Mobil versiya
AzTU tələbələri Azərbaycanda ilkə imza atıb -Fotolar
Tarix: 31-01-2023 | Saat: 19:47
Bölmə:Təhsil | çapa göndər

AzTU tələbələri Azərbaycanda ilkə imza atıb

Azərbaycan Texniki Universitetinin (AzTU) "InTech" komandasının üzvləri Nəqliyyat və logistika fakültəsinin IV kurs tələbəsi Mirsahib Ağazadə, İnformasiya və telekommunikasiya texnologiyaları fakültəsinin III kurs tələbəsi Ömər Ələsgərov və Energetika və avtomatika fakültəsinin I kurs tələbəsi Sübhan Ələsgər ilk dəfə Azərbaycan dilində proqramlaşdırılan 3D printer hazırlayıblar.

AzTU-nun “Cezeri Lab” laboratoriyasında hazırlanan 3D printer keyfiyyəti, sürəti və səssizliyi ilə digərlərindən fərqlənir. Bu cihaz kompüterdəki 3D modeli lay-lay çap edərək emal olunmasına imkan verir. 3D printerdə müxtəlif materiallardan istifadə etmək mümkündür. Ən çox istifadə olunan isə PLA (plastik) materialdır. Texnologiyanın ən böyük üstünlüyü dizaynların tez və asanlıqla çap olunub fiziki hala gətirilməsidir. Bu həm də dizayn və istehsal prosesini sürətləndirir.

Tələbələrin hazırladıqları sözügedən layihə təhsil müəssisələri və şəxsi istifadə üçün nəzərdə tutulub.

Qeyd edək ki, “Cezeri Lab” laboratoriyası Türk Əməkdaşlıq və Koordinasiya Agentliyi​ (TİKA) tərəfindən qurulub.




Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024