AZ RU Mobil versiya
Azərbaycan-Türkiyə həmkarlar ittifaqları arasında münasibətlər davamlı olaraq inkişaf etməkdədir - FOTOLAR
Tarix: 12-05-2022 | Saat: 11:09
Bölmə:Ölkə | çapa göndər

Azərbaycan-Türkiyə həmkarlar ittifaqları arasında münasibətlər davamlı olaraq inkişaf etməkdədir


Azərbaycan Həmkarlar İttifaqları Konfederasiyasının (AHİK) sədr müavini Cavanşir Alxasov Türkiyə Kamu Çalışanları Sendikaları Konfederasiyasının 7-ci qurultayında iştirak edib.

Tədbirdə çıxış edən C.Alxasov Azərbaycan-Türkiyə münasibətlərindən danışıb. Bildirib ki, bütün dünyaya nümunə olan və daim güclənən Azərbaycan-Türkiyə əlaqələrinin davamlı olaraq inkişafı türk dünyasını daha sıx şəkildə bir araya gətirməkdədir. Onun sözlərinə görə, Azərbaycan tarixinin ən şanlı səhifəsi olan 44 günlük Vətən müharibəsi dövründə qardaş Türkiyə dövləti Azərbaycana tam dəstəyini göstərdi. Bu qardaşlıq münasibətləri dayanmadan inkişaf edir, əməkdaşlığımızın yüksək səviyyəsi hərtərəfli əlaqələrin gücündən və sarsılmazlığından xəbər verir”.

Sədr müavini qeyd edib ki, Ulu Öndər Heydər Əliyevin “Bir millət, iki dövlət”, Türkiyə Respublikasının qurucusu Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” kəlamlarına əsaslanan Azərbaycan-Türkiyə qardaşlığı bütün sahələrdə hiss olunduğu kimi, həmkarlar ittifaqları sistemində də möhkəmlənməkdədir.

C.Alxasov Türkiyə Kamu Çalışanları Sendikaları Konfederasiyasının yaranmasının 30 illiyi münasibətilə AHİK adından quruma Azərbaycanın milli xalçasını hədiyyə edib.

Qeyd edək ki, qurultayda Öndər Kahveçi Türkiyə Kamu Çalışanları Sendikaları Konfederasiyasının yenidən başqanı seçilib.

C.Alxasov Türkiyəyə səfəri çərçivəsində qardaş ölkənin həmkarlar ittifaqı olan “Hak-İş” Konfederasiyasının sədri Mahmut Arslanla görüşüb. Söhbət zamanı Azərbaycanla Türkiyə arasında mövcud olan qardaşlıq münasibətlərindən, həmçinin iki qurum arasındakı əlaqələrdən, əməkdaşlığın daha da möhkəmləndirilməsi istiqamətində görülən işlərdən və perspektivlərdən danışılıb. C.Alxasov AHİK İcraiyyə Komitəsinin 12 avqust 2021-ci il tarixli qərarı ilə ötən il qardaş ölkədə baş vermiş yanğın nəticəsində məhv olmuş meşələrin bərpası üçün ayrılmış 17 100 manat pulu “Hak-İş” Konfederasiyasına təqdim edib.

aia.az
[xfvalue_fotolar image="6"] [xfvalue_fotolar image="7"] [xfvalue_fotolar image="8"] [xfvalue_fotolar image="9"] [xfvalue_fotolar image="10"] [xfvalue_fotolar image="11"] [xfvalue_fotolar image="12"] [xfvalue_fotolar image="13"] [xfvalue_fotolar image="14"] [xfvalue_fotolar image="15"] [xfvalue_fotolar image="16"] [xfvalue_fotolar image="17"] [xfvalue_fotolar image="18"] [xfvalue_fotolar image="19"] [xfvalue_fotolar image="20"] [xfvalue_fotolar image="21"] [xfvalue_fotolar image="22"] [xfvalue_fotolar image="23"] [xfvalue_fotolar image="24"] [xfvalue_fotolar image="25"] [xfvalue_fotolar image="26"] [xfvalue_fotolar image="27"] [xfvalue_fotolar image="28"] [xfvalue_fotolar image="29"] [xfvalue_fotolar image="30"]



Məlumatlanmaq üçün Facebook səhifəmizi

9129 dəfə oxunub.


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
25-05-2022