Çinlə münasibətlərin inkişafı Azərbaycanın strateji maraqlarına uyğundur
Tarix: 30-04-2025 | Saat: 18:20
Bölmə:Özəl | çapa göndər
2025-ci il aprelin 25-də Azərbaycan Respublikasının Prezidenti İlham Əliyev Çinin CGTN (China Global Television Network) telekanalına verdiyi müsahibədə ölkəmizin Çinlə münasibətlərinin strateji əhəmiyyətini bir daha vurğulamışdır. Prezidentin bu çıxışı, iki ölkə arasında əməkdaşlığın yeni mərhələyə qədəm qoyduğunu və Azərbaycanın strateji maraqları ilə tam uyğun olduğunu göstərir. Prezident İlham Əliyev, ötən ilin yayında Çin Prezidenti ilə görüşdən sonra Azərbaycan və Çin arasında strateji tərəfdaşlıq haqqında birgə bəyanat qəbul edildiyini xatırladaraq, bu addımın ikitərəfli münasibətlərdə mühüm siyasi mərhələ olduğunu qeyd etdi. Bu strateji tərəfdaşlıq, qarşılıqlı etimad və əməkdaşlıq əsasında qurulmuş yüksək səviyyəli münasibətləri əks etdirir. Prezident, Azərbaycanın yaşıl enerji sahəsindəki potensialını və Çin texnologiyalarının bu sahədəki rolunu vurğulayaraq, iki ölkə arasında bu sahədə əməkdaşlığın genişləndirilməsinin vacibliyini qeyd etdi. Azerbaycanın 2027-ci ilə qədər 2 qiqavat, 2030-cu ilə qədər isə 6 qiqavat gücündə bərpa olunan enerji istehsal etməyi hədəflədiyini bildirdi. Bu məqsədə çatmaq üçün Çin istehsalı olan günəş panelləri və batareyaların istifadəsi nəzərdə tutulur. Həmçinin, Xəzər dənizi altında enerji kabelinin çəkilməsi ilə bağlı Azərbaycan, Qazaxıstan və Özbəkistan arasında razılaşma imzalanmışdır ki, bu da regional enerji əlaqələrinin gücləndirilməsinə xidmət edəcəkdir. Prezident İlham Əliyev, Azərbaycanın sərmayə mühitinin əlverişli olduğunu və xarici investisiyaların qorunduğunu qeyd edərək, xüsusilə qeyri-neft sektorunda, infrastruktur və nəqliyyat sahələrində Çin şirkətlərinin fəaliyyətinin artırılmasını arzuladığını bildirdi. Ələt yaxınlığında yaradılan azad iqtisadi zona, Çin şirkətləri üçün yeni imkanlar təqdim edir. Bu addımlar, Azərbaycanın iqtisadiyyatının şaxələndirilməsi və dayanıqlı inkişafı istiqamətində mühüm addımlardır. Prezident, Çin vətəndaşlarının artıq elektron viza müraciəti etmədən Azərbaycana səfər edə bilmələrini qeyd edərək, bu addımın turizm və insanlar arasında əlaqələrin inkişafına töhfə verəcəyini vurğuladı. Eyni zamanda, yaxın gələcəkdə Azərbaycan vətəndaşları üçün də oxşar asanlaşdırılmış viza rejiminin tətbiqinin nəzərdə tutulduğunu bildirdi. Bu, xalqlar arasında qarşılıqlı anlaşma və dostluğun möhkəmlənməsinə xidmət edəcəkdir. Prezident İlham Əliyev, Azərbaycan və Çin arasında BMT, Ümumdünya Ticarət Təşkilatı və digər beynəlxalq təşkilatlar çərçivəsində əməkdaşlığın davam etdirilməsinin vacibliyini qeyd etdi. Hər iki ölkə bir-birinin ərazi bütövlüyünü dəstəkləyir və bu, beynəlxalq səviyyədə qarşılıqlı dəstəyin əsasını təşkil edir. Prezident İlham Əliyevin CGTN telekanalına verdiyi müsahibə, Çinlə münasibətlərin inkişafının Azərbaycanın strateji maraqlarına tam uyğun olduğunu bir daha təsdiqləyir. Yaşıl enerji, iqtisadi əməkdaşlıq, insanlar arasında əlaqələrin gücləndirilməsi və beynəlxalq təşkilatlar çərçivəsində əməkdaşlıq sahələrində atılan addımlar, iki ölkə arasında münasibətlərin yeni və yüksək səviyyəyə çatdığını göstərir. Bu əməkdaşlıq, Azərbaycanın regional və beynəlxalq mövqeyinin gücləndirilməsinə, dayanıqlı inkişafına və beynəlxalq aləmdə nüfuzunun artırılmasına xidmət edir.
Nicat Quliyev
Yeni Azərbaycan Partiyası Laçın rayon təşkilatının məsləhətçisi
Məlumatlanmaq üçün Facebook səhifəmizi
Digər xəbərlər
Tarix: 30-04-2025 | Saat: 18:20
Bölmə:Özəl | çapa göndər
2025-ci il aprelin 25-də Azərbaycan Respublikasının Prezidenti İlham Əliyev Çinin CGTN (China Global Television Network) telekanalına verdiyi müsahibədə ölkəmizin Çinlə münasibətlərinin strateji əhəmiyyətini bir daha vurğulamışdır. Prezidentin bu çıxışı, iki ölkə arasında əməkdaşlığın yeni mərhələyə qədəm qoyduğunu və Azərbaycanın strateji maraqları ilə tam uyğun olduğunu göstərir. Prezident İlham Əliyev, ötən ilin yayında Çin Prezidenti ilə görüşdən sonra Azərbaycan və Çin arasında strateji tərəfdaşlıq haqqında birgə bəyanat qəbul edildiyini xatırladaraq, bu addımın ikitərəfli münasibətlərdə mühüm siyasi mərhələ olduğunu qeyd etdi. Bu strateji tərəfdaşlıq, qarşılıqlı etimad və əməkdaşlıq əsasında qurulmuş yüksək səviyyəli münasibətləri əks etdirir. Prezident, Azərbaycanın yaşıl enerji sahəsindəki potensialını və Çin texnologiyalarının bu sahədəki rolunu vurğulayaraq, iki ölkə arasında bu sahədə əməkdaşlığın genişləndirilməsinin vacibliyini qeyd etdi. Azerbaycanın 2027-ci ilə qədər 2 qiqavat, 2030-cu ilə qədər isə 6 qiqavat gücündə bərpa olunan enerji istehsal etməyi hədəflədiyini bildirdi. Bu məqsədə çatmaq üçün Çin istehsalı olan günəş panelləri və batareyaların istifadəsi nəzərdə tutulur. Həmçinin, Xəzər dənizi altında enerji kabelinin çəkilməsi ilə bağlı Azərbaycan, Qazaxıstan və Özbəkistan arasında razılaşma imzalanmışdır ki, bu da regional enerji əlaqələrinin gücləndirilməsinə xidmət edəcəkdir. Prezident İlham Əliyev, Azərbaycanın sərmayə mühitinin əlverişli olduğunu və xarici investisiyaların qorunduğunu qeyd edərək, xüsusilə qeyri-neft sektorunda, infrastruktur və nəqliyyat sahələrində Çin şirkətlərinin fəaliyyətinin artırılmasını arzuladığını bildirdi. Ələt yaxınlığında yaradılan azad iqtisadi zona, Çin şirkətləri üçün yeni imkanlar təqdim edir. Bu addımlar, Azərbaycanın iqtisadiyyatının şaxələndirilməsi və dayanıqlı inkişafı istiqamətində mühüm addımlardır. Prezident, Çin vətəndaşlarının artıq elektron viza müraciəti etmədən Azərbaycana səfər edə bilmələrini qeyd edərək, bu addımın turizm və insanlar arasında əlaqələrin inkişafına töhfə verəcəyini vurğuladı. Eyni zamanda, yaxın gələcəkdə Azərbaycan vətəndaşları üçün də oxşar asanlaşdırılmış viza rejiminin tətbiqinin nəzərdə tutulduğunu bildirdi. Bu, xalqlar arasında qarşılıqlı anlaşma və dostluğun möhkəmlənməsinə xidmət edəcəkdir. Prezident İlham Əliyev, Azərbaycan və Çin arasında BMT, Ümumdünya Ticarət Təşkilatı və digər beynəlxalq təşkilatlar çərçivəsində əməkdaşlığın davam etdirilməsinin vacibliyini qeyd etdi. Hər iki ölkə bir-birinin ərazi bütövlüyünü dəstəkləyir və bu, beynəlxalq səviyyədə qarşılıqlı dəstəyin əsasını təşkil edir. Prezident İlham Əliyevin CGTN telekanalına verdiyi müsahibə, Çinlə münasibətlərin inkişafının Azərbaycanın strateji maraqlarına tam uyğun olduğunu bir daha təsdiqləyir. Yaşıl enerji, iqtisadi əməkdaşlıq, insanlar arasında əlaqələrin gücləndirilməsi və beynəlxalq təşkilatlar çərçivəsində əməkdaşlıq sahələrində atılan addımlar, iki ölkə arasında münasibətlərin yeni və yüksək səviyyəyə çatdığını göstərir. Bu əməkdaşlıq, Azərbaycanın regional və beynəlxalq mövqeyinin gücləndirilməsinə, dayanıqlı inkişafına və beynəlxalq aləmdə nüfuzunun artırılmasına xidmət edir.
Nicat Quliyev
Yeni Azərbaycan Partiyası Laçın rayon təşkilatının məsləhətçisi
Məlumatlanmaq üçün Facebook səhifəmizi
Xəbəri paylaş
Digər xəbərlər
