Mobil versiya
Yeni gənclər və idman naziri kimdir? - DOSYE
Tarix: 07-09-2021 | Saat: 14:09
Bölmə:Karusel / İdman | çapa göndər

Yeni gənclər və idman naziri kimdir? -


Xəbər verdiyimiz kimi, Fərid Qayıbov yeni gənclər və idman naziri təyin olunub.

Bəs yeni nazir kimdir?

aia.az oxu.az-a istinadən onun tərcümeyi-halını təqdim edir:

1979-cu ilin aprelin 24-də Bakıda anadan olub. Fərid Qayıbov 1995-сi ildə Bakı şəhəri 1 saylı orta ümumtəhsil məktəbini bitirib. Həmin il Azərbaycan Respublikası Nazirlər Kabineti nəzdində Azərbaycan Xalq Təsərrüfatını İdarəetmə İnstitutunun Biznesin təşkili və idarə edilməsi fakültəsinə qəbul olub.

1999-cu ildə Biznesin idarə edilməsi üzrə bakalavr, 2001-ci ildə isə magistr dərəcəsini əldə edib.

2014-cü ildə Sankt-Peterburqda P.F.Lesqaft adına Milli Dövlət Bədən Tərbiyəsi, İdman və Sağlamlıq Universitetində pedaqoji elmlər namizədi dərəcəsini əldə edib.

2021-ci ildə XXIV MEMOS İcraçı magistr proqramına (İdman təşkilatının idarə olunması üzrə icraçı magistr) qəbul olunub. Proqram Beynəlxalq Olimpiya Komitəsi, “Olimpiya Həmrəyliyi” və Avropa Olimpiya Komitələri tərəfindən dəstəklənir.

2000-ci ildən 2001-ci ilə kimi Azərbaycan Respublikası Dövlət Neft Şirkətinin “Balaxanıneft” Neft-qaz Hasilatı İdarəsinin anbarında işləyib.

2001-2003-cü illərdə “Balaxanıneft” Neft-qaz Hasilatı İdarəsinin Planlaşdırma şöbəsində iqtisadçı vəzifəsində çalışıb.

2013-cü ildən Milli Olimpiya Komitəsinin üzvü olan Fərid Qayıbov 2005-2006-cı illərdə Azərbaycan Gimnastika Federasiyasının baş meneceri, daha sonra baş katibi vəzifəsində çalışıb. O, 2017-ci ilədək bu vəzifədə çalışıb. Belə ki, Fərid Qayıbov 2017-ci ilin dekabrından Avropa Gimnastika İttifaqının prezidenti seçilib.

O, Tokio-2020 Olimpiya Oyunları çərçivəsində gimnastika növləri üzrə yarışlarda Apellyasiya Hakimlər Briqadasının üzvü olub.

2017-ci ilin dekabrın 18-də Azərbaycan Respublikasının Prezidenti İlham Əliyevin sərəncamına əsasən ölkəmizdə idmanın inkişafında göstərdiyi xidmətlərə görə “Azərbaycan Respublikası Prezidentinin fəxri diplomu” ilə təltif olunub

Ailəlidir, iki oğlu və bir qızı var.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024