AZ RU Mobil versiya
"Real Madrid"in prezidenti Kasilyas və Raulu fırıldaqçı adlandırdı
Tarix: 14-07-2021 | Saat: 16:18
Bölmə:İdman | çapa göndər

"Real Madrid"in prezidenti Kasilyas və Raulu fırıldaqçı adlandırdı

İspaniya "Real Madrid"inin prezidenti Florentino Peres komandanın əfsanələri - keçmiş qapıçı İker Kasilyas və hücumçu Raul Qonsalesi tənqid edib.

"El Confidencial" nəşri bununla bağlı audioyazı dərc edib.

Həmin audioyazıda Peres Kasilyasın "kral klubu"na uyğun qapıçı olmadığını bildirib: "İstəyirsiniz ki, bunu sizə mən deyim? Kasilyas heç vaxt bizə münasib qapıçı olmayıb. Bu, bizim üçün böyük uğursuzluq idi. Sadəcə, ona hörmət edənlər İkeri çox güclü müdafiə edirlər. Ən böyük fırıldaqçılardan biri Kasilyas, digəri isə Rauldur".

Qeyd edək ki, İker Kasilyas və Raul Qonsales karyeralarının böyük hissəsini "Real Madrid"də keçirib. Kasilyas "kral klubu"nda 8 yaşından oynamağan başlayıb. O, peşəkar müqavilə bağladıqdan sonra 17 mövsüm ərzində paytaxt komandasında 5 dəfə İspaniya çempionluğu, 2 dəfə ölkə kuboku, 4 dəfə ölkə Super Kuboku, 3 dəfə Çempionlar Liqası, 2 dəfə UEFA Super Kuboku, eləcə də Qitələrarası Kubok və klublararası dünya çempionluğu qazanıb. Hazırda 40 yaşında olan sabiq qolkiper 2015-ci ildə Portuqaliya "Portu"suna keçib.

44 yaşlı Raul isə "kral klubu"nda 741 oyuna 323 qol vurub və 16 mövsüm ərzində 16 titula yiyələnib. O, 3 dəfə Çempionlar Liqası, 6 dəfə İspaniya çempionluğu və UEFA Super Kubokuna sahib çıxıb.

AİA.Az



Məlumatlanmaq üçün Facebook səhifəmizi

261 dəfə oxunub.


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
04-08-2021