Mobil versiya
"Baku Steel Company"də partlayış: yaralılar var
Tarix: 01-07-2016 | Saat: 16:02
Bölmə:Manşet | çapa göndər

"Baku Steel Company"də partlayış: yaralılar var




"Baku Steel Company" zavodunda bu gün baş verən partlayışın səbəblərinin öyrənilməsi üçün komissiya yaradılıb.

Bunu Əmək və Əhalinin Sosial Müdafiəsi Nazirliyi Dövlət Əmək Müfəttişliyi Xidmətinin (DƏMX) rəis müavini Məhərrəm Məhərov bildirib.

Onun sözlərinə görə, komissiya DƏMX-nin sədrliyi ilə müəssisənin özünün işçilərinin, həmkarlar təşkilatının birgə iştirakı ilə yaradılıb.

"Baku Steel Company"dəki partlayışda yaralananlardan biri əməliyyat olunub

M.Məhərov qeyd edib ki, komissiyanın sabahdan işə başlayacağı gözlənilir: "Biz qəzanın hansı səbəbdən baş verməsi barədə hələlik məlumat verə bilmərik. Bunun üçün araşdırma aparılacaq. İstehsalatda təhlükəsizliyin təmin edilməsi ilə bağlı vəziyyət hec vaxt qənaətcil olmayıb və olmayacaq da. Bu, bütün dünyada belədir".

"Baku Steel Company" zavodunda 3 nəfərin xəsarət alması ilə nəticələnən partlayışla bağlı cinayət işi də başlanıb.

Trend-in məlumatına görə, hadisə ilə bağlı Nərimanov Rayon Pokurorluğunda Cinayət Məcəlləsini 162.1-ci (Əmək mühafizəsi qaydalarını pozma- texniki təhlükəsizlik və ya əmək mühafizəsinin başqa qaydalarına riayət edilməsi vəzifəsi həvalə edilmiş şəxs tərəfindən bu qaydaların pozulması nəticəsində ehtiyatsızlıqdan insan sağlamlığına ağır və ya az ağır zərər vurularsa) maddəsilə cinayət işi başlanıb.

Xatırladaq ki, "Baku Steel Company" zavodunda baş vermiş partlayış nəticəsində 3 nəfər xəsarət alıb və yaralılar Mərkəzi Neftçilər Xəstəxanasına yerləşdirilib. Onlardan 1982-ci il təvəllüdlü Natiq Salmanovun səhhəti ağır olduğundan dərhal əməliyyat olunub və hazırda xəstəxananın reanimasiya şöbəsinə yerləşdirilib.

Digər yaralı - 1971-ci il təvəllüdlü Məmməd Kərimov ayaq nayihəsindən sınıqla, Şabran rayon sakini 1959-cu il təvəllüdlü Nüsrəddin Səfərov isə yüngül xəsarətlə palata şəraitində müalicə olunurlar.

----------

14:23

Bakı şəhəri, Nərimanov rayonu, Z.Bünyadov prospektində yerləşən "Baku Steel Company" zavodunda istehsalat qəzası nəticəsində partlayış baş verib.

aia.az bildirir ki, partlayış nəticəsində beş nəfər xəsarət alıb.
Həmin şəxslər zavodda işləyənlər - Sumqayıt şəhər sakini 1951-ci il təvəllüdlü Ələsgər Ələsgərov, Masallı rayon sakini 1970-ci il təvəllüdlü Elsevər İbadullayev, 1971-ci il təvəllüdlü Məmməd Kərimov, Şabran rayon sakini 1959-cu il təvəllüdlü Nüsrətdin Səfərov və 1982-ci il təvəllüdlü Natiq Salmanovdur.
Yaralılar müxtəlif xəsarətlərlə xəstəxanaya yerləşdiriliblər.
Ə.Ələsgərov və E.İbadullayev tibbi yardım aldıqdan sonra evə buraxılıb, digər yaralıların vəziyyəti stabil ağırdır.
Faktla bağlı araşdırma aparılır.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024