Qarabağın Zəfər matçı
Tarix: 28-12-2023 | Saat: 12:23
Bölmə:Siyasət / Özəl | çapa göndər
Dekabrın 21-də Xankəndi stadionunda futbol üzrə Azərbaycan Kubokunun 1/8 final mərhələsində Ağdamın “Qarabağ” və Bakının MOİK komandaları arasında keçirilən oyun idman yarışı olsa da, Azərbaycan tarixində önəmli günlərdən biri oldu. Bu yarış bütün Azərbaycan xalqının sevincinə səbəb olmuş unudulmaz hadisədir. Çünki ilk dəfədir ki, işğaldan azad edilmiş ərazilərdə futbol matçı keçirilib. Bir zamanlar erməni separatçılarının at oynatdığı, xalqımıza qarşı soyqırım həyata keçirdiyi tarixi şəhərimiz olan Xankəndidə, üçrəngli bayrağımızın dalğalandığı stadionda bu torpaqları azad edən qəhrəman şəhidlərimizin ailələri və övladlarının izlədiyi futbol matçının rəmzi mənası vardır.
Ən müasir səviyyədə döyüş aparıb tarixi Zəfər qazandığımız Qarabağ torpaqlarında belə bir matçın keçirilməsi xalqımızda qürur hissi oyatdı. Həm də yarışı izləyənlər arasında Azərbaycan Respublikasının Prezidenti cənab İlham Əliyevin və birinci xanım Mehriban Əliyevanın olması diqqətlərdən yayınmadı. Cənab Prezident özü ilə birlikdə apardığı şəhid övladlarını, onların ailə üzvlərini xüsusi salamlayaraq onların atalarının müqəddəs amal uğrunda, Vətənin azadlığı uğrunda qəhrəmanlıq dastanı yazdıqlarını xatırlatdı. Bu, ilk növbədə dövlətimizin başçısı cənab İlham Əliyevin şəhid övladlarına yüksək qayğısının, sevgisinin təzahürüdür. Cənab Prezident yarışın başlanmasından öncə çıxışında bunu bir daha vurğulayaraq qədim Azərbaycan diyarı Xankəndidə ilk dəfə futbol matçının keçirilməsini Zəfər salnaməmizin səhifəsi kimi qeyd edərək demişdir: “Bu futbol matçının Xankəndidə keçirilməsinin çox böyük mənası var. Xankəndi qədim Azərbaycan diyarıdır. Bu kəndin təməli Qarabağ xanı tərəfindən qoyulmuşdur və ondan sonra Azərbaycan Respublikasının vəsaiti hesabına Azərbaycan memarları, inşaatçıları tərəfindən böyük şəhər yaradılmışdır. Əfsuslar olsun ki, 30 il ərzində bu şəhərdə separatçılar yuva salmışdılar. Bu şəhər separatizmin rəmzinə çevrilmişdi. Torpaqlarımızı 30 il ərzində işğal altında saxlayan Ermənistan hesab edirdi ki, bunu əbədi edə biləcək. Biz, şanlı Azərbaycan Ordusu onlara və bütün dünyaya sübut etdik ki, bu, bizim tarixi, əzəli torpağımızdır. Bu torpaqların sahibləri bizik, Azərbaycan xalqıdır. Biz buraya qayıtmalı idik və qayıtmışıq.”
Xankəndidə üç ay bundan qabaq ilk dəfə dalğalanan bayrağımız bu gün öz əzəməti ilə göz oxşayır. Bu bayraq altında hələ çox möhtəşəm tədbirlər keçiriləcəkdir. İndi isə bu ərazilərdə abadlıq, quruculu işləri gedir. İki ay ərzində yenidən qurulan stadionda indi separatizmin heç bir əlaməti qalmamışdır. Cənab Prezidentin qeyd etdiyi kimi “Separatizm simvolikasını əks etdirən bütün yazılar artıq tarixin zibilxanasına atıldı.”
Ölkəmizin başçısı idmansevərlərə və xalqımıza daha bir müjdə verərək bildirdi ki, “Bütün başqa şəhərlər kimi, bu gün Ağdam şəhəri də yenidən qurulur. O cümlədən bir neçə aydan sonra Ağdam şəhərində “İmarət” stadionunun yenidən inşa edilməsinə başlanılacaq.”
“Qarabağ” və Bakının MOİK oyunun nəticələrindən asılı olmayaraq qalib bəllidir. Qalib Azərbaycan xalqıdır, Azərbaycan dövlətidir! “Qarabağ” və Mərkəzi Ordu İdman Klubunun qarşılaşması böyük rəmzi məna daşıyır”-deyə çıxışında bildirən cənab İlham Əliyev bizim Zəfərimizin əsas mənbəyinin Qarabağ–Ordu-Xalq birliyi olduğunu xüsusi vurğuladı. Həqiqi birliyin qazandırdığı Zəfər sevincini bütün Azərbaycan xalqına yaşadan ölkə başçısı inamla, qətiyyətlə bu mübarizənin davam etdiyini və Zəfərin dönməzliyini bildirdi: “Bundan sonra bu torpaqlarda Azərbaycan Bayrağı əbədi dalğalanacaq. Biz azərbaycanlılar burada əbədi yaşayacağıq! Yaşasın Qarabağ! Yaşasın şanlı Ordumuz! Qarabağ Azərbaycandır!”
İstər stadionda olan minlərlə tamaşaçı, istərsə də matçı televiziyadan izləyən Azərbaycan xalqı fərəh dolu bir gün yaşadı, Zəfərdən doğan qürur hissi ilə öz rəhbərini alqışladı.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 28-12-2023 | Saat: 12:23
Bölmə:Siyasət / Özəl | çapa göndər
Dekabrın 21-də Xankəndi stadionunda futbol üzrə Azərbaycan Kubokunun 1/8 final mərhələsində Ağdamın “Qarabağ” və Bakının MOİK komandaları arasında keçirilən oyun idman yarışı olsa da, Azərbaycan tarixində önəmli günlərdən biri oldu. Bu yarış bütün Azərbaycan xalqının sevincinə səbəb olmuş unudulmaz hadisədir. Çünki ilk dəfədir ki, işğaldan azad edilmiş ərazilərdə futbol matçı keçirilib. Bir zamanlar erməni separatçılarının at oynatdığı, xalqımıza qarşı soyqırım həyata keçirdiyi tarixi şəhərimiz olan Xankəndidə, üçrəngli bayrağımızın dalğalandığı stadionda bu torpaqları azad edən qəhrəman şəhidlərimizin ailələri və övladlarının izlədiyi futbol matçının rəmzi mənası vardır.
Ən müasir səviyyədə döyüş aparıb tarixi Zəfər qazandığımız Qarabağ torpaqlarında belə bir matçın keçirilməsi xalqımızda qürur hissi oyatdı. Həm də yarışı izləyənlər arasında Azərbaycan Respublikasının Prezidenti cənab İlham Əliyevin və birinci xanım Mehriban Əliyevanın olması diqqətlərdən yayınmadı. Cənab Prezident özü ilə birlikdə apardığı şəhid övladlarını, onların ailə üzvlərini xüsusi salamlayaraq onların atalarının müqəddəs amal uğrunda, Vətənin azadlığı uğrunda qəhrəmanlıq dastanı yazdıqlarını xatırlatdı. Bu, ilk növbədə dövlətimizin başçısı cənab İlham Əliyevin şəhid övladlarına yüksək qayğısının, sevgisinin təzahürüdür. Cənab Prezident yarışın başlanmasından öncə çıxışında bunu bir daha vurğulayaraq qədim Azərbaycan diyarı Xankəndidə ilk dəfə futbol matçının keçirilməsini Zəfər salnaməmizin səhifəsi kimi qeyd edərək demişdir: “Bu futbol matçının Xankəndidə keçirilməsinin çox böyük mənası var. Xankəndi qədim Azərbaycan diyarıdır. Bu kəndin təməli Qarabağ xanı tərəfindən qoyulmuşdur və ondan sonra Azərbaycan Respublikasının vəsaiti hesabına Azərbaycan memarları, inşaatçıları tərəfindən böyük şəhər yaradılmışdır. Əfsuslar olsun ki, 30 il ərzində bu şəhərdə separatçılar yuva salmışdılar. Bu şəhər separatizmin rəmzinə çevrilmişdi. Torpaqlarımızı 30 il ərzində işğal altında saxlayan Ermənistan hesab edirdi ki, bunu əbədi edə biləcək. Biz, şanlı Azərbaycan Ordusu onlara və bütün dünyaya sübut etdik ki, bu, bizim tarixi, əzəli torpağımızdır. Bu torpaqların sahibləri bizik, Azərbaycan xalqıdır. Biz buraya qayıtmalı idik və qayıtmışıq.”
Xankəndidə üç ay bundan qabaq ilk dəfə dalğalanan bayrağımız bu gün öz əzəməti ilə göz oxşayır. Bu bayraq altında hələ çox möhtəşəm tədbirlər keçiriləcəkdir. İndi isə bu ərazilərdə abadlıq, quruculu işləri gedir. İki ay ərzində yenidən qurulan stadionda indi separatizmin heç bir əlaməti qalmamışdır. Cənab Prezidentin qeyd etdiyi kimi “Separatizm simvolikasını əks etdirən bütün yazılar artıq tarixin zibilxanasına atıldı.”
Ölkəmizin başçısı idmansevərlərə və xalqımıza daha bir müjdə verərək bildirdi ki, “Bütün başqa şəhərlər kimi, bu gün Ağdam şəhəri də yenidən qurulur. O cümlədən bir neçə aydan sonra Ağdam şəhərində “İmarət” stadionunun yenidən inşa edilməsinə başlanılacaq.”
“Qarabağ” və Bakının MOİK oyunun nəticələrindən asılı olmayaraq qalib bəllidir. Qalib Azərbaycan xalqıdır, Azərbaycan dövlətidir! “Qarabağ” və Mərkəzi Ordu İdman Klubunun qarşılaşması böyük rəmzi məna daşıyır”-deyə çıxışında bildirən cənab İlham Əliyev bizim Zəfərimizin əsas mənbəyinin Qarabağ–Ordu-Xalq birliyi olduğunu xüsusi vurğuladı. Həqiqi birliyin qazandırdığı Zəfər sevincini bütün Azərbaycan xalqına yaşadan ölkə başçısı inamla, qətiyyətlə bu mübarizənin davam etdiyini və Zəfərin dönməzliyini bildirdi: “Bundan sonra bu torpaqlarda Azərbaycan Bayrağı əbədi dalğalanacaq. Biz azərbaycanlılar burada əbədi yaşayacağıq! Yaşasın Qarabağ! Yaşasın şanlı Ordumuz! Qarabağ Azərbaycandır!”
İstər stadionda olan minlərlə tamaşaçı, istərsə də matçı televiziyadan izləyən Azərbaycan xalqı fərəh dolu bir gün yaşadı, Zəfərdən doğan qürur hissi ilə öz rəhbərini alqışladı.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
19-01-2025
18-01-2025
17-01-2025
