15 avqust Əli Mehdizadənin anadan olduğu gündür
Tarix: 15-08-2023 | Saat: 11:58
Bölmə:Özəl | çapa göndər
Vətən yolunda şəhid olan Əli
Şanlı hərb tariximizin qeyrət, qürur səhifəsi olan 44 günlük İkinci Qarabağ müharibəsində qazanılan qələbəmizdə Lənkəran elindən olan Əli Məcid oğlu Mehdizadə xüsusi şücaət göstərib. 30 il düşmən tapdağında qalan Vətən torpaqların azadlığı uğrunda müharibə meydanında son damla qanına qədər vuruşub şəhid olub. Arzusu, amalı bayrağa dönüb əzəli, əbədi yurd yerimiz Qarabağda ucalır. Beləcə, böyük bir xalqın qəhrəmanlıq simvoluna dönən Əli 19 yaşına yenicən qədəm qoymuşdu. Bu az yaşda bizim üçün zaman-zaman dəyərini itirməyən böyük mənəvi sərvət qoyur. Ən əsası Vətəni necə sevməyi, halal torpağını qorumağı öyrətdi bizlərə.
Əli Mehdizadə orta məktəbi bitirib ordu sıralarına yola düşəndə el-oba qarşısında yağı düşməndə qisas alacağına and içir. Və dediyini edir də.
Azərbaycan Ordusunun Xüsusi Təyinatlı Qüvvələrinin əsgəri olan Əli Mehdizadə layiqli bir övlad olaraq Vətən qarşısında borcunu şərəflə yerinə yetirir. Təlimlərə həvəslə qoşulur, üzləşdiyi sınaqlardan uğurla keçir. Hərbin sirlərinə mükəmməl yiyələnə-yiyələnə dığalara döyüşü meydanında gücünü göstərməyə hazırlaşır. Vacib məqamlarda cəsurluğu, igidliyi, mərdliyi tam bilinir. Bütün bunlara görə qəlbi Vətən eşqli əsgər Əli Mehdizadə xidmət etdiyi hissədə sözün həqiqi mənasında hamının sevimlisinə çevrilir.
2020-ci il sentyabrın 27-dən Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsinin ilk günündən Əli silahlanıb odun-alovun içinə atılır. Murovdağ, Cəbrayıl, Füzuli, Xocavənd və Şuşa savaşında düşmənə qan uddurub, onlarla canlı qüvvəsini, neçə-neçə hərbi texnikasını məhv edir. Ağır müharibə meydanlardan qələbələrlə çıxır. Azərbaycanın üçrəngli bayrağı azad olunmuş Vətən torpaqlarında dalğalananda ürəyi dağa dönür. Cəbrayıl istiqamətində çiynindən qəlpə yarası alır, müalicəsini yarımçıq qoyaraq yenidən döyüşən cəbhəyə qayıdır. İgid əsgər Əli 1 noyabr 2020-ci ildə axşam saatlarında Şuşanın Daşaltı kəndi istiqamətində gedən ağır döyüşlərdə qəhrəmancasına vuruşaraq hər kəsə qismət olmayan ali mərtəbəyə yüksəlir. Bu şərflə də milyonların ürəyində özünə əbədi məkan qurur.
Xalqın iftixar mənbəyi, qürur yerinə dönən Əli Mehdizadə həm də ölümündən sonra “Vətən uğrunda”, “Şücaətə görə”, “Cəsur döyüşçü” Şuşanın, Xocavəndin, Kəlbəcərin azadlığı uğrunda medallarına layiq görülüb.
Zəfər Orucoğlu,
Azərbaycan Jurnalistlər Birliyinin üzvü
aia.az
Məlumatlanmaq üçün Facebook səhifəmizi
Digər xəbərlər
Tarix: 15-08-2023 | Saat: 11:58
Bölmə:Özəl | çapa göndər
Vətən yolunda şəhid olan Əli
Şanlı hərb tariximizin qeyrət, qürur səhifəsi olan 44 günlük İkinci Qarabağ müharibəsində qazanılan qələbəmizdə Lənkəran elindən olan Əli Məcid oğlu Mehdizadə xüsusi şücaət göstərib. 30 il düşmən tapdağında qalan Vətən torpaqların azadlığı uğrunda müharibə meydanında son damla qanına qədər vuruşub şəhid olub. Arzusu, amalı bayrağa dönüb əzəli, əbədi yurd yerimiz Qarabağda ucalır. Beləcə, böyük bir xalqın qəhrəmanlıq simvoluna dönən Əli 19 yaşına yenicən qədəm qoymuşdu. Bu az yaşda bizim üçün zaman-zaman dəyərini itirməyən böyük mənəvi sərvət qoyur. Ən əsası Vətəni necə sevməyi, halal torpağını qorumağı öyrətdi bizlərə.
Əli Mehdizadə orta məktəbi bitirib ordu sıralarına yola düşəndə el-oba qarşısında yağı düşməndə qisas alacağına and içir. Və dediyini edir də.
Azərbaycan Ordusunun Xüsusi Təyinatlı Qüvvələrinin əsgəri olan Əli Mehdizadə layiqli bir övlad olaraq Vətən qarşısında borcunu şərəflə yerinə yetirir. Təlimlərə həvəslə qoşulur, üzləşdiyi sınaqlardan uğurla keçir. Hərbin sirlərinə mükəmməl yiyələnə-yiyələnə dığalara döyüşü meydanında gücünü göstərməyə hazırlaşır. Vacib məqamlarda cəsurluğu, igidliyi, mərdliyi tam bilinir. Bütün bunlara görə qəlbi Vətən eşqli əsgər Əli Mehdizadə xidmət etdiyi hissədə sözün həqiqi mənasında hamının sevimlisinə çevrilir.
2020-ci il sentyabrın 27-dən Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsinin ilk günündən Əli silahlanıb odun-alovun içinə atılır. Murovdağ, Cəbrayıl, Füzuli, Xocavənd və Şuşa savaşında düşmənə qan uddurub, onlarla canlı qüvvəsini, neçə-neçə hərbi texnikasını məhv edir. Ağır müharibə meydanlardan qələbələrlə çıxır. Azərbaycanın üçrəngli bayrağı azad olunmuş Vətən torpaqlarında dalğalananda ürəyi dağa dönür. Cəbrayıl istiqamətində çiynindən qəlpə yarası alır, müalicəsini yarımçıq qoyaraq yenidən döyüşən cəbhəyə qayıdır. İgid əsgər Əli 1 noyabr 2020-ci ildə axşam saatlarında Şuşanın Daşaltı kəndi istiqamətində gedən ağır döyüşlərdə qəhrəmancasına vuruşaraq hər kəsə qismət olmayan ali mərtəbəyə yüksəlir. Bu şərflə də milyonların ürəyində özünə əbədi məkan qurur.
Xalqın iftixar mənbəyi, qürur yerinə dönən Əli Mehdizadə həm də ölümündən sonra “Vətən uğrunda”, “Şücaətə görə”, “Cəsur döyüşçü” Şuşanın, Xocavəndin, Kəlbəcərin azadlığı uğrunda medallarına layiq görülüb.
Zəfər Orucoğlu,
Azərbaycan Jurnalistlər Birliyinin üzvü
aia.az
Məlumatlanmaq üçün Facebook səhifəmizi
Xəbəri paylaş
Digər xəbərlər
10-01-2025
