14 sentyabr Kamran Vəlizadənin doğum günüdür
Tarix: 14-09-2023 | Saat: 11:15
Bölmə:Özəl | çapa göndər
Kamran Vətənini canından əziz bildi
Kamran Əkbər oğlu Vəlizadənin də qismətinə Vətən yolunda ölmək şərəfi nəsib oldu. Belə ki, 44 gün çəkən İkinci Qarabağ müharibəsində xalqının qeyrətini, namusunu canında əziz tutaraq müharibə meydanında düşmənlə son damla qanına qədər vuruşdu. Ömrünün 24-cü baharında bu dünyadan köçməklə, gələcək nəsillər üçün örnək olacaq bir tarix yazıb qoydu.
Lənkəran rayonu, Nərimanabad kəndində hamı Əkbər kişini halal zəhmətdən doymayan, xeyirxah, ürəyi təmiz, səmimi insan kimi tanıyır, xətrini əziz tutur. Kamran belə bir halal ailə ocağında boy atdığına görə həyatı dərk edən gündən bütün varlığı ilə Vətəninə, xalqına bağlanır. Nəcib, xeyirxah əməllərə tapınmaqla 2014-cü ildə orta məktəbi başa vurur, Neft Akademiyasının energetika fakültəsinə qəbul olur. Ülvi, humanist keyfiyyətlərə malik olan Kamran insanlara daha çox fayda verməkdən ötrü ali məktəbi yüksək səviyyədə bitirir. Vətənini azad, xalqını xoşbəxt görmək istəyi onun qarşısında yeni yollar açır. 2018-ci ildə hərbi xidmətə gedir, Daşkəsənin Xoşbulaq kəndində layiqli bir oğul olaraq canından artıq sevdiyi Azərbaycana oğulluq borcunu şərəflə verir.
Əsgəri xidmətdən evinə üzüağ qayıdan Kamran sonra müəyyən işlərdə çalışır. Bitib-tükənməyən arzuları onu el-obada yalnız yaxşı işlər görməyə sövq edir. Xeyirxahlığını, mərdliyini, vətənpərvərliyini görüb onu yurd yerinin mənəvi dayağı, ilham verən qüvvəsi sayırlar. Elin sevimli oğlu erməni daşnakların təcavüzünə məruz qalan Qarabağın taleyini də unutmur. Vətənə olan sevgisi Kamranı həmişə mübarizə meydanına, yağıya qarşı döyüşə səsləyir. Odur ki, İkinci Qarabağ müharibəsi başlayan kimi, o, Vətənin harayına birinci gedir. “Vətən uğrunda ölmək şərəfdir”- deyib özünü odun-alovun içinə atır. Haqq savaşımızın ən qaynar nöqtələrdə qələbə sorağı eşidilir. Özü öndə olmaqla onunla çıyin-çiyinə vuruşan döyüş yoldaşlarını irəli aparmaq üçün belə deyir: “Biz mütləq qələbə qazanarıq. Bir də Vətəni qanımızla, canımızla yaşatmaq bizim borcumuzdur.”
Ağır müharibə meydanında güllə yağışı Kamranın başına sel kimi yağsa da, heç nədən qorxmur, daim irəli gedir. Cəbrayıl, Qubadlı uğrunda gedən döyüşlərdə qəhrəmancasına vuruşur. Girdiyi hər savaşda çoxlu sayda erməni dığasını məhv edir. 23 oktyabrda hər kəsə qismət olmayan şəhidlik zirvəsinə ucalır. Beləcə qəhrəman Vətən oğlunun torpağa axıtdığı qırmızı qan döyüşdüyü yerlərdə üç rəngli bayrağımıza dönür...
Kamran Vəlizadənin həyat yolu qısa, qaldı ki, öz milləti üçün əbədi, parlaq yoldur. Xalqın qəlbində yaşamaqla bərabər, o, dövlət tərəfində “Vətən uğrunda”, Cəbrayılın, Qubadlının azadlığına görə, “Cəsur döyüşçü” medallarına layiq görülüb
Zəfər Orucoğlu,
Azərbaycan Jurnalistlər Birliyinin üzvü
aia.az
Məlumatlanmaq üçün Facebook səhifəmizi
Digər xəbərlər
Tarix: 14-09-2023 | Saat: 11:15
Bölmə:Özəl | çapa göndər
Kamran Vətənini canından əziz bildi
Kamran Əkbər oğlu Vəlizadənin də qismətinə Vətən yolunda ölmək şərəfi nəsib oldu. Belə ki, 44 gün çəkən İkinci Qarabağ müharibəsində xalqının qeyrətini, namusunu canında əziz tutaraq müharibə meydanında düşmənlə son damla qanına qədər vuruşdu. Ömrünün 24-cü baharında bu dünyadan köçməklə, gələcək nəsillər üçün örnək olacaq bir tarix yazıb qoydu.
Lənkəran rayonu, Nərimanabad kəndində hamı Əkbər kişini halal zəhmətdən doymayan, xeyirxah, ürəyi təmiz, səmimi insan kimi tanıyır, xətrini əziz tutur. Kamran belə bir halal ailə ocağında boy atdığına görə həyatı dərk edən gündən bütün varlığı ilə Vətəninə, xalqına bağlanır. Nəcib, xeyirxah əməllərə tapınmaqla 2014-cü ildə orta məktəbi başa vurur, Neft Akademiyasının energetika fakültəsinə qəbul olur. Ülvi, humanist keyfiyyətlərə malik olan Kamran insanlara daha çox fayda verməkdən ötrü ali məktəbi yüksək səviyyədə bitirir. Vətənini azad, xalqını xoşbəxt görmək istəyi onun qarşısında yeni yollar açır. 2018-ci ildə hərbi xidmətə gedir, Daşkəsənin Xoşbulaq kəndində layiqli bir oğul olaraq canından artıq sevdiyi Azərbaycana oğulluq borcunu şərəflə verir.
Əsgəri xidmətdən evinə üzüağ qayıdan Kamran sonra müəyyən işlərdə çalışır. Bitib-tükənməyən arzuları onu el-obada yalnız yaxşı işlər görməyə sövq edir. Xeyirxahlığını, mərdliyini, vətənpərvərliyini görüb onu yurd yerinin mənəvi dayağı, ilham verən qüvvəsi sayırlar. Elin sevimli oğlu erməni daşnakların təcavüzünə məruz qalan Qarabağın taleyini də unutmur. Vətənə olan sevgisi Kamranı həmişə mübarizə meydanına, yağıya qarşı döyüşə səsləyir. Odur ki, İkinci Qarabağ müharibəsi başlayan kimi, o, Vətənin harayına birinci gedir. “Vətən uğrunda ölmək şərəfdir”- deyib özünü odun-alovun içinə atır. Haqq savaşımızın ən qaynar nöqtələrdə qələbə sorağı eşidilir. Özü öndə olmaqla onunla çıyin-çiyinə vuruşan döyüş yoldaşlarını irəli aparmaq üçün belə deyir: “Biz mütləq qələbə qazanarıq. Bir də Vətəni qanımızla, canımızla yaşatmaq bizim borcumuzdur.”
Ağır müharibə meydanında güllə yağışı Kamranın başına sel kimi yağsa da, heç nədən qorxmur, daim irəli gedir. Cəbrayıl, Qubadlı uğrunda gedən döyüşlərdə qəhrəmancasına vuruşur. Girdiyi hər savaşda çoxlu sayda erməni dığasını məhv edir. 23 oktyabrda hər kəsə qismət olmayan şəhidlik zirvəsinə ucalır. Beləcə qəhrəman Vətən oğlunun torpağa axıtdığı qırmızı qan döyüşdüyü yerlərdə üç rəngli bayrağımıza dönür...
Kamran Vəlizadənin həyat yolu qısa, qaldı ki, öz milləti üçün əbədi, parlaq yoldur. Xalqın qəlbində yaşamaqla bərabər, o, dövlət tərəfində “Vətən uğrunda”, Cəbrayılın, Qubadlının azadlığına görə, “Cəsur döyüşçü” medallarına layiq görülüb
Zəfər Orucoğlu,
Azərbaycan Jurnalistlər Birliyinin üzvü
aia.az
Məlumatlanmaq üçün Facebook səhifəmizi
Xəbəri paylaş
Digər xəbərlər
11-01-2025
10-01-2025
