Manaf Manafov: "Azərbaycanın tranzit potensialı yeni iqtisadi imkanların əsasını formalaşdırır"
Tarix: 28-09-2026 | Saat: 11:51
Bölmə:Manşet / Siyasət | çapa göndər
Qlobal iqtisadi sistem hazırda ciddi transformasiya mərhələsindən keçir. Beynəlxalq ticarət əlaqələrinin istiqamətləri dəyişir, təchizat zəncirlərində yeni marşrutlar formalaşır, enerji və nəqliyyat layihələrinin coğrafiyası genişlənir. Belə bir şəraitdə kapital sahibləri üçün yalnız yüksək gəlirlilik deyil, eyni zamanda siyasi və iqtisadi sabitlik, təhlükəsizlik, etibarlı tərəfdaşlıq və gələcəyi proqnozlaşdırmaq imkanları da xüsusi əhəmiyyət qazanır. Bakının son dövrdə beynəlxalq investisiya müzakirələrinin mühüm platformalarından birinə çevrilməsi də məhz bu dəyişən qlobal reallıqlar fonunda diqqət çəkir.
Bu fikirləri aia.az-a açıqlamasında Nərimanov Rayon Mənzil-Kommunal Təsərrüfatı Birliyinin rəisi, Yeni Azərbaycan Partiyasının üzvü Manaf Manafov deyib.
Fikirlərini davam etdirən hakim partiya təmsilçisi bildirib ki, sentyabrın 26-da cənab Prezident İlham Əliyevin himayəsi altında keçirilən II Azərbaycan Beynəlxalq İnvestisiya Forumu çərçivəsində təşkil olunan “Parçalanmış dünyada etimadın bərpası: Cənubi Qafqaz qlobal bağlantı və investisiya sabitliyinin dayağı kimi” mövzusunda tədbir Azərbaycanın bu proseslərdə tutduğu mövqeyi nümayiş etdirən mühüm platforma oldu. Forumun əsas gündəliyində qlobal dəyişikliklər şəraitində sabitliyin, regional bağlantıların və etibarlı tərəfdaşlığın investisiya mühitinə təsiri mühüm yer tutdu. Bakıda aparılan müzakirələr təkcə mövcud iqtisadi imkanların təqdimatı ilə məhdudlaşmadı, eyni zamanda Azərbaycanın son illərdə formalaşdırdığı iqtisadi potensialla qarşıdakı dövrün prioritetləri arasında əlaqəni ortaya qoydu.
Forumun moderatoru Adebayo Oqunlesinin Azərbaycanın son iyirmi ildən artıq müddətdə keçdiyi iqtisadi inkişaf mərhələsini konkret rəqəmlərlə təqdim etməsi bu baxımdan diqqət çəkdi. Onun səsləndirdiyi göstəricilərə əsasən, ölkənin ÜDM-i 7 milyard dollardan 76 milyard dollara yüksəlib, adambaşına düşən ÜDM 900 dollardan 7500 dollara çatıb, yoxsulluq səviyyəsi isə 45 faizdən 5 faizə qədər azalıb. Dövlət Neft Fondunun aktivlərinin 840 milyon dollardan 75 milyard dollara yüksəlməsi də Azərbaycanın maliyyə imkanlarının hansı miqyasda dəyişdiyini göstərən mühüm göstəricilərdən biridir.
Bu rəqəmlərə yalnız ayrı-ayrı statistik nəticələr kimi yanaşmaq düzgün olmazdı. Onlar bütövlükdə Azərbaycanın iqtisadi potensialının uzunmüddətli və ardıcıl siyasət nəticəsində real inkişaf resurslarına çevrildiyini göstərir. Cənab Prezident İlham Əliyevin çıxışında da bu məqam xüsusi vurğulandı. Dövlət başçısının təqdim etdiyi yanaşmaya görə, son illərdə yaradılmış möhkəm iqtisadi baza, maliyyə imkanları və dayanıqlı sistem qarşıdakı mərhələdə yeni layihələrin həyata keçirilməsi üçün əsas zəmin yaradır.
Azərbaycanın son 20 il ərzində 350 milyard ABŞ dollarından artıq investisiya cəlb etməsi, həmin vəsaitin təxminən yarısının birbaşa xarici investisiyaların payına düşməsi də təsadüfi nəticə deyil. Bu göstəricinin arxasında uzun müddət ərzində formalaşdırılmış iqtisadi və institusional mühit dayanır. Bu gün investorların qarşısına çıxarılan layihələr yalnız maliyyə imkanları ilə deyil, həm də yaradılmış nəqliyyat infrastrukturu, enerji sistemi, kommunikasiya şəbəkələri, istehsal potensialı və idarəetmə təcrübəsi ilə təmin olunur. Başqa sözlə, bugünkü investisiya imkanlarının əsası əvvəlki illərdə həyata keçirilən layihələr və qəbul olunan qərarlarla formalaşdırılıb.
Azərbaycan iqtisadiyyatında baş verən struktur dəyişiklikləri də bu prosesin mühüm göstəricisidir. Hazırda qeyri-neft-qaz sektorunun ÜDM-də payının 70 faizdən artıq olması iqtisadiyyatın şaxələndirilməsi istiqamətində görülən işlərin nəticələrindən biri kimi diqqət çəkir. Qarşıdakı mərhələdə isə bu prosesin daha da sürətləndirilməsi nəzərdə tutulur. Bərpaolunan enerji, nəqliyyat və logistika, mədənçilik, rəqəmsal iqtisadiyyat, süni intellekt, ərzaq təhlükəsizliyi və digər sahələrin ön plana çıxarılması Azərbaycanın iqtisadi inkişaf modelində yeni istiqamətlərin formalaşdığını göstərir.
Bu yanaşmada investisiya anlayışı da daha geniş məzmun kəsb edir. Xarici kapitalın ölkəyə daxil olması yalnız maliyyə resurslarının artması demək deyil. İnvestisiya eyni zamanda yeni texnologiyaların, müasir idarəçilik üsullarının, innovativ həllərin, peşəkar təcrübənin və beynəlxalq bazarlara çıxış imkanlarının ölkəyə gətirilməsi baxımından əhəmiyyətlidir. Cənab Prezident İlham Əliyevin forum iştirakçılarına müraciətində də investisiya əməkdaşlığının bu tərəflərinə xüsusi diqqət yetirilməsi Azərbaycanın xarici kapitala münasibətinin daha geniş çərçivədə qurulduğunu göstərir.
Azərbaycanın qarşısında formalaşan yeni imkanların mühüm hissəsi ölkənin coğrafi mövqeyi ilə bağlıdır. Şərq ilə Qərb, Şimal ilə Cənub arasında yerləşən ölkəmiz öz coğrafi mövqeyini iqtisadi üstünlüyə çevirmək üçün genişmiqyaslı infrastruktur layihələri həyata keçirir. Lakin müasir tranzit sistemində yalnız əlverişli coğrafi yerləşmə kifayət etmir. Dəmir yolları, limanlar, avtomobil yolları, hava nəqliyyatı, gömrük sistemi və rəqəmsal texnologiyalar vahid və səmərəli bağlantı mexanizmi kimi fəaliyyət göstərməlidir.
Cənab Prezident İlham Əliyevin forumdakı çıxışında Azərbaycanın Şərq-Qərb və Şimal-Cənub nəqliyyat dəhlizlərində oynadığı rola xüsusi diqqət yetirməsi də bununla bağlıdır. Ölkə ərazisindən keçən tranzit yüklərin həcminin cari ildə 16 milyon tona çatmasının gözlənilməsi, 2030-cu ilədək bu göstəricinin 25 milyon ton və daha yüksək səviyyəyə qaldırılmasının qarşıya məqsəd qoyulması Azərbaycanın tranzit potensialının gələcək iqtisadi strategiyada mühüm yer tutduğunu göstərir. Bu perspektiv Azərbaycanın yalnız yükdaşıma marşrutu deyil, həm də regional logistika və ticarət əlaqələrinin mühüm mərkəzlərindən biri kimi mövqeyini gücləndirmək niyyətini ortaya qoyur.
Müsahibimiz daha sonra bildirib ki, investisiya qərarlarında marşrutların mövcudluğu qədər onların təhlükəsizliyi və davamlılığı da mühüm amildir. Cənab Prezident İlham Əliyevin forumda Azərbaycanın siyasi və iqtisadi sabitliyini, maliyyə dayanıqlığını, aşağı dövlət borcunu və valyuta sabitliyini önə çəkməsi investor etimadının formalaşmasında uzunmüddətli amillərin əhəmiyyətini göstərir. Etimad yalnız müəyyən vədlərlə yaranmır. O, illər ərzində reallaşdırılmış layihələr, yaradılmış infrastruktur, tərəfdaşlarla qurulmuş münasibətlər və öhdəliklərin icrası nəticəsində formalaşır. Forumun məhz Bakıda keçirilməsi də Azərbaycanın öz investisiya imkanlarını beynəlxalq auditoriyaya birbaşa təqdim etmək baxımından mühüm əhəmiyyət daşıyır.
Azərbaycanın iqtisadi siyasətində növbəti mərhələnin əsas məsələsi də yalnız investisiyaların həcmini artırmaqdan ibarət deyil. Əsas məqsədlərdən biri cəlb olunan kapitalın iqtisadiyyatın perspektivli sahələrinə yönəldilməsi, qeyri-neft ixracının genişləndirilməsi, yüksək texnologiyaların tətbiqinin sürətləndirilməsi və yerli insan kapitalının gücləndirilməsidir. Bu baxımdan peşəkar kadrların hazırlanması və müasir biliklərin mənimsənilməsi xüsusi əhəmiyyət kəsb edir.
Cənab Prezidentin insan kapitalına verdiyi önəmin səbəbi də məhz budur. Müasir iqtisadiyyatın inkişafı yalnız maliyyə və texnologiya ilə təmin olunmur. Yeni layihələrin səmərəli həyata keçirilməsi üçün yüksək ixtisaslı mütəxəssislərə ehtiyac var. Təhsil imkanlarının genişləndirilməsi, Kibertəhlükəsizlik Mərkəzinin fəaliyyəti və xaricdə təhsil proqramları vasitəsilə insan potensialının inkişaf etdirilməsi Azərbaycanın gələcək iqtisadi modelinin mühüm elementləri kimi çıxış edir.
Beləliklə, II Azərbaycan Beynəlxalq İnvestisiya Forumunun Bakıda keçirilməsi Azərbaycanın iqtisadi inkişaf gündəliyində yeni mərhələnin formalaşdığını göstərən mühüm hadisə kimi qiymətləndirilə bilər. Ölkənin iqtisadi siyasətində əsas diqqət artıq yalnız mövcud resursların istifadəsinə deyil, yeni imkanların yaradılmasına yönəlir. Sabitlik investisiya üçün etimad yaradır, investisiya yeni texnologiya və istehsal imkanları gətirir, bunlar isə iqtisadiyyatın daha da şaxələndirilməsi üçün zəmin formalaşdırır. Azərbaycanın qarşıdakı dövr üçün müəyyənləşdirdiyi strategiya da məhz bu qarşılıqlı əlaqələr üzərində qurulur- deyə, Manaf Manafov fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 28-09-2026 | Saat: 11:51
Bölmə:Manşet / Siyasət | çapa göndər
Qlobal iqtisadi sistem hazırda ciddi transformasiya mərhələsindən keçir. Beynəlxalq ticarət əlaqələrinin istiqamətləri dəyişir, təchizat zəncirlərində yeni marşrutlar formalaşır, enerji və nəqliyyat layihələrinin coğrafiyası genişlənir. Belə bir şəraitdə kapital sahibləri üçün yalnız yüksək gəlirlilik deyil, eyni zamanda siyasi və iqtisadi sabitlik, təhlükəsizlik, etibarlı tərəfdaşlıq və gələcəyi proqnozlaşdırmaq imkanları da xüsusi əhəmiyyət qazanır. Bakının son dövrdə beynəlxalq investisiya müzakirələrinin mühüm platformalarından birinə çevrilməsi də məhz bu dəyişən qlobal reallıqlar fonunda diqqət çəkir.
Bu fikirləri aia.az-a açıqlamasında Nərimanov Rayon Mənzil-Kommunal Təsərrüfatı Birliyinin rəisi, Yeni Azərbaycan Partiyasının üzvü Manaf Manafov deyib.
Fikirlərini davam etdirən hakim partiya təmsilçisi bildirib ki, sentyabrın 26-da cənab Prezident İlham Əliyevin himayəsi altında keçirilən II Azərbaycan Beynəlxalq İnvestisiya Forumu çərçivəsində təşkil olunan “Parçalanmış dünyada etimadın bərpası: Cənubi Qafqaz qlobal bağlantı və investisiya sabitliyinin dayağı kimi” mövzusunda tədbir Azərbaycanın bu proseslərdə tutduğu mövqeyi nümayiş etdirən mühüm platforma oldu. Forumun əsas gündəliyində qlobal dəyişikliklər şəraitində sabitliyin, regional bağlantıların və etibarlı tərəfdaşlığın investisiya mühitinə təsiri mühüm yer tutdu. Bakıda aparılan müzakirələr təkcə mövcud iqtisadi imkanların təqdimatı ilə məhdudlaşmadı, eyni zamanda Azərbaycanın son illərdə formalaşdırdığı iqtisadi potensialla qarşıdakı dövrün prioritetləri arasında əlaqəni ortaya qoydu.
Forumun moderatoru Adebayo Oqunlesinin Azərbaycanın son iyirmi ildən artıq müddətdə keçdiyi iqtisadi inkişaf mərhələsini konkret rəqəmlərlə təqdim etməsi bu baxımdan diqqət çəkdi. Onun səsləndirdiyi göstəricilərə əsasən, ölkənin ÜDM-i 7 milyard dollardan 76 milyard dollara yüksəlib, adambaşına düşən ÜDM 900 dollardan 7500 dollara çatıb, yoxsulluq səviyyəsi isə 45 faizdən 5 faizə qədər azalıb. Dövlət Neft Fondunun aktivlərinin 840 milyon dollardan 75 milyard dollara yüksəlməsi də Azərbaycanın maliyyə imkanlarının hansı miqyasda dəyişdiyini göstərən mühüm göstəricilərdən biridir.
Bu rəqəmlərə yalnız ayrı-ayrı statistik nəticələr kimi yanaşmaq düzgün olmazdı. Onlar bütövlükdə Azərbaycanın iqtisadi potensialının uzunmüddətli və ardıcıl siyasət nəticəsində real inkişaf resurslarına çevrildiyini göstərir. Cənab Prezident İlham Əliyevin çıxışında da bu məqam xüsusi vurğulandı. Dövlət başçısının təqdim etdiyi yanaşmaya görə, son illərdə yaradılmış möhkəm iqtisadi baza, maliyyə imkanları və dayanıqlı sistem qarşıdakı mərhələdə yeni layihələrin həyata keçirilməsi üçün əsas zəmin yaradır.
Azərbaycanın son 20 il ərzində 350 milyard ABŞ dollarından artıq investisiya cəlb etməsi, həmin vəsaitin təxminən yarısının birbaşa xarici investisiyaların payına düşməsi də təsadüfi nəticə deyil. Bu göstəricinin arxasında uzun müddət ərzində formalaşdırılmış iqtisadi və institusional mühit dayanır. Bu gün investorların qarşısına çıxarılan layihələr yalnız maliyyə imkanları ilə deyil, həm də yaradılmış nəqliyyat infrastrukturu, enerji sistemi, kommunikasiya şəbəkələri, istehsal potensialı və idarəetmə təcrübəsi ilə təmin olunur. Başqa sözlə, bugünkü investisiya imkanlarının əsası əvvəlki illərdə həyata keçirilən layihələr və qəbul olunan qərarlarla formalaşdırılıb.
Azərbaycan iqtisadiyyatında baş verən struktur dəyişiklikləri də bu prosesin mühüm göstəricisidir. Hazırda qeyri-neft-qaz sektorunun ÜDM-də payının 70 faizdən artıq olması iqtisadiyyatın şaxələndirilməsi istiqamətində görülən işlərin nəticələrindən biri kimi diqqət çəkir. Qarşıdakı mərhələdə isə bu prosesin daha da sürətləndirilməsi nəzərdə tutulur. Bərpaolunan enerji, nəqliyyat və logistika, mədənçilik, rəqəmsal iqtisadiyyat, süni intellekt, ərzaq təhlükəsizliyi və digər sahələrin ön plana çıxarılması Azərbaycanın iqtisadi inkişaf modelində yeni istiqamətlərin formalaşdığını göstərir.
Bu yanaşmada investisiya anlayışı da daha geniş məzmun kəsb edir. Xarici kapitalın ölkəyə daxil olması yalnız maliyyə resurslarının artması demək deyil. İnvestisiya eyni zamanda yeni texnologiyaların, müasir idarəçilik üsullarının, innovativ həllərin, peşəkar təcrübənin və beynəlxalq bazarlara çıxış imkanlarının ölkəyə gətirilməsi baxımından əhəmiyyətlidir. Cənab Prezident İlham Əliyevin forum iştirakçılarına müraciətində də investisiya əməkdaşlığının bu tərəflərinə xüsusi diqqət yetirilməsi Azərbaycanın xarici kapitala münasibətinin daha geniş çərçivədə qurulduğunu göstərir.
Azərbaycanın qarşısında formalaşan yeni imkanların mühüm hissəsi ölkənin coğrafi mövqeyi ilə bağlıdır. Şərq ilə Qərb, Şimal ilə Cənub arasında yerləşən ölkəmiz öz coğrafi mövqeyini iqtisadi üstünlüyə çevirmək üçün genişmiqyaslı infrastruktur layihələri həyata keçirir. Lakin müasir tranzit sistemində yalnız əlverişli coğrafi yerləşmə kifayət etmir. Dəmir yolları, limanlar, avtomobil yolları, hava nəqliyyatı, gömrük sistemi və rəqəmsal texnologiyalar vahid və səmərəli bağlantı mexanizmi kimi fəaliyyət göstərməlidir.
Cənab Prezident İlham Əliyevin forumdakı çıxışında Azərbaycanın Şərq-Qərb və Şimal-Cənub nəqliyyat dəhlizlərində oynadığı rola xüsusi diqqət yetirməsi də bununla bağlıdır. Ölkə ərazisindən keçən tranzit yüklərin həcminin cari ildə 16 milyon tona çatmasının gözlənilməsi, 2030-cu ilədək bu göstəricinin 25 milyon ton və daha yüksək səviyyəyə qaldırılmasının qarşıya məqsəd qoyulması Azərbaycanın tranzit potensialının gələcək iqtisadi strategiyada mühüm yer tutduğunu göstərir. Bu perspektiv Azərbaycanın yalnız yükdaşıma marşrutu deyil, həm də regional logistika və ticarət əlaqələrinin mühüm mərkəzlərindən biri kimi mövqeyini gücləndirmək niyyətini ortaya qoyur.
Müsahibimiz daha sonra bildirib ki, investisiya qərarlarında marşrutların mövcudluğu qədər onların təhlükəsizliyi və davamlılığı da mühüm amildir. Cənab Prezident İlham Əliyevin forumda Azərbaycanın siyasi və iqtisadi sabitliyini, maliyyə dayanıqlığını, aşağı dövlət borcunu və valyuta sabitliyini önə çəkməsi investor etimadının formalaşmasında uzunmüddətli amillərin əhəmiyyətini göstərir. Etimad yalnız müəyyən vədlərlə yaranmır. O, illər ərzində reallaşdırılmış layihələr, yaradılmış infrastruktur, tərəfdaşlarla qurulmuş münasibətlər və öhdəliklərin icrası nəticəsində formalaşır. Forumun məhz Bakıda keçirilməsi də Azərbaycanın öz investisiya imkanlarını beynəlxalq auditoriyaya birbaşa təqdim etmək baxımından mühüm əhəmiyyət daşıyır.
Azərbaycanın iqtisadi siyasətində növbəti mərhələnin əsas məsələsi də yalnız investisiyaların həcmini artırmaqdan ibarət deyil. Əsas məqsədlərdən biri cəlb olunan kapitalın iqtisadiyyatın perspektivli sahələrinə yönəldilməsi, qeyri-neft ixracının genişləndirilməsi, yüksək texnologiyaların tətbiqinin sürətləndirilməsi və yerli insan kapitalının gücləndirilməsidir. Bu baxımdan peşəkar kadrların hazırlanması və müasir biliklərin mənimsənilməsi xüsusi əhəmiyyət kəsb edir.
Cənab Prezidentin insan kapitalına verdiyi önəmin səbəbi də məhz budur. Müasir iqtisadiyyatın inkişafı yalnız maliyyə və texnologiya ilə təmin olunmur. Yeni layihələrin səmərəli həyata keçirilməsi üçün yüksək ixtisaslı mütəxəssislərə ehtiyac var. Təhsil imkanlarının genişləndirilməsi, Kibertəhlükəsizlik Mərkəzinin fəaliyyəti və xaricdə təhsil proqramları vasitəsilə insan potensialının inkişaf etdirilməsi Azərbaycanın gələcək iqtisadi modelinin mühüm elementləri kimi çıxış edir.
Beləliklə, II Azərbaycan Beynəlxalq İnvestisiya Forumunun Bakıda keçirilməsi Azərbaycanın iqtisadi inkişaf gündəliyində yeni mərhələnin formalaşdığını göstərən mühüm hadisə kimi qiymətləndirilə bilər. Ölkənin iqtisadi siyasətində əsas diqqət artıq yalnız mövcud resursların istifadəsinə deyil, yeni imkanların yaradılmasına yönəlir. Sabitlik investisiya üçün etimad yaradır, investisiya yeni texnologiya və istehsal imkanları gətirir, bunlar isə iqtisadiyyatın daha da şaxələndirilməsi üçün zəmin formalaşdırır. Azərbaycanın qarşıdakı dövr üçün müəyyənləşdirdiyi strategiya da məhz bu qarşılıqlı əlaqələr üzərində qurulur- deyə, Manaf Manafov fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
28-09-2026
