvlərinin fəallığı və qarşıya qoyulan məqsədlərin həyata keçirilməsindəki iştirakı ilə müəyyən olunur. Xüsusilə regionlarda ideoloji işin səmərəliliyinin artırılması, gənclərlə sistemli fəaliyyətin qurulması və dövlət siyasətinin mahiyyətinin düzgün izah edilməsi mühüm əhəmiyyət daşıyır.
Prezident İlham Əliyevin VIII Qurultaydakı nitqi Azərbaycanın yeni tarixi mərhələdəki siyasi prioritetlərini və Yeni Azərbaycan Partiyasının qarşısında duran vəzifələri aydın şəkildə ifadə edir. Bu mərhələnin əsas tələbi tarixi nailiyyətləri qorumaqla kifayətlənməmək, onları davamlı inkişafın möhkəm təməlinə çevirməkdir. Güclü dövlətçilik, milli birlik, müstəqil siyasət və nəticəyönümlü fəaliyyət Azərbaycanın gələcək uğurlarının əsas şərtləri olaraq qalır.
Anar Məmmədov,
YAP Gədəbəy rayon təşkilatının əməkdaşı
Məlumatlanmaq üçün Facebook səhifəmizi
Digər xəbərlər
Tarix: 09-10-2026 | Saat: 14:55
Bölmə:Siyasət | çapa göndər
Yeni Azərbaycan Partiyasının VIII Qurultayı Azərbaycanın ərazi bütövlüyünün və dövlət suverenliyinin tam bərpa olunduğu yeni tarixi mərhələdə ölkənin siyasi inkişaf istiqamətlərini müəyyənləşdirən mühüm hadisədir. Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin qurultaydakı nitqi dövlətimizin keçdiyi tarixi yolun siyasi qiymətləndirilməsi ilə yanaşı, qarşıdakı dövrün əsas vəzifələrini və partiyanın cəmiyyət qarşısında məsuliyyətini aydın şəkildə ortaya qoyur.
Prezident İlham Əliyev çıxışında Azərbaycanın əldə etdiyi tarixi nailiyyətlərin təməlində siyasi qətiyyətin, milli birliyin və dövlət maraqlarına əsaslanan ardıcıl siyasətin dayandığını vurğulayıb. 44 günlük Vətən müharibəsində qazanılmış Zəfər və 2023-cü il sentyabrın 20-də dövlət suverenliyinin tam bərpası müasir Azərbaycan tarixinin həlledici mərhələləridir. Bu hadisələr xalqımızın iradəsini, Azərbaycan Ordusunun gücünü və dövlətimizin müstəqil qərarlar qəbul etmək qabiliyyətini nümayiş etdirib. VIII Qurultayın məhz belə bir şəraitdə keçirilməsi onun siyasi əhəmiyyətini daha da artırır. Artıq qarşıda duran əsas vəzifələrdən biri əldə edilmiş nailiyyətləri qorumaq, dövlətçiliyin dayaqlarını möhkəmləndirmək və yeni inkişaf mərhələsinin imkanlarından səmərəli istifadə etməkdir.
Yeni Azərbaycan Partiyasının tarixi missiyası Ümummilli Lider Heydər Əliyevin adı və siyasi irsi ilə sıx bağlıdır. 1992-ci ildə mürəkkəb ictimai-siyasi şəraitdə yaradılmış partiya Azərbaycanın müstəqilliyinin qorunması, siyasi sabitliyin təmin edilməsi və dövlət idarəçiliyinin möhkəmləndirilməsi istiqamətində mühüm rol oynayıb. Ulu Öndərin müəyyən etdiyi dövlətçilik xətti bu gün Prezident İlham Əliyevin rəhbərliyi ilə müasir dövrün çağırışlarına uyğun şəkildə davam etdirilir. Bu siyasi varislik yalnız tarixi ənənənin qorunması deyil, həm də milli maraqların dəyişən geosiyasi şəraitdə ardıcıl müdafiəsi deməkdir.
Qurultayın mühüm mesajlarından biri partiyanın fəaliyyətində keyfiyyət yenilənməsinin zəruriliyi ilə bağlıdır. Müasir dövrdə ideoloji iş yalnız tədbirlərin təşkili və məlumatlandırma ilə məhdudlaşmamalıdır. Bu fəaliyyət cəmiyyətin real ehtiyaclarını nəzərə almalı, xüsusilə gənclərin siyasi düşüncəsinin, vətəndaşlıq məsuliyyətinin və dövlətçilik dəyərlərinə bağlılığının gücləndirilməsinə xidmət etməlidir. Formal yanaşmaların aradan qaldırılması, görülən işlərin nəticəsinin qiymətləndirilməsi və ictimaiyyətlə daha səmərəli ünsiyyətin qurulması partiya fəaliyyətinin təsir imkanlarını genişləndirə bilər. Bu baxımdan hər bir partiya fəalının məsuliyyəti onun vəzifə mövqeyi ilə deyil, dövlətin və cəmiyyətin maraqlarına verdiyi real töhfə ilə ölçülməlidir.
Azərbaycanın müstəqil xarici siyasəti, iqtisadi potensialının artırılması, sosial rifahın yüksəldilməsi və beynəlxalq nəqliyyat-kommunikasiya imkanlarının genişləndirilməsi vahid inkişaf strategiyasının mühüm istiqamətləridir. İşğaldan azad edilmiş ərazilərdə bərpa-quruculuq işlərinin aparılması və Böyük Qayıdış prosesinin həyata keçirilməsi dövlətin qarşısında duran prioritet vəzifələrdəndir. Bu proseslər suverenliyin yalnız siyasi-hüquqi məzmun daşımadığını, eyni zamanda, ölkənin bütün ərazilərində dayanıqlı inkişafın və insanların təhlükəsiz həyatının təmin olunması ilə tamamlandığını göstərir.
VIII Qurultayın müəyyən etdiyi siyasi yanaşma Yeni Azərbaycan Partiyasının qarşıdakı dövrdə fəaliyyətinə də məsuliyyətli münasibət tələb edir. Partiyanın gücü yalnız təşkilati imkanları ilə deyil, cəmiyyətlə əlaqələrinin möhkəmliyi, üzvlərinin fəallığı və qarşıya qoyulan məqsədlərin həyata keçirilməsindəki iştirakı ilə müəyyən olunur. Xüsusilə regionlarda ideoloji işin səmərəliliyinin artırılması, gənclərlə sistemli fəaliyyətin qurulması və dövlət siyasətinin mahiyyətinin düzgün izah edilməsi mühüm əhəmiyyət daşıyır.
Prezident İlham Əliyevin VIII Qurultaydakı nitqi Azərbaycanın yeni tarixi mərhələdəki siyasi prioritetlərini və Yeni Azərbaycan Partiyasının qarşısında duran vəzifələri aydın şəkildə ifadə edir. Bu mərhələnin əsas tələbi tarixi nailiyyətləri qorumaqla kifayətlənməmək, onları davamlı inkişafın möhkəm təməlinə çevirməkdir. Güclü dövlətçilik, milli birlik, müstəqil siyasət və nəticəyönümlü fəaliyyət Azərbaycanın gələcək uğurlarının əsas şərtləri olaraq qalır.
Anar Məmmədov,
YAP Gədəbəy rayon təşkilatının əməkdaşı
Məlumatlanmaq üçün Facebook səhifəmizi
Xəbəri paylaş
Digər xəbərlər
09-10-2026
